តាមការផ្សាយរបស់ The Sun នៅថ្ងៃពុធ ទី១៥ ខែកក្កដា ឆ្នាំ២០២៦ អំពើហិ្សាពោរពេញដោយភាពចលាចល បានកើតឡើងដោយសារតែអ្នកគាំទ្រមាន់គកបារាំង មិនពេញចិត្តនឹងលទ្ធផល ដែលក្រុមជម្រើសជាតិរបស់ពួកគេ ធ្លាក់ក្រោមថ្វីជើងរបស់គោជល់អេស្ប៉ាញ នៅវគ្គ Semi-Final។

នៅប៉ារីស ជាកន្លែងវឹកវរបំផុត ដោយមនុស្សម្នា នាំគ្នាដុតរថយន្ត បំផ្លាញទ្រព្យសម្បត្តិរដ្ឋ កម្ទេចទ្វារ-បង្អួចហាងនានា ថែមទាំងបាញ់កាំជ្រួចនិងគប់គ្រឿងផ្ទុះ ដាក់មន្ត្រីប៉ូលិសទៀតផង។

ដោយសារតែស្ថានភាពធ្ងន់ធ្ងរទៅៗ ប៉ូលិសក្រុងប៉ារីស ក៏ចាត់វិធានការក្តៅ ដោយដាក់ពង្រាយក្រុមបង្ក្រាបកុបកម្ម ឈានដល់ការបាញ់ឧស្ម័នបង្ហូរទឹកភ្នែកទៀតផង ហើយចាប់ខ្លួនបានមនុស្ស ១៤១នាក់។

ចំណែកនៅទីក្រុង លីយ៉ុង! មានការប៉ះទង្គិចគ្នារវាងក្រុមយុវជន ជាមួយប៉ូលិស ជាលទ្ធផល មនុស្ស ​២០នាក់ ត្រូវបានចាប់ខ្លួន ខណៈនៅទីក្រុងផ្សេងទៀត ក៏មានឈុតឆាកស្រដៀងគ្នា នេះដែរ។

សូមជម្រាបថា អេស្ប៉ាញ បានយកឈ្នះបារាំង ២-០ ទម្លាក់ក្រុមរបស់លោក Didier Deschamps នៅវគ្គពាក់កណ្តាលផ្តាច់ព្រ័ត្រ World Cup ក្នុងប្រកួតនាពហុកីឡដ្ឋាន AT&T Stadium នៅទីក្រុង Arlington រដ្ឋ Texas សហរដ្ឋអាមេរិក។

២គ្រាប់របស់គោជល់អេស្ប៉ាញ រកបានដោយកីឡាករ Mikel Oyarzabal តាមរយៈការស៊ុតប៉េណាល់ទី នៅនាទីទី២២ នៃវគ្គទី១ និងមួយគ្រាប់ទៀត រកបានក្នុងវគ្គទី២ នៅនាទីទី ៥៨ ដោយកីឡាករ Pedro Porro៕

អត្ថបទ៖ សុវណ្ណ

The post បារាំង ផ្ទុះកុបកម្មហិង្សា តាមទីក្រុងធំៗ ក្រោយក្រុមបាល់ទាត់ជម្រើសជាតិ ចាញ់អេស្ប៉ាញ ធ្លាក់ចេញពី World Cup appeared first on Kampuchea Thmey Daily.

អគ្គិភ័យនេះបានឆាបឆេះរោងចក្រកែច្នៃដ៏ធំបំផុតមួយរបស់ទីក្រុង និង​បានបញ្ចេញអណ្តាតភ្លើង និងផ្សែងខ្មៅយ៉ាងក្រាស់ខ្មឹក​ហោះ​ឡើងខ្ពស់ទៅលើមេឃនិងជំរុញឱ្យអាជ្ញាធរជំរុញសាធារណជនឱ្យនៅឆ្ងាយពីតំបន់នោះ។ ក្រុមពន្លត់អគ្គិភ័យបានប្រើ រថយន្តពន្លត់អគ្គិភ័យប្រហែល៦០គ្រឿង និងបុគ្គលិក២០០​នាក់ដើម្បីពន្លត់ភ្លើងនេះ។ អាជ្ញាធរក៏បានបិទផ្នែកមួយនៃផ្លូវក្រវ៉ាត់ក្រុងធំជុំវិញទីក្រុងប៉ារីស ដើម្បីអនុញ្ញាតឱ្យរថយន្តពន្លត់អគ្គិភ័យចូលទៅកាន់អគារដែលកំពុង​ឆាបឆេះ។

