ទោះជាយ៉ាងណាក៏ដោយ នៅលើបណ្តាញសង្គម X ញត្តិមួយបានលេចចេញមកដើម្បីហាមឃាសមាជិកចម្រៀងកូរ៉េ ពីការសម្តែងនៅ Kohaku Uta Gassen។ ការបង្ហោះនេះបានទាក់ទាញការមើលចំនួន ៦៩ លានដង ខណៈពេលដែលញត្តិផ្លូវការបានទទួលហត្ថលេខាជាង ៥៥,០០០ ហើយបន្តកើនឡើងយ៉ាងឆាប់រហ័ស។ អ្នកប្រើប្រាស់អ៊ីនធឺណិតជប៉ុនទាំងអស់បានសម្តែងកំហឹង និងការស្អប់ខ្ពើមរបស់ពួកគេចំពោះ aespa។ ដូច្នេះតើមានមូលហេតុអ្វី?

មូលហេតុបានមកពីចង្កៀងរសើបរបស់សមាជិកមួយរូបគឺ Ningning។ នៅក្នុងកម្មវិធីផ្ញើសារជាមួយអ្នកគាំទ្រ Ningning បានអួតថា នាងបានទិញចង្កៀងដែលធ្វើត្រាប់តាមការទម្លាក់គ្រាប់បែកបរមាណូនៅទីក្រុងហ៊ីរ៉ូស៊ីម៉ា និងណាហ្គាសាគី។ សមាជិកក្មេងជាងគេរបស់ aespa បានដាក់តាំងចង្កៀងនៅក្នុងបន្ទប់របស់នាង ហើយនិយាយថា «ខ្ញុំបានទិញចង្កៀងដ៏គួរឲ្យស្រលាញ់បែបនេះ តើអ្នកគិតយ៉ាងណាដែរ»?

អ្នកប្រើប្រាស់អ៊ីនធឺណិតមានការខឹងសម្បារយ៉ាងខ្លាំងចំពោះរឿងនេះ ដោយរិះគន់ Ningning ថាមិនរាក់ទាក់ និងចាត់ទុកសោកនាដកម្មប្រវត្តិសាស្ត្រជារឿងស្រាលសម្រាប់នាង។ ការទម្លាក់គ្រាប់បែកបរមាណូពីរលើកនៅទីក្រុងហ៊ីរ៉ូស៊ីម៉ា និងណាហ្គាសាគីក្នុងឆ្នាំ ១៩៤៥ បានសម្លាប់មនុស្សសរុបយ៉ាងហោចណាស់ ២ម៉ឺននាក់ រួមទាំងមនុស្សរាប់ម៉ឺននាក់ដែលបានស្លាប់ភ្លាមៗ និងរាប់រយពាន់នាក់ដែលបានស្លាប់នៅពេលក្រោយដោយសារតែរបួស និងការប៉ះពាល់នឹងវិទ្យុសកម្ម។ នេះគឺជារបួសដែលពិបាកព្យាបាលក្នុងប្រវត្តិសាស្ត្រជប៉ុន និងពិភពលោក។

បច្ចុប្បន្ននេះ ទាំង Ningning និងផលិតកម្ម SM Entertainment មិនបានធ្វើសេចក្តីថ្លែងការណ៍ណាមួយអំពីចង្កៀងដែលរំលឹកពីសោកនាដកម្មប្រវត្តិសាស្ត្រនោះទេ។ អ្នកប្រើប្រាស់អ៊ីនធឺណិតជប៉ុនបានបង្ហាញយ៉ាងមុតមាំនូវការធ្វើពហិការ និងការស្អប់ខ្ពើមរបស់ពួកគេចំពោះ Ningning ជាពិសេស និង aespa ជាទូទៅ។ ប្រសិនបើឧប្បត្តិហេតុនេះមិនត្រូវបានដោះស្រាយយ៉ាងហ្មត់ចត់ ហើយរលកនៃការស្អប់ខ្ពើមនៅតែបន្ត aespa ប្រាកដជានឹងប្រឈមមុខនឹងការលំបាកជាច្រើននៅពេលបាត់បង់ការស្រឡាញ់ពីទីផ្សារជប៉ុនដ៏សំខាន់។

aespa គឺជាក្រុមចម្រៀងនារីកូរ៉េក្រោមការគ្រប់គ្រងរបស់ SM Entertainment ដែលបានបង្ហាញខ្លួនជាផ្លូវការនៅថ្ងៃទី 17 ខែវិច្ឆិកា ឆ្នាំ 2020 ជាមួយសមាជិក 4 នាក់៖ Karina, Giselle, Winter និង Ningning។ ក្រុមនេះលេចធ្លោជាមួយនឹងគំនិតពិសេសនៃ “metaverse” – សមាជិកម្នាក់ៗមាន ae (រូបតំណាងនិម្មិត) រស់នៅក្នុងពិភព KWANGYA ដោយបង្កើតរឿងរ៉ាវសកលលោកស្របគ្នារវាងជីវិតពិត និងជីវិតនិម្មិត ជាលើកដំបូងនៅក្នុង Kpop៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

The post អ្នកគាំំទ្រជប៉ុន ពហិការក្រុម aespa ដែលលេងសើចប្រវត្តិសាស្រ្ត ទម្លាក់គ្រាប់បែកបរមាណូ appeared first on Kampuchea Thmey Daily.

