ដោយសហការជាមួយហាងលក់គ្រឿងសម្អាងដ៏ល្បីឈ្មោះរបស់ជប៉ុន Shiseido, សាលាប៉ូលិស Fukushimaken Keisatsugakko បានបង្រៀនការ Makeup នេះដល់សិស្សចំនួន៦០នាក់ ហើយក្រៅពីរបៀបតុបតែងមុខហើយនោះ អ្នកជំនាញមកពីហាង Shiseido ថែមទាំងបង្រៀនពីវិធីគូសចិញ្ចើមនិងលាបក្រែមការពារកម្តៅថ្ងៃ និងវិធីថែទាំងស្បែកផ្សេងៗផងដែរ។

លោក Takeshi Sugiura នាយករងសាលាប៉ូលិសខាងលើ បាននិយាយក្នុងបទសម្ភាសជាមួយទូរទស្សន៍ Nippon ថា «យើងចង់ដាស់តឿនដល់សិស្សៗថា ក្នុងនាមជាអ្នកការពារសង្គមជាតិ និងជាមន្ត្រីប៉ូលិសនាពេលអនាគតផងនោះ ការថែរក្សារូបរាងឲ្យស្រស់ស្អាតពិតជារឿងសំខាន់ណាស់»។

ទោះបីជាយ៉ាងណាក៏ដោយ អាចថាជារឿងពិបាកដែរសម្រាប់សិស្សប្រុសៗទាំងនេះ ព្រោះពួកគេមិនធ្លាប់ Makeup ពីមុនមក, អ្នកខ្លះស្រឡាំងកាំង ហើយក៏មានសិស្សខ្លះឲ្យអ្នកដទៃជួយ Make-up ឲ្យទៀតផង៕ 

អត្ថបទ៖ សុខ សុវណ្ណ

ចុចអាន៖ ជប៉ុនគ្រោងប្រើមនុស្សយន្ត​បំពាក់​បច្ចេកវិទ្យា​ AI ​សម្រាប់​សេវា​ថែទាំ​មនុស្ស​ចាស់

The post សាលាប៉ូលិសជប៉ុន បង្រៀនសិស្ស ត្រូវចេះ Makeup ឲ្យស្អាត ទើបពលរដ្ឋទុកចិត្តពេលធ្វើការ appeared first on Kampuchea Thmey Daily.

សារព័ត៌មាន VN Express បានចុះផ្សាយកាលពីថ្ងៃព្រហស្បតិ៍ទី២៩ខែសីហាឆ្នាំ២០២៤ថា សំណើច្បាប់នេះរៀបចំដោយនាយកដ្ឋានកិច្ចការបក្សនិងនយោបាយ ក្រោមក្រសួងសន្តិសុខសាធារណៈ ហើយដាក់កម្រិតលើមន្ត្រីគ្រប់រូបតែម្តង។

លើសពីនេះ មន្ត្រីទាំងឡាយ ក៏​មិនត្រូវផឹកស្រាឲ្យស្រវឹងជោកជាំពេកដែរ ទោះក្នុង​កាលៈទេសៈ​ណា​ ពេលណា និងកន្លែងណាក៏ដោយ ហើយសូម្បីតែការលេងល្បែងក៏ត្រូវហាមឃាត់ដែរ។

មិនត្រឹមប៉ុណ្ណឹង សេចក្តីព្រាងច្បាប់ខាងលើតម្រូវឲ្យមន្ត្រីនគរបាល មិនត្រូវលាបពណ៌សក់ឲ្យក្រៅពីពណ៌ខ្មៅ ទុកក្រចកដៃឬក្រចកជើងឲ្យវែងពេក ឬចោះក្រវិលទេ លើកលែងតែស្រ្តីប៉ុណ្ណោះ។

