សារព័ត៌មាន The Nation បានដកស្រង់សេចក្តីប្រកាសរបស់ នាយកដ្ឋានធនធានរ៉ែថៃ ដែលព្រមានកាលពីថ្ងៃអង្គារ ទី២៦ ខែឧសភា ឆ្នាំ២០២៦ ថា ខេត្តភាគខាងត្បូងចំនួន៥ គឺ Phang Nga, Ranong, Krabi, Phuket និង Satun ត្រូវបានដាក់បញ្ចូលក្នុងបញ្ជីឃ្លាំមើលគ្រោះមហន្តរាយធម្មជាតិ និងប្រកាសអាសន្ន ដោយសារតែឥទ្ធិពលព្យុះ ដែលនឹងបង្កឲ្យបាក់ដីភ្នំ និងទឹកជំនន់រហ័ស។

ក្នុងសេចក្តីប្រកាសនោះ, ខេត្តទាំង៥ នឹងជួបប្រទះព្យុះភ្លៀងដ៏ខ្លាំងក្លា ដែលនឹងបង្អុរទឹកភ្លៀង ក្នុងកម្រិតលើស ១០០មិល្លីម៉ែត្រ សម្រាប់រយៈពេល ២៤ម៉ោង។ 

ដោយសារតែឥទ្ធិពលដ៏ខ្លាំងនេះហើយ តំបន់ជាច្រើន នៅតាមបណ្តាខេត្តខាងលើ នឹងកើតមានបាតុភូតខ្យល់កន្ត្រាក់ គ្រោះទឹកជំនន់ ផ្គររន្ទះ ថែមទាំងបាក់ដីភ្នំ ទៀតផង។

ឲ្យតែនិយាយពីគ្រោះធម្មជាតិនៅភាគខាងត្បូង, ប្រជាជនថៃ នៅមិនទាន់បាត់ភាពឈឺចាប់ឡើយ ​ចំពោះសោកនាដកម្មទឹកជំនន់នៅទីនោះ កាលពីចុងឆ្នាំ២០២៥ ដែលផ្តាច់ជីវិត មនុស្សរាប់រយនាក់ ជាពិសេសក្នុងក្រុង Hat Yai។

តួលេខក្រៅផ្លូវការ នៃមនុស្សស្លាប់ ដោយគ្រោះទឹកជំនន់ដ៏សាហាវនោះ មានប្រមាណ ១៨០នាក់ ក្នុងខេត្ត Songkhla ជាកន្លែងរងគ្រោះធ្ងន់ធ្ងរជាងគេ។

សម្រាប់ការខូចខាតវិញ ការវាយតម្លៃបឋម បានរកឃើញថ្លៃខាតបង់ ក្នុងទំហំទឹកប្រាក់ប្រមាណ ១ ២០០លានបាត ក្នុងនោះរួមមានការខូចខាតអគារ ៧៥៩លានបាត, ឧបករណ៍/គ្រឿងបរិក្ខារ ៣៧១លានបាត និងសម្ភារៈ ៥លានបាត។

បន្ថែមពីលើការបាត់បាត់ជីវិតមនុស្ស និងការខូចខាតទាំងអស់នេះហើយ ពលរដ្ឋថៃជាង ២០០នាក់ ដល់ថ្នាក់កើតជំងឺផ្លូវចិត្តទៀតផង៕

អត្ថបទ៖ សុខ សុវណ្ណ

The post ថៃ ប្រកាសអាសន្ន នៅខេត្ត ចំនួន៥ ដោយសារបាក់ដីភ្នំ និងទឹកជំនន់ ហូរបុកយ៉ាងគំហុក appeared first on Kampuchea Thmey Daily.