កូនប្រុសរបស់ លោក​ Lee Jae Myung ត្រូវបានគេរកឃើញថា មានពិរុទ្ធពីបទបង្ហោះសារអត្ថាធិប្បាយខុសឆ្គងជាច្រើនរាប់ភ្លេច នៅក្រោមរូបថតរបស់ស្ត្រីដែលជាផ្សាយល្បែងអនឡាញ ដោយប្រើរហស្សនាម​​​លើ​បណ្តាញសង្គម​ថា LeaveItOverTheRiver ដោយ​​លោក​បានបង្ហោះការអត្ថាធិប្បាយថោកទាបខាងផ្លូវភេទដូចជា «ខ្ញុំចង់ញ៉ាំនាងម្តង, នាងមើលទៅឆ្ងាញ់ណាស់ និង ខ្ញុំចង់ប៉ះនាង» ។

ករណីនេះបានកើតឡើងបន្ទាប់ពីត្រូវបានរាយការណ៍ដោយប៉ុស្តិ៍ YouTube របស់វិទ្យាស្ថាន Garo Sero Research (Hoverlab) ដែលជំរុញឲ្យប៉ូលិសស៊ើបអង្កេតគាត់ពីបទរំលោភលើច្បាប់បណ្តាញព័ត៌មាននិងទំនាក់ទំនង សម្រាប់ការបង្ហាញ​មាតិកាអាសអាភាស។ ភាព​ចម្រូងចម្រាសកាន់តែកើនឡើងនៅពេលដែលគេរកឃើញថា គាត់ក៏បានបញ្ចេញមតិយោបល់ផ្លូវភេទនៅក្រោមរូបថតរបស់មេក្រុម aespa គឺតារាចម្រៀង Karina ។

នៅខែ​មករាបន្ទាប់ Hoverlab បានដាក់ពាក្យបណ្តឹងបន្ថែមប្រឆាំងនឹងគាត់នៅក្រោមមាត្រា១៣ នៃច្បាប់ស្តីពីករណីពិសេសទាក់ទងនឹងការដាក់ទណ្ឌកម្មនៃឧក្រិដ្ឋកម្មផ្លូវភេទ សម្រាប់ការប្រើប្រព័ន្ធផ្សព្វផ្សាយទំនាក់ទំនងដើម្បីប្រព្រឹត្តអំពើអាសអាភាស។

យោងតាម ​​Hoverlab ចាប់ពីខែតុលា ឆ្នាំ ២០២១ អស់រយៈពេលប្រហែលពីរខែ លោក Lee បានប្រើ ID “LeaveItOverTheRiver” នៅលើ PokerGosu បានបង្ហោះការអត្ថាធិប្បាយអាម៉ាស់ផ្លូវភេទម្តងហើយម្តងទៀតអំពីស្ត្រីផ្សេងៗ។ ក្រោយមក នៅថ្ងៃទី ១៩ ខែតុលា ឆ្នាំ ២០២១ នៅក្រោមរូបថតរបស់ DJ Soda គាត់បានបញ្ចេញមតិក្នុងន័យផ្លូវភេទថា ចង់ស្ទាបគូទនាង។ ក្រោយមក នៅថ្ងៃទី ១២ ខែធ្នូឆ្នាំដដែល បន្ទាប់ពីរូបថត Karina ត្រូវបានបង្ហោះ គាត់បានបញ្ចេញមតិថា «ខ្ញុំចង់ញ៉ាំនាងម្តង» ។

លើសពីនេះ សូម្បីតែរូបភាពរបស់នារីម្នាក់កំពុងធ្វើលំហាត់ប្រាណដែលថតពីខាងក្រោយ លោកក៏បានចូលទៅបញ្ចេញមតិអាក្រក់ៗមិនគោរពមនុស្សស្រី។ គាត់ក៏បានបន្សល់ទុកនូវពាក្យអាសអាភាសលើរូបភាពរបស់នារីផ្សេងៗនិងតារាស្រីជប៉ុនដែលបានបង្ហោះរូបភាពតាមបណ្ដាញសង្គមផ្ទាល់ខ្លួនរបស់ពួកគេ។

អង្គភាពស៊ើបអង្កេតតាមអ៊ីនធឺណិតរបស់ទីភ្នាក់ងារប៉ូលិសខាងត្បូង Gyeonggi បានបញ្ជូនសំណុំរឿងនេះទៅព្រះរាជអាជ្ញានៅថ្ងៃទី ២៦ ខែតុលា ឆ្នាំ ២០២២ ដោយលើកឡើងពីការលេងល្បែងស៊ីសងជាទម្លាប់ និងការរំលោភលើច្បាប់បណ្តាញព័ត៌មាន និងទំនាក់ទំនង។

