កីឡា

កីឡាករ Andres Neito ចាត់ទុកជិត៦ឆ្នាំនៅកម្ពុជាជាពេលវេលាដ៏អស្ចារ្យ ទើបសម្រេចចិត្តចាកចេញ

បានផុស

១ year មុន

នៅ

ថ្ងៃពុធ ២៨ ឧសភា ២០២៥

ដោយ

កីឡាករ Andres Neito បានសម្រេចចាកចេញពីក្លិប ភ្នំពេញក្រោន ហើយបន្ទាប់ពីចំណាយពេលវេលានៅក្លិបកម្ពុជាជិត៦ឆ្នាំ។ រយៈពេលពេលនេះកីឡាករបានចាត់ទុកអស្ចារ្យបំផុតសម្រាប់ខ្លួនមុនពេលសម្រេចចិត្តចាកចេញ។

កីឡាករ Andres Neito ថ្ងៃទទួលពានសម្តេចតេជោ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងបទសម្ភាសជាមួយ«កម្ពុជាថ្មី» ម្ចាស់ស្បែកជើងមាសលីគកំពូលកម្ពុជារដូវកាល២០២៤-២៥ បានលើកឡើងថា វាជាអារម្មណ៍ដ៏អស្ចារ្យមួយ សម្រាប់រយៈពេលជិត៦ឆ្នាំជាមួយ ក្លិបភ្នំពេញក្រោន។

កីឡាករ Andres Neito បាននិយាយថា ៖««ខ្ញុំដឹងថា ខ្ញុំមានអារម្មណ៍កម្ពុជាជាប្រទេសរបស់ខ្ញុំ ពីព្រោះប្រទេសនេះបានផ្តល់លិខិតឆ្លងដែនឲ្យខ្ញុំ បានផ្តល់ឲ្យអ្វីៗគ្រប់យ៉ាង។ រយៈពេល៥ឆ្នាំ ស្ទើរតែ៦ឆ្នាំ វាមានអ្វីៗច្រើនណាស់។ ខ្ញុំមានអារម្មណ៍ខ្ញុំជាប្រជាជនកម្ពុជា»។

សុខសន្តិភាព និងវប្បធម៌ជាអ្វីដែលកីឡាកររូបនេះពេញចិត្តបំផុតក្នុងការរស់នៅកម្ពុជា។ ប្រជាជននៅទីនេះកក់ក្តៅ និងចេះជួយគ្នាដោយមិនគិតពីការតបស្នង។ ទោះបីជាយ៉ាងណា រយៈពេលជិត៦ឆ្នាំកន្លងទៅនេះគឺពេញចិត្តហើយសម្រាប់កីឡាករដើមកំណើតកូឡុំប៊ី-សញ្ជាតិខ្មែរនៅកម្ពុជា និងស្វែងការប្រកួតប្រជែងថ្មី។

កីឡាករ Andres Neito ឈ្នះពានស្បែកជើងមាសលីគកម្ពុជា

កីឡាករបានលើកឡើងថា ៖«ខ្ញុំគិតថា ខ្ញុំនឹងចាកចេញពីក្លិប ពីព្រោះខ្ញុំដឹងថា ខ្ញុំបានបង្កើតស្នាដៃនៅក្នុងលីគរួចហើយ។ ខ្ញុំជាម្ចាស់ស្បែកជើងមាសនៅលីគ ហើយពានរង្វាន់នេះរឹតតែសំខាន់ ពីព្រោះក្លិបខកខានឈ្នះយូរហើយ ដូច្នេះខ្ញុំដឹងថា ពួកគេនឹងចងចាំខ្ញុំ។ នេះជាផ្ទះរបស់ខ្ញុំ ហើយសង្ឃឹមវិលត្រឡប់មកវិញថ្ងៃណាមួយ»។

កីឡាករ Andres Neito ឈ្នះពានកីឡាករល្អជាងគេ

ក្នុងរយៈពេលជិតឆ្នាំជាមួយភ្នំពេញក្រោន Andres Neito បានឈ្នះជើងឯកលីគកំពូលកម្ពុជា២លើកគឺ២០២១ និង២០២២, ឈ្នះពានសម្តេចតេជោ ហ៊ុន សែន រដូវកាល២០២៤-២៥, ពានខេមបូឌានស៊ុបភើខាប់ ឆ្នាំ២០២២ និង២០២៣, ពានខេមបូឌានលីគខាប់ឆ្នាំ២០២២ និង២០២៣ ព្រមទាំងពានឯកត្តជនដូចជា ពានកីឡាករល្អប្រចាំលីគកម្ពុជា និងជាម្ចាស់ស្បែកជើងមាស៕