លោក Geoffrey Boulard អភិបាលក្រុងក្នុងសង្កាត់ទី១៧ ដែលរងផលប៉ះពាល់បានប្រាប់ទូរទស្សន៍ BFMថា៖ «អគារនេះត្រូវបានបំផ្លាញទាំងស្រុង ប៉ុន្តែមិនមានជនរងគ្រោះក្នុងហេតុការណ៍នេះនោះទេ។ ទោះបីក្រុមពន្លត់អគ្គិភ័យបានមកដល់យ៉ាងលឿន ប៉ុន្តែភ្លើងបានកើតឡើងនៅក្រោមដី ហើយបន្ទាប់មកបានរាលដាលពេញអគារ​យ៉ាង​លឿន»។

រោងចក្រកែច្នៃដែលត្រូវបានភ្លើងឆេះនេះគឺជារបស់ Syctom ដែលជាអាជ្ញាធរសាធារណៈក្នុងស្រុករបស់បារាំង និងជាប្រតិបត្តិករសាធារណៈអឺរ៉ុប​ឈានមុខគេក្នុងការគ្រប់គ្រងកាកសំណល់ក្នុងស្រុក ស្ថិតនៅជាប់នឹងអគារតុលាការសំខាន់របស់ទីក្រុងប៉ារីស រចនាដោយស្ថាបត្យករជនជាតិអ៊ីតាលី Piano និងបានសម្ពោធនៅឆ្នាំ២០១៨។ អាជ្ញាធរទីក្រុងបានឱ្យដឹងថា រោងចក្រនេះបានចាប់ផ្តើមដំណើរការនៅឆ្នាំ២០១៩ ធ្វើឡើងដើម្បីគ្រប់គ្រងកាកសំណល់តាមផ្ទះរបស់អ្នករស់​នៅ​ទីក្រុងប៉ារីសជិតមួយលាននាក់៕

អត្ថបទ៖ ប៊ុន សុភាព

The post អគ្គិភ័យដ៏ធំឆាបឆេះរោងចក្រ​ច្នៃកាកសំណល់​ក្នុងទីក្រុងប៉ារីស ដោយមិនទាន់​ដឹងមូលហេតុ​ appeared first on Kampuchea Thmey Daily.

តាមការចុះផ្សាយរបស់ Ladbible, ដំបូងឡើយមិនសូវមានអ្នកចាប់ភ្លឹកទេ រហូតដល់អ្នកលេងបណ្តាញសង្គម នាំគ្នាបង្ហោះសារព្រោងព្រាតថា «ទង់អូឡាំពិក ត្រូវបានដាក់បញ្ច្រាស់ យកខាងលើដាក់ខាងក្រោមហើយ!»។

មិនមែនតែការបង្ហូតទង់នេះទេ មានបញ្ហាជាច្រើនទៀត បានធ្វើឲ្យអ្នកទស្សនាហាក់ធុញទ្រាន់និងមិនពេញចិត្ត ជាពិសេសចំពោះការសម្តែងរបស់សិល្បករ-សិល្បការិនីតែម្តង និងសូម្បីតែបញ្ហាអាកាសធាតុដែលមានភ្លៀងធ្លាក់ផងដែរ។ 

ទោះបីជាយ៉ាងណាក៏ដោយ នេះជាប្រវត្តិសាស្រ្តហើយ ដែលព្រឹត្តិការណ៍អូឡាំពិកហ្គេមទីក្រុងប៉ារីសឆ្នាំ២០២៤ បានរៀបចំពិធីបើកនៅខាងក្រៅកីឡដ្ឋាន ពោលគឺបារាំង បានរៀបចំនៅទន្លេ Seine ហើយការរៀបចំនៅខាងក្រៅ ក៏ធ្វើឲ្យពិធីបើកព្រឹត្តិការណ៍លើកនេះ ក្លាយជាពិធីបើកធំបំផុតបើគិតទាំងចំនួនទស្សនិកជន និងទំហំនៃផ្ទៃដីរៀបចំពិធី។

ទូកជិត១០០គ្រឿង ដឹកអត្តពលិកប្រមាណ ១០ ៥០០នាក់ បានធ្វើដំណើរតាមដងទន្លេ Seine ខណៈព្រឹត្តិការណ៍នេះ នឹងបញ្ចប់ទៅវិញនៅថ្ងៃអាទិត្យទី១១ខែសីហា៕

អត្ថបទ៖ សុខ សុវណ្ណ

ចុចអាន៖ ទស្សនាប្រណីតភាព​«ភូមិកីឡា​អូឡាំពិក»នៅទីក្រុងបារីស

The post ចាប់អារម្មណ៍ទេ? កំហុសធំមួយកើតឡើង ពេលបង្ហូតទង់អូឡាំពិក ក្នុងពិធីបើក appeared first on Kampuchea Thmey Daily.