បន្ថែមពីលើការអត្ថាធិប្បាយអាសអាភាស លោក Lee ត្រូវបានគេរកឃើញថា បានចូលរួមក្នុងការលេងល្បែងស៊ីសងជាទម្លាប់អស់រយៈពេលប្រហែល ១ ឆ្នាំកន្លះ ដោយចាប់ផ្តើមនៅឆ្នាំ ២០១៩ ដោយទិញ និងលក់ប្រាក់បៀរ ហើយប្រើលេខសម្គាល់ IWantToWin គាត់បានបង្ហោះសារដែលទាក់ទងនឹងពាណិជ្ជកម្មជាង ១០០ នៅក្នុងវេទិកាសហគមន៍ ហើយត្រូវបានគេបញ្ជាក់ថា មានកន្លែងលេងល្បែងខុសច្បាប់ញឹកញាប់នៅក្នុងទីក្រុងសេអ៊ូល។

បន្ទាប់ពីការស៊ើបអង្កេតរបស់ប៉ូលិស ករណីនេះត្រូវបានប្រគល់ទៅឲ្យព្រះរាជអាជ្ញានៅឆ្នាំ ២០២២ ។ នៅឆ្នាំ២០២៣ការិយាល័យព្រះរាជអាជ្ញាស្រុក Suwon បានចេញដីកាសង្ខេបមួយប្រឆាំងនឹងលោក Lee ពីបទលេងល្បែងស៊ីសងជាទម្លាប់ និងបំពានច្បាប់បណ្តាញព័ត៌មាន និងទំនាក់ទំនង។ នៅថ្ងៃទី ៣១ ខែតុលាឆ្នាំមុន ផ្នែកព្រហ្មទណ្ឌទី ៣៨ នៃតុលាការស្រុក Suwon បានពិន័យគាត់ចំនួន ៥ លានវ៉ុន។ ដោយសារលោក Lee មិនបានស្នើសុំការកាត់ក្តីជាផ្លូវការ ការកាត់ទោសត្រូវបានបញ្ចប់ជាស្ថាពរ។

ទោះជាយ៉ាងណាក៏ដោយ មហាជនជាច្រើនមិនទាន់ដឹងថា កូនប្រុសរបស់លោក Lee Jae Myung ម្នាក់ណាឡើយដែលបំពានច្បាប់និងបញ្ចេញនូវមតិស្អប់ខ្ពើមនៅលើបណ្ដាញសង្គមនោះ ខណៈដែលកូនប្រុសអ្នកនយោបាយរូបនេះមានដល់ទៅ២នាក់ឯណោះ។

អត្ថបទ៖ សាង ស្រីល័ក្ខ

ចុចអាន៖ជោគជ័យលើអាជីព តែជីវិត​គូ​តារា​ជើង​ចាស់ Choi Jung Woo ​បរាជ័យ​ដ៏​អាថ៌កំបាំ​ង​

The post ​កូនប្រុស​​​ ​លោក Lee Jae Myung រង​ពិន័យ​ ព្រោះ​ បញ្ចេញមតិអាសអាភាសលើរូបនាង​ Karina ក្រុម aespa appeared first on Kampuchea Thmey Daily.

អ្នកលេងអ៊ីនធឺណិតម្នាក់បានផ្តួចផ្តើមការពិភាក្សានេះដោយការចែករំលែកថា ប្រសិនបើ Ningning សមាជិកក្រុម aespa ជាជនជាតិកូរ៉េ នាងប្រហែលជាជាសមាជិកដ៏ពេញនិយមបំផុត ។ អ្នកលេងអ៊ីនធឺណិតរូបនេះបានរៀបរាប់យ៉ាងលម្អិតថា ក្រឡេកមើលទៅ Ningning នាងពិតជាស្រស់ស្អាតខ្លាំងណាស់។ និយាយតាមត្រង់ ប្រសិនបើអ្នកដកសញ្ជាតិ និងអ្វីៗផ្សេងទៀតនៅក្នុងក្រុម aespa ហើយផ្តោតលើរូបរាងសុទ្ធសាធ ខ្ញុំគិតថាតារាស្រីនឹងជាប់ចំណាត់ថ្នាក់លេខ១ ។ នាងពិតជាស្រស់ស្អាតខ្លាំងពិបាកនឹងបរិយាយណាស់។

