aespa ជាក្រុម K-Pop ដំបូងបង្អស់ នឹងចូលរួមក្នុងមហោស្រពភាពយន្ត Cannes

ខាងផលិតកម្ម SM Entertainment បានប្រកាសជាផ្លូវការថា ក្រុមចម្រៀង aespa នឹងចូលរួមក្នុងមហោស្រពភាពយន្តអន្តរជាតិ Cannes នៅឆ្នាំនេះ មានន័យថានឹងក្លាយជាក្រុម K-Pop ដំបូងគេក្នុងប្រវត្តិសាស្ត្រដែលមានវត្តមានក្នុងព្រឹត្តិការណ៍ដ៏មានកិត្យានុភាពនេះ ។

យោងតាមការប្រកាសរបស់ក្រុមហ៊ុន សមាជិកទាំងបួននឹងចូលរួមក្នុងព្រឹត្តិការណ៍នេះក្នុងនាមជាទូតសុឆន្ទៈសកលរបស់ក្រុមហ៊ុនគ្រឿងអលង្ការប្រណីតរបស់ប្រទេសស្វីស Chopard ដែលជាអ្នក ឧបត្ថម្ភផ្លូវការនៃមហោស្រពភាពយន្ត Cannes ពីឆ្នាំ ១៩៩៧ រហូតដល់បច្ចុប្បន្ន។ ម្យ៉ាងវិញទៀត មហោស្រពភាពយន្ត Cannes គឺជាមហោស្រពភាពយន្តមួយក្នុងចំណោមមហោស្រពភាពយន្ត កំពូលទាំងបីនៅលើពិភពលោក ឆ្នាំនេះនឹងធ្វើឡើងនៅថ្ងៃទី ១៦ ដល់ ២៧ ឧសភា ។

ក្រៅពី aespa ក៏មានតារា K-Pop ជាច្រើនរូបទៀតបានចូលរួមក្នុងមហោស្រពភាពយន្ត Cannes នៅឆ្នាំនេះរួមមាន Krystalសមាជិក f(x) តារាចម្រៀង Bibi និងJennie សមាជិកក្រុម BLACKPINK ក៏ទទួលបានការអញ្ជើញពីអ្នករៀបចំផងដែរ ប៉ុន្តែតារាស្រីរូបនេះមិនទាន់សម្រេចចិត្តថាតើត្រូវចូលរួមឬអត់នោះទេ ៕

ប្រែសម្រួល៖នាងតូច

ចុចអាន៖T.O.P សមាជិក BIGBANG ចែករំលែករូប Selfie មុនធ្វើដំណើរទៅឋានព្រះច័ន្ទ