លោកបានបង្ហោះក្នុងបណ្តាញសង្គម Twitter ថា ប៉ូលិសនិងក្រុមពន្លត់អគ្គិភ័យ ត្រូវប្រឈមមុខនឹងអំពើហិង្សាដ៏កម្រ ដែលបង្កភាពវឹកវរទូទាំងប្រទេស ខណៈមន្ត្រីប៉ូលិស២៥០នាក់បានរងរបួស។

ស្របពេលជាមួយគ្នានោះ រដ្ឋាភិបាលបារាំង បានដាក់ពង្រាយប៉ូលិស និងកងកម្លាំងជាង ៤ ម៉ឺននាក់ រួមទាំងអង្គភាពប្រឆាំងភេរវកម្ម និងក្រុមយុទ្ធសាស្ត្រផងដែរ បន្ទាប់ពីក្រុមកុបករ ដែលខឹងសម្បាចំពោះការស្លាប់យុវជនម្នាក់ នាំគ្នាដុតធនាគារ និងវាយប្រហារពន្ធនាគារ។

ភាពចលាចលកើតឡើង បន្ទាប់ពីយុវជនឈ្មោះ Nahel M. ត្រូវបាញ់សម្លាប់ បន្ទាប់ពីរូបគេមិនគោរពច្បាប់ចរាចរណ៍ ហើយប៉ុនប៉ងបើករថយន្តបុកមន្ត្រីម្នាក់។

មនុស្សជាង៦ពាន់នាក់ បានដើរតាមទីក្រុង Nanterre តាមការអំពាវនាវរបស់ម្តាយ Nahel ឲ្យសងសឹក។ យ៉ាងណា បាតុកម្មបានបញ្ចប់ ដោយការប៉ះទង្គិចជាមួយប៉ូលិស ហើយសាខាធនាគារ Credit Mutuelle មួយកន្លែងក្នុងទីក្រុង ត្រូវបានចោរចូលលួច និងដុតបំផ្លាញ។

យ៉ាងណាក្តី ការ​ប៉ះ​ទង្គិច​ ក៏បាន​ផ្ទុះ​ឡើង​នៅ​តំបន់​ផ្សេង​ទៀត​នៃ​ប្រទេស​បារាំង​ផង​ដែរ។ ទីក្រុងជាច្រើនរួមទាំង Clamart និង Compiegne បានប្រកាសបម្រាមគោចរពេលយប់រហូតដល់ថ្ងៃចន្ទសប្តាហ៍ក្រោយ ខណៈទីក្រុងចំនួន ៤ ក្នុងចំណោម ១៨ ដូចជា Bordeaux, Ile-de-France, Tours និង Lille ជាដើម ក៏បានផ្អាកការដឹកជញ្ជូនសាធារណៈទាំងអស់ផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ បារាំង ដាក់ពង្រាយអង្គភាពប្រឆាំងភេរវកម្ម ដើម្បីបង្រ្កាបកុបករ

The post កុបកម្មនៅបារាំង៖ មនុស្សជាង ៦០០នាក់ ត្រូវចាប់ខ្លួន, ប៉ូលិស២៥០នាក់ រងរបួស appeared first on Kampuchea Thmey Daily.