បម្រាមផ្សេងទៀតនៅក្នុងសំណើច្បាប់នេះរួមមាន មិនត្រូវពាក់ឯកសណ្ឋានប៉ូលិសពេលកំពុងញ៉ាំអាហារ ឬផឹកស្រានៅតាមតូបលក់អាហារតាមដងផ្លូវ លុះត្រាតែពេលបំពេញកាតព្វកិច្ច ហើយការជក់បារីក៏ត្រូវបានហាមប្រាមផងដែរសម្រាប់មន្ត្រីដែលបំពេញកាតព្វកិច្ច នៅកន្លែងធ្វើការ បន្ទប់សន្និសីទ និងទីតាំងដែលរឹតត្បិតការជក់បារី។

យ៉ាងណាក្តី វៀតណាម មិនបញ្ជាក់ទេថាតើ អ្នកល្មើសច្បាប់នេះ នឹងត្រូវទទួលទោសឬរងការដាក់ពិន័យបែបណា។

វិធានការទាំងនេះ មានគោលបំណងការពារមុខមាត់វិជ្ជាជីវៈរបស់មន្ត្រីនគរបាលវៀតណាម ប៉ុន្តែបើយោងតាមក្រសួង​សន្តិសុខ​សាធារណៈ ខ្លួនក៏​កំពុងសិក្សានិងស្តាប់​មតិ​សាធារណៈ​ផងដែរ ថាតើមានប្រតិកម្មយ៉ាងណាខ្លះចំពោះសេចក្តីព្រាងច្បាប់នេះ៕

អត្ថបទ៖ សុខ សុវណ្ណ

ចុចអាន៖ វៀតណាម កំពុងគិត ចង់កែច្បាប់រើសទាហាន

The post វៀតណាម ត្រៀមចេញច្បាប់ ហាមប៉ូលិសផឹកស្រា មុននិងក្នុងម៉ោងធ្វើការ appeared first on Kampuchea Thmey Daily.

តាមព្រះរាជក្រឹត្យ មន្ត្រីនគរបាលជាតិទាំងពីររូបដែលត្រួវសម្ដេច សាយ ឈុំ ប្រមុខរដ្ឋស្ដីទី បន្ថយឋានន្តរស័ក្ដិ គឺមានដូចជា លោកឧត្តមសេនីយ៍ឯក យិន គារ អគ្គនាយករងអន្តោប្រវេសន៍ និងលោកឧត្តមសេនីយ៍ទោ សុខ បូរ៕

The post ប៉ូលិសផ្កាយ៣ម្នាក់ និងផ្កាយ២ម្នាក់ របូតផ្កាយពីលើស្មាគ្មានសល់ appeared first on Kampuchea Thmey Daily.

លោកបញ្ជាក់ច្បាស់ៗបែបនេះ ខណៈពេលត្រូវបានកោះហៅឲ្យឆ្លើយសំណួរ ជុំវិញថវិកាដែល បែងចែកទៅឲ្យនគរបាលជាតិថៃ (RTP) មានតម្លៃ១១៧ពាន់លានបាត។

លោក Torsak និយាយថា “ទាក់ទងនឹងលំនៅដ្ឋានសុខុមាលភាព ខ្ញុំសូមស្នើសុំថវិកាសាងសង់ផ្ទះល្វែងសម្រាប់មន្រ្តី។ ប្រសិនបើជីវភាពរបស់ពួកគេកាន់តែប្រសើរឡើងនោះ ពួកគេច្បាស់ជាកាន់តែមានទឹកចិត្តក្នុងការបម្រើ និងការពារប្រជាពលរដ្ឋ”។

លោកសង្កត់ធ្ងន់ថា “មន្ត្រីជាន់ខ្ពស់តែងតែជំរុញឲ្យនគរបាលថ្នាក់ក្រោម មានស្មារតីខ្ពស់ក្នុងការងាររក្សាសន្តិភាពនិងសណ្តាប់ធ្នាប់។ យ៉ាងណាក្តី ជីវភាពរបស់មន្ត្រី ក៏ត្រូវបំពេញតាមស្តង់ដារមួយចំនួនផងដែរ។ រាល់គម្រោងដែលអនុវត្តដោយ RTP គឺទទួលខុសត្រូវ និងមានតម្លាភាព។ ប្រសិនបើមានអ្វីសង្ស័យ ខ្ញុំមិនចុះហត្ថលេខាទេ”។