ទោះបីជាយ៉ាងណាក៏ដោយ អ្នក​លេង​អ៊ីនធឺណិត​ផ្សេង​ទៀត​បាន​ចូល​រួម​ក្នុង​ការ​ពិភាក្សាព្រមទាំង​បញ្ចេញ​មតិ​ថា ការនិយាយឥតឈប់ឈរអំពីសញ្ជាតិគឺជារឿងហត់នឿយ។ និយាយតាមត្រង់ មុនពេលមានការរិះគន់ក្នុងព្រឹត្តិការណ៍កីឡាអូឡាំពិក គ្មាននរណាម្នាក់បង្កើតបញ្ហាអំពីសញ្ជាតិរបស់នាងទេ ហើយ Karina និង Winter គឺជាអ្នកពេញនិយមបំផុតពីរនាក់ចាប់តាំងពីពួកគេបង្ហាញខ្លួន។ ​ប៉ុន្តែការពិតដែលថា បញ្ហាអតីតកាលជាច្រើនជាមួយសមាជិកជនជាតិចិននៅក្នុងក្រុមផ្សេងទៀតបានបង្កឲ្យមានបញ្ហាព្រួយបារម្ភរួចទៅហើយ ។

និយាយដោយស្មោះត្រង់ បើប្រៀបធៀបទៅនឹងការបង្ហាញខ្លួនដំបូងរបស់ពួកគេ Ningning គឺជាមនុស្សតែម្នាក់គត់ដែលរូបរាងមិនផ្លាស់ប្តូរច្រើននោះទេ។នាងស្អាតបែបនាង ប៉ុន្តែទោះបីជានាងជាជនជាតិកូរ៉េក៏ដោយ ខ្ញុំនៅតែចូលចិត្ត Winter និង Karina ។ ប៉ុន្តែ Ningning មានបុគ្គលិកលក្ខណៈពិសេសនោះពី Harbin និងការសង្កត់សំឡេងភាសាកូរ៉េបន្តិចរបស់នាង ដែលពិតជាមានមន្តស្នេហ៍ខ្លាំងណាស់ ។

មិនតែប៉ុណ្ណោះ អ្នកផ្សេងទៀតក៏បានលើកជាមតិយោបល់ដែរថា ប្រសិនបើ Ningning នៅក្នុងក្រុមផ្សេងទៀត នាងនឹងក្លាយជាសមាជិកលំដាប់កំពូល ប៉ុន្តែ Karina និង Winter របស់ Aespa គឺស្ថិតក្នុងកម្រិតមួយផ្សេងទៀត សូម្បីតែក្នុងចំណោមតារាជំនាន់ទី ៤ក៏ដោយ។ ​បើ​អ្វី​ដែល​អ្នក​និយាយ​អំពី​សញ្ជាតិ​គឺ​ជា​ការ​ពិត ហេតុ​អ្វី​បាន​ជា​សមាជិក​ជប៉ុន​មិន​មាន​សញ្ជាតិ​ជា​អ្នក​ពេញ​និយម? ហេតុអ្វី​បាន​ជា​តារា​សម្ដែង Liu Yifei និង Tang Wei ស្រលាញ់​ខ្លាំង​ម្ល៉េះ? វា​មិន​មែន​ជា​ការ​ពេញ​ចិត្ត​កូរ៉េ​ទេ ប៉ុន្តែ​អ្នក ជំរុញ​រឿង​មិន​សម​ហេតុ​ផល។ Ningning ជា​មនុស្ស​រាង​កាយ​គ្រប់​ជ្រុងជ្រោយ​ដែល​ទាក់ទាញ​អ្នក​គាំទ្រ​ដោយ​ធម្មជាតិ៕

អត្ថបទ៖ សាង​​ ស្រីល័ក្ខ

ចុចអាន៖ទង្វើ Jaemin ក្រុម NCT ចិត្តល្អបរិច្ចាគលុយដល់ UNICEF ជ្រាបដល់ចិត្តហ្វេនៗសរសើរព្រាត

The post ផ្ទុះការវែកញែកថា Ningning ក្រុម Aespa អាចក្លាយជាតារាល្បី បើនាងជាកូរ៉េមិនមែនចិន appeared first on Kampuchea Thmey Daily.

ជាការឆ្លើយតបទៅនឹងរបាយការណ៍របស់តារាសម្តែងទាំងពីររូបនេះ កំពុងណាត់ជួបគ្នាដោយសំងាត់ អ្នកតំណាងមកពីទីភ្នាក់ងាររបស់ Lee Jae Wook គឺ C-JeS Studio បាននិយាយនៅថ្ងៃទី ២៧ ខែកុម្ភៈ នេះថា “យើងទើបតែបានអានអត្ថបទ។ យើងនឹងត្រូវការផ្ទៀងផ្ទាត់ព័ត៌មាននេះឲ្យច្បាស់សិន!”