ក្រសួង​មហាផ្ទៃ​ បាន​ប្រាប់​ប្រព័ន្ធ​ផ្សព្វផ្សាយ​បារាំង​ថា ទីក្រុង​ប៉ារីសនិង​តំបន់​ជាយក្រុង ​ត្រូវ​បាន​ពង្រឹងសន្តិសុខ ជាមួយ​មន្ត្រី​ចំនួន ៥ ពាន់នាក់​បន្ថែម​ទៀត ខណៈសមាជិកនៃក្រុមអន្តរាគមន៍ជាតិ (GIGN), កងពលតូចស៊ើបអង្កេតនិងអន្តរាគមន៍ (BRI) និងអង្គភាពយុទ្ធសាស្ត្រអន្តរា​គមន៍ជួយទប់ស្កាត់ (RAID) ក៏មានវត្តមានក្នុងទីក្រុង Nanterre ដែលជាកន្លែងផ្ទុះកុបកម្មដំបូងផងដែរ ។

ភាពចលាចលនេះកើតឡើង បន្ទាប់ពីយុវជនឈ្មោះ Nahel M. ត្រូវបាញ់សម្លាប់ បន្ទាប់ពីរូបគេមិនគោរពច្បាប់ចរាចរណ៍ ហើយប៉ុនប៉ងបើករថយន្តបុកមន្ត្រីម្នាក់។ វីដេអូ​ដែល​ថត​ជាប់ បាន​បង្ហាញ​ពី​មន្ត្រី២​នាក់ ឃាត់​រថយន្តម៉ាក Mercedes AMG ពណ៌​លឿង ខណៈមន្ត្រីម្នាក់ឈរនៅខាងក្រៅបង្អួចដើម្បីសួរនាំ ហើយមានប៉ូលិស ភ្ជង់កាំភ្លើងខ្លីទៅអ្នកបើកបរ ខណៈក្រោយមក រដ្ឋអាជ្ញា Nanterre បានចោទប្រកាន់មន្ត្រីដែលបាញ់សម្លាប់ Nahel ពីបទមនុស្សឃាតដោយចេតនា។

ទន្ទឹមនោះ មនុស្សជាង៦ ពាន់នាក់ បានដើរតាមទីក្រុង Nanterre តាមការអំពាវនាវរបស់ម្តាយ Nahel ឲ្យសងសឹក។ យ៉ាងណា បាតុកម្មបានបញ្ចប់ ដោយការប៉ះទង្គិចជាមួយប៉ូលិស ហើយសាខាធនាគារ Credit Mutuelle មួយកន្លែងក្នុងទីក្រុង ត្រូវបានចោរចូលលួច និងដុតបំផ្លាញ។

យ៉ាងណាក្តី ការ​ប៉ះ​ទង្គិច​ ក៏បាន​ផ្ទុះ​ឡើង​នៅ​តំបន់​ផ្សេង​ទៀត​នៃ​ប្រទេស​បារាំង​ផង​ដែរ។ យោងតាមក្រសួងមហាផ្ទៃបានឲ្យដឹងថា ចន្លោះយប់ថ្ងៃពុធ ដល់ថ្ងៃព្រហស្បតិ៍ មនុស្សចំនួន ១៨០ នាក់ ត្រូវចាប់ខ្លួន ខណៈប៉ូលិស និងកងកម្លាំង ១៧០ នាក់បានរបួស។

ទីក្រុងជាច្រើនរួមទាំង Clamart និង Compiegne ផងដែរ បានប្រកាសបម្រាមគោចរពេលយប់រហូតដល់ថ្ងៃចន្ទសប្តាហ៍ក្រោយ ខណៈទីក្រុងចំនួន ៤ ក្នុងចំណោម ១៨ ដូចជា Bordeaux, Ile-de-France, Tours និង Lille ជាដើម ក៏បានផ្អាកការដឹកជញ្ជូនសាធារណៈទាំងអស់ផងដែរ៕

ប្រែសម្រួល៖ Vann Vann

ប្រភព៖ RT

ចុចអាន៖ កំហឹងនិងកុបកម្ម ផ្ទុះឡើងនៅប៉ារីស ក្រោយប៉ូលិស បាញ់សម្លាប់យុវជនមិនគោរពច្បាប់ចរាចរណ៍

The post បារាំង ដាក់ពង្រាយអង្គភាពប្រឆាំងភេរវកម្ម ដើម្បីបង្រ្កាបកុបករ appeared first on Kampuchea Thmey Daily.