តាមការផ្សាយរបស់ The Nation កាលពីថ្ងៃព្រហស្បតិ៍ ទី១៤ ខែឧសភា ឆ្នាំ២០២៦ នាយកដ្ឋានឧតុនិយមថៃ បានចេញការព្រមានឲ្យខេត្តនេះ ប្រុងប្រយ័ត្នខ្ពស់ ជាពិសេសស្រុកចំនួន៣ គឺ Mueang Phetchabun, Lom Sak និង Wang Pong ដែលនឹងរងការវាយប្រហារធ្ងន់ធ្ងរ ដោយគ្រោះធម្មជាតិ។

អាជ្ញាធរប្រកាសថា តំបន់ខាងលើជាកន្លែងមានហានិភ័យខ្ពស់, ពលរដ្ឋត្រូវប្រយ័ត្នឲ្យមែនទែន ចំពោះបាតុភូតនានា រួមទាំងរន្ទះបាញ់ និងការបាក់ដីភ្នំផងដែរ។

ការព្រមាននេះកើតឡើង បន្ទាប់ពីនាយកដ្ឋានឧតុនិយមថៃ ទើបចេញសេចក្តីប្រកាសថា ព្យុះភ្លៀងថ្មី ដែលមានកម្លាំងដ៏ខ្លាំងក្លា នឹងបោកបក់ លើប្រទេសថៃ ដល់ថ្ងៃចន្ទ សប្តាហ៍ក្រោយ ប៉ះចំតំបន់ប៉ែកខាងជើង កណ្តាល ខាងកើត និងខាងត្បូង បង្កឲ្យមានជំនន់ទឹកភ្លៀង និងបំណាក់ដី ជាពិសេស តំបន់វាលទំនាប និងសហគមន៍ នៅតាមជួរភ្នំតែម្តង។

បាតុភូតនេះ គឺបណ្តាលមកពីប្រព័ន្ធសម្ពាធទាប ដែលនឹងធ្វើដំណើរទៅកាន់ ភាគខាងលើ នៃឈូងសមុទ្របេងហ្គាល់ ខណៈខ្យល់មូសុងនិរតី នឹងមានឥទ្ធិពលខ្លាំងជាងមុន មកលើសមុទ្រ អាដាម៉ាន់ និងឈូងសមុទ្រ ថៃ៕

អត្ថបទ៖ សុខ សុវណ្ណ

The post ខេត្តភាគខាងជើង ប្រទេសថៃ ប្រកាសអាសន្នគ្រោះទឹកជំនន់ និងបំណាក់ដីធ្ងន់ធ្ងរ appeared first on Kampuchea Thmey Daily.

តាមការផ្សាយរបស់ Khaosod កាលពីថ្ងៃព្រហស្បតិ៍ទី១៨ខែធ្នូឆ្នាំ២០២៥, នាយកដ្ឋានឧតុនិយមថៃ ព្រមានថា ស្រុក Hat Yai, Saba Yoi និង Sadao កំពុងប្រឈមអាសន្នធំនៃគ្រោះទឹកជំនន់និងបាក់ដី ជាឥទ្ធិពលនៃព្យុះមូសុង ដែលបង្កឲ្យមានភ្លៀងធ្លាក់ខ្លាំងក្លា ឥតឈប់។

ដោយសារតែគ្រោះថ្នាក់ធ្ងន់ធ្ងរ នាយកដ្ឋានបានប្រាប់ឲ្យពលរដ្ឋត្រូវប្រញាប់ជម្លៀសនិងរើអ៊ីវ៉ាន់ព្រមទាំងរបស់មានតម្លៃ ទៅកាន់ទីទួលសុវត្ថិភាពឲ្យហើយ ថែមទាំងព្រមានឲ្យប្រយ័ត្នការឆក់ខ្សែភ្លើងផងដែរ។

ការព្រមាននេះកើតឡើងស្របពេល ថៃប្រកាសអាសន្នកម្រិតពណ៌លឿងនៅ Hat Yai រួចទៅហើយ ព្រោះតែភ្លៀងធ្លាក់ខ្លាំង បណ្តាលឲ្យកម្ពស់ទឹកហក់ឡើងខ្ពស់បង្កជាជំនន់លិចហូរហៀរប្រឡាយស្ទឹងបឹងបួ និងទឹកហូរបុកយ៉ាងគំហុក។