យោងតាមសេចក្តីរាយការណ៍ដដែលបានបញ្ចាក់ដែរថា តារាទាំងពីរត្រូវបានគេរាយការណ៍ថាកាន់តែមានភាពស្និទ្ធស្នាលក្នុងលក្ខណៈស្នេហា បន្ទាប់ពីបានចូលរួមក្នុងកម្មវិធីបង្ហាញម៉ូដម៉ាកយីហោជាមួយគ្នានៅទីក្រុង Milan កាលពីខែមុន ហើយទំនាក់ទំនងរបស់ពួកគេបានបន្តនៅក្នុងទីក្រុងសេអ៊ូល។

លើសពីនេះទៀតដែរ របាយការណ៍បានបន្តទៀតថា គូស្នេហ៍មួយគូនេះបានចំណាយពេលជាមួយគ្នានៅទីក្រុង Milan និង Seoul ហើយទោះបីជា Karina កំពុងរស់នៅរួមក្រុម aespa នាពេលនេះក៏ដោយ ក៏អ្នកទាំងពីរអាចរីករាយនឹងការណាត់ជួបជាមួយគ្នាគ្រប់ពេលដែលពួកគេមានពេល។ ជាធម្មតា Karina នឹងជួបជាមួយ Lee Jae Wook នៅក្នុងសង្កាត់មួយ នាងត្រូវបានគេប្រទះឃើញដើរកៀកផ្ទះរបស់គាត់នៅពេលយប់ជានិច្ច។

សូមបញ្ចាក់ដែរថា Lee Jae Wook បានបង្ហាញខ្លួនជាលើកដំបូងក្នុងឆ្នាំ ២០១៨ ជាមួយនឹងរឿង ‘Memories of the Alhambra’ របស់ tvN ហើយចាប់តាំងពីពេលនោះមកបានបង្ហាញខ្លួននៅក្នុងរឿងជាច្រើនដូចជា Search: WWW’, ‘Extraordinary You’, ‘Do Do Sol Sol La La Sol’, ‘Alchemy of Souls’, និងរឿង ‘Death’s Game’។

ចំណែក Karina បានបង្ហាញខ្លួនជាលើកដំបូងជាសមាជិកក្រុមចម្រៀងនារី aespa ក្នុងឆ្នាំ ២០២០ ក្រុមនេះទទួលបានភាពជោគជ័យគួរឲ្យកត់សម្គាល់ជាមួយនឹងបទចម្រៀងល្បីៗដូចជា “Black Mamba”, “Next Level”, “Savage”, “Girls”, “Spicy” និង “Drama” ៕

អត្ថបទ៖ សាង ស្រីល័ក្ខ

ចុចអាន៖តួ សាន់ឆាយ បើកទូលាយឲ្យកូនៗ ​ហៅដៃគូ​ថ្មី​របស់​អតីត​ស្វាមីថា​ ម្ដាយពេញៗមាត់

The post Dispatch ផ្សាយថា Lee Jae Wook និង Karina ក្រុម aespa មានទំនាក់ទំនងស្នេហា appeared first on Kampuchea Thmey Daily.

តាមរយៈសារនៅលើផ្ទាំងបដា LED និងអេក្រង់ឌីជីថល អ្នកគាំទ្រទាមទារនិងជំរុញឲ្យផលិតកម្មយក្យមួយនេះ ការពារ Karina ឲ្យមែនទែន។ ជាពិសេសធ្វើឲ្យកាន់តែប្រសើរឡើងនូវការព្យាបាលផ្លូវចិត្តសមាជិកក្រុម aespa ពីអ្នកធ្វើបាបនាង។

សារសំខាន់ដែលផ្ញើចេញពីអ្នកគាំទ្ររបស់ Karina អានថា “SM Entertainment សូមបញ្ឍប់អំពើល្អចំពោះអ្នកស្អប់! សូមដាក់ទោស​ការ​បង្ហោះ​ព្យាបាទ​មិន​ឈប់​ឈរ​ ដែល​កំណត់​គោលដៅចំពោះ Karina ក្រុម aespa!” (“SM Entertainment, srop being nice to haters! Properly punish non-stop malicious posts targeting aespa’s Karina!”)។

ក្នុងនោះផងដែរ ក្រុមអ្នក​គាំទ្រ​បាន​បង្ហាញ​ការ​មិន​ពេញ​ចិត្ត​នឹង​ជំហរ​យឺតយ៉ាវ​របស់ផលិតកម្ម SM ចំពោះ​អ្នក​អត្ថាធិប្បាយ​នូវប្រយោគព្យាបាទ​ដែល​បង្ហោះ​ខ្លឹមសារ​ ​បង្ក​គ្រោះថ្នាក់​ជា​ប្រចាំ​ដល់ Karina មិនឈប់ឈរ។ សារបន្ថែមនៅលើឡានតវ៉ា បានសង្កត់ធ្ងន់លើតម្រូវការសម្រាប់វិធានការប្រកបដោយប្រសិទ្ធភាពពី SM ដើម្បីការពារ Karina ពីការយាយីតាមអ៊ីនធឺណិតដែលនាងកំពុងប្រឈមមុខ។