ស្របពេលជាមួយគ្នានោះ លោក​ក៏​បាន​ចង្អុល​បង្ហាញ​ពី​កង្វះ​កម្លាំង​ពលកម្ម​ដោយសារ​ការ​រាតត្បាត​នៃ​ជំងឺ​កូវីដ-១៩ ក្នុង​រយៈពេល​បី​ឆ្នាំ​កន្លង​មក​នេះផងដែរ។ ជាឧទាហរណ៍ ប៉ុស្តិ៍ប៉ូលិស ជិតទីក្រុងបាងកក មានតំណែងសម្រាប់មន្ត្រីរហូតដល់២០០នាក់ ឲ្យមកចូលកាន់ ប៉ុន្តែជាក់ស្តែង មានអ្នកចូលកាន់តែពាក់កណ្តាលប៉ុណ្ណោះទាំងដែលពួកគេ ត្រូវបម្រើប្រជាពលរដ្ឋប្រហែល៤០ម៉ឺននាក់នៅក្នុងសហគមន៍ ស្ថិតក្រោមយុត្តាធិការរបស់ខ្លួន។

សូមបញ្ជាក់ថា នគរបាលជាតិថៃត្រូវបានបង្កើតឡើងក្នុងឆ្នាំ១៨៦០ ហើយបច្ចុប្បន្ន មានកម្លាំងប្រមាណ២៣០០០០នាក់៕

អត្ថបទ៖ សុខ សុវណ្ណ

ចុចអាន៖ ប៉ូលិសថៃស្លៀកឈុតឆ្អឹងខ្មោចដើម្បីបន្លំខ្លួនចាប់ជនល្មើស

The post ប៉ូលិសថៃ មួយចំនួនធ្លាក់ខ្លួនជំពាក់បំណុលគេវ័ណ្ឌ.ក សឹងគ្មានផ្ទះនៅ appeared first on Kampuchea Thmey Daily.

លោក GP Singh ប្រមុខកងកម្លាំងប៉ូលិសរដ្ឋ Assam បាននិយាយថា “យើងមានគម្រោងទុកពេលបីខែ ដល់ប៉ូលិសរដ្ឋ Assam ទាំងអស់ មុនការធ្វើតេស្តចាប់ផ្តើម។ អ្នកទាំងអស់ដែលមានកម្រិតធាត់ក្នុងប្រភេទ BMI 30+ នឹងត្រូវទុកពេលឲ្យ៣ខែទៀត ដើម្បីសម្រកទម្ងន់”។

លោក Singh បង្ហាញថា ខ្លួនលោកផ្ទាល់ នឹងក្លាយជាមន្ត្រីដំបូងគេដែលឲ្យគេវាស់សន្ទស្សន៍ម៉ាសរាងកាយ ហើយថា មន្ត្រីរូបណាដែលមានជំងឺដូចជា ជំងឺលើសក្រពេញទីរ៉ូអ៊ីត នឹងត្រូវបានលើកលែងពីវិធានការនេះ។

គួរបញ្ជាក់ថា បញ្ជានេះធ្វើឡើង បន្ទាប់ពីប្រមុខរដ្ឋ Assam លោក Himanta Biswa Sarma បានចេញសេចក្តីថ្លែងការណ៍មួយនារយៈពេលប៉ុន្មានសប្តាហ៍ថ្មីៗថា មន្រ្តីប៉ូលិសប្រមាណ៣០០នាក់ដែលផឹកស្រារាល់ថ្ងៃ និងមានរាងកាយមិនសមរម្យ នឹងត្រូវបានស្នើសុំឲ្យចូលនិវត្តន៍មុនអាយុ ក្នុងយុទ្ធនាការមួយដែលលោកហៅថា “កាប់​ឈើ​ងាប់​ចេញ​ពីកង​កម្លាំង​ប៉ូលិស”។