សូមជម្រាបថា ខេត្ត Songkhla ទើបធូរស្រាលប៉ុណ្ណោះ ពីគ្រោះទឹកជំនន់ដ៏សាហាវដែលវាយប្រហារចាប់ពីចុងខែវិច្ឆិកាដល់ដើមខែធ្នូ។ ផ្អែកលើទិន្នន័យផ្លូវការចុងក្រោយពីអាជ្ញាធរថៃ, តួលេខមនុស្សស្លាប់ដោយសារគ្រោះទឹកជំនន់ដ៏សាហាវនៅភាគខាងត្បូង គឺមានចំនួន២៦៧នាក់ ដ្បិតពលរដ្ឋបន្ទោសរដ្ឋាភិបាលទីក្រុងបាងកកថា បិទបាំងតួលេខពិតក៏ដោយ៕

អត្ថបទ៖ សុខ សុវណ្ណ

The post ៣ស្រុកនៃខេត្ត Songkhla ប្រទេសថៃ ប្រឈមអាសន្នធំនៃគ្រោះទឹកជំនន់និងបាក់ដី appeared first on Kampuchea Thmey Daily.

តាមការផ្សាយរបស់ Khaosod កាលពីថ្ងៃព្រហស្បតិ៍ទី២០ខែវិច្ឆិកាឆ្នាំ២០២៥, ខេត្ត Surat Thani បានប្រកាសអាសន្ននៅស្រុកចំនួន៣ ដូចជា Chana, Chaiya និង Tha Chang ដែលកំពុងរងការវាយប្រហារយ៉ាងធ្ងន់ធ្ងរ ដោយគ្រោះទឹកជំនន់។

ដ្បិតមិនមានសេចក្តីរាយការណ៍អំពីមនុស្សស្លាប់ ប៉ុន្តែទឹកជំនន់ បានបង្កផលប៉ះពាល់ដល់មនុស្ស ៥ ៦០០គ្រួសារក្នុងខេត្តទាំង៣សរុបចូលគ្នា។

ចំណែកនៅខេត្ត Satun ភាគខាងត្បូង ទឹកជំនន់បានវាយប្រហារស្រុកចំនួន៦ ដូចជា៖ Khuan Don, Tha Phae, Khuan Kalong, Manang, La-ngu និង Mueang Satun ប៉ះពាល់មនុស្សជាង ១ ០៤៣គ្រួសារ។

រីឯនៅខេត្ត Phatthalung, ទឹកជំនន់បានរាលដាលយ៉ាងលឿនដល់១០ស្រុក ប៉ះពាល់មនុស្សជាង ៣០ ០០០នាក់ ទាំងដែលមិនទាន់មើលឃើញសញ្ញាថមថយសោះ។

ងាកទៅ Songkhla វិញ, ខេត្តភាគខាងត្បូងប្រទេសថៃមួយនេះ ក៏ប្រកាសអាសន្នដែរនៅ​ក្នុង​ស្រុកចំនួន​៧ បន្ទាប់ពី​​ភ្លៀង​ធ្លាក់​ខ្លាំង​​រយៈពេល​ជាច្រើន​ថ្ងៃ​ ​បង្ក​​ឲ្យ​មាន​ទឹកជំនន់​យ៉ាង​ខ្លាំងក្លា ​ប៉ះពាល់​ដល់​ប្រជាជន​ជិត ៤៥ ០០០​នាក់។  

ទឹកជំនន់​ដែល​​កើតឡើង​តាំង​តែ​ពី​​ថ្ងៃទី១៩​​វិច្ឆិកាមក បាន​ជន់​លិច​ស្រុក Rattaphum, Mueang Songkhla, Khlong Hoi Khong, Ranot, Krasae Sin, Sathing Phra, និង Hat Yai។ ផ្ទះ​សរុប១៧៨៨៦ខ្នង​ ក្នុង​​២៨ឃុំ និង១៥៩ភូមិ​ ត្រូវ​បាន​រង​ផលប៉ះពាល់។ យ៉ាងណា មិនទាន់​មាន​របាយការណ៍​ពី​ករណី​បាត់បង់​ជីវិត​ណាមួយ​នៅឡើយ​ទេ។

