ហេតុ​អ្វី​បាន​ជា​យុវជន​មាន​ការ​ភ្លេច​ភ្លាំង?

ការចងចាំមានពីរប្រភេទផ្សេងគ្នាគឺ ការចងចាំរយៈពេលខ្លី និងការចងចាំរយៈពេលវែង។ ការ​ចង​ចាំ​រយៈ​ពេល​ខ្លី​ គឺ​ជា​ការ​ចង​ចាំ​រឿង​ដែល​បាន​កើត​ឡើង​ក្នុង​រយៈ​ពេល​ប៉ុន្មាន​ម៉ោង​ចុង​ក្រោយ​នេះ។ ចំណែក ការចងចាំរយៈពេលវែង គឺទាក់ទងនឹងដំណើរការ និងទំនាក់ទំនងអតីតកាល។ នៅពេលដែលមនុស្សវ័យក្មេងទទួលរងនូវការចងចាំមួយ ឬទាំងពីរប្រភេទខាងលើ ពួកគេនឹងទទួលរងនូវការភ្លេចភ្លាំង។

ចំពោះមូលហេតុដែលអាចកើតមាននៃការភ្លេចភ្លាំងចំពោះមនុស្សវ័យក្មេងរួមមាន៖

ការងារស្ត្រេសអាចនាំឲ្យភ្លេចភ្លាំង៖ យុវវ័យភាគច្រើនត្អូញត្អែរអំពីការចងចាំរបស់ពួកគេ មិនមែនជាមនុស្សដែលបាត់បង់ការចងចាំពិតប្រាកដនោះទេ ប៉ុន្តែដោយសារតែពួកគេជារឿយៗទទួលរងនូវរោគសញ្ញាមួយនៃជំងឺថប់បារម្ភ ជំងឺធ្លាក់ទឹកចិត្ត ភាពតានតឹងយូរ ឬស្ត្រេសស្រួចស្រាវ សម្ពាធការងារ ការគេងមិនលក់។ កាត់បន្ថយការផ្តោតអារម្មណ៍ និងការយកចិត្តទុកដាក់ និងប៉ះពាល់ដល់ការចងចាំ។ ជារឿយៗពួកគេពិបាកក្នុងការចងចាំព្រឹត្តិការណ៍ថ្មីៗ និងរំលឹកព្រឹត្តិការណ៍អតីតកាល។

ដោយសារស្ថានភាពសុខភាព៖ មនុស្សវ័យក្មេងដែលមានជំងឺធ្លាក់ទឹកចិត្ត ឬសញ្ញានៃជំងឺវិកលចរិក មានការភ្លេចភ្លាំងយ៉ាងខ្លាំង។ ការបាត់បង់ការចងចាំនៅក្នុងករណីទាំងនេះ កើតឡើងក្នុងស្ថានភាពស្ត្រេស ឬគ្រោះថ្នាក់ ហើយជាធម្មតាគ្រាន់តែជាការបាត់បង់ការចងចាំរយៈពេលខ្លីប៉ុណ្ណោះ ប៉ុន្តែជួនកាលក៏មានការបាត់បង់ការចងចាំរយៈពេលវែងផងដែរ។ អ្នកដែលមានជំងឺថ្លើម ឬតម្រងនោមរ៉ាំរ៉ៃដោយមិនដឹងខ្លួន ឬជំងឺសួតរ៉ាំរ៉ៃដែលបណ្តាលឲ្យខ្វះឈាម ខួរក្បាលក៏មានរោគសញ្ញានៃការភ្លេចភ្លាំងផងដែរ។

មូលហេតុនៃជំងឺខួរក្បាល និងរបួសខួរក្បាល៖ ការបាត់បង់ការចងចាំជាបណ្តោះអាសន្ន អាចកើតឡើងយ៉ាងងាយចំពោះអ្នកដែលមានជំងឺរលាកខួរក្បាល និងរលាកស្រោមខួរ។ មូលហេតុទាំងនេះអាចបណ្តាលឲ្យខូចខួរក្បាលយូរអង្វែង។ អាស្រ័យលើកម្រិតនៃការខូចខាត មនុស្សអាចបាត់បង់ការចងចាំរយៈពេលខ្លី ឬរយៈពេលវែង ឬទាំងពីរ។ លើសពីនេះ វាក៏មានករណីនៃជំងឺ cortical atrophy ដោយសារតែជំងឺហ្សែន ឬជំងឺខួរក្បាល degenerative ​ ដែលបណ្តាលឲ្យបាត់បង់ការចងចាំ និងភ្លេចភ្លាំងផងដែរ។

ដោយសារថ្នាំ និងសារធាតុញៀន៖ អ្នកដែលមានកង្វះវីតាមីន B1 ងាយនឹងកើតជំងឺវង្វេងហៅថា រោគសញ្ញា Wernicke-Korsakoff។ រោគសញ្ញានេះច្រើនតែកើតមានចំពោះអ្នកដែលខ្វះអាហាររយៈពេលយូរ ឬជាអ្នកញៀនស្រា។ ប្រសិនបើ​មិន​បាន​ព្យាបាល​ទេ ជំងឺ​អាច​ឈាន​ទៅ​រក​ជំងឺ​វង្វេង។ ជាមួយនឹងការព្យាបាលដ៏ល្អ អ្នកជំងឺអាចជាសះស្បើយពេញលេញ ប៉ុន្តែពេលខ្លះអាចបាត់បង់ការចងចាំបណ្តោះអាសន្ន។ ការប្រើប្រាស់សារធាតុជំរុញរយៈពេលយូរ ការញៀនស្រា និងការប្រើប្រាស់គ្រឿងញៀនដូចជាកូកាអ៊ីន ក៏ជាមូលហេតុនៃការភ្លេចភ្លាំងផងដែរ។

ព្យាបាល និងកំណត់ការភ្លេចភ្លាំង

នៅពេលដែលមនុស្សម្នាក់ទទួលរងនូវការភ្លេចភ្លាំង បុគ្គលិកលក្ខណៈរបស់អ្នកជំងឺក៏ផ្លាស់ប្តូរផងដែរ ដូចជាបង្ហាញភាពងឿងឆ្ងល់ ព្រងើយកន្តើយចំពោះអ្នកដទៃ ហើយតែងតែត្អូញត្អែរអំពីការភ្លេច ឬមិនចងចាំ។ សញ្ញា​ពីរ​ប្រភេទ​នៃ​ការ​ភ្លេចភ្លាំង​រួម​មាន សំណួរ​ដដែលៗ សង្កត់ធ្ងន់​លើ​ពាក្យ​ចុងក្រោយ ឬ​ការលើកឡើង​ពី​ផ្នែក​ចុងក្រោយ​នៃ​ប្រយោគ។