យោងតាមរបាយការណ៍របស់កាសែត Times of India, ប៉ូលិសជាច្រើននាក់នៅក្នុងរដ្ឋ Assam ត្រូវបានដកបញ្ឈរជើង បន្ទាប់ពីឧប្បត្តិហេតុដែលពាក់ព័ន្ធនឹងពួកគេស្រវឹងស្រា នៅពេលបំពេញកាតព្វកិច្ច៕

ប្រែសម្រួល៖ Vann Vann

ប្រភព៖ RT

ចុចអាន៖ ប៉ូលិស ឥណ្ឌា ចូលឆែកឆេរការិយាល័យ BBC បន្ទាប់ពីរកឃើញចាក់ផ្សាយ ឯកសារអាស្រូវលោក Modi

The post ឥណ្ឌា ចេញបញ្ជា! បើប៉ូលិសធាត់ មិនសម្រកទម្ងន់ នឹងត្រូវដក ឈប់ឲ្យធ្វើការ appeared first on Kampuchea Thmey Daily.

មន្ត្រី៣នាក់ មកពីនាយកដ្ឋានប៉ូលិស Huntington Park ត្រូវបានគេថតជាប់ ឃើញបាញ់យ៉ាងតិច៨គ្រាប់ទៅលើលោក Anthony Lowe Jr. ដែលមានអាយុ៣៦ឆ្នាំ។

គ្រួសាររបស់គាត់និយាយថា គាត់ត្រូវពិការជើងទាំងសងខាង កាលពីពេលថ្មីៗនេះ បន្ទាប់ពីមានជម្លោះជាមួយប៉ូលិសនៅរដ្ឋតិចសាស់។

ទោះបីជាយ៉ាងណាក៏ដោយ យោង​តាម​នាយកដ្ឋាន​ប៉ូលិស​, លោក Lowe Jr. ទើបតែ​បាន​ចាក់​មនុស្ស​ម្នាក់ ហើយ​​ព្យាយាម​គេចពី​មន្ត្រី​ពីរ​នាក់។

ដំបូង ប៉ូលិសបានព្យាយាមដេញគាត់ នៅតាមចិញ្ចើមផ្លូវ តែក្រោយមកគាត់បានលោតចុះពីរទេះ ហើយងាកមករកប៉ូលិស ដោយដៃមានកាន់កាំបិតដ៏ធំ។

ឡានប៉ូលិសទីពីរបានមកដល់ ហើយប៉ូលិសទីបីចេញមក។ ក្នុងរយៈពេល១៥វិនាទីក្រោយមន្រ្តីទី៣មកដល់ ពួកគេក៏បានបាញ់ជាច្រើនគ្រាប់ ចំដើមទ្រូងលោក Lowe តែម្តង។ ពេល​គាត់​ដួល​លើ​ដី ប៉ូលិសក៏បាន​ដាក់​ខ្នោះ​គាត់ទៀត។

យ៉ាងណាក្តី ការិយាល័យតម្រួតតំបន់ LA និយាយថា “ជនសង្ស័យ បានព្យាយាមគប់កាំបិតទៅលើមន្រ្តី ដែលនៅពេលនោះ ការបាញ់ប្រហារបានកើតឡើង”។

លោក Lowe Jr. បានស្លាប់នៅកន្លែងកើតហេតុ ខណៈ​ក្រុម​គ្រួសារ​របស់​គាត់​ កំពុង​ទាមទារ​ចម្លើយ​ពី​នាយកដ្ឋាន​ប៉ូលិស។ មន្ត្រី​ពាក់ព័ន្ធ​ មិន​ទាន់​បញ្ចេញ​ឈ្មោះ​នៅឡើយ​ទេ ។