តំបន់ Nanterre ជាយក្រុងប៉ារីស​ បានផ្ទុះបាតុកម្មពីរថ្ងៃជាប់គ្នា ខណៈប៉ូលិសបាញ់ឧស្ម័នបង្ហូរទឹកភ្នែក ហើយបាតុករ នាំគ្នាគប់កាំជ្រួចដាក់ក្រុមមន្ត្រី ព្រមទាំងដុតយានយន្តផងដែរ។

រដ្ឋមន្ត្រីក្រសួងមហាផ្ទៃលោក Gerald Darmanin និយាយថា “វាជាយប់នៃអំពើហិង្សាដែលមិនអាចទ្រាំទ្របាន ប្រឆាំងនឹងនិមិត្តសញ្ញានៃសាធារណរដ្ឋរបស់យើង ។ សាលាក្រុង សាលារៀន និងប៉ុស្តិ៍ប៉ូលិសត្រូវដុតបំផ្លាញ ឬវាយប្រហារ ដោយសារតែមនុស្សចំនួន ១៥០ នាក់ត្រូវចាប់ខ្លួន ។ ទោះយ៉ាងណា យើងសូមគាំទ្រ​ប៉ូលិស និង​អ្នក​ពន្លត់​អគ្គិភ័យ​ដែល​ប្រឈម​មុខជាមួយ​ភាព​ក្លាហានមួយនេះ” ។

លើសពីនេះ ក្រុម​កុបកម្ម​ក៏បាន​ដុត​បំផ្លាញ​អគារនានាផងដែរ ខណៈ​​មនុស្ស​នាំគ្នាចេញ​ដើរ​តាម​ដងផ្លូវ​ក្នុង​តំបន់​ផ្សេងទៀត​នៃ​រដ្ឋធានី ។

ភាពចលាចល ក៏ត្រូវបានរាយការណ៍ផងដែរនៅក្នុងទីក្រុងភាគខាងជើង Lille និង Amiens រួមជាមួយនឹង Dijon នៅភាគខាងកើត និង Toulouse នៅភាគខាងត្បូង៕

ប្រែសម្រួល៖ Vann Vann

ប្រភព៖ SKY

ចុចអាន៖ កំហឹងនិងកុបកម្ម ផ្ទុះឡើងនៅប៉ារីស ក្រោយប៉ូលិស បាញ់សម្លាប់យុវជនមិនគោរពច្បាប់ចរាចរណ៍

The post បារាំង ចាប់ខ្លួនមនុស្ស១៥០នាក់ ក្នុងបាតុកម្មក្រោយប៉ូលិសបាញ់សម្លាប់ យុវជនមិនគោរពច្បាប់ចរាចរណ៍ appeared first on Kampuchea Thmey Daily.

យោងតាមប៉ូលិស, យុវជន ត្រូវបាញ់សម្លាប់ បន្ទាប់ពីរូបគេមិនគោរពតាមបទបញ្ជា ហើយប៉ុនប៉ងបើករថយន្តបុកមន្ត្រីម្នាក់។

វីដេអូ​ដែល​ថត​ជាប់ បាន​បង្ហាញ​ពី​មន្ត្រី២​នាក់ ឃាត់​រថយន្តម៉ាក Mercedes AMG ពណ៌​លឿង ខណៈមន្ត្រីម្នាក់ឈរនៅខាងក្រៅបង្អួចដើម្បីសួរនាំ ហើយមានប៉ូលិស ភ្ជង់កាំភ្លើងខ្លីទៅអ្នកបើកបរ។

ភ្លាមៗ​នោះ រថយន្ត​បានបន្ត​បើក​ទៅ​មុខ ជាហេតុនាំឲ្យ​ប៉ូលិសបាញ់​មួយ​គ្រាប់​ ហើយ​អ្នក​បើក​បរ​បាន​ស្លាប់ ថ្វីបើមានការ​ព្យាយាម​សង្គ្រោះ​គាត់​ក៏​ដោយ។

ប៉ុន្មានម៉ោងបន្ទាប់ពីឧប្បត្តិហេតុនោះ មនុស្សប្រហែល៥០នាក់ បានចេញតវ៉ានៅខាងក្រៅប៉ុស្តិ៍ប៉ូលិស Nanterre។ នៅតំបន់ផ្សេងទៀត កុបករបានវាយកម្ទេចចំណតរថយន្តក្រុង ដុតធុងសម្រាម និងដុតរថយន្តជាច្រើនគ្រឿង។

ស្របពេលជាមួយគ្នានោះ រដ្ឋមន្ត្រីក្រសួងមហាផ្ទៃលោក Gerald Darmanin និយាយថា ការស៊ើបអង្កេតមួយ បានចាប់ផ្តើមលើករណីនេះ៕

ប្រែសម្រួល៖ Vann Vann

ប្រភព៖ RT

ចុចអាន៖ បាតុកម្មទ្រង់ទ្រាយធំប្រឆាំងអង្គការណាតូ ផ្ទុះឡើងក្នុងទីក្រុង ប៉ារីស

The post កំហឹងនិងកុបកម្ម ផ្ទុះឡើងនៅប៉ារីស ក្រោយប៉ូលិស បាញ់សម្លាប់យុវជនមិនគោរពច្បាប់ចរាចរណ៍ appeared first on Kampuchea Thmey Daily.