ការភ្លេចភ្លាំងអាចព្យាបាលបាន។ ដូច្នេះហើយ នៅពេលដែលអ្នកឃើញសញ្ញានៃការភ្លេចភ្លាំង អ្នកគួរតែទៅជួបគ្រូពេទ្យជាបន្ទាន់ ដើម្បីកំណត់កម្រិតនៃការភ្លេចភ្លាំង ស្វែងរកកត្តាហានិភ័យនៃជំងឺ និងព្យាបាលជំងឺនេះ។​ បច្ចុប្បន្ននេះ ឱសថជាច្រើនជាពិសេសព្យាបាលការភ្លេចភ្លាំងដូចជា ភ្លេចភ្លាំងដោយសារជំងឺវង្វេង ភ្លេចភ្លាំងបន្ទាប់ពីដាច់សរសៃឈាមខួរក្បាល ភាពភ្លេចភ្លាំងទូទៅចំពោះមនុស្សចាស់ ភាពភ្លេចភ្លាំងដោយសារជំងឺធ្លាក់ទឹកចិត្ត និងស្ត្រេស។

គំនិតថ្មីនៃការព្យាបាលដែលត្រូវបានស្នើឡើងគឺការប្រើប្រាស់ថ្នាំប្រឆាំងនឹងការចុះខ្សោយនៃខួរក្បាលដូចជា វីតាមីន E វីតាមីន C ទាំងនេះគឺជាថ្នាំដែលមានឥទ្ធិពលប្រឆាំងអុកស៊ីតកម្ម ដែលជួយការពារកោសិកា ជាពិសេសជួយឲ្យកោសិកាខួរក្បាលចៀសផុតពីផលប៉ះពាល់ដ៏គ្រោះថ្នាក់នៃការចុះខ្សោយនៃខួរក្បាល។ ក្រៅ​ពី​នេះ ពួកគេ​ក៏​មាន​សមត្ថភាព​ក្នុង​ការ​ធ្វើ​ឲ្យឈាម​រត់​ក្នុង​ខួរក្បាល​ប្រសើរ​ឡើង​ផង​ដែរ ដូច្នេះ​វា​ក៏​ត្រូវ​បាន​គេ​ប្រើ​ដើម្បី​ព្យាបាល​ជំងឺ​ភ្លេចភ្លាំង និង​ការ​ធ្លាក់​ចុះ​នៃ​ការ​យល់​ដឹង​បន្ទាប់​ពី​ដាច់​សរសៃ​ឈាម​ខួរក្បាល។

បន្ថែមពីលើការប្រើប្រាស់ថ្នាំ អ្នកអាចហាត់កីឡា ជាពិសេសយូហ្គា។ លំហាត់ប្រាណមិនត្រឹមតែជួយពង្រឹងកម្លាំងរាងកាយប៉ុណ្ណោះទេ ប៉ុន្តែវាក៏ជួយពង្រឹងសមត្ថភាពផ្លូវចិត្តផងដែរ ព្រោះវាជំរុញចរាចរឈាម បង្កើនការរំលាយអាហារ និងបង្កើនចរាចរខួរក្បាល ធ្វើឲ្យមានតុល្យភាពអារម្មណ៍។ កីឡាក្រៅផ្ទះដូចជាហែលទឹក ដើរ ជិះកង់ ក៏ល្អសម្រាប់ការចងចាំផងដែរ៕

អត្ថបទ៖ សាង ស្រីល័ក្ខ

ចុចអាន៖តើ​ការ​ញ៉ាំ​អាហារ​ពេល​យប់​ អាចកើត​ជំងឺ​ដាច់​សរសៃឈាម​ខួរក្បាល​ដែរ​ឬ​ទេ?

The post មនុស្សវ័យក្មេងច្រើនភ្លេចភ្លាំង នេះជាមូលហេតុពិតប្រាកដ appeared first on Kampuchea Thmey Daily.

ជំងឺភ្លេចភ្លាំងគឺជាការខ្សោះជីវជាតិនៃរចនាសម្ព័ន្ធជាលិកានៅក្នុងខួរក្បាលដែលនៅក្នុងខួរក្បាលរបស់មនុស្សមានចរន្តអគ្គិសនី។ ពេលយើងប្រើខួរក្បាលច្រើន សម្រាកតិច គេងយឺត ប្រើការគិតច្រើន។

ប្រូតេអ៊ីនមួយប្រភេទហៅថា បេតា-អាមីឡូអ៊ីត (beta-amyloid) ដែលនឹងភ្ជាប់ទៅនឹងកោសិកាខួរក្បាល វា​នឹង​ធ្វើ​ឲ្យកោសិកា​ខួរក្បាល​កាន់តែ​យ៉ាប់យ៉ឺន និង​ផុយស្រួយ។ វាបំផ្លាញទំនាក់ទំនងរវាងកោសិកាខួរក្បាល ដែលជាសារធាតុបញ្ជូនសរសៃប្រសាទដែលប៉ះពាល់ដល់ ដោយផ្ទាល់ជាមួយការចងចាំ ប្រសិនបើមានការប្រមូលផ្តុំនៃសារធាតុ beta-amyloid ជាលទ្ធផល ដំណើរការខួរក្បាលថយចុះជាលំដាប់។

តោះពិនិត្យរោគសញ្ញា ថាតើអ្នកមានរោគសញ្ញានៃជំងឺភ្លេចភ្លាំងឬអត់?

១ ភ្លេចភ្លាំង

​ធម្មតា​ជា​រោគសញ្ញា​នៃ​ការ​ភ្លេច​ភ្លាំង​ក្នុង​រយៈពេល​ខ្លីច្រើនកើតឡើងលើគ្រប់មនុស្សគ្រប់វ័យ។ អ្នកខ្លះជួបប្រទះហេតុការណ៍ដូចជា តើ​ភ្លើង​បាន​បិទ​ហើយ​ឬ​នៅ​? តើអ្នកបានបិទហ្គាសហើយឬនៅ? ទាំងនេះគឺជារោគសញ្ញានៃការភ្លេចភ្លាំងរយៈពេលខ្លី។ ក្នុងអំឡុងពេលនេះគេចាត់ទុកថា អ្នកជំងែនៅតែអាចមើលថែខ្លួនឯងបាន។

២ ការផ្លាស់ប្តូរអាកប្បកិរិយា

មនុស្ស​ដែលមានជំងឺភ្លេចភ្លាំងច្រើនតែមិន​ចង់​ចេញ​ទៅ​ជួប​មនុស្ស​​ ​មិន​ចង់​ធ្វើ​សកម្មភាព​ណា​មួយ​ទេ។ អារម្មណ៍ប្រែប្រួល និងឆេវឆាវ អ្នកខ្លះដកខ្លួនចេញ ហើយបន្តរឿងដដែលៗក្នុងជីវិត។ លើសពីនេះពួកគេមិនអាចស្វែងរកទិសដៅជាខ្លួនឯង ហើយចាប់ផ្តើមមានអារម្មណ៍តានតឹង និងពិបាកចិត្ត និងមានរោគសញ្ញានៃជំងឺធ្លាក់ទឹកចិត្ត។

