បទ​កាលពី ១០ ឆ្នាំមុនរបស់ក្រុម EXO នៅតែវ៉ាដាច់គេក្នុងចំណាតថ្នាក់លេខ ២

ថ្វីត្បិតតែជាបទដែលមិនមានចំណងជើងពីអាល់ប៊ុមពិសេសសម្រាប់រដូវរងា Miracles in December ដែលចេញក្នុងឆ្នាំ ២០១៣ ក៏ដោយ ក៏បទចម្រៀង First Snow នៅតែបន្តត្រូវបានអ្នកគាំទ្រពេញចិត្តជាស្នាដៃមិនចេះចប់។

នៅពេលចេញផ្សាយ First Snow ដំបូង វាទទួលបានប្រជាប្រិយភាពខ្លាំងក្នុងរដូវរងា។ ព្រមទាំងបានលេចឡើងជាបន្តបន្ទាប់នៅលើតារាងតន្ត្រីក្នុងស្រុកក្នុងអំឡុងពេលនោះ។ សមត្ថភាពរបស់បទចម្រៀងក្នុងការឡើងលើតារាងក្នុងរដូវរងា គួបផ្សំនឹងការរស់ឡើងវិញជារៀងរាល់ឆ្នាំ បានរួមចំណែកដល់ភាពជោគជ័យដ៏យូរអង្វែងរបស់វា។

លើសពីនេះទៀត ជាមួយនឹងរដូវរងាកាន់តែខិតជិតមកដល់ First Snow ជាថ្មីម្តងទៀតបានទទួលបានចំណាត់ថ្នាក់នៅលើតារាងតន្ត្រី ដោយទទួលបានចំណាត់ថ្នាក់ខ្ពស់ជាងឆ្នាំមុនដោយជាប់លេខ២ ស្របពេលដែលថ្មីៗនេះនៅលើ Music Bank របស់ KBS គឺនៅលេខ៦ និងនៅលើ Top 100 របស់ Melon ។

បណ្តាញផ្សព្វផ្សាយនានាសន្មតថា ការពេញនិយមជានិរន្តរភាពរបស់បទចម្រៀងទៅនឹងនិន្នាការប្រកួតប្រជែង SNS ដែលគេស្គាល់ថាជា ការប្រកួតព្រិលដំបូង ដែលអ្នកប្រើប្រាស់ធ្វើការបកស្រាយឡើងវិញនូវក្បាច់រាំរបស់បទចម្រៀងដោយច្នៃប្រឌិតដោយការលេងវាក្នុងល្បឿនកាន់តែលឿន។ ការប្រកួតប្រជែងនេះបានរីករាលដាលនៅលើវេទិកាដូចជា Instagram Reels និង TikTok ជាពិសេសក្នុងចំណោមមនុស្សជំនាន់ក្រោយ ដែលនាំឲ្យមានការកើនឡើងនូវចំណាប់អារម្មណ៍ និងការចូលរួមពីក្រុមតារា រួមទាំងក្រុមយុវជនរបស់ EXO ផងដែរ។

យ៉ាងណាមិញ​ ទោះបីជាបទចម្រៀង First Snow មានអាយុមួយទសវត្សរ៍ក៏ដោយក៏ប្រកួតប្រជែងជាមួយតារាស្រករក្រោយវានៅតែទទួលបាននូវជោគជ័យ។ មូលហេតុចម្បងត្រូវបានកំណត់ថាជាឥទ្ធិពលនៃការកំណត់និន្នាការនៃបញ្ហាប្រឈម SNS ។ បទចម្រៀងល្អៗមួយនេះអាចឆ្លងផុតពេលវេលា និងបន្តស្តាប់ទៅមនុស្ស ដោយធ្វើឲ្យវាក្លាយជាបទចម្រៀងបុរាណដែលឈរលើការសាកល្បងនៃការផ្លាស់ប្តូរសម័យកាល

សូមរម្លឹកដែរថា First Snow គឺជាចម្រៀងប៉ុបបែបសូរស័ព្ទដែលមានទំនុកច្រៀងក្នុងន័យអាឡោះអាល័យ រំឮកពីស្នេហាអតីតកាលមួយកំឡុងពេលធ្លាក់ព្រិលលើកដំបូង វាផ្ដល់អារម្មណ៍ស្រស់ស្រាយ និងបទភ្លេងស្ងប់ស្ងាត់ដល់អ្នកស្ដាប់មិនជិនណាយឡើយ៕

ប្រែសម្រួល៖ សាង ស្រីល័ក្ខ

ប្រភព៖KBIZoom

ចុចអាន៖ជនជាតិកូរ៉េខាងជើង២រូប នឹង​បង្ហាញ​ខ្លួន​ដំបូង​ក្នុងវិស័យ K-Pop ​