សូមបញ្ចាក់ដែរថា កាលពីពេលថ្មីៗនេះ Karina បានរកនូវប្រយោគគំរាមកំហែងដល់នាង​ ​ព្រមទាំងការយាយីតាមរយៈបណ្ដាញអ៉ិនធើនណេតពីសំណាក់ក្រុម Hater។ ប៉ុន្តែផលិតកម្ម SM ដែលជាទ្រនំរបស់សមាជិកក្រុម aespa បែរជាយឺតយ៉ាវ និងហាក់ព្រងើយមិនព្រមអើពើ រហូតធ្វើឲ្យអ្នកគាំទ្រទ្រាំលែងបានទើបសម្រេចចិត្តតវ៉ាជួយនាងភ្លាមៗ៕

ប្រែសម្រួល៖ សាង ស្រីល័ក្ខ

ប្រភព៖ Koreaboo

ចុចអាន៖បទ​កាលពី ១០ ឆ្នាំមុនរបស់ក្រុម EXO នៅតែវ៉ាដាច់គេក្នុងចំណាតថ្នាក់លេខ ២

The post អ្នកគាំទ្រដាក់ឡានតវ៉ាមុខអគារ SM ក្រោយ Karina រងការយាយីពី Hater appeared first on Kampuchea Thmey Daily.

​លោក លន់ សាមឌី អគ្គលេខាធិការ​សហព័ន្ធ​កីឡា​អេឡិចត្រូនិក​កម្ពុជា​បាន​បង្ហាញ​​​ថា ដោយ​មាន​ការ​ចង្អុល​បង្ហាញ​ពី​លោក ជា ច័ន្ទបរិបូរណ៍ រដ្ឋ​លេខាធិការ​ក្រសួង​ព័ត៌មាន និង​ជា​ប្រធាន​សហព័ន្ធ​កីឡា​អេឡិចត្រូនិក​កម្ពុជា ស្រប​តាម​ការ​​​​ឧបត្ថម្ភ​ថវិកា​ពី​ក្រសួង​អប់រំ យុវជន និង​កីឡា​សម្រាប់​ការ​អភិវឌ្ឍ​លើ​គោល​ដៅ​សំខាន់​៣​គឺ ការងារ​រដ្ឋបាល ការ​ងារ​បណ្តុះ​បណ្តាល និង​ការ​រៀបចំ​ព្រឹត្តិការណ៍​ប្រកួត ដូច្នេះ​សហព័ន្ធ​បាន​រៀបចំ​ឲ្យ​មាន​វគ្គ​បណ្តុះ​បណ្តាល«ចៅក្រម-អាជ្ញា​កណ្តាល​កីឡាអេឡិចត្រូនិក​កម្រិត​មូលដ្ឋាន​»​នេះ​ដើម្បី​បង្កើន​ធន​ធាន​មនុស្ស​ក្នុង​វិស័យ​កីឡា​អេឡិចត្រូនិក​នៅ​ក្នុង​ប្រទេស​កម្ពុជា។

វគ្គ​បណ្តុះ​បណ្តាល​នេះ​​រយៈ​ពេល​៥​ថ្ងៃ​ត្រូវ​បាន​ចាប់​ផ្តើម​បើក​កាល​ពី​ថ្ងៃ​ទី​១៩ ដល់​ទី​២៣ ខែ​កញ្ញា ឆ្នាំ​២០២៣​ ដោយ​ផ្តោត​លើ​​គោល​ការណ៍​សំខាន់​ចំនួន​៥​គឺ១ រចនា​សម្ព័ន្ធ និង​រដ្ឋបាល​កីឡា ២. នីតិសាស្ត្រ​ក្នុង​វិស័យ​កីឡា​អេឡិចត្រូនិក ​៣.ច្បាប់ប្រឆាំង​សារធាតុ​ហាម​ឃាត់ Anti Doping ៤. ក្រប​ខណ្ឌ​ការងារ និង​បទ​បញ្ជា​នៃ​ការ​ប្រកួត​របស់​អាជ្ញា​កណ្តាល​ជាតិ និង​៥. ក្រម​សីលធម៌ និង​វិជ្ជាជីវៈសារព័ត៌មាន។

លោកអគ្គលេខាធិការ​បាន​ឲ្យ​បញ្ជាក់​ថា សមាជិក​ដែល​បាន​ចូល​រួម​ក្នុង​វគ្គ​បណ្តុះ​បណ្តាលចៅក្រម-អាជ្ញា​ណ្តាល​កម្រិត​មូលដ្ឋាន​នេះ​ចំនួន​៣៩​រូប​ក្នុង​នោះ គ្រូ​ឧទ្ទេស​៨​រូប និង​សិក្ខា​៣១​រូបដែល​មាន​ស្ត្រី​៥​រូប។