៣ លែងមានចំណង់អ្វីទាំងអស់

មនុស្សខ្លះទផតឈានដល់ទៅភ្លេចលេបថ្នាំ។ចាប់ផ្តើមលែងសូវមើលថែខ្លួនឯងបាន។ រហូតឈានដល់លែងបរិភោគអាហារ ដំណាក់កាលនេះត្រូវបានចាត់ទុកថាមានគ្រោះថ្នាក់សម្រាប់អ្នកជំងឺ កង្វះអាហារូបត្ថម្ភអាចនាំឲ្យស្លាប់។

តាមរយះ៣ចំណុចខាងលើនេះ តើក្នុងខ្លួនរបស់អ្នកនិងអ្នកដែលនៅជុំវិញអ្នក តើរោគសញ្ញាទាំងនេះបានចាប់ផ្តើមកើតឡើងដែរឬទេ។ ប្រសិនបើអ្នកចាប់ផ្តើមមានរោគសញ្ញា សូមសម្រាកឲ្យបានច្រើន ព្រោះការគេងរបស់អ្នក រាងកាយរបស់អ្នកនឹងអាចជួសជុលផ្នែកដែលខូច។ ឈប់គិត វានឹងការពារខ្លួនឯងឲ្យឆ្ងាយពីជំងឺ៕

ប្រែសម្រួល សាង ស្រីល័ក្ខ

ចុចអាន ស្រីៗនៅកូរ៉េខាងត្បូងថា ពួកនាង​ណាត់​ជួប​បុរសដែល​ប្រើ iPhone ប៉ុណ្ណោះ

The post មានប៉ុន្មានចំណុចនេះក្នុងខ្លួន ជាសញ្ញានៃជំងឺភ្លេចភ្លាំងគួរកុំប្រហែស appeared first on Kampuchea Thmey Daily.

ការ​ស្រាវជ្រាវ​ធ្វើ​ឡើង​ដោយ​សាកលវិទ្យាល័យ​ជាតិ​សិង្ហបុរី​​ បាន​តាម​ដាន​លើ​របប​អាហារ​​របស់​ពលរដ្ឋ​​សិង្ហបុរី​​ ៦៦៣​​នាក់ មាន​អាយុ​​លើស​ពី ​៦០​ឆ្នាំ ហើយ​​រក​ឃើញ​ថា មនុស្ស​​ចាស់មាន​វ័យ​​លើ ​៦០​ឆ្នាំ​ ច្រើន​មាន​បញ្ហា​បាត់​បង់​ កម្រិត​យល់​ដឹង​ច្រើន​ ឬ​ហៅ​ថា Mild cognitive impairment (MCI)។

យ៉ាង​ណា​មិញ​ នៅ​ពេល​ពួក​គេ​​ពិនិត្យ​មើល​របប​អាហារ​ឃើញ​ថា មនុស្ស​ចាស់​​​បានញ៉ាំ​​​ប្រភេទ​បន្លែ​ផ្សិត​​ក្នុង​របប​អាហារ​ច្រើនដង ​ក្នុង​​មួយ​​សប្តាហ៍ មានការភ្លេច​ភ្លាំង​ និង​បញ្ហា​ស្មារតី​ខ្សោយ ​តិច​ជាង​អ្នក​មិន​ញ៉ាំផ្សិត​។

“នេះ​ពិត​ជា​គួរ​ឱ្យ​ភ្ញាក់​ផ្អើល​ និង​លើក​ទឹក​ចិត្ត​ឲ្យ​ញ៉ាំ​បន្លែ​ផ្សិត”។ នេះ​បើ​តាម​​​លោក​​ Lei Feng ជា​សាស្រ្តាចារ្យ​ដឹក​នាំ​ការ​ស្រាវជ្រាវ​ខាង​លើ​។

​​​​​​​
សាស្រ្តាចារ្យ​​សិង្ហបុរី​រូប​នេះ បន្ថែម​ទៀត​ថា ប្រភេទ​បន្លែ​ផ្សិត​សម្បូរ​ទៅ​ដោយ​សារធាតុ​ Ergothioneine ជា​សារធាតុ​​ប្រឆាំងជំងឺ​មហារីក។ ​​​ដូច​នេះ ​មាន​​បន្លែ​ផ្សិត​​ច្រើន​ក្នុង​របប​អាហារ ជួយ​ការពារ​ខួរ​ក្បាល​បាន​យ៉ាង​មាន​ប្រសិទ្ធិភាព ជំរុញសមត្ថភាព​​​​​​​ក្នុង​​ការ​គិត និង​វិភាគ​បាន​កាន់​តែ​ប្រសើរ​។

បន្ថែម​ពី​នេះ​ប្រភេទ​បន្លែ​​ផ្សិត​ ក៏​មាន​​សាធាតុ​ចិញ្ចឹម ដូច​ជា​ វីតាមីន​ D Selenium និង Spermidine ​​ជួយ​ការពារ​​កោសិកា​សរសៃ​ប្រសាទ​ទៀតផង​៕

អត្ថបទផ្ដល់ដោយ៖Hello Krupet

ចុចអាន៖ការសិក្សាបង្ហាញថា ញ៉ាំអាហារកែច្នៃច្រើន អាចធ្វើឲ្យសមត្ថភាពខួរក្បាលធ្លាក់ចុះ

The post ផ្សិតជួយការពារបញ្ហាភ្លេចភ្លាំង និងខួរក្បាលបានយ៉ាងល្អ appeared first on Kampuchea Thmey Daily.

១- ស្មុគពេក (ស្ត្រេស)

គ្នា​​យើង​​ភាគ​ច្រើន​ប្រឈម​​មិន​​លស់​​ទេ ព្រោះ​​ការងារ ឬ​បញ្ហា​ឈឺ​ក្បាល​ដោះស្រាយ​មិន​ចេញ ​គិត​រឿង​ច្រើន​ក្នុង​ពេល​តែ​មួយ ហើយ​ពេល​ខ្លះ ថែម​ទាំង​ធ្វើ​ឲ្យ​យើង​ឧស្សាហ៍​​ភ្លេច​​។

​បង្ខំ​ចិត្ត​​ធ្វើ​រឿង​អី​មួយដែល​​ខ្លួន​មិន​ស្រលាញ់ ក៏​​អាច​ជា​ស្ត្រេស​ដែរ។ ខ្លះ​ទៀត ចេះ​តែ​គិត​ខ្លួន​ឯង​ថាមាន​កំហុស តប់​ប្រមល់ ​មួម៉ៅ​ច្រើន មិន​ស្រឡះ​ក្នុង​ខ្លួន។ មិន​មែន​​ធម្មតា​ទេ កត្តាស្មុគស្មាញ​លើស​ប្រមាណ​នេះ អាច​ជះឥទ្ធិពល​អាក្រក់​ បំផ្លាញ​ការងារ ឬ​បង្អាក់​ភាព​សម្រេច​ផ្លែ​ផ្កា​ល្អ និង​ការងារ​ផ្សេងទៀត។

