កីឡា
គួរឲ្យស្ដាយ! កីឡាសក្ដានុពលកម្ពុជា «ហែលទឹកពាក់ជើងទាមិនដាក់ឲ្យប្រកួតស៊ីហ្គេម នៅថៃ»
កីឡាសក្ដានុពលមួយរបស់កម្ពុជាគឺ ហែលទឹកពាក់ជើងទា មិនមានដាក់ឲ្យប្រកួតប្រជែងមេដាយក្នុងព្រឹត្តិការណ៍ស៊ីហ្គេម លើកទី៣៣ ដែលគ្រោងធ្វើនៅឯប្រទេសថៃ អំឡុងខែធ្នូ ឆ្នាំ២០២៥ នេះទេ។
ការប្រកួតហែលទឹកពាក់ជើងទា (Bifin)
នេះបើតាមលោក ហែម ពន្លឺ មន្ត្រីសហព័ន្ធខ្មែរកីឡាហែលទឹក និងជាគ្រូបង្វឹកបានឲ្យដឹងថា ជាការសោកស្ដាយមួយដែរសម្រាប់ផ្នែកកីឡាហែលទឹកដែលខាងប្រទេសថៃមិនដាក់បញ្ចូលកីឡាហែលទឹកពាក់ជើងទានៅព្រឹត្តិការណ៍ស៊ីហ្គេម លើកទី៣៣ នេះ។
កម្ពុជាអាចនឹងខាតមេដាយខ្លះដែរ ព្រោះប្រសិនបើមានកីឡាហែលទឹកពាក់ជើងទានេះឲ្យលេងអាចនឹងទទួលបានមេដាយបន្ថែមលោកជឿជាក់។ កន្លងទៅទាំងនៅស៊ីហ្គេមវៀតណាម និងកម្ពុជា ប្រភេទកីឡាមួយសុទ្ធតែឈ្នះមេដាយរួមមាន មាស ប្រាក់ និងសំរឹទ្ធ ជាដើម។
លោក ហែមថុន ពន្លឺ
គ្រូជំនាញរូបនេះបន្ថែមទៀតថា អ្វីដែលស្ដាយជាងនេះទៅទៀតការខំប្រឹងរបស់សិស្សៗដែលពួកគេបានហ្វឹកហាត់ត្រៀមជាយូរដែរហើយសម្រាប់ចូលរួមប្រកួតស៊ីហ្គេមនៅថៃលើកនេះ។ ប៉ុន្តែបែរជាទទួលដំណឹងមកថាខាងម្ចាស់ផ្ទះមិនដាក់បញ្ចូលទៅវិញ។ ការមិនដាក់បញ្ចូលនេះតាមលោកដឹងដោយសារខាងថៃមិនសូវរកមេដាយបានលើប្រភេទកីឡាមួយនេះ។
រូបភាពផេកសហព័ន្ធ
បញ្ជាក់ដែរថា កីឡាហែលទឹកពាក់ជើងទាជាប្រភេទកីឡាថ្មី ប៉ុន្តែមានសក្ដានុពលសម្រាប់កម្ពុជាបើទោះជាចាប់ផ្ដើមហ្វឹកហាត់ទើបបានតិចឆ្នាំក្ដី។ នៅស៊ីហ្គេម លើកទី៣១ ឯប្រទេសវៀតណាម គឺកម្ពុជាឈ្នះមេដាយសំរឹទ្ធ ១គ្រឿង ចំណែកស៊ីហ្គេម លើកទី៣២ នៅកម្ពុជា ផ្នែកកីឡាហែលទឹកពាក់ជើងទានេះបន្តឈ្នះមេដាយជាថ្មីទៀតគឺ មាស ២ ប្រាក់ ១ សំរឺទ្ធ ៤។ បើតាមប្រភពពី Wikipedia ស៊ីហ្គេម ឯប្រទេសថៃ ឆ្នាំនេះមាន ៥០ប្រភេទកីឡា និងមាន ៥៧៤ វិញ្ញាសា។ ស៊ីហ្គេម លើកទី៣៣ នេះនឹងចាប់ផ្ដើមពីថ្ងៃទី៩ ខែធ្នូ ដល់ ២០ ខែធ្នូ ឆ្នាំ២០២៥៕
លោក ហែមថុន ពន្លឺ ពេលបង្ហាត់សិស្ស
អត្ថបទដោយ៖ នួន ស៊ីណា
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៨ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម