កីឡា

ក្រុមវាយសីនគរបាលឥណ្ឌូណេស៊ី ពិតជាខ្លាំងមែនឈ្នះមេដាយមាស ៤គ្រឿងសូម្បីម្ចាស់កម្ពុជាមិនអាចទប់ជាប់ឡើយ

បានផុស

១ ខែ មុន

នៅ

ថ្ងៃចន្ទ ១ មិថុនា ២០២៦

ដោយ

ក្រុមកីឡាវាយសីនគរបាលរបស់ប្រទេសឥណ្ឌូណេស៊ី ពិតជាជើងខ្លាំងប្រចាំតំបន់មែនក្នុងព្រឹត្តិការណ៍កីឡានគរបាលអាស៊ីអាគ្នេយ៍ និងពានអភិសន្ដិបណ្ឌិត ស សុខា លើកទី២ នៅកម្ពុជានេះដោយឈ្នះមេដាយមាស ៤ និងប្រាក់ ២គ្រឿង ជាប់ចំណាត់ថ្នាក់លេខ១ ខណៈម្ចាស់ផ្ទះមិនអាចទៅរួចជាភ្ញៀវនេះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីបំពាក់មេដាយ

សមាជិកនៃក្រុមកីឡាវាយសីនគរបាលកម្ពុជាគឺកីឡាករ វ៉ាត់ វណ្ណធុន និងមិត្តរួមក្រុមបានឲ្យដឹងថា ការប្រកួតនៅឆ្នាំនេះគឺមានភាពតានតឹងពិសេសមានការចូលរួមពីប្រទេសឥណ្ឌូណេស៊ីដែលជាជើងខ្លាំងប្រចាំតំបន់លើប្រភេទកីឡាមួយនេះតែម្ដង។

ក្រុមកម្ពុជា

តំណាងក្រុមកម្ពុជាខាងលើបន្ថែមទៀតថា កីឡាកររបស់ប្រទេសឥណ្ឌូណេស៊ីគឺលេងបានល្អខ្លាំងពិសេសបច្ចេកទេស បទពិសោធ និងកម្លាំងក្នុងការប្រកួត។ ក្រុមកម្ពុជានៅមានចំណុចខ្វះខាតច្រើនទៀតបើប្រៀបធៀបជាមួយខាងឥណ្ឌូណេស៊ីនោះ។ ចំណុចពិបាកទាំងនេះហើយដែលខាងកម្ពុជាមិនអាចប្រជែងមេដាយបានច្រើនជាមួយឥណ្ឌូណេស៊ី។

ពិធីបំពាក់មេដាយ

បញ្ជាក់ដែរថា ក្រុមប្រឹក្សាកីឡាក្រសួងមហាផ្ទៃបានរៀបចំការព្រឹត្តិការណ៍កីឡាវាយសីនគរបាលអាស៊ីអាគ្នេយ៍ និងពានរង្វាន់អភិសន្តិបណ្ឌិត ស សុខា លើកទី២ ឆ្នាំ២០២៥ ដែលប្រារព្ធធ្វើឡើងចាប់ពីថ្ងៃទី២៦ ដល់ ៣០ ខែឧសភា ២០២៦ នេះនៅរាជធានីភ្នំពេញ។ ប្រទេសជាប់ចំណាត់ថ្នាក់លេខ១ បានលើនគរបាលឥណ្ឌូណេស៊ី ឈ្នះមេដាយមាស ៤ និងប្រាក់ ២គ្រឿង។ ចំណាត់ថ្នាក់លេខ២ បានលើនគរបាលកម្ពុជា ឈ្នះមេដាយប្រាក់ ១ និងសំរឹទ្ធិ ២គ្រឿង។ ចំណាត់ថ្នាក់លេខ៣ បានលើនគរបាលវៀតណាម ឈ្នះមេដាយប្រាក់ ១ និងសំរឹទ្ធិ ២គ្រឿង៕