រោគសញ្ញា​បញ្ជាក់​ថា​យើង​កំពុង​ស្មុគខ្លាំង មាន៖
– សុញគំនិត
– ​គេង​មិន​ងា​យ​លក់
– ឧស្សាហ៍​​ឈឺក្បាល ឬ​ចុករោយសាច់ដុំ
– មានអារម្មណ៍​ហត់ ​និង​​ពិបាក​ប្រមូល​​អារម្មណ៍​​ផ្ដោត​អី​មួយ។

បើ​គិត​ថា​ខ្លួន​ឯងមាន​បញ្ហាដូច​បញ្ជាក់​ខាង​លើ ដំណោះស្រាយ​បន្ទាន់​គឺឆ្លៀត​​ហាត់​ប្រាណ កាត់​បន្ថយ​ជាតិ​អាល់កុល ​និងកាហ្វេអុីន ​ឆាប់ចូល​គេង កុំ​ទម្លាប់​នៅ​យប់​ជ្រៅ​ពេក។ បើ​ធ្ងន់​ធ្ងរ ទៅជួប​ពេទ្យ​​។

២- បញ្ហាផ្ចង់អារម្មណ៍ (ADHD​)

ពេល​ពិបាក​ផ្ចង់​អារម្មណ៍ ធ្វើឲ្យពិបាក​ដល់​ការ​សម្រេច​ចិត្ត ឬ​បញ្ចប់​ការងារ​តាម​ការ​កំណត់។ បញ្ហា​​ធ្ងន់ធ្ងរ​មាន​អ្នក​ជំងឺ​ខ្លះ មិន​អាច​សូម្បី​តែ​យក​ចិត្តទុក​ដាក់​សកម្មភាព​​ខ្លួនឯង ឬ​សកម្មភាព​អ្នក​ជុំវិញ​ខ្លួន ឬ​ហៅ​ថា​ភ្លឹក។

អាការៈ​​បញ្ហា​ផ្ចង់អារម្មណ៍ ឬ​ហៅ​ថា ADHD​ មាន ​ស្រមើស្រមៃ ​បែក​អារម្មណ៍ ​ធ្វេសប្រហែស ​ប្រថុយប្រថាន​ និង​ថប់​បារម្ភ ឬអន្ទះអន្ទែង។ អ្នក​ជំងឺ​ត្រូវប្រើ​ថ្នាំតាមវេជ្ជបញ្ជា​ពីពេទ្យ​ជំនាញ។

៣- ថប់បារម្ភ

ចេះ​តែ​គិត​រឿង​មិន​ល្អ ព្រោះ​អាម្មណ៍​មិន​មូល ចេះ​តែ​គិត​ផ្ដេសផ្ដាស​ ចេះ​តែ​នឹក​ថាមាន​រឿង​អាក្រក់​អាច​កើត​ឡើង បារម្ភ​ពេក​ពី​បញ្ហា​​គ្រួសារ ​បញ្ហា​លុយកាក់ សុខភាព ​ការងារ​ប្រចាំថ្ងៃ។ គិត​ច្រើន​បែប​នេះ គេង​មិន​សូវ​លក់ ហើយ​ចេះ​តែ​អស់​កម្លាំង មិន​រហ័សរហួន​ ឆាប់ខឹង ឬ​ឈឺ​​សាច់ដុំ។

មធ្យោបាយ​​បន្ធូរ​​បញ្ហា​ថប់​បារម្ភ​ ព្យាយាម​​ដក​ដង្ហើម​វែងៗយឺតៗឲ្យ​បាន ​១០ ដង ពេល​មាន​អារម្មណ៍​ពិបាក​ក្នុង​ខ្លួន​។ គួរ​កាត់​បន្ថយ​ការ​គិត​មិនល្អ ទាំង​ដែល​មិនទាន់​កើត។ ព្យាយាម​គិត​អី​ល្អៗ គិត​វិជ្ជមាន​ សម្រាក​ឲ្យ​បាន​ច្រើន ​ចែក​ពេល​ហាត់ប្រាណ​ឲ្យ​បាន​ទៀងទាត់ ​ហើយ​​ញុំាឲ្យ​ទៀង​ពេល។

៤- ខ្សោយ

បើសិនគេងអត់គ្រប់ (តិចជាង ៦ ម៉ោង) ខួរក្បាលយើងនឹងចុះខ្សោយ ដូច្នេះយើងអាចភ្លេចភ្លាំងកិច្ចការយើងត្រូវ ឬចង់ធ្វើ។ បើមានបញ្ហានេះ គួរគេងឲ្យបានគ្រប់គ្រង​ ជាការស្រេច។

៥- បាក់ទឹកចិត្ត

មិនមែន​គ្រាន់​តែ​ជាអារម្មណ៍​ទេ តែវា​ក៏​អាច​ផ្លាស់ប្តុរសារធាតុគីមីក្នុងខួរក្បាលដែរ។ ពេល​បាក់​ទឹកចិត្ត យើង​អាច​​មានអារម្មណ៍​ខ្ជិល ហើយ​ចង់​បោះបង់​អី​ទាំង​អស់ ក្រោយ​មាន​អារម្មណ៍​បរាជ័យ​ ​​លែង​ចង់​បាន​ជំនួយ ឬ​លែង​មាន​អ្នក​ជួយ មាន​តែ​អ្នក​បង្អាប់ ឬ​ចាំ​តែ​​ចាប់កំហុស។

រឿង​មួយ​ដក់​ជាប់​ក្នុង​ចិត្ត​មិន​ដាច់ ​គឺ​មានអារម្មណ៍​ថា​ដូច​ទូល​ទុក្ខ​ប៉ុន​ភ្នំ ធំ​ជាង​អ្វី​ទាំង​អស់​ដែល​កំពុង​មាន ឬ​នៅ​ជុំវិញ​ខ្លួន លែង​មាន​​អារម្មណ៍​ឃ្លាន​អី ចាប់ផ្តើម​ស្រក​ទម្ងន់ ឬ​កាន់​តែ​ឆេវឆាវ​ឆាប់ខឹង។ អ្នកបាក់ទឹក​ចិត្ត​ ​អាច​គិត​ដល់​ការធ្វើអត្តឃាត៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ឧស្សាហ៍​ភ្លេចភ្លាំង តិចនិក​ធម្មជាតិ ​៥ យ៉ាង​នេះ​ អាច​ជួយ​បាន

ចុចអាន៖ នៅក្មេងមានមិត្តល្អច្រើន ជួយកាត់បន្ថយជំងឺភ្លេចភ្លាំងពេលដល់​វ័យចំណាស់

The post មូលហេតុឧស្សាហ៍ភ្លេចភ្លាំង ទាំងខ្លួននៅក្មេង មិនទាន់ចាស់ appeared first on Kampuchea Thmey Daily.

