កីឡា

លោក សរ សិទ្ធិ ព្រឹត្តិការណ៍ជើងឯកវាយសីនគរបាលអាស៊ីអាគ្នេយ៍រួមចំណែកលើកស្ទួយវិស័យកីឡានៅកម្ពុជា

បានផុស

១ ខែ មុន

នៅ

ថ្ងៃអង្គារ ២៦ ឧសភា ២០២៦

ដោយ

ព្រឹត្តិការណ៍ប្រកួតកីឡាវាយសីជ្រើសរើសជើងឯកនគរបាលអាស៊ីអាគ្នេយ៍ (Southeast Asia Police Badminton Championship) និងពានរង្វាន់អភិសន្តិបណ្ឌិត ស សុខា លើកទី២ ចាប់ពូលរួចរាល់ហើយ ខណៈស្អែកនេះដំណើរការប្រកួតជាផ្លូវនៅទីលានក្នុងសាលាបឋមសិក្សាចៅពញាហុក រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពានរង្វាន់

លោក សរ សិទ្ធិ ប្រធានគណៈកម្មការរៀបចំការប្រកួតបានឲ្យដឹងថា ព្រឹត្តិការណ៍ប្រកួតកីឡាវាយសីជ្រើសរើសជើងឯកនគរបាលអាស៊ីអាគ្នេយ៍ រៀបចំឡើងក្នុងគោលបំណងដើម្បីរួមចំណែកលើកកម្ពស់វិស័យកីឡានៅកម្ពុជា និងបណ្តុះស្មារតីស្រឡាញ់កីឡាដើម្បីសុខភាព។

ការប្រកួតនេះនឹងជួយរឹតចំណងសាមគ្គីភាព មិត្តភាព និងកិច្ចសហប្រតិបត្តិការលើវិស័យកីឡាជាមួយបណ្តាប្រទេសនៅក្នុងតំបន់ឱ្យកាន់តែមានភាពជិតសិ្នទ្ធ និងចូលរួមលើកកម្ពស់កិត្យានុភាពឧត្តមភាពរបស់កម្ពុជាលើឆាកអន្តរជាតិ។ នេះជាការរឹតចំណងសាមគ្គីភាព មិត្តភាពរវាងអគ្គនាយកដ្ឋាន អង្គភាពនានាចំណុះក្រសួងមហាផ្ទៃ និងបណ្តាក្លឹបកីឡាវាយសីនានានៅកម្ពុជាផងដែរ។

លោក សរ សិទ្ធិ

ការរៀបចំព្រឹត្តិការណ៍ប្រកួតនេះគឺជាលើកទី២ ហើយបន្ទាប់ពីព្រឹត្តិការណ៍លើកទី១ កាលពីឆ្នាំ២០២៤ ប្រកបដោយភាពរីករាយ និងជោគជ័យជាពិសេសទទួលបាននូវការលើកសរសើរពីថ្នាក់ដឹកនាំ និងបណ្ដាប្រទេសចូលរួមកន្លងមក។ ក្នុងនាមគណៈកម្មការរៀបចំការប្រកួតសូមថ្លែងអំណរគុណដល់ក្លឹបទាំងអស់ដែលបានខិតខំរៀបចំឱ្យមានកីឡាករបានចូលរួមក្នុងព្រឹត្តិការណ៍នេះ។

ទិដ្ឋភាពសន្និសីទសារព័ត៌មាន

បញ្ជាក់ដែរថា ព្រឹត្តិការណ៍ប្រកួតកីឡាវាយសីជ្រើសរើសជើងឯកនគរបាលអាស៊ីអាគ្នេយ៍ (Southeast Asia Police Badminton Championship) និងពានរង្វាន់ឯកឧត្តមអភិសន្តិបណ្ឌិត ស សុខា លើកទី២ នេះមានប្រទេសចូលរួមសរុប ៥ប្រទេសរួមទាំងកម្ពុជា។ ប្រទេសដែលបានមកចូលរួមនេះរួមមានវៀតណាម ឡាវ ឥណ្ឌូណេស៊ី ទីម័រលេស។ ការប្រកួតនេះចាប់ផ្ដើមពីថ្ងៃទី២៦ ដល់ ៣០ ខែឧសភា ឆ្នាំ២០២៦ នៅទីតាំងវាយសី នៃមជ្ឈមណ្ឌលអភិវឌ្ឍធនធានកីឡាជាតិកម្ពុជាក្នុងបរិវេណសាលាបឋមសិក្សាចៅពញាហុកស្ថិតក្នុងសង្កាត់បឹងកេងកង១ ខណ្ឌបឹងកេងកង រាជធានីភ្នំពេញ៕