ក្រៅពីទឹកជំនន់ ថៃក៏ប្រកាសអាសន្នអំពីគ្រោះបំណាក់ដីនៅខេត្ត Uttaradit ផងដែរ បន្ទាប់ពីបាក់ដីនៅតំបន់ផ្សារអាយុកាល១០០ឆ្នាំក្នុងភូមិ Tha Sak នៃស្រុក Phichai បាក់អគារនិងផ្ទះច្រើនខ្នងចូលទន្លេ។

ការបាក់ដំបូងគឺផ្តើមចេញពីអគារពាណិជ្ជកម្មកម្ពស់៣ជាន់ ដែលបាក់ចូលទន្លេទាំ​ងស្រុង ក្រោយមកអាជ្ញាធរក៏ដាក់បម្រាមចូលតំបន់នោះ ព្រោះតែគ្រោះថ្នាក់នៃបំណាក់ដីជាបន្តបន្ទាប់។ ក្រៅពីផ្ទះបាក់ចូលទន្លេ នៅមានមនុស្សជាង៤០គ្រួសារត្រូវជម្លៀសចេញជាបន្ទាន់ ប៉ុន្តែមិនមានរបាយការណ៍អំពីជនរងគ្រោះឬអ្នកស្លាប់នោះទេ៕

អត្ថបទ៖ សុខ សុវណ្ណ

The post ច្រើនតំបន់នៅថៃ ប្រកាសអាសន្នគ្រោះទឹកជំនន់និងបំណាក់ដី appeared first on Kampuchea Thmey Daily.

តាមការផ្សាយរបស់ Thai Enquirer នៅថ្ងៃព្រហស្បតិ៍ទី២០ខែវិច្ឆិកាឆ្នាំ២០២៥ ក្រៅពីផ្ទះបាក់ចូលទន្លេ នៅមានមនុស្សជាង៤០គ្រួសារត្រូវជម្លៀសចេញជាបន្ទាន់ ប៉ុន្តែមិនមានរបាយការណ៍អំពីជនរងគ្រោះឬអ្នកស្លាប់នោះទេ។

ប្រភពខាងលើបន្តថា ការបាក់ដំបូងគឺផ្តើមចេញពីអគារពាណិជ្ជកម្មកម្ពស់៣ជាន់ ដែលបាក់ចូលទន្លេទាំ​ងស្រុង ក្រោយមកអាជ្ញាធរក៏ដាក់បម្រាមចូលតំបន់នោះ ព្រោះតែគ្រោះថ្នាក់នៃបំណាក់ដីជាបន្តបន្ទាប់។

អាជ្ញាធរបញ្ជាក់ថា មូលហេតុនៃការបាក់នេះ គឺបណ្តាលមកពីសំណឹកដី បន្ទាប់ពីព្យុះថ្មីៗ ធ្វើឲ្យទឹកទន្លេណាន ឡើងខ្ពស់ នាំឲ្យច្រាំងទន្លេទប់ទល់លែងជាប់៕

អត្ថបទ៖ សុខ សុវណ្ណ

The post តំបន់ផ្សារអាយុកាល១០០ឆ្នាំនៅថៃ ប្រកាសអាសន្ន ព្រោះបំណាក់ដី បាក់ផ្ទះនិងអគារពាណិជ្ជកម្ម ចូលទន្លេ appeared first on Kampuchea Thmey Daily.