យ៉ាងណាមិញ​ តាម​ការ​ស្រាវជ្រាវ​បាន​បង្ហាញ​ថា​ របប​អាហារ​ និង​បែប​បទ​ក្នុង​ការ​រស់នៅ ​ក៏​ប៉ះពាល់​យ៉ាង​ខ្លាំង​ដល់​ការ​ចងចាំ​​​ផង​ដែរ​។​

ហេតុដូច្នេះ​ហើយ​ ដើម្បី​បង្កើន​​ការ​ចងចាំ​ឲ្យ​​កាន់​តែ​​ប្រសើរ​​ឡើង​​ ​យើង​​អាច​សាកល្បង​​​អនុវត្ត​វិធីសាស្ត្រ​ងាយ​ៗ​​ទាំង​៥​យ៉ាង​នេះ​។

១. ញ៉ាំ​ស្ករ​តិចតួច​

​​​​​​​ការ​ញ៉ាំ​ស្ករ​ច្រើន​ពេក​ ​នឹង​ធ្វើ​ឲ្យ​យើង​​ប្រឈមមុខ​នឹង​បញ្ហា​សុខភាព​ និង​ជំងឺ​រ៉ាំរ៉ៃ​ជាច្រើន។​ មិន​តែ​ប៉ុណ្ណោះ​​ វា​ក៏​ជំរុញ​ឲ្យ​ការ​ចងចាំ​យើង​ចុះ​ខ្សោយ​ផង​ដែរ​។ យោង​តាម​ការ​សិក្សា​មួយ​ទៅ​លើ​មនុស្ស​ចំនួន​៤ពាន់​នាក់ ​បាន​បង្ហាញ​ថា ការ​ញ៉ាំ​ភេសជ្ជៈ​ដែល​មាន​ជាតិ​ស្ករ​ច្រើន​ ​នឹង​ធ្វើ​ឲ្យ​ថាមពល​ខួរក្បាល​ថយ​ចុះ​ ក៏​ដូច​ជា​​ការ​ចងចាំ​ចុះ​ខ្សោយ។

២. ខ្លាញ់​ត្រី

​​ខ្លាញ់​ត្រី​សម្បូរ​ទៅ​ដោយ​អាស៊ីដ​ខ្លាញ់​អូមេហ្គា៣ អាស៊ីដ​អ៊ីកូសាផេនតេនិច​ (EPA) និង​អាស៊ីដ​ដូកូសាហេហ្សៀនិច (DHA)។​ ជាតិ​ខ្លាញ់​ទាំងនេះ​ មាន​សារប្រយោជន៍​ដល់​សុខភាព​រាងកាយ​​យ៉ាង​ខ្លាំង ដែល​អាច​ជួយ​កាត់​បន្ថយ​អត្រា​កើត​ជំងឺ​បេះដូង​ កាត់បន្ថយ​ការ​រលាក​ ស្ត្រេស​ និង​ការ​ថប់​បារម្ភ​ជាដើម​។

៣. ធ្វើ​សមាធិ

​​​​​ការ​ធ្វើ​សមាធិ​ផ្ដល់​ផល​​វិជ្ជមាន​​ដល់​សុខភាព​យើង​ដ៏​សម្បើម​​។ វា​មិន​ត្រឹម​តែ​ធ្វើ​ឲ្យ​យើង​មាន​អារម្មណ៍​ធូរ​ស្រាល​ និង​ស្ងប់​ចិត្ត​ប៉ុណ្ណោះ​ទេ ប៉ុន្តែ​នៅ​​ជួយ​កាត់​បន្ថយ​ស្ត្រេស​ ការ​ឈឺ​ចាប់ ធ្វើ​ឲ្យ​សម្ពាធ​ឈាម​ទាប​ ព្រម​ទាំង​ជួយ​បង្កើន​ការ​ចងចាំ​ផង​ដែរ។

៤. រក្សា​ទម្ងន់​ខ្លួន​សមស្រប

ទម្ងន់​ខ្លួន​សមស្រប​ មាន​ប្រយោជន៍​យ៉ាង​ខ្លាំង​ដល់​សុខុមាលភាព​ ហើយក៏​ជា​វិធីសាស្ត្រ​ដ៏​ល្អ​បំផុត​ក្នុង​ការ​​ថែទាំ​រូបរាងកាយ​​ ក៏ដូចជា​ចិត្តគំនិត​ឲ្យ​ស្ថិត​ក្នុង​លក្ខខ័ណ្ឌ​កំពូល​ផង​ដែរ​។ តាម​ការ​សិក្សា​មួយ​ចំនួន​បាន​បង្ហាញ​​ថា ការ​ធាត់​ជ្រុល គឺ​មាន​ហានិភ័យ​ខ្ពស់​ក្នុង​ការ​ថយ​ចុះ​នៃ​ការ​ចងចាំ។

៥. គេង​គ្រប់​គ្រាន់

នៅ​ពេល​ដែល​យើង​គេង​មិន​​​បាន​គ្រប់គ្រាន់ ការ​ចងចាំ​របស់​យើង​ក៏​ចាប់​ផ្ដើម​​ចុះ​ខ្សោយ​​ជា​លំដាប់ ដែល​ធ្វើ​ឲ្យ​យើង​ឆាប់​ភ្លេចភ្លាំង​ ទោះបី​ជា​រឿងរ៉ាវ​នោះ​ទើប​នឹង​កើត​ឡើង​ក៏ដោយ​។ បើ​មិន​ចង់​ឲ្យ​បញ្ហា​នេះ ប៉ះពាល់​ដល់​សមត្ថភាព​ខួរក្បាល​​ទេ​ យើង​​គួរ​​ចាប់ផ្ដើម​​កែប្រែ​ទម្លាប់​ចូល​​គេង​យប់​ជ្រៅ​ពេក​ដោយ​ងាក​មក​គេង​ត្រឹម​ម៉ោង​១០​យប់​ជំនួស​វិញ​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ពេលចាស់ទៅមិនចង់ភ្លេចភ្លាំងច្រើន នៅក្មេងត្រូវអនុវត្តទម្លាប់បែបនេះ

ចុចអាន៖ មូលហេតុដែលធ្វើឲ្យអ្នកឧស្សាហ៍ភ្លេចភ្លាំង មិនចាំសូម្បីរឿងតូចៗកើតឡើងក្នុងជីវិត

The post ឧស្សាហ៍​ភ្លេចភ្លាំង តិចនិក​ធម្មជាតិ ​៥ យ៉ាង​នេះ​ អាច​ជួយ​បាន appeared first on Kampuchea Thmey Daily.

