កីឡា

លោក ហែម គីរី ចង់ឲ្យមានកម្មវិធីប្រកួតសម្រាប់កុមារៗបែបនេះឲ្យបានច្រើនទៀត

បានផុស

២ ខែ មុន

នៅ

ថ្ងៃចន្ទ ១១ ឧសភា ២០២៦

ដោយ

លោក ហែម គីរី អគ្គលេខាធិការសហព័ន្ធខ្មែរកីឡាហែលទឹក ថាលោកចង់ឲ្យមានការប្រកួតសម្រាប់កុមារតូចៗបែបនេះឲ្យបានច្រើនថែមទៀត ព្រោះជាការបណ្ដុះមូលដ្ឋានផ្នែកកីឡានេះល្អណាស់ និងជាការរួមចំណែកបង្កើនធនធានកីឡាករ កីឡាការិនីនៅថ្ងៃអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពប្រកួត

អគ្គលេខាធិការលោក ហែម គីរី បានឲ្យដឹងថា នេះជាលើកទី៣ ហើយដែលកីឡាហែលទឹកត្រូវបានដាក់បញ្ចូលក្នុងកម្មវិធីប្រកួតកីឡាសិស្សបឋមសិក្សាថ្នាក់ជាតិ។ ការរៀបចំពីមួយឆ្នាំទៅមួយឆ្នាំចំនួនកីឡាករ កីឡាការិនីដែលជាកុមារៗចូលរួមកាន់តែច្រើនឡើងៗ។

ទិដ្ឋភាពប្រកួត

ក្នុងនាមសហព័ន្ធចង់ឲ្យមានការប្រកួតបែបកុមារនេះឲ្យបានច្រើនថែមទៀត ព្រោះការប្រកួតនេះបណ្ដុះនូវមូលដ្ឋានគ្រឹះដល់ពួកគេ។ កីឡាហែលទឹកនេះត្រូវការបណ្ដុះបណ្ដាលរយៈពេលវែង និងត្រូវការបំផុតអ្នកដែលមានមូលដ្ឋានពីវ័យក្មេងៗទើបឈានទៅរកការហ្វឹកហាត់ស្ដង់ដាពីមួយកម្រិតទៅមួយកម្រិតទៀតបាន។

ទិដ្ឋភាពប្រកួត

បញ្ជាក់ដែរថា សហព័ន្ធខ្មែរកីឡាហែលទឹកបានបិទបញ្ចប់ការប្រកួតរបស់ខ្លួនដោយរលូន និងជោគជ័យកាលពីថ្ងៃទី៨ ខែឧសភា ឆ្នាំ២០២៦ ក្នុងព្រឹត្តិការណ៍កីឡាសិស្សបឋមសិក្សាថ្នាក់ជាតិ។ ចំណាត់ថ្នាក់លេខ១ បានលើខេត្តព្រៃវែង ឈ្នះមេដាយសរុប ៦គ្រឿង មាស២ ប្រាក់៣ សំរឹទ្ធ១។ លេខ២ បានលើរាជធានីភ្នំពេញ ឈ្នះមេដាយសរុប ៤គ្រឿង មាស២ ប្រាក់២។ លេខ៣ បានលើខេត្តកណ្ដាល ឈ្នះមេដាយសរុប ៣គ្រឿង មាស២ សំរឹទ្ធ១៕