បារាំង ចាប់ខ្លួនមនុស្ស១៥០នាក់ ក្នុងបាតុកម្មក្រោយប៉ូលិសបាញ់សម្លាប់ យុវជនមិនគោរពច្បាប់ចរាចរណ៍

មនុស្សចំនួន១៥០នាក់ ត្រូវបានចាប់ខ្លួនក្នុងប្រទេសបារាំង អំឡុងបាតុកម្មនៅយប់ទីពីរ បន្ទាប់ពីប៉ូលិសបានបាញ់សម្លាប់យុវជនម្នាក់ ដោយសារមិនគោរពច្បាប់ចរាចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំបន់ Nanterre ជាយក្រុងប៉ារីស​ បានផ្ទុះបាតុកម្មពីរថ្ងៃជាប់គ្នា ខណៈប៉ូលិសបាញ់ឧស្ម័នបង្ហូរទឹកភ្នែក ហើយបាតុករ នាំគ្នាគប់កាំជ្រួចដាក់ក្រុមមន្ត្រី ព្រមទាំងដុតយានយន្តផងដែរ។

រដ្ឋមន្ត្រីក្រសួងមហាផ្ទៃលោក Gerald Darmanin និយាយថា “វាជាយប់នៃអំពើហិង្សាដែលមិនអាចទ្រាំទ្របាន ប្រឆាំងនឹងនិមិត្តសញ្ញានៃសាធារណរដ្ឋរបស់យើង ។ សាលាក្រុង សាលារៀន និងប៉ុស្តិ៍ប៉ូលិសត្រូវដុតបំផ្លាញ ឬវាយប្រហារ ដោយសារតែមនុស្សចំនួន ១៥០ នាក់ត្រូវចាប់ខ្លួន ។ ទោះយ៉ាងណា យើងសូមគាំទ្រ​ប៉ូលិស និង​អ្នក​ពន្លត់​អគ្គិភ័យ​ដែល​ប្រឈម​មុខជាមួយ​ភាព​ក្លាហានមួយនេះ” ។

លើសពីនេះ ក្រុម​កុបកម្ម​ក៏បាន​ដុត​បំផ្លាញ​អគារនានាផងដែរ ខណៈ​​មនុស្ស​នាំគ្នាចេញ​ដើរ​តាម​ដងផ្លូវ​ក្នុង​តំបន់​ផ្សេងទៀត​នៃ​រដ្ឋធានី ។

ភាពចលាចល ក៏ត្រូវបានរាយការណ៍ផងដែរនៅក្នុងទីក្រុងភាគខាងជើង Lille និង Amiens រួមជាមួយនឹង Dijon នៅភាគខាងកើត និង Toulouse នៅភាគខាងត្បូង៕

ប្រែសម្រួល៖ Vann Vann

ប្រភព៖ SKY

ចុចអាន៖ កំហឹងនិងកុបកម្ម ផ្ទុះឡើងនៅប៉ារីស ក្រោយប៉ូលិស បាញ់សម្លាប់យុវជនមិនគោរពច្បាប់ចរាចរណ៍