រោគសញ្ញាទាំងនេះ​ហាក់​ដូចជា​មិនមាន​អ្វីប្លែកទេ​ ប៉ុន្តែ​ប្រសិនបើ​កើតឡើង​ញឹកញាប់​ អាច​ជា​​សញ្ញា​នៃ​ជំងឺ​អាល់ហ្សៃមឺរ​ដែល​ជា​មូលហេតុ​ចម្បង​បណ្ដាល​មក​ពី​កត្តា​ជា​ច្រើន។

មូលហេតុ​ដែល​បណ្ដាល​ឲ្យ​ភ្លេចភ្លាំង​ច្រើន ​រឿង​ខ្លះ​មិន​ចាំ​សូម្បី​តែ​បន្តិច ៖

សម្រាក​មិន​គ្រប់គ្រាន់ ប្រសិន​បើអ្នក​សម្រាក​មិន​គ្រប់​ពេល​ជា​ច្រើនថ្ងៃ​ ឬ​គេង​តិច​ជាង ៧-៨ ម៉ោង​ ខួរក្បាល​នឹង​បន្ត​ធ្វើការ​យ៉ាង​លំបាក​ ហើយ​អស់កម្លាំង ​ជា​លទ្ធផល​យើង​មិន​ផ្តោត​អារម្មណ៍​លើ​អ្វី​មួយ​ ហើយ​ឆាប់​ខឹង​និងភ្លេចភ្លាំង។

រាងកាយ​ហត់នឿយ​ពេក ទោះបីជា​គេង​អស់​ច្រើន​ម៉ោង​ ក៏​នៅ​តែ​ហត់​ និង​ប៉ះពាល់​ដល់​ការ​ចងចាំ​ ជាពិសេស​ខួរក្បាល​ធ្វើឲ្យ​ភ្លេចភ្លាំងរឿងតូចៗជាច្រើន។

ធ្វើអ្វី​ជា​ច្រើន​ក្នុង​ពេល​តែ​មួយ មនុស្សអាចធ្វើអ្វីៗបានច្រើន​ក្នុង​ពេល​តែមួយ ប៉ុន្តែខួរក្បាល​របស់​យើង​មិន​អាច​ផ្ដោត​លើ​រឿង​តែ​មួយ​បានទេ។ នេះជាបញ្ហាធំ ដែលខួរក្បាលមិនអាចចាប់បានសូម្បីតែមួយរឿង។

ផឹក​ស្រាបៀរ​ឬ​អាល់កុល​ច្រើន​ពេក ការផឹកស្រា​ច្រើន​ឬ​ផឹក​វា​ជា​រៀងរាល់ថ្ងៃ​ នឹងប៉ះពាល់​ដល់​ខួរក្បាល​ ដែល​ត្រូវ​បាន​ផ្សារភ្ជាប់​ជាមួយ​នឹង​ការ​ចងចាំ។ សកម្មភាពខួរក្បាល​នៅ​ក្នុង​ផ្នែក​នេះ ​ត្រូវ​បាន​កាត់បន្ថយ ដែលបណ្តាល​ឲ្យ​ភ្លេចភ្លាំង​ក្នុងកំឡុងពេល​ហូប​គ្រឿង​ស្រវឹង។ ជា​លទ្ធផល​មនុស្ស​មួយ​ចំនួន​មិន​ចាំ​ពី​អ្វី​ដែល​បាន​កើតឡើង ក្នុងអំឡុង​ពេល​នោះ​ទេ។

មាន​ស្ថានភាព​ស្ត្រេស​ខ្លាំង ​ភាព​អវិជ្ជមាន​តែង​ប៉ះពាល់​ដល់​អារម្មណ៍​ ដូចជា​ការ​ថប់បារម្ភ​ ឬ​សោកសៅ ​ក៏​ជា​មូលហេតុ​ដែល​ប៉ះពាល់​ដល់​ការ​ចងចាំ​ផង​ដែរ ​ពីព្រោះ​នៅ​ពេល​ដែល​យើង​ស្ថិត​ក្នុង​ស្ថានភាព​ទាំងនេះ​ ខួរក្បាល​នឹង​បញ្ចេញ​សារធាតុ​បញ្ជូន​សរសៃ​ប្រសាទ​ច្រើន​ជាង​ធម្មតា។ នេះ​បណ្តាល​ឲ្យ​មាន​បញ្ហា​នៃ​ការ​ចងចាំ វា​ក៏​ប្រឈម​នឹង​ការ​គេង​មិន​លក់​ផង​ដែរ។

ជំងឺ​ធ្លាក់ទឹកចិត្ត ការ​ភ្លេចភ្លាំង​អាច​កើត​មាន​ចំពោះ​អ្នកជំងឺ​ដែល​មាន​ជំងឺ​ធ្លាក់​ទឹកចិត្ត ព្រោះពួកគេ​មិន​អាចផ្តោតអារម្មណ៍​លើ​អ្វីដែ​លនៅពីមុខ​ ក៏ដូចជាភាពធម្មតានៃ​សារធាតុគីមី​ ដែល​ខួរក្បាល​អាច​ប៉ះពាល់ដល់ការចងចាំនិង​គំនិត។

ជំងឺ​មូលដ្ឋាន ដូចជាទីរ៉ូអ៊ីត លើសឈាម ថ្លើម​ និង​តម្រងនោម ​ទឹកនោមផ្អែម​ ជំងឺទាំងនេះ​ប៉ះពាល់​ដល់ការ​បញ្ជូន​ឈាម​ទៅ​ខួរក្បាល។ ជាតិខ្លាញ់ក្នុងឈាមខ្ពស់ ​អាច​បណ្ដាល​ខួរក្បាល​ដំណើ​​​ខុសប្រក្រតី​ និង​អាចប៉ះពាល់ដល់​ការ​ចងចាំ។ លើស​ពី​នេះ​ ការ​ព្យាបាល​ជំងឺ​ជាមួយ​នឹង​ថ្នាំ​មួយ​ចំនួន​ មាន​ផល​ប៉ះពាល់​ដល់​មុខងារ​ខួរ​ក្បាល។

ការ​ប្រើ​ថ្នាំ​មួយ​ចំនួន ថ្នាំ Anticholinergic ថ្នាំ sedative, ថ្នាំ​បន្ថយ​ជាតិខ្លាញ់​ក្នុងឈាម, អាឡ័កស៊ី, ជំងឺ​សរសៃប្រសាទ, ជំងឺ​ស្ទះ​ពោះវៀន, ជំងឺ​បេះដូង​និង​សំពាធឈាម។ ល។ ថ្នាំទាំងនេះ សុទ្ធតែរួមចំណែកក្នុងការធ្វើឲ្យបាត់បង់ការចងចាំ ប្រសិនបើប្រើច្រើនលើសកម្រិត៕

ប្រែសម្រួល៖ សាង ស្រីល័ក្ខ

ចុចអាន៖គួរយល់ដឹង! គិត​បែបអវិជ្ជមានច្រើន ប្រឈមខ្ពស់នឹង​ជំងឺភ្លេចភ្លាំងនៅពេលអនាគត

ចុចអាន៖គេង​មិនគ្រប់គ្រាន់ធ្វើឲ្យ​មាន​បញ្ហាទាំងនេះ​ដល់​ខួរក្បាល​

The post មូលហេតុដែលធ្វើឲ្យអ្នកឧស្សាហ៍ភ្លេចភ្លាំង មិនចាំសូម្បីរឿងតូចៗកើតឡើងក្នុងជីវិត appeared first on Kampuchea Thmey Daily.