គោល​បំណង​នៃ​ការ​រៀបចំ​វគ្គ​បណ្តុះ​បណ្តាល​នេះ​ឡើង​ដើម្បី​ដើរ​លើផ្លូវ​បង្កើន​​ធន​ធាន​មនុស្ស​ជា​កត្តា​សំខាន់​ក្នុង​ការ​អភិវឌ្ឍ​វិស័យ​កីឡា​នៅ​ក្នុង​ប្រទេស​កម្ពុជា។ នេះ​ជា​លើក​ដំបូង​ហើយ​ដែលសហព័ន្ធ​កីឡា​អេឡិចត្រូនិក​កម្ពុជា​​បាន​រៀបចំ​ឲ្យ​មាន​វគ្គ​បណ្តុះ​បណ្តាល​​ចៅក្រុម-អាជ្ញា​កណ្តាល​។

លោក ជា ច័ន្ទបរិបូរណ៍ រដ្ឋ​លេខាធិការ​ក្រសួង​ព័ត៌មាន និង​ជាប្រធាន​សហព័ន្ធ​កីឡា​អេឡិចត្រូនិក​កម្ពុជា​បាន​ធ្វើ​ការ​វាយ​តម្លៃ​ខ្ពស់​ចំពោះ​​វគ្គ​បណ្តុះបណ្តាល​​ចៅក្រម-អាជ្ញា​កណ្តាល​កម្រិត​មូលដ្ឋាន​​នេះ។ សិក្ខាកាម​ទាំង​អស់​ដែល​បាន​បញ្ចប់​ការសិក្សា​ដោយ​ជោគជ័យ​បាន​ក្លាយ​ជា​ធន​ធាន​មនុស្ស​សំខាន់​របស់​សហព័ន្ធ​កីឡា​អេឡិចត្រូនិកកម្ពុជាសម្រាប់​ចូល​រួម​ធ្វើ​ការ​ងារ​ក្នុង​ព្រឹត្តិការណ៍​ប្រកួត​នានា។

នៅ​ក្នុង​ពិធី​បិទ លោក ជា ច័ន្ទ​បរិបូរណ៍ បាន​ពន្យល់​បន្ថែម​ពី​អ្វី​ទៅ​ដែល​ជា​​កីឡាអេឡិចត្រូនិក ឬ Esports និង​ប្រវត្តិ​នៃ​ការ​តស៊ូ​របស់​សហព័ន្ធ​ក្នុង​ការ​បញ្ជ្រាប​ព័ត៌មាន​ដល់​​អ្នក​សារព័ត៌មាន និង​មហាជន​ឲ្យ​យល់​ច្បាស់​ពី​​ Esports ដើម្បី​កុំ​ឲ្យ​យល់​ច្រឡំ​ពាក់​ព័ន្ធ​នឹង​​ល្បែង​ស៊ីសង។

លោក​ប្រធាន​សហព័ន្ធ​បាន​ផ្តាំ​ផ្ញើ​ដល់សិក្ខាកាម​ទាំង​អស់ឲ្យ​ព្យាយាម​សិក្សា​ស្វែង​យល់ និង​អនុវត្ត​បន្ថែម​ដើម្បី​ឲ្យ​យល់​ច្បាស់​ពី​​លក្ខន្តិកៈ និង​គោលការណ៍​របស់​កីឡា​អេឡិចត្រូនិក​​ដើម្បី​ឆ្ពោះ​ទៅ​ក្លាយ​ជា​ចៅ​ក្រុម-អាជ្ញា​កណ្តាល​កម្រិត​ខ្ពស់​ទៅ​តាម​ជំនាញ​នៃ​វិញ្ញាសា​នីមួយ​ៗ។

ក្នុង​ពិធី​បិទកាល​ពី​ល្ងាច​ថ្ងៃ​ទី​២៣ ខែ​កញ្ញា ឆ្នាំ​២០២៣ នៅ​ទី​ស្នាក់​ការ​គណៈកម្មាធិការ​ជាតិ​អូឡាំពិក​កម្ពុជា​ចូល​រួម​ជា​គណៈ​អធិបតី​ដោយ​លោក តែម ម៉ឺន អនុរដ្ឋ​លេខាធិការ​ក្រសួង​ការពារ​ជាតិ និង​ជា​អគ្គលេខាធិការ​រង​នៃ​គណៈកម្មាធិការ​ជាតិ​អូឡាំពិក​កម្ពុជា និង​លោក អ៊ុក ឌីវ៉ង់ អគ្គនាយក​រង​នៃ​អគ្គនាយកដ្ឋាន​កីឡា​ នៃ​ក្រសួង​អប់រំ យុវជន និង​កីឡា ព្រម​ទាំង​គណៈកម្មការ​ប្រតិបត្តិ​នៃ​សហព័ន្ធ​កីឡា​អេឡិចត្រូនិក​កម្ពុជា៕

អត្ថបទ៖ វីរបុត្រ

The post សហព័ន្ធ​ EFC បណ្តុះបណ្តាលបានចៅក្រម-អាជ្ញាកណ្តាលមូលដ្ឋាន៣១រូប appeared first on Kampuchea Thmey Daily.

