សុខភាព

ផ្សិតជួយការពារបញ្ហាភ្លេចភ្លាំង និងខួរក្បាលបានយ៉ាងល្អ

បានផុស

១ year មុន

នៅ

ថ្ងៃអង្គារ ៣ មករា ២០២៣

ដោយ

ការញ៉ាំផ្សិតច្រើនជាង ២ ដងក្នុងសប្តាហ៍ អាចបង្ការពីបញ្ហាការបាត់បង់ការចងចាំ សម្រាប់មនុស្សចំណាស់អាយុ ៦០ ឆ្នាំឡើង។ នេះបើតាមការស្រាវជ្រាវរបស់ប្រទេសសិង្ហបុរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្រាវជ្រាវធ្វើឡើងដោយសាកលវិទ្យាល័យជាតិសិង្ហបុរី បានតាមដានលើរបបអាហាររបស់ពលរដ្ឋសិង្ហបុរី ៦៦៣នាក់ មានអាយុលើសពី ៦០ឆ្នាំ ហើយរកឃើញថា មនុស្សចាស់មានវ័យលើ ៦០ឆ្នាំ ច្រើនមានបញ្ហាបាត់បង់ កម្រិតយល់ដឹងច្រើន ឬហៅថា Mild cognitive impairment (MCI)។

យ៉ាងណាមិញ នៅពេលពួកគេពិនិត្យមើលរបបអាហារឃើញថា មនុស្សចាស់បានញ៉ាំប្រភេទបន្លែផ្សិតក្នុងរបបអាហារច្រើនដង ក្នុងមួយសប្តាហ៍ មានការភ្លេចភ្លាំង និងបញ្ហាស្មារតីខ្សោយ តិចជាងអ្នកមិនញ៉ាំផ្សិត។

“នេះពិតជាគួរឱ្យភ្ញាក់ផ្អើល និងលើកទឹកចិត្តឲ្យញ៉ាំបន្លែផ្សិត”។ នេះបើតាមលោក Lei Feng ជាសាស្រ្តាចារ្យដឹកនាំការស្រាវជ្រាវខាងលើ។

សាស្រ្តាចារ្យសិង្ហបុរីរូបនេះ បន្ថែមទៀតថា ប្រភេទបន្លែផ្សិតសម្បូរទៅដោយសារធាតុ Ergothioneine ជាសារធាតុប្រឆាំងជំងឺមហារីក។ ដូចនេះ មានបន្លែផ្សិតច្រើនក្នុងរបបអាហារ ជួយការពារខួរក្បាលបានយ៉ាងមានប្រសិទ្ធិភាព ជំរុញសមត្ថភាពក្នុងការគិត និងវិភាគបានកាន់តែប្រសើរ។

បន្ថែមពីនេះប្រភេទបន្លែផ្សិត ក៏មានសាធាតុចិញ្ចឹម ដូចជា វីតាមីន D Selenium និង Spermidine ជួយការពារកោសិកាសរសៃប្រសាទទៀតផង៕

អត្ថបទផ្ដល់ដោយ៖Hello Krupet

ចុចអាន៖ការសិក្សាបង្ហាញថា ញ៉ាំអាហារកែច្នៃច្រើន អាចធ្វើឲ្យសមត្ថភាពខួរក្បាលធ្លាក់ចុះ