អ្នកជំនាញ​​បាន​សិក្សា​ទៅ​លើ​មនុស្ស​ជាង​៣៥០​នាក់​ដែល​មាន​អាយុ​៥៥ឆ្នាំ និង​មាន​រយៈពេល​២ឆ្នាំ​ទាក់ទង​ទៅ​នឹង​ការ​គិត​អវិជ្ជមានដដែលៗ​​ដូចជា​ការ​គិត​ពី​រឿង​អតីត​ និង​ការ​ព្រួយ​បារម្ភ​អំពី​អនាគត​។ មួយ​ភាគ​បី​នៃ​អ្នក​ចូលរួម​ដែល​បាន​ធ្វើ​ការ​ស្កេន​ខួរក្បាល​តាមរយៈ PET (positron emission tomography) ដើម្បី​វាស់​បរិមាណ​ប្រូតេអ៊ីន tau និងbeta amyloid ដែល​បង្ក​​ជំងឺ​បាត់បង់​ការ​ចងចាំ​របស់​មនុស្ស​ចាស់។

ការ​ស្កេន​នេះ​បាន​បង្ហាញ​ថា​អ្នក​ដែល​ចំណាយ​ពេល​គិត​អវិជ្ជមាន​ច្រើន​មាន​ការ​កើន​ឡើង​នៃ​ប្រូតេអ៊ីន​ទាំង​២​ខាងលើ ការ​ចង​ចាំ​មិន​ល្អ និង​ការ​ធ្លាក់​ចុះ​នៃ​ការ​គិត​ក្នុង​រយៈពេល​៤ឆ្នាំ​បើ​ធៀប​នឹង​អ្នក​គិត​វិជ្ជមាន។ ការសិក្សា​នេះ​ក៏​បាន​តេស្ដ​លើ​កម្រិត​នៃ​ការ​ថប់​បារម្ភ និង​ជំងឺ​បាក់ទឹកចិត្ត​ដែរ ហើយ​​រក​ឃើញ​ថា​មនុស្ស​ដែល​បញ្ហានេះ​ការ​គិត​ក៏​ធ្លាក់​ចុះ​ដែរ។ ប៉ុន្តែ​ប្រូតេអ៊ីន​ពីរ​ដែល​បង្ក​ជំងឺ​បាត់បង់​ការ​ចងចាំ​របស់​មនុស្ស​ចាស់​មិន​មាន​ការ​កើន​ឡើង​ទេ​ចំពោះ​អ្នក​មាន​ជំងឺ​បាក់ទឹកចិត្ត និង​ការ​ថប់​បារម្ភ​ដែល​ធ្វើ​ឲ្យ​អ្នក​ស្រាវជ្រាវ​សង្ស័យ​ថា​ការ​គិត​អវិជ្ជមាន​អាច​ជា​មូលហេតុ​ចម្បង ខណៈ​ជំងឺ​បាក់ទឹកចិត្ត និង​ការ​ថប់​បារម្ភ​ជា​ចំណែក​មួយ​នៃ​ជំងឺ​បាត់បង់​ការ​ចងចាំ​របស់​មនុស្ស​ចាស់។

វេជ្ជបណ្ឌិត Richard Isaacson អ្នក​ឯកទេស​ផ្នែក​សរសៃ​ប្រសាទ​បាន​លើកឡើង​ថា​នេះ​ជា​ការសិក្សា​ដំបូង​ដែល​បង្ហាញ​ពី​ទំនាក់ទំនង​ជីវសាស្ត្ររវាង​ការ​គិត​អវិជ្ជមាន​ និង​ជំងឺ​បាត់បង់​ការ​ចងចាំ​របស់​មនុស្ស​ចាស់​ និង​ធ្វើ​ឲ្យ​គ្រូពេទ្យ​មាន​មធ្យោបាយ​ក្នុង​ការ​វាយតម្លៃ​ហានិភ័យ និង​ផ្តល់​នូវ​ដំណោះស្រាយ​ដែល​ល្អសម្រាប់​អ្នក​ជំងឺ។ លោក​បាន​បន្ត​ទៀត​ថា​មនុស្ស​ដែល​ងាយ​ប្រឈម​ភាគ​ច្រើន​មិន​បាន​ដឹង​ពី​ផល​ប៉ះពាល់​អវិជ្ជមាន​នៃ​ការ​ព្រួយបារម្ភ និង​ការ​គិត​ច្រើន​មក​លើ​ខួរក្បាល​ដោយ​ផ្ទាល់​ទេ។

ទោះយ៉ាងណាក៏ដោយ​អ្នកជំនាញ​​នៅ​ត្រូវការ​ការ​សិក្សា​បន្ថែម​ព្រោះ​អ្នក​ចូលរួម​ក្នុង​ការ​សិក្សា​នេះ​ភាគច្រើន​គឺ​ជា​មនុស្ស​ដែល​មាន​ហានិភ័យ​ខ្ពស់​ក្នុង​ការ​វិវត្ត​ជំងឺ​បាត់បង់​ការ​ចងចាំ​របស់​មនុស្ស​ចាស់ ដូចនេះ​​ត្រូវការ​សិក្សា​ថា​តើ​​ប្រជាជន​ទូទៅ​ដែល​គិត​អវិជ្ជមាន​ដដែលៗ​អាច​បង្កើន​ហានិភ័យ​ជំងឺ​បាត់បង់​ការ​ចងចាំ​របស់​មនុស្ស​ចាស់​ឬ​យ៉ាង​ណា។

អ្នក​ស្រាវជ្រាវ​បាន​ណែនាំ​ថា​ការ​អប់រំផ្លូវ​ចិត្ត​ដូចជា​ការ​ធ្វើ​សមាធិ​អាច​ជួយ​ឲ្យ​គិត​វិជ្ជមាន​ និង​កាត់បន្ថយ​គំនិត​អវិជ្ជមាន ហើយ​ក្រុម​អ្នកស្រាវជ្រាវ​​ក៏​មាន​គម្រោង​សិក្សា​បន្ថែម​​ទៅលើ​សម្មតិកម្ម​នេះ​​ដែរ។

