កីឡា

សហព័ន្ធកីឡាវាយសីកម្ពុជា លើកឡើងពីការប្រមូលផ្ដុំកីឡាករឆ្ពោះទៅស៊ីហ្គេម លើកទី៣៣ ឆ្នាំ២០២៥

បានផុស

១ year មុន

នៅ

ថ្ងៃអង្គារ ៣ មិថុនា ២០២៥

ដោយ

អគ្គលេខាធិការសហព័ន្ធកីឡាវាយសីកម្ពុជា ការប្រមូលផ្ដុំកីឡាករជម្រើសជាតិឆ្នាំនេះមាន ៨រូប និងក្រុមថ្នាលមានចំនួន ៤រូបផងដែរដើម្បីត្រៀមការប្រកួតស៊ីហ្គេម លើកទី៣៣ ឆ្នាំ២០២៥ នៅឯប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពប្រកួតកន្លងទៅ (រូបភាពផេកសហព័ន្ធ)

លោក កែវ រស់ អគ្គលេខាធិការសហព័ន្ធបានឲ្យដឹងថា ការប្រមូលផ្ដុំរបស់ក្រសួងអប់រំ យុវជន និងកីឡា គឺដំណើរការដូចសហព័ន្ធកីឡាជាតិដទៃដែរ។ សម្រាប់ឆ្នាំនេះគឺប្លែកបន្តិចដោយសារការប្រមូលផ្ដុំជម្រើសជាតិមានតែផ្នែកបុរសប៉ុណ្ណោះ ដូច្នេះវិញ្ញាសាផ្នែកនារីមិនមានទេ។

ទិដ្ឋភាពប្រកួតកន្លងទៅ (រូបភាពផេកសហព័ន្ធ)

កីឡាករជម្រើសជាតិដែលត្រូវបានប្រមូលផ្ដុំគឺមាន ៨រូប និងក្រុមថ្នាលមាន ៤រូប ដែលពួកគេត្រូវមកហ្វឹកហាត់នៅទីតាំងរបស់សហព័ន្ធកីឡាវាយសីក្នុងពហុកីឡដ្ឋានជាតិតាមផែនការរបស់សហព័ន្ធ។ ដោយឡែកក្រោយបញ្ចប់ការហ្វឹកហាត់នៅក្រុមជម្រើសជាតិពួកគេអាចចេញទៅបន្តហ្វឹកហាត់តាមទីលានរបស់ខ្លួនផ្សេងៗទៀតបាន។

លោក កែវ រស់ អគ្គលេខាធិការសហព័ន្ធ

ចំពោះការត្រៀមខ្លួនឆ្ពោះទៅស៊ីហ្គេម ខែធ្នូ ឆ្នាំ២០២៥ ខាងមុខនេះសហព័ន្ធបានផ្ដោត និងមានផែនការយុទ្ធសាស្ត្រច្រើនដើម្បីអនុវត្តន៍ផងដែរ។ ទី១ សហព័ន្ធបង្កើតឲ្យមានជាការប្រកួតជារៀងរាល់ខែដើម្បីពង្រឹងសមត្ថភាព និងដឹងពីចំណុចខ្លាំង និងភាពខ្វះខាតរបស់កីឡាករ។ ទី២ សហព័ន្ធស្វះស្វែង និងទំនាក់ទំនងភាគីពាក់ព័ន្ធនានាដើម្បីរកឱកាសបញ្ជូនកីឡាករជម្រើសជាតិ ឬថ្នាលបានចេញទៅហ្វឹកហាត់នៅក្រៅប្រទេសថែមទៀតតាមដែរអាចធ្វើទៅបាន។

ក្រុមកីឡាវាយសីកម្ពុជា

បញ្ជាក់ដែរថា ព្រឹត្តិការណ៍ស៊ីហ្គេម លើកទី៣៣ ឆ្នាំ២០២៥ នេះនឹងធ្វើឡើងនៅឯប្រទេសថៃ ចាប់ពីថ្ងៃទី៩ ដល់ ២០ ខែធ្នូ ឆ្នាំ២០២៥។ ម្ចាស់ផ្ទះថៃនឹងដាក់ ៥០ប្រភេទកីឡាដើម្បីប្រកួតប្រជែងមេដាយ។ សម្រាប់កម្ពុជាគ្រោងនឹងបញ្ជូនកីឡាចំនួន ៤០ប្រភេទក្នុងនោះក៏មានប្រភេទកីឡាវាយសីផងដែរដើម្បីប្រជែងមេដាយជូនជាតិមាតុភូមិ៕

ទិដ្ឋភាពប្រកួតកន្លងទៅ (រូបភាពផេកសហព័ន្ធ)

អត្ថបទដោយ៖ នួន ស៊ីណា

Related Topics:កីឡាវាយសីកីឡាស៊ីហ្គេម

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា