សាលាប៉ូលិសជប៉ុន បង្រៀនសិស្ស ត្រូវចេះ Makeup ឲ្យស្អាត ទើបពលរដ្ឋទុកចិត្តពេលធ្វើការ

សាលាប៉ូលិសនៅខេត្ត Fukushima នៃប្រទេសជប៉ុន បានបង្រៀនវិធីថែសម្ផស្សនិងតុបតែងមុខ (Makeup) ដល់សិស្សដើម្បីឲ្យពួកគេមានសម្រស់ស្រស់ស្អាតពេលចេញបំពេញការងារ ទើបទទួលបានការជឿទុកចិត្តពីសំណាក់ប្រជាពលរដ្ឋ។ នេះបើតាមការចុះផ្សាយរបស់ VN Express កាលពីថ្ងៃព្រហស្បតិ៍ទី២៧ខែកុម្ភៈឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសហការជាមួយហាងលក់គ្រឿងសម្អាងដ៏ល្បីឈ្មោះរបស់ជប៉ុន Shiseido, សាលាប៉ូលិស Fukushimaken Keisatsugakko បានបង្រៀនការ Makeup នេះដល់សិស្សចំនួន៦០នាក់ ហើយក្រៅពីរបៀបតុបតែងមុខហើយនោះ អ្នកជំនាញមកពីហាង Shiseido ថែមទាំងបង្រៀនពីវិធីគូសចិញ្ចើមនិងលាបក្រែមការពារកម្តៅថ្ងៃ និងវិធីថែទាំងស្បែកផ្សេងៗផងដែរ។

លោក Takeshi Sugiura នាយករងសាលាប៉ូលិសខាងលើ បាននិយាយក្នុងបទសម្ភាសជាមួយទូរទស្សន៍ Nippon ថា «យើងចង់ដាស់តឿនដល់សិស្សៗថា ក្នុងនាមជាអ្នកការពារសង្គមជាតិ និងជាមន្ត្រីប៉ូលិសនាពេលអនាគតផងនោះ ការថែរក្សារូបរាងឲ្យស្រស់ស្អាតពិតជារឿងសំខាន់ណាស់»។

ទោះបីជាយ៉ាងណាក៏ដោយ អាចថាជារឿងពិបាកដែរសម្រាប់សិស្សប្រុសៗទាំងនេះ ព្រោះពួកគេមិនធ្លាប់ Makeup ពីមុនមក, អ្នកខ្លះស្រឡាំងកាំង ហើយក៏មានសិស្សខ្លះឲ្យអ្នកដទៃជួយ Make-up ឲ្យទៀតផង៕ 

អត្ថបទ៖ សុខ សុវណ្ណ

ចុចអាន៖ ជប៉ុនគ្រោងប្រើមនុស្សយន្ត​បំពាក់​បច្ចេកវិទ្យា​ AI ​សម្រាប់​សេវា​ថែទាំ​មនុស្ស​ចាស់