កីឡា

ឃួង ឡាំកូស៊ីន បញ្ជាក់ពីស្ថានភាពរបួសរបស់ខ្លួនក្រោយភ្លាត់សន្លប់នៅសង្វៀនបាយ័ន

បានផុស

១ year មុន

នៅ

ថ្ងៃចន្ទ ៣១ មីនា ២០២៥

ដោយ

កីឡាករគុនខ្មែរ ឃួង ឡាំកូស៊ីន ថារបួសរបស់ខ្លួនមិនធ្ងន់ធ្ងរខ្លាំងនោះទេ ពោលបែកមាត់ទាំងខាងក្រៅ និងខាងក្នុងដេរសរុប ៦ថ្នេរសម្រាកត្រឹម ៤-៥ថ្ងៃហ្វឹកហាត់វិញបានហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ឃួង ឡាំកូស៊ីន

ឃួង ឡាំកូស៊ីន អរគុណអ្នកស្រឡាញ់គាំទ្រដែលបារម្ភចំពោះរបួសរបស់ខ្លួនដែលចាញ់សន្លប់កាលពីថ្ងៃសៅរ៍នៅសង្វៀនបាយ័នកន្លងទៅនេះ។ ចំពោះរបួសមិនសូវធ្ងន់ធ្ងរនោះទេ ពោលបែកមាត់ត្រូវដេរ ៦ថ្នេរ និងសម្រាកប៉ុន្មានថ្ងៃអាចហាត់វិញបានហើយ។

សង្វៀនស៊ីម៉ង់អូដ្ឋ

អ្នកប្រដាល់មកពីខេត្តបន្ទាយមានជ័យខាងលើបន្ថែមទៀតថា ខ្លួនរត់ហាត់ជាធម្មតាទេ ប៉ុន្តែមិនទាន់ហ៊ានចូលស៊ីប ឬហាត់ខ្លាំងដូចនោះឡើយ។ រង់ចាំរបួសជាសះស្បើយបាន ៤-៥ថ្ងៃទើបបុកហាត់ខ្លាំងដូចដើមវិញត្រៀមឡើងប្រកួតទី២ នៃកម្មវិធីខ្សែក្រវាត់ស៊ីម៉ង់អូដ្ឋ។

បញ្ជាក់ដែរថា កីឡាករ ឃួង ឡាំកូស៊ីន បានចាញ់សន្លប់នៅទឹកទី២ ក្រោយភ្លាត់ចូលកែងបករបស់កីឡាករម៉ាឡេស៊ី អ៊ូម៉ា រេដ វូហ្វ។ ឡាំកូស៊ីន ជាបេក្ខភាពខ្មែរមួយរូបក្នុងចំណោម ៣រូបទៀតរួមមាន វ៉ាន់ វឿន ពេជ្រ អាទិទេព សូដា សូសែន ឆ្ពោះទៅដណ្ដើមខ្សែក្រវាត់ស៊ីម៉ង់អូដ្ឋ៕