បច្ចុប្បន្ន ការិយាល័យតម្រួតតំបន់ LA កំពុងស៊ើបអង្កេតឧបទ្ទវហេតុនេះ ដែលកើតឡើងបីសប្តាហ៍បន្ទាប់ពីលោក Tire Nichols អាយុ២៩ឆ្នាំ ត្រូវបានវាយដល់ស្លាប់ ដោយប៉ូលិសក្រុមផ្សេងនៅក្នុងទីក្រុង Memphis នៃរដ្ឋ Tennessee៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អាជ្ញាធរទីក្រុងមួយរបស់ អាមេរិក ចោទប្រកាន់ប៉ូលិស ៥ នាក់ពីបទឃាតកម្ម​លើបុរសជនជាតិស្បែកខ្មៅ

The post វីដេអូស្តែងៗ ប៉ូលិសអាមេរិក បាញ់សម្លាប់បុរសពិការជើងទាំងសងខាង នៅតាមចិញ្ចើមផ្លូវ appeared first on Kampuchea Thmey Daily.

Patarasaya Rerkrut ឬត្រូវបានគេស្គាល់ថា អនុសេនីយ៍ទោ Viking ទទួលបានការចាប់អារម្មណ៍យ៉ាងខ្លាំង នាពេលថ្មីៗនេះ បន្ទាប់ពីនាងបង្ហោះរូបស្លៀកឈុតហែលទឹក។

យ៉ាងណាក្តី មុនពេលបង្ហោះ​រូបថតនេះ, Patarasaya ត្រូវ​បាន​គេ​ស្គាល់​យ៉ាង​ច្បាស់រួចទៅហើយនៅ​ក្នុង​ប្រទេសថៃ ​តាម​រយៈ​តួនាទី​ជា​អ្នក​នាំ​ពាក្យ​របស់​ប៉ូលិស​​។

ប៉ុន្តែ​បន្ទាប់ពី​មាន​ការ​បំពានក្នុងបណ្តាញសង្គម រូបនាងក៏បានបញ្ចេញប្រតិកម្ម ដោយ​សរសេរ​ថា “​ខ្ញុំ​ចូលចិត្ត​សាកល្បង​អ្វី​ដែល​ថ្មី, ចេញពី​តំបន់​ផាសុកភាព​របស់ខ្ញុំទៅ, ស្វែងរក​ឱកាស​ថ្មី​សម្រាប់​ខ្លួន​ខ្ញុំ​”។ 

“ខ្ញុំមិនដែលគិតថាខ្ញុំនឹងក្លាយជាប៉ូលិស ហើយធ្វើខុសពីអ្វីដែលខ្ញុំចូលចិត្ត ដើម្បីផ្គាប់ចិត្តមនុស្សនៅក្នុងសង្គមមួយ ដែលតែងតែវាយតម្លៃពីសកម្មភាពរបស់អ្នកនោះទេ”។ 

“សួស្តី វាជាឆ្នាំ២០២២ហើយ។ អ្វីដែលយើងធ្វើនៅក្នុងការងាររបស់យើង​ មិនឆ្លុះបញ្ចាំងពីរូបរាងខាងក្រៅនោះទេ។ ខ្ញុំធំឡើងនៅក្នុងសង្គមអភិរក្ស ប៉ុន្តែជឿថា គួរតែមានតុល្យភាព។ ឪពុកម្តាយខ្ញុំទទួលយក ហើយយល់ឃើញថា មិនអីទេ”។

ការសម្រេចចិត្តប្តូរគណនី Instagram របស់ Patarasaya ទៅជាលក្ខណៈឯកជន បានកើតឡើងបន្ទាប់ពីនាងត្រូវបានវាយប្រហារតាមអ៊ីនធឺណិតដោយក្រុម Trolls ថា រូបភាពឈុតហែលទឹករបស់នាងមិនសមរម្យសម្រាប់ប៉ូលិស និង គ្មានការគោរព៕