តាមសេចក្តីរាយការណ៍របស់ Khaosod នៅថ្ងៃព្រហស្បតិ៍ទី២ខែតុលាឆ្នាំ២០២៥, កំណត់ផ្លូវ Radon-Khlong Kapi ក្នុងឃុំ Samet ស្រុក Mueang ខេត្ត ឈុនបុរី បានបាក់ស្រុតជម្រៅ៣ម៉ែត្រ មានទទឹង៦ម៉ែត្រនិងបណ្តោយ ១០ម៉ែត្រ។

តាមការឲ្យដឹងពីមន្ត្រីមូលដ្ឋាន បំណាក់ផ្លូវនេះគឺបណ្តាលមកពីដីខាងក្រោម ត្រូវទឹកហូរច្រោះខ្លាំង។ យ៉ាងណា ពួកគេនឹងបើកការស៊ើបអង្កេតជាបន្តដើម្បី កំណត់មូលហេតុឲ្យកាន់តែច្បាស់។

ហេតុការណ៍នេះកើតឡើងបន្ទាប់ពីផ្នែកមួយនៃផ្លូវ Samsen ទល់មុខមន្ទីរពេទ្យ Vajira ក្នុងខណ្ឌ Dusit នៃទីក្រុងបាងកក បានបាក់ស្រុតកាលពី​ព្រឹកថ្ងៃពុធ​ទី​២៤​ខែ​កញ្ញា ដោយបង្កើតជារណ្ដៅ​ជម្រៅ​៥០​ម៉ែត្រ និងបង្ខំ​​ឲ្យ​មាន​​ការ​បិទផ្លូវជាបន្ទាន់។

មន្ត្រីសាលាខណ្ឌ Dusit បានឲ្យដឹងថា ការបាក់ស្រុតនេះ កើតឡើងនៅវេលាម៉ោង៧ និង៣០នាទីព្រឹក បណ្តាលមកពី​​ផ្ទុះ​បំពង់​ទឹក ធ្វើឲ្យប៉ះពាល់ដល់ផ្ទៃ​ខាង​លើ​នៃ​ផ្លូវ។

ឧបទ្ទវហេតុនេះបានរំខានដល់ប្រព័ន្ធប្រើប្រាស់សាធារណៈ រួមទាំងអគ្គិសនី និងការផ្គត់ផ្គង់ទឹកនៅតំបន់ក្បែរនោះ។ អាជ្ញាធរ​បាន​បិទ​ផ្លូវ​នៅ​ចន្លោះ​ផ្លូវ​បំបែក​មន្ទីរពេទ្យ Vajira និង​ផ្លូវ​បំបែក Sang Hi ដោយ​ជំរុញ​អ្នក​បើក​បរ​ឲ្យ​គេច​ពី​តំបន់​នោះ។

ក្រោយហេតុការណ៍នោះមិនបានមួយថ្ងៃផង ផ្លូវមួយទៀតក្នុងទីក្រុងបាងកក ក៏បាក់ស្រុតដែរ ដែលបង្កឲ្យមានការភ្ញាក់ផ្អើលនិងមិននឹកស្មានដល់ថា ហេតុអ្វីរាជធានីនៃប្រទេសថៃ ជួបគ្រោះអាក្រក់បែបនេះ ជាបន្តបន្ទាប់៕

អត្ថបទ៖ សុខ សុវណ្ណ

ចុចអាន៖ មិនត្រឹមមន្ទីរពេទ្យ ឥឡូវសូម្បីប៉ុស្តិ៍ប៉ូលិស Samsen ក្នុងទីក្រុងបាងកក ក៏ប្រឈមបាក់ដែរ

The post បន្ទាប់ពីបាងកក ឥឡូវសូម្បីនៅ ឈុនបុរី ក៏កើតហេតុ បាក់ស្រុតផ្លូវដែរ appeared first on Kampuchea Thmey Daily.