នេះជាលើកទីមួយហើយដែលក្រុមចម្រៀងនារី K-pop aespa បានចូលរួមក្នុងមហោស្រពភាពយន្ត Cannes ជាក្រុមពេញលេញ។ ក្នុងព្រឹត្តិការណ៍នោះ Karina បានពាក់រ៉ូបដែលរចនាពាក់រ៉ូបដែលរចនាដោយ Choi Jae Hoon និងបានបំពាក់វាជាមួយនឹងខ្សែកពេជ្រដែលធ្លាប់ពាក់ដោយតារាចម្រៀងអាមេរិក Rihanna កាលពីឆ្នាំ ២០១៤ ដែលតម្លៃនៃខ្សែកនេះត្រូវបានគេរាយការណ៍ថាមានប្រហែល ១.៦ ពាន់លានវ៉ុនកូរ៉េ (ប្រហែល ១.២ លានដុល្លារ) ។

ដោយឃើញខ្សែករបស់ Karina មានតម្លៃថ្លៃយ៉ាងនេះ មានអ្នកនិយមលេងអ៊ីនធឺណេតដែលបានរកឃើញនិងបញ្ចេ ញមតិដូចជា “នាងស្អាតជាងខ្សែកដែលនាងពាក់ទៅទៀត” និងអ្នកខ្លះទៀតបានក៏បញ្ចេញមាតិថា “នាងមើលទៅស្រស់ស្អាតខ្លាំងណាស់នៅក្នុងសម្លៀកបំពាក់ និងគ្រឿងអលង្ការរបស់នាង” ។

យ៉ាងណាមិញ Aespaជាក្រុមចម្រៀងK-Pop ដំបូងបង្អស់បានចូលរួមក្នុងកម្មវិធីមហោស្រពភាពយន្ត Cannes លើកទី ៧៦ នៅប្រទេសបារាំង ក្នុងនាមជាទូតសុឆន្ទៈសកលរបស់ក្រុមហ៊ុនគ្រឿងអលង្ការប្រណីតរបស់ប្រទេសស្វីស Chopard ដែលជាអ្នកឧបត្ថម្ភផ្លូវការនៃមហោស្រពភាពយន្ត Cannes តាំងពីឆ្នាំ ១៩៩៧ រហូតដល់បច្ចុប្បន្ន ៕

ប្រែសម្រួល៖នាងតូច

ចុចអាន៖តារាចម្រៀងជើងចាស់ Celine Dion លក់ផ្ទះតម្លៃ ៣០ លានដុល្លារ

The post Karina សមាជិកក្រុម Aespa បង្អួតខ្សែកតម្លៃខ្ទង់លានដុល្លារនៅមហោស្រពភាពយន្ត Cannes appeared first on Kampuchea Thmey Daily.

យោងតាមការប្រកាសរបស់ក្រុមហ៊ុន សមាជិកទាំងបួននឹងចូលរួមក្នុងព្រឹត្តិការណ៍នេះក្នុងនាមជាទូតសុឆន្ទៈសកលរបស់ក្រុមហ៊ុនគ្រឿងអលង្ការប្រណីតរបស់ប្រទេសស្វីស Chopard ដែលជាអ្នក ឧបត្ថម្ភផ្លូវការនៃមហោស្រពភាពយន្ត Cannes ពីឆ្នាំ ១៩៩៧ រហូតដល់បច្ចុប្បន្ន។ ម្យ៉ាងវិញទៀត មហោស្រពភាពយន្ត Cannes គឺជាមហោស្រពភាពយន្តមួយក្នុងចំណោមមហោស្រពភាពយន្ត កំពូលទាំងបីនៅលើពិភពលោក ឆ្នាំនេះនឹងធ្វើឡើងនៅថ្ងៃទី ១៦ ដល់ ២៧ ឧសភា ។

ក្រៅពី aespa ក៏មានតារា K-Pop ជាច្រើនរូបទៀតបានចូលរួមក្នុងមហោស្រពភាពយន្ត Cannes នៅឆ្នាំនេះរួមមាន Krystalសមាជិក f(x) តារាចម្រៀង Bibi និងJennie សមាជិកក្រុម BLACKPINK ក៏ទទួលបានការអញ្ជើញពីអ្នករៀបចំផងដែរ ប៉ុន្តែតារាស្រីរូបនេះមិនទាន់សម្រេចចិត្តថាតើត្រូវចូលរួមឬអត់នោះទេ ៕

ប្រែសម្រួល៖នាងតូច

ចុចអាន៖T.O.P សមាជិក BIGBANG ចែករំលែករូប Selfie មុនធ្វើដំណើរទៅឋានព្រះច័ន្ទ

The post aespa ជាក្រុម K-Pop ដំបូងបង្អស់ នឹងចូលរួមក្នុងមហោស្រពភាពយន្ត Cannes appeared first on Kampuchea Thmey Daily.