ប្រែសម្រួល៖ Vann Vann

ប្រភព៖ Daily Star

ចុចអាន៖ ប៉ូលិសថៃ ឆ្មក់ចូលរោងចក្រសាច់ក្រក ក្រោយកុមារ៩នាក់ធ្លាក់ខ្លួនឈឺ ដេកពេទ្យ 

The post ប៉ូលិសស្រីថៃ រូបស្រស់ ស្លៀកឈុតហែលទឹកបង្ហាញរាងសិចស៊ី តែត្រូវគេរិះគន់ appeared first on Kampuchea Thmey Daily.

លោកស្រី Yogananda Pittman ប្រធានស្តីទីនៃប៉ូលិសកាពីតូលសហរដ្ឋអាមេរិក បាននិយាយថា ជនសង្ស័យម្នាក់និងមន្រ្តីកងកម្លាំងម្នាក់ បានស្លាប់ខណៈដែលមន្រ្តីទី២ ត្រូវបានបញ្ជូនទៅកាន់មន្ទីរពេទ្យបន្ទាប់ពីឧប្បត្តិហេតុនេះបានកើតឡើងក្រោយម៉ោង១រសៀល (ម៉ោងនៅអាមេរិក)។

លោកស្រីនិយាយក្នុងសន្និសីទកាសែតមួយថា “ជនសង្ស័យ បានបើករថយន្តបុកមន្ត្រីរបស់យើងចំនួនពីរនាក់ ហើយបន្ទាប់មកបានបុករនាំងខាងជើង។ នៅពេលនោះ ជនសង្ស័យបានចេញពីរថយន្តដោយកាំបិតនៅក្នុងដៃ”។

លោកស្រី Pittman បន្តថា ជនសង្ស័យមិនបានឆ្លើយតបនឹងការព្រមានទេ ហើយរូបគេត្រូវបានបាញ់សម្លាប់ដោយប៉ូលិស។

ស្របពេលជាមួយគ្នានោះ លោក Robert Contee ប្រធានប៉ូលិសក្រុងបាននិយាយថា កងកម្លាំងរបស់លោកកំពុងរកមើលមូលហេតុនៃសកម្មភាពនេះ ហើយបានបន្ថែមថា វាហាក់ដូចជាមិនមានការគំរាមកំហែងបន្តទៀតនោះទេ។

ការវាយប្រហារប្រឆាំងនឹងប៉ូលិសអាមេរិកកាពីតូលកាលពីថ្ងៃសុក្រ បានកើតឡើងមិនដល់៣ខែផង បន្ទាប់ពីការវាយប្រហារថ្ងៃទី៦ខែមករា ទៅលើសភាដោយអ្នកគាំទ្រលោក Trump ដែលព្យាយាមរារាំងការប្រកាសជ័យជម្នះរបស់លោក Joe Biden នៅក្នុងការបោះឆ្នោតប្រធានាធិបតីឆ្នាំ២០២០។

មន្រ្តីប៉ូលិសកាពីតូលម្នាក់ត្រូវបានសម្លាប់បន្ទាប់ពីរងរបួសអំឡុងពេលការវាយលុក ខណៈដែលមន្រ្តីប៉ូលិសកាពីតូលចំនួន២នាក់ទៀតដែលឆ្លើយតបនឹងការវាយប្រហារនោះ បានស្លាប់ដោយការធ្វើអត្តឃាតនៅថ្ងៃបន្ទាប់៕

ប្រែសម្រួលដោយ៖ Vann Vann

ប្រភព៖ FT

ចុចអាន៖ FBI បញ្ចេញវីដេអូជនសង្ស័យដាក់គ្រាប់បែកបំពង់ជិតវិមានកាពីតូល កាលខែមករា

The post ប៉ូលិសអាមេរិក ស្លាប់ក្នុងការវាយប្រហារនៅវិមានកាពីតូល appeared first on Kampuchea Thmey Daily.