ព្រះរាជអាជ្ញាបាននិយាយថា ក្រោយការចាប់ខ្លួន បុរសជនជាតិបារាំងរូបនេះបានសារភាពថា ការបាញ់ប្រហារនេះកើតឡើង ដោយសារខ្មាន់កាំភ្លើងមានការស្អប់ខ្ពើមជនបរទេស ។ កាលពីឆ្នាំមុន បុរសរូបនេះ​ក៏​ត្រូវ​បាន​គេ​ចោទ​ប្រកាន់​ពី​បទ​បង្ក​របួសស្នាមផងដែរ ​ដល់​ជន​ចំណាក​ស្រុក​ក្នុង​ការ​វាយ​ប្រហារដោយប្រើដាវ នៅ​ជំរំមួយកន្លែង​ក្នុង​ទីក្រុង​ប៉ារីស​ ។

ទាក់ទិននឹងបញ្ហានេះលោក Gerald Darmanin រដ្ឋមន្ត្រី​មហាផ្ទៃ​បារាំង​បាន​និយាយ​ថា ជាក់ស្តែង គាត់​ចង់​វាយប្រហារ​ជនបរទេស ។ យើងនឹងស្រាយបំភ្លឺ នៅពេលមានការស៊ើបអង្កេតរបស់តុលាការដែលដឹកនាំដោយរដ្ឋអាជ្ញាសាធារណៈ ប្រសិនបើគាត់ផ្តោតជាពិសេសទៅលើជនជាតិឃឺដប្រាកដមែន ប៉ុន្តែ​សម្រាប់​ពេល​នេះ មិន​ទាន់មាន​ភស្តុតាង​ណា​មួយ​បង្ហាញ​ពី​រឿង​នេះ​នៅឡើយទេ ។

មិនបានប៉ុន្មាន សន្តិសុខត្រូវបានបង្កើនភ្លាមៗ បន្ទាប់ពីការវាយប្រហារនៅមជ្ឈមណ្ឌលវប្បធម៌ឃឺដ ខណៈដែលបាតុកររាប់រយនាក់បានប្រមូលផ្តុំគ្នានៅកណ្តាលទីក្រុងប៉ារីសដើម្បីបញ្ចេញកំហឹងរបស់ពួកគេ ។

លោកស្រី Berivan Firrat សកម្មជនឃឺដបាននិយាយថា យើងខឹង និងខកចិត្ត ប៉ុន្តែយើងមិនទាន់អាចធ្វើអ្វីបាននៅឡើយទេ ។ ក្នុងនាមយើងជាជនជាតិឃឺដ យើងជាប្រជាជនដែលមានរបៀបរៀបរយ និងមានវិន័យ ដូច្នេះយើងនឹងធ្វើសកម្មភាពរបស់យើងដោយក្ដីគោរព ហើយយើងនឹងគោរពដល់សមមិត្តរបស់យើងតាមដែលយើងគួរធ្វើ ។

ស្របពេលជាមួយគ្នានេះ ក៏មានការ​ប៉ះ​ទង្គិច​គ្នា​ដោយ​ហិង្សា​បាន​ផ្ទុះ​ឡើង​ផងដែរ រវាង​បាតុករ និង​ប៉ូលិស​នៅ​ជិត​កន្លែង​បាញ់​ប្រហារ ខណៈរថយន្ត​ជាច្រើន​គ្រឿង​បាន​ក្រឡាប់ និង​ត្រូវដុតកម្ទេច ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ SCMP

​ចុចអាន ៖ ខ្មាន់កាំភ្លើង បាញ់ប្រហារនៅ ប៉ារីស គឺជាអ្នកទើបចេញពីពន្ធនាគារ

The post ថតបានសកម្មភាពខ្មាន់កាំភ្លើង មុនផ្ទុះការបាញ់ប្រហារសម្លាប់មនុស្សនៅ ប៉ារីស (មានវីដេអូ) appeared first on Kampuchea Thmey Daily.