កីឡា

ទស្សនាប្រណីតភាព«ភូមិកីឡាអូឡាំពិក»នៅទីក្រុងបារីស

បានផុស

២ years មុន

នៅ

ថ្ងៃព្រហស្បតិ៍ ២៥ កក្កដា ២០២៤

ដោយ

ភូមិកីឡាអូឡាំពិកត្រូវបានកសាងយ៉ាងទំនើបទាន់សម័យដែលទទួលគណៈប្រតិភូកីឡា និងអត្តពលិករាប់ម៉ឺននាក់មកពីទូទាំងពិភពលោកសម្រាប់ព្រឹត្តិការណ៍កីឡាអូឡាំពិក និងប៉ារ៉ាឡាំពិក ឆ្នាំ២០២៤ នៅទីក្រុងបារីស ប្រទេសបារាំង។ ក្នុងនោះអត្តពលិក១៤២៥០នាក់សម្រាប់កីឡាអូឡាំពិក និង៨០០០នាក់សម្រាប់ប៉ារ៉ាឡាំពិក។ អាហារចាប់ពី៦ម៉ឺនមុខឡើងដែលត្រូវបម្រើជារៀងរាល់ថ្ងៃ និងមានគ្លិនិកមួយបើក២៤ម៉ោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភូមិកីឡាអូឡាំពិកមានលក្ខណៈពិសេសសំខាន់ៗដូចជា៖

ផ្ទះចំនួន២៥០០ខ្នង
កន្លែងសិស្សនិស្សិត១
សណ្ឋាគារ១
ចំណតយានយន្ត១ទំហំ៣ហិចតា
សួនច្បារនិងឧទ្យានទំហំ៧ហិចតា
ការិយាល័យសេវាកម្មទំហំ១២០០០០ម៉ែត្រការ៉េ
ហាងជាច្រើនលើទំហំ៣២០០ម៉ែត្រការ៉េ

ការកសាង«ភូមិកីឡាអូឡាំពិក ស្របទៅនឹងចក្ខុវិស័យនៃកីឡាអូឡាំពិកឆ្នាំ២០២៤ដែលផ្តោតលើព្រឹត្តិការណ៍ប្រកួតកីឡាដែលមានសារធាតុកាបូនទាប និងគ្រប់គ្រងការចំណាយប្រកបដោយប្រសិទ្ធភាព។

ភូមិកីឡាអូឡាំពិកបារីស២០២៤ ផ្តោតលើឧត្តមភាពបរិស្ថាន និងឆ្លុះបញ្ចាំងពីភាពលេចធ្លោដ៏ប្រណីតរបស់ទីក្រុងឲ្យស្របទៅតាមផែនការឆ្នាំ២០៥០របស់ទីក្រុងបារីសគឺ

ការពារ និងលើកកម្ពស់ជីវជម្រុះដោយនៅដំបូលមានកន្លែងសត្វល្អិត និងសត្វស្លាប អាចរស់នៅតាមរន្ធ ប្រហោង និងប្រអប់។
ថវិកាកាត់បន្ថយកាបូននឹងសម្រេចគោលដៅតាមផែនការអាកាសធាតុទីក្រុងបារីស និងរក្សាអព្យាក្រឹតភាពកាបូននៅក្នុងឆ្នាំ២០៥០។ ឧទាហរណ៍ ការប្រើប្រាស់ឈើ និងវត្ថុធាតុដើមដែលមានប្រភពសរីរាង្គផ្សេងៗ។
វានឹងជួយសម្របដល់ទីក្រុងទៅនឹងផែនការអាកាសធាតុ ឆ្នាំ២០៥០ ដែលមានលក្ខណៈពិសេស និងកាត់បន្ថយការប្រែប្រួលអាកាសធាតុ (ផ្ទៃខាងលើមាន រុក្ខជាតិ និងទឹកនៅទីសាធារណៈ)ជាដើម។

សូមបញ្ជាក់ថា ពិធីបើកកីឡាអូឡាំពិកជាផ្លូវការនឹងធ្វើនៅថ្ងៃទី២៦ ខែកក្កដា ឆ្នាំ២០២៤ នៅលើទឹកទន្លេសែនដែលនឹងមានក្បួនដង្ហែលើទូកធ្វើដំណើរចម្ងាយ៦គីឡូម៉ែត្រទៅកាន់ម៉ម Eiffel Tower៕