ជីវិតកម្សាន្ដ

អ្នកគាំទ្រដាក់ឡានតវ៉ាមុខអគារ SM ក្រោយ Karina រងការយាយីពី Hater

បានផុស

៣ years មុន

នៅ

ថ្ងៃព្រហស្បតិ៍ ១៤ ធ្នូ ២០២៣

ដោយ

ដោយមានការព្រួយបារម្មណ៍ពីសុខុមាលភាពរបស់ Karina សមាជិកក្រុម aespa នាពេលថ្មីៗនេះ អ្នកគាំទ្ររបស់តារាស្រីរូបនេះ បានរៀបចំសារខ្លាំងៗសំដៅទៅកាន់ផលិតកម្ម SM Entertainment តាមរយៈរថយន្តតវ៉ាដែលផ្ញើទៅកាន់ទីស្នាក់ការកណ្តាលរបស់ក្រុមហ៊ុនតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈសារនៅលើផ្ទាំងបដា LED និងអេក្រង់ឌីជីថល អ្នកគាំទ្រទាមទារនិងជំរុញឲ្យផលិតកម្មយក្យមួយនេះ ការពារ Karina ឲ្យមែនទែន។ ជាពិសេសធ្វើឲ្យកាន់តែប្រសើរឡើងនូវការព្យាបាលផ្លូវចិត្តសមាជិកក្រុម aespa ពីអ្នកធ្វើបាបនាង។

សារសំខាន់ដែលផ្ញើចេញពីអ្នកគាំទ្ររបស់ Karina អានថា “SM Entertainment សូមបញ្ឍប់អំពើល្អចំពោះអ្នកស្អប់! សូមដាក់ទោសការបង្ហោះព្យាបាទមិនឈប់ឈរ ដែលកំណត់គោលដៅចំពោះ Karina ក្រុម aespa!” (“SM Entertainment, srop being nice to haters! Properly punish non-stop malicious posts targeting aespa’s Karina!”)។

ក្នុងនោះផងដែរ ក្រុមអ្នកគាំទ្របានបង្ហាញការមិនពេញចិត្តនឹងជំហរយឺតយ៉ាវរបស់ផលិតកម្ម SM ចំពោះអ្នកអត្ថាធិប្បាយនូវប្រយោគព្យាបាទដែលបង្ហោះខ្លឹមសារ បង្កគ្រោះថ្នាក់ជាប្រចាំដល់ Karina មិនឈប់ឈរ។ សារបន្ថែមនៅលើឡានតវ៉ា បានសង្កត់ធ្ងន់លើតម្រូវការសម្រាប់វិធានការប្រកបដោយប្រសិទ្ធភាពពី SM ដើម្បីការពារ Karina ពីការយាយីតាមអ៊ីនធឺណិតដែលនាងកំពុងប្រឈមមុខ។

សូមបញ្ចាក់ដែរថា កាលពីពេលថ្មីៗនេះ Karina បានរកនូវប្រយោគគំរាមកំហែងដល់នាង ព្រមទាំងការយាយីតាមរយៈបណ្ដាញអ៉ិនធើនណេតពីសំណាក់ក្រុម Hater។ ប៉ុន្តែផលិតកម្ម SM ដែលជាទ្រនំរបស់សមាជិកក្រុម aespa បែរជាយឺតយ៉ាវ និងហាក់ព្រងើយមិនព្រមអើពើ រហូតធ្វើឲ្យអ្នកគាំទ្រទ្រាំលែងបានទើបសម្រេចចិត្តតវ៉ាជួយនាងភ្លាមៗ៕