កីឡា

មិនអាចមើលស្រាលបានទេ! មិនស្រួល ខ្សែក្រវាត់អាចធ្លាក់ទៅដៃ វ៉ាន់ វឿន

បានផុស

១ year មុន

នៅ

ថ្ងៃអង្គារ ១០ មិថុនា ២០២៥

ដោយ

វគ្គផ្ដាច់ព្រ័ត្រខ្សែក្រវាត់អ្នកចម្បាំងអូដ្ឋ ទម្ងន់ ៥៧គីឡូក្រាមរបស់សង្វៀនបាយ័ន នឹងមកដល់នៅថ្ងៃសៅរ៍ ទី១៤ ខែមិថុនា ឆ្នាំ២០២៥ នេះហើយ ខណៈបេក្ខភាពទាំង ៤នាក់គឺ វ៉ាន់ វឿន ជាកីឡាករមានបទពិសោធច្រើន និងមិនអាចមើលស្រាលបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ វ៉ាន់ វឿន (រូបភាពហ្វេសបុក វ៉ាន់ វឿន)

បើនិយាយពីភាពល្បីលើបណ្ដាញសង្គម និងសមត្ថភាពលេចធ្លោបច្ចុប្បន្ននេះគឺ ពេជ្រ អាទិទេព, រិទ្ធី សូសែន ហើយដោយទទួលបានប្រជាប្រិយភាពរួមទាំងយកឈ្នះដៃគូស្ទើររាល់កម្មវិធីតូច-ធំកន្លងទៅ។ សមត្ថភាពបេក្ខភាពខ្មែរ២រូបនេះគឺពិតជាល្អ និងកំពុងឡើងកូដមែន។

កីឡាករ វ៉ាន់ វឿន (រូបភាពហ្វេសបុក វ៉ាន់ វឿន)

ប៉ុន្តែក៏មិនអាចមើលស្រាលកីឡាករជើងចាស់ដែលប្រឡូកគុនខ្មែរមុនអ្នកទាំងពីរ និងសំបូរបទពិសោធ វ៉ាន់ វឿន នោះដែរក្នុងវគ្គផ្ដាច់ព្រ័ត្រខ្សែក្រវាត់អូដ្ឋនេះ។ សិស្សគុនមកពីក្លឹបឃ្លាំងមឿងកីឡារូបនេះមានបទពិសោធច្រើនលើសង្វៀន និងធ្លាប់ជួបជើងខ្លាំងរាប់ភ្លេចទៅហើយ។

កម្មវិធីប្រកួតវគ្គផ្ដាច់ព្រ័ត្រ

បើទោះជាវ័យជ្រេបន្តិច និងមិនសូវមានកម្លាំងបុកខ្លាំងដូចគេមែន តែអ្នកលេងគុនខ្មែរ វ៉ាន់ វឿន ធ្លាប់យករង្វាន់ធំច្រើនដងហើយពិសេសធ្លាប់ឈ្នះ ពេជ្រ ប៊ុនសិទ្ធ ដែលជាជើងខ្លាំងមួយផងដែរកន្លងទៅ។ វ៉ាន់ វឿន វាយបែបត្រជាក់ មិនកញ្ជ្រោលខ្លាំង មានដើរបុក និងថយវាយ។ រូបគេអាចប្រើបានគ្រប់ស្នៀត ទាត់ក្រោម ទាត់លើ ឆក់បត់កែង និងជង្គង់។ ភាពវ័យឆ្លាតរបស់គេមួយទៀតនោះចេះវាយដកសន្សំកម្លាំង និងលាក់ទុកស្នៀតចុងក្រោយទុកផ្ដួលដៃគូពេលចូលបុកភ្លេចខ្លួន។ យ៉ាងណាកីឡាកររូបនេះក៏មានចំណុចខ្សោយផងដែរគឺកម្លាំងស៊ុហ្វ និងខ្សោយជើងក្រោម។

បញ្ជាក់ដែរថា វគ្គផ្ដាច់ព្រ័ត្រខ្សែក្រវាត់អ្នកចម្បាំងអូដ្ឋ ទម្ងន់ ៥៧គីឡូក្រាមរបស់សង្វៀនបាយ័នដែលជាការប្រកួតម៉ារ៉ាតុងខ្មែរ ៣ ម៉ាឡេស៊ី ១ ឈានមកដល់ហើយនៅថ្ងៃទី១៤ មិថុនា ឆ្នាំ២០២៥ នេះ។ បេក្ខភាពទាំង៤នាក់នេះរួមមាន វ៉ាន់ វឿន ពេជ្រ អាទិទេព រិទ្ធី សូសែន និង អ៉ូម៉ា រេដវូហ្វ។ អ្នកឈ្នះទទួលបានខ្សែក្រវាត់ ១គ្រឿង អមដោយប្រាក់រង្វាន់ជាច្រើនរៀល៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