ការសិក្សាកាលពីឆ្នាំ២០១៩​​បាន​ឲ្យ​ដឹង​ថា​អ្នក​ដែល​មាន​គំនិត​វិជ្ជមាន​អាច​ចៀសពី​ការ​ស្លាប់​ពី​ហានិភ័យ​នៃ​ជំងឺ​បេះដូង​​ជាង​អ្នក​មាន​គំនិត​អវិជ្ជមាន​។ តាម​ពិត​ទៅ ការ​គិត​កាន់តែ​វិជ្ជមាន កាន់តែ​អាច​ការពារ​ពី​ជំងឺ​គាំង​បេះដូង និង​ជំងឺ​ដាច់​សរសៃឈាម​ខួរក្បាល។ ការ​គិត​វិជ្ជមាន​មិន​ត្រឹម​តែ​អាច​ការពារ​សុខភាព​បេះដូង​ទេ នៅ​មាន​ទំនាក់ទំនង​នឹង​កត្តា​ដែល​ធ្វើ​ឲ្យ​សុខភាព​ល្អ​ផ្សេង​ទៀត​ដូចជា​របបអាហារ ការ​ហាត់ប្រាណ ប្រព័ន្ធភាពស៊ាំ​ខ្លាំង និង​សុខភាព​សួត​ល្អ។

ការ​យកចិត្ត​ទុក​ដាក់​ និង​មើល​ថែ​សុខភាព​ផ្លូវចិត្ត​គឺ​សំខាន់​ណាស់ ហើយ​សុខភាព​ផ្លូវចិត្ត​គួរ​តែ​ជា​បញ្ហា​សុខភាព​សាធារណៈ​ដ៏​សំខាន់​មួយ​ព្រោះ​មិន​ត្រឹមតែ​សំខាន់​សម្រាប់​សុខភាព​ក្នុង​រយៈពេល​ខ្លី​ទេ ប៉ុន្តែ​អាច​មាន​ហានិភ័យ​នៃ​ជំងឺ​ភ្លេចភ្លាំង​បាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ត្រឹមចេះអភ័យទោសឲ្យ​អ្នក​ដទៃ ផ្ដល់​ប្រយោជន៍​សុខភាពផ្លូវចិត្តខ្លួនឯងយ៉ាងលើសលុប

ចុចអាន៖ ភាពរឹងមាំមិនមែនទាក់ទងនឹងការប្រើកម្លាំងទេ តែជាការស៊ូទ្រាំបាន ក្នុងការដោះស្រាយបញ្ហានានា

The post គួរយល់ដឹង! គិត​បែបអវិជ្ជមានច្រើន ប្រឈមខ្ពស់នឹង​ជំងឺភ្លេចភ្លាំងនៅពេលអនាគត appeared first on Kampuchea Thmey Daily.

១- កុំឲ្យ​ខ្វះ​វីតាមីន D

មិន​មែន​តែ​មនុស្ស​ចាស់​ទេ ក្មេង​ក៏​ដោយ​ឲ្យតែ​មាន​បញ្ហា​កង្វះ​ជាតិ​វីតាមីន D នឹង​ជួប​បញ្ហា​​ភ្លេចភ្លាំង ឬ​វង្វេងវង្វាន់​ច្រើន។ ដូច្នេះ​គួរតែ​ញ៉ាំ​អាហារ​ណា​ដែល​ពោរពេញ​ដោយ​វីតាមីន D ជា​ប្រចាំថ្ងៃ ឬ​អាច​ទទួលទាន​គ្រាប់​ថ្នាំ​បន្ថែម​ក៏​បាន។ ចំពោះ​អាហារ​វិញ​មាន​ដូចជា ផ្សិត ទឹកដោះគោ ស៊ុត​លឿង ថ្លើម ជាដើម។

២- ខ្លាញ់​ត្រី

ពពួក​ត្រី​សមុទ្រ​ដូចជា ត្រី​សាលម៉ុន ធូណា ជា​អាហារ​ល្អ​ដែល​សម្បូរ​ជាតិ​ខ្លាញ់​អូមេហ្កា។ អាហារ​ដែល​ចម្អិន​ពី​ត្រី​ទាំង​នេះ ពិតជា​អាច​ជួយ​ដល់​ការ​ចងចាំ​នៅ​វ័យ​ចំណាស់​របស់​យើង​បាន ប្រសិនបើ​ញ៉ាំ​បាន​ញឹកញាប់ បូក​រួម​ទម្លាប់​ល្អ​ៗ​ដទៃ​ទៀត។

៣- ហាត់ប្រាណ និង​ហ្វឹកហាត់​ខួរក្បាល​ជាប្រចាំ

លំហាត់​ប្រាណ​ងាយ​ៗ អាច​ជួយ​ធ្វើឲ្យ​ចលនា​សរសៃ​ឈាម​រត់​បាន​ស្រួល និង​បង្កើន​សមត្ថភាព​ខួរ​ក្បាល។ ការ​បង្កើន​សមត្ថភាព​ខួរ​ក្បាល​ឲ្យ​សកម្មភាព​ជា​ប្រចាំ ដើម្បី​ជួយ​ពង្រឹង​ឲ្យ​ខួរក្បាល​នៅតែ​មាន​ភាព​រហ័សរហួន អាច​ចៀស​ឆ្ងាយ​ពី​ជំងឺ​ភ្លេចភ្លាំង ហើយ​ហ្គេម​ដែល​ល្អ​ដូចជា ផ្គុំ​រូប ហ្គេម​បែប​ផ្សងព្រេង​ដែល​ស្វែង​រក​ច្រក​ចេញ សុទ្ធ​តែ​ល្អ​ចំពោះ​សុខភាព​ខួរក្បាល។

៤- កុំឲ្យ​មាន​ការ​ប៉ះទង្គិច​ក្បាល

ដើម្បី​ឲ្យ​ខួរក្បាល​ចងចាំ​បាន​ល្អ ចំណុច​សំខាន់​គឺ​ត្រូវ​ការពារ​ក្បាល​របស់​យើង​មិន​ឲ្យ​មាន​ការ​ប៉ះ​ទង្គិច ឬ​រង​របួស​ឲ្យ​សោះ។ មួយ​វិញ​ទៀត​យើង​អាច​ម៉ាស្សា​ក្បាល​ថ្នម​ៗ ដើម្បី​ឲ្យ​សរសៃ​ឈាម​រត់​ស្រួល និង​កុំភ្លេច​សម្រាក​ឲ្យ​បាន​គ្រប់គ្រាន់ ដើម្បី​ឲ្យ​ខួរក្បាល​គ្មាន​ភាព​ស្មុគស្មាញ៕

អត្ថបទផ្ដល់សិទ្ធិ៖ Hello គ្រូពេទ្

ចុចអាន៖ អាហារ ៥ ក្រុមនេះជាថ្នាំបំប៉នរាងកាយមនុស្សចាស់​ ដើម្បីបង្កើនការការពារប្រឆាំងនឹងកូវីដ

ចុចអាន៖ ក្នុងផ្ទះមានមនុស្សចាស់ និងកូនក្មេង គួរមានឧបករណ៍តាមដានសុខភាពទាំងនេះ

The post ពេលចាស់ទៅមិនចង់ភ្លេចភ្លាំងច្រើន នៅក្មេងត្រូវអនុវត្តទម្លាប់បែបនេះ appeared first on Kampuchea Thmey Daily.