កីឡា

ប្រមុខដឹកនាំក្រសួងមហាផ្ទៃ សង្ឃឹមបណ្ដាប្រទេសតំបន់អាស៊ាននឹងរៀបចំការប្រកួតកីឡាវាយសីនគរបាលនេះបន្តបន្ទាប់នៅឆ្នាំក្រោយៗ

បានផុស

១ ខែ មុន

នៅ

ថ្ងៃសៅរ៍ ៣០ ឧសភា ២០២៦

ដោយ

ប្រមុខដឹកនាំក្រសួងមហាផ្ទៃ លោក ស សុខា ថាព្រឹត្តិការណ៍កីឡាវាយសីនគរបាលអាស៊ីអាគ្នេយ៍នេះគឺបានផ្លាស់ប្ដូរបទពិសោធល្អៗគ្នាទៅវិញទៅមកផង និងបានរឹតចំណងមិត្តភាពបន្ថែមទៀតផងជាមួយបណ្ដាប្រទេសចូលរួម។ លោកសង្ឃឹមថាបណ្ដាប្រទេសក្នុងតំបន់អាស៊ាននឹងយកព្រឹត្តិការណ៍វាយសីនេះទៅរៀបចំបន្តបន្ទាប់នៅឆ្នាំក្រោយៗទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពបិទការប្រកួតនៅមុននេះ

លោក ស សុខា ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានលើកឡើងថា ព្រឹត្តិការណ៍កីឡាវាយសីនគរបាលអាស៊ីអាគ្នេយ៍នេះបានធ្វើឲ្យមន្ត្រីដែលជាកីឡាករ កីឡាការិនីទាំងក្នុងប្រទេសកម្ពុជាក៏ដូចជាប្រទេសផ្សេងៗដែលចូលរួមនេះបានបង្ហាញសមត្ថភាព និងបានផ្លាស់ប្ដូរបទពិសោធល្អៗពីគ្នាទៅវិញទៅមក។ លោកសង្ឃឹមថាបណ្ដាផ្សេងៗនៅតំបន់អាស៊ាននេះនឹងយកព្រឹត្តិការណ៍ទៅរៀបចំបន្តបន្ទាប់នៅឆ្នាំក្រោយៗទៀត។

ទិដ្ឋភាពបិទការប្រកួតនៅមុននេះ

ថ្នាក់ដឹកនាំខាងលើបន្ថែមទៀតថា ក្រៅតែពីបទពិសោធដែលទទួលបានហើយនោះគឺព្រឹត្តិការណ៍នេះបានរឹតចំណងមិត្តភាពរវាងគ្នា និងបង្កើនសាមគ្គីភាពផងដែរ។ លោកថ្លែងអំណរគុណដល់គណៈកម្មាធិការរៀបចំការប្រកួតមួយនេះ ក្រុមកីឡាករ កីឡាការិនីដែលចូលរួមទាំងអស់ដែលបានខិតខំប្រឹងប្រែងប្រកួត និងគោរពបានតាមលក្ខន្តិកៈរហូតធ្វើឲ្យកម្មវិធីបញ្ចប់ទៅដោយរលូន។

ទិដ្ឋភាពប្រកួតកន្លងទៅ

សូមជម្រាបថាក្រោយប្រកួតយ៉ាងស្វិតស្វាញរយៈពេល ៥ថ្ងៃលទ្ធផលដែលទទួលបានមានដូចខាងតទៅ៖
I. ពានរង្វាន់នគរបាលអាស៊ីអាគ្នេយ៍
– នគរបាលឥណ្ឌូណេស៊ី ជាប់ចំណាត់ថ្នាក់លេខ១ ដណ្តើមបានមេដាយមាស ៤គ្រឿង និងមេដាយប្រាក់ ២គ្រឿង
– នគរបាលកម្ពុជា ជាប់ចំណាត់ថ្នាក់លេខ២ ដណ្តើមមេដាយប្រាក់ ១គ្រឿង និងសំរឹទ្ធិ ២គ្រឿង
– នគរបាលវៀតណាម ជាប់ចំណាត់ថ្នាក់៣ មេដាយប្រាក់ ១គ្រឿង និងសំរឹទ្ធិ ២គ្រឿង

II. វិញ្ញាសាក្លឹបចំណុះអគ្គនាយកដ្ឋាននៃក្រសួងមហាផ្ទៃ
– អគ្គនាយកដ្ឋានអន្តោប្រវេសន៍ ជាប់ចំណាត់ថ្នាក់១ ដណ្តើមបានមេដាយមាស ១គ្រឿង និងប្រាក់ ១គ្រឿង
– អគ្គនាយកដ្ឋានអត្តសញ្ញាណកម្ម ជាប់ចំណាត់ថ្នាក់លេខ២ ដណ្តើមបានមេដាយមាស ១គ្រឿង និងមេដាយសំរឹទ្ធិ ១គ្រឿង
– ក្រុមប្រឹក្សាកីឡាក្រសួងមហាផ្ទៃ ជាប់ចំណាត់ថ្នាក់លេខ៣ ដណ្តើមបានមេដាយប្រាក់ ១គ្រឿង
– ក្លឹបខុទ្ធកាល័យឯកឧត្តមអភិសន្តិបណ្ឌិត ជាប់ចំណាត់ថ្នាក់លេខ៤ ដណ្តើមមេដាយបានសំរឹទ្ធិ ១គ្រឿង។

III. ការប្រកួតក្លឹបចំណុះក្រសួងរាជធានី-ខេត្ត ក្រសួង
– ក្លិប Quang Sport Can Tho ជាប់ចំណាត់ថ្នាក់លេខ១ ដណ្តើមបានមេដាយមាស២គ្រឿង ប្រាក់ ១គ្រឿង
– ក្លឹបយុវជននគរបាលជាតិ ជាប់ចំណាត់ថ្នាក់លេខ២ ដណ្តើមបានមេដាយមាស ២គ្រឿង
– ក្លឹបក្រសួងមហាផ្ទៃ ជាប់ចំណាត់ថ្នាក់លេខ៣ ដណ្តើមបានមេដាយប្រាក់ ១គ្រឿង មេដាយសំរឹទ្ធិ ២គ្រឿង
– ក្លឹបវាយសីខ្លាចាស់ ជាប់ចំណាត់ថ្នាក់លេខ៤ ដណ្តើមបានមេដាយប្រាក់ ១គ្រឿង និងមេដាយសំរឹទ្ធិ ១គ្រឿង
– ក្លឹបក្រសួងការពារជាតិ ជាប់ចំណាត់ថ្នាក់លេខ៤ ដណ្តើមបានមេដាយប្រាក់ ១គ្រឿង៕