មិនត្រឹមប៉ុណ្ណឹង ឥឡូវបើតាមការផ្សាយរបស់ Khaosod, សូម្បីប៉ុស្តិ៍ប៉ូលិស Samsen នៅជាប់នោះក៏កំពុងរងហានិភ័យបាក់ផងដែរ ព្រោះតែឥទ្ធិពលនៃបំណាក់ផ្លូវជម្រៅ៥០ម៉ែត្រ។

លោក Amorn Pimanmas ប្រធានសមាគមវិស្វករសំណង់ថៃបានព្រមានថា បន្ទាប់ពីការពិនិត្យសំណង់ អគារប៉ូលិស Samsen ក៏ប្រឈមការបាក់រលំផងដែរ ព្រោះផលប៉ះពាល់ខ្លះដល់សសរគ្រឹះ។

មុននេះ មន្ទីរពេទ្យ Vajira បានជម្លៀសអ្នកជំងឺចេញរួចទៅហើយ ដោយសារតែហានិភ័យបាក់រលំ។ ក្រៅពីអ្នកជំងឺ ពលរដ្ឋរស់នៅជុំវិញនោះ ក៏ត្រូវជម្លៀសចេញផងដែរ ស្របពេលរដ្ឋបាលក្រុងបាងកក បានប្រកាសដាក់តំបន់នោះជាតំបន់ហាមចូល ព្រោះតែគ្រោះថ្នាក់។

សូមជម្រាបជាថ្មី ផ្នែកមួយនៃផ្លូវ Samsen ទល់មុខមន្ទីរពេទ្យ Vajira ក្នុងខ័ណ្ឌ Dusit នៃទីក្រុងបាងកក បានបាក់ស្រុត​នាវេលាម៉ោង៧ និង៣០នាទីព្រឹកថ្ងៃពុធ​ទី​២៤​ខែ​កញ្ញា​ឆ្នាំ​២០២៥។

មន្ត្រីសាលាខ័ណ្ឌ Dusit បានឲ្យដឹងថា ការបាក់ស្រុតនេះ បណ្តាលមកពី​​ផ្ទុះ​បំពង់​ទឹក ធ្វើឲ្យប៉ះពាល់ដល់ផ្ទៃ​ខាង​លើ​នៃ​ផ្លូវ៕

អត្ថបទ៖ សុខ សុវណ្ណ

ចុចអាន៖ ក្រោយបាក់ផ្លូវ ឥឡូវអ្នកជំងឺត្រូវជម្លៀសចេញជាបន្ទាន់ ដោយសារ​ហានិភ័យបាក់មន្ទីរពេទ្យនៅ បាងកក

The post មិនត្រឹមមន្ទីរពេទ្យ ឥឡូវសូម្បីប៉ុស្តិ៍ប៉ូលិស Samsen ក្នុងទីក្រុងបាងកក ក៏ប្រឈមបាក់ដែរ appeared first on Kampuchea Thmey Daily.

តាមការផ្សាយរបស់ Khaosod, ហេតុការណ៍នេះកើតឡើងនាវេលាម៉ោង៧:០៨នាទី លើផ្លូវ Samsen ទល់មុខមន្ទីរពេទ្យ Vajira និងប៉ុស្តិប៉ូលិស Samsen ក្នុងខ័ណ្ឌ Dusit។

ទោះបីជាយ៉ាងណាក៏ដោយ អាជ្ញាធរថៃនៅតែមិនទាន់ដឹងអំពីមូលហេតុនៃការបាក់ដី។

ភ្លាមៗនោះ ក៏មិនទាន់មានសេចក្តីរាយការណ៍អំពីជនរងគ្រោះដែរ៕ 

អត្ថបទ៖ សុខ សុវណ្ណ

ចុចអាន៖ វត្តល្បីស័ក្តិសិទ្ធិនៅភូកេត ត្រូវដាក់ជាតំបន់គ្រាអាសន្នគ្រោះមហន្តរាយ ព្រោះបំណាក់ដីធ្ងន់ធ្ងរពេក

The post បាក់ដីជម្រៅ៥០ម៉ែត្រ ផ្អើលក្រុងបាងកកទាំងព្រឹក appeared first on Kampuchea Thmey Daily.