តួ សាន់ឆាយ បើកទូលាយឲ្យកូនៗ ​ហៅដៃគូ​ថ្មី​របស់​អតីត​ស្វាមីថា​ ម្ដាយពេញៗមាត់

ម្ដាយរបស់តារាចម្រៀង និងជាតារាសម្ដែង Barbie Hsu ឬអតីតតួសាន់ឆាយ បានបង្ហើបថា កូនស្រីរបស់នាងកំពុងគាំទ្រអតីតស្វាមីដោយបង្កើតទំនាក់ទំនងថ្មី និងលើកទឹកចិត្តកូនៗឲ្យទាក់ទងជាមួយដៃគូថ្មីរបស់គាត់មិនប្រកាន់ខឹង ឬហាមឃាត់សូម្បីតែបន្តិចណាឡើយ។

ក្នុងអំឡុងពេលសម្រាករដូវរងា អតីតស្វាមីរបស់សាន់ឆាយដែលជាអ្នកជំនួញជនជាតិចិនឈ្មោះ Wang Xiaofei បានយកកូន២នាក់របស់ពួកគេចេញ ដែលជាការសម្រេចចិត្តមួយដែលត្រូវបានគេរាយការណ៍ថា អតីតគូស្វាមីនេះបានព្រងព្រាងគ្នារួចរាល់អស់ហើយ។

ក្នុងនោះផងដែរ សាន់ឆាយបានពន្យល់ថា ការរៀបចំនេះត្រូវបានព្រមព្រៀងគ្នាដោយគ្មានគាបសង្កត់ណាមួយ​​ ឬការគំរាមគំហែងពីភាគីម្ខាងទៀតទេ។ ជាការសម្រេចចិត្តនេះទៀតសោត គឺជាការប្តេជ្ញាចិត្តរបស់ពួកគេក្នុងការធានានូវបទពិសោធន៍នៃការចិញ្ចឹមកូនដោយរលូនសម្រាប់កូនៗទៅថ្ងៃខាងមុខ។

យោងតាមវិបផតថលរបស់ចិន Sohu លោក Wang បានប្រារព្ធពិធីបុណ្យចូលឆ្នាំថ្មីនៅប្រទេសសិង្ហបុរីជាមួយមិត្តស្រីថ្មីរបស់គាត់ឈ្មោះ Mandy រួមជាមួយនឹងកូនពីរនាក់ពីអាពាហ៍ពិពាហ៍មុនរបស់គាត់ជាមួយសាន់ឆាយ។ ប្រភពបានណែនាំថាម្ដាយថ្មីបានបង្កើតទំនាក់ទំនងជិតស្និទ្ធជាមួយកុមារ ហើយជារឿយៗតែងតែនាំពួកគេចេញទៅក្រៅសម្រាប់សកម្មភាព និងពេលវេលាទំនាក់ទំនង។

យោងតាមក្រុមហ៊ុនអ៊ីនធឺណេតចិន ១៦៣ បានឲ្យដឹងថា ខណៈដែលភាពតានតឹងរវាងសាន់ឆាយ និងអតីតស្វាមី បានធូរស្រាល យោងតាមរបាយការណ៍ ជម្លោះផ្លូវច្បាប់របស់ពួកគេលើការបែងចែកទ្រព្យសម្បត្តិ និងការគាំទ្រកុមារនៅតែមិនទាន់ដោះស្រាយនៅក្នុងតុលាការ។

ទោះយ៉ាងណាក៏ដោយ បន្ទាប់ពីការប្រកាសលែងលះនៅចុងឆ្នាំ២០២១ ក្រោយរៀបការដប់ឆ្នាំជាមួយ Wang Xiaofei នាងបានផ្តោតលើការចិញ្ចឹមកូនពីរនាក់នៅតៃវ៉ាន់។​ ក្រោយមកទៀតក្នុងឆ្នាំ២០១២ នាងបានរកឃើញសុភមង្គលក្នុងទំនាក់ទំនងថ្មីមួយជាមួយនឹង​តារា​ចម្រៀងនិង​ផលិតករ​តន្ត្រី DJ Koo បាន​ប្រកាស​រៀប​ការ​នៅ​ថ្ងៃ​ទី ៨ ខែ​មីនា ឆ្នាំ ២០២២កន្លងទៅនេះ៕

អត្ថបទ៖ សាង ស្រីល័ក្ខ

ចុចអាន៖ចុងភៅទេវតាបំផុសគំនិតទិនហ្វីក្នុងភាពយន្តឆ្នាំ១៩៩៦ រងការរិះគន់ធ្វើម្ហូបអត់អនាម័យ