ព័ត៌មានអន្ដរជាតិ

ស្រីៗនៅកូរ៉េខាងត្បូងថា ពួកនាងណាត់ជួបបុរសដែលប្រើ iPhone ប៉ុណ្ណោះ

បានផុស

១ year មុន

នៅ

ថ្ងៃចន្ទ ២៣ តុលា ២០២៣

ដោយ

និស្សិតស្រីម្នាក់ដែលរស់នៅប្រទេសកូរ៉េខាងត្បូងបានសារភាពថា នាងណាត់ជួបប្រុសៗក្នុងប្រទេសខ្លួនដែលប្រើទូរសព្ធ iPhone តែប៉ុណ្ណោះ។ ក្រៅពីទូរសព្ធផ្សេងទៀត នាងមិនចង់មើលមុខ ឬណាត់ជួបសាសងជាស្នេហានោះទេ។

តាមរយៈ Channel YouTube ដ៏ល្បី Chungjusi បានធ្វើកិច្ចសម្ភាសន៍ជាមួយនិស្សិតនៅសកលវិទ្យាល័យឯកជនមួយក្នុងទីក្រុងសេអ៊ូល ដោយពិធីករបានសួរនាងថា “តើអ្នកមានអារម្មណ៍យ៉ាងណា ចំពោះការប្រើប្រាស់ទូរស័ព្ទដៃ Samsung Galaxy?” ស្របពេលដែលបច្ចុប្បន្ននេះ៦៥% ប្រើ iPhone ខណៈដែលមានតែ៣២% ប៉ុណ្ណោះជាអ្នកប្រើប្រាស់ Samsung។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លាមៗនោះដែរនិស្សិតស្រីរូបនោះបានឆ្លើយថា “ប្រសិនបើខ្ញុំត្រូវជ្រើសរើស ខ្ញុំចង់ប្រើ iPhone ព្រោះខ្ញុំផ្ទាល់ចូលចិត្តវាប្រសើរជាង” វាហាក់ដូចជាមិនមានអ្វីចម្លែកនោះទេ។ ប៉ុន្តែនេះជាប្រយោគពិតប្រាកដដែលនាងកំពុងបន្តនិយាយ។ នាងបានបន្ថែមថា “កាលពីមុនមានបុរសម្នាក់បានសុំលេខមិត្តភក្តិរបស់ខ្ញុំ គាត់បានប្រើ Samsung។ នាងមានអារម្មណ៍ខ្មាសអៀនជាខ្លាំងដែលគាត់ប្រើទូរស័ព្ទបែបនេះ ហើយហ៊ានមកចែចង់មនុស្សស្រីទៀត។ ទោះបីជាមិត្តនាងផ្តល់លេខឲ្យបុរសនោះក៏ដោយ។ ប៉ុន្តែនាងមិនដែលឆ្លើយការហៅរបស់គាត់ទេ។ ព្រោះទាំងមិត្តរបស់នាងនិងនាងមានគំនិតស្រដៀងគ្នា”។

ស្រ្តីដដែលនេះក៏បាននិយាយផងដែរថា នាងនឹងមិនណាត់ជួបបុរសដែលមិនប្រើ iPhone ឡើយ ហើយនាងបញ្ជាក់ថានាងមានគំនិតបែបនេះមកជាយូរហើយ។ សូម្បីតែស្រីៗកូរ៉េខាងត្បូងផ្សេងទៀត ក៏មានគំនិតបែបនេះដែរនាបច្ចុប្បន្ន។

យ៉ាងណាមិញ ក្រោយពីបទសម្ភាសនេះត្រូវបានគេបញ្ចេញលើអ៉ិនធើណេត ក្នុងនោះមានទាំងមានអ្នកយល់ និងអ្នកមិនយល់ពីនាង។ អ្នកខ្លះគិតថានាងទាមទារច្រើនពេកហើយ! ជាពិសេសបុរសដែលប្រើ Samsung ។ ព្រោះយ៉ាងហោចណាស់ វាអាចជួយក្នុងការច្រោះមនុស្សបែបនេះចេញពីជីវិតរបស់អ្នក។ ចំណែកឯអ្នកខ្លះទៀតថា វាជារសជាតិផ្ទាល់ខ្លួនរបស់មនុស្សម្នាក់ៗ។ អ្នកមិនគួរវិនិច្ឆ័យមនុស្សដោយម៉ាកទូរសព្ទដែលគេប្រើនោះទេ។

ចុះប្រិយមិត្តយល់យ៉ាងណាដែរ សម្រាប់ស្រីៗនៅប្រទេសកូរ៉េខាងត្បូងដែលជ្រើសរើសបុរសមើលលើទូរសព្ធដែលគេប្រើ?