ប៉ូលិសស្រីថៃ រូបស្រស់ ស្លៀកឈុតហែលទឹកបង្ហាញរាងសិចស៊ី តែត្រូវគេរិះគន់

មន្ត្រី​ស្រី​ដ៏ល្បី​ម្នាក់ក្នុង​ប្រទេស​ថៃ ​ត្រូវបង្ខំចិត្តប្តូរគណនី​ Instagram របស់​នាង​ទៅ​ជា​ឯកជន​ បន្ទាប់​ពីរងការ​មើលងាយ​ដោយ​អ្នក​ប្រើ​អ៊ីនធឺណិត​ដែល​រិះគន់​នាង​ថា ​មិនមានការ​គោរព។

Patarasaya Rerkrut ឬត្រូវបានគេស្គាល់ថា អនុសេនីយ៍ទោ Viking ទទួលបានការចាប់អារម្មណ៍យ៉ាងខ្លាំង នាពេលថ្មីៗនេះ បន្ទាប់ពីនាងបង្ហោះរូបស្លៀកឈុតហែលទឹក។

យ៉ាងណាក្តី មុនពេលបង្ហោះ​រូបថតនេះ, Patarasaya ត្រូវ​បាន​គេ​ស្គាល់​យ៉ាង​ច្បាស់រួចទៅហើយនៅ​ក្នុង​ប្រទេសថៃ ​តាម​រយៈ​តួនាទី​ជា​អ្នក​នាំ​ពាក្យ​របស់​ប៉ូលិស​​។

ប៉ុន្តែ​បន្ទាប់ពី​មាន​ការ​បំពានក្នុងបណ្តាញសង្គម រូបនាងក៏បានបញ្ចេញប្រតិកម្ម ដោយ​សរសេរ​ថា “​ខ្ញុំ​ចូលចិត្ត​សាកល្បង​អ្វី​ដែល​ថ្មី, ចេញពី​តំបន់​ផាសុកភាព​របស់ខ្ញុំទៅ, ស្វែងរក​ឱកាស​ថ្មី​សម្រាប់​ខ្លួន​ខ្ញុំ​”។ 

“ខ្ញុំមិនដែលគិតថាខ្ញុំនឹងក្លាយជាប៉ូលិស ហើយធ្វើខុសពីអ្វីដែលខ្ញុំចូលចិត្ត ដើម្បីផ្គាប់ចិត្តមនុស្សនៅក្នុងសង្គមមួយ ដែលតែងតែវាយតម្លៃពីសកម្មភាពរបស់អ្នកនោះទេ”។ 

“សួស្តី វាជាឆ្នាំ២០២២ហើយ។ អ្វីដែលយើងធ្វើនៅក្នុងការងាររបស់យើង​ មិនឆ្លុះបញ្ចាំងពីរូបរាងខាងក្រៅនោះទេ។ ខ្ញុំធំឡើងនៅក្នុងសង្គមអភិរក្ស ប៉ុន្តែជឿថា គួរតែមានតុល្យភាព។ ឪពុកម្តាយខ្ញុំទទួលយក ហើយយល់ឃើញថា មិនអីទេ”។

ការសម្រេចចិត្តប្តូរគណនី Instagram របស់ Patarasaya ទៅជាលក្ខណៈឯកជន បានកើតឡើងបន្ទាប់ពីនាងត្រូវបានវាយប្រហារតាមអ៊ីនធឺណិតដោយក្រុម Trolls ថា រូបភាពឈុតហែលទឹករបស់នាងមិនសមរម្យសម្រាប់ប៉ូលិស និង គ្មានការគោរព៕

ប្រែសម្រួល៖ Vann Vann

ប្រភព៖ Daily Star

ចុចអាន៖ ប៉ូលិសថៃ ឆ្មក់ចូលរោងចក្រសាច់ក្រក ក្រោយកុមារ៩នាក់ធ្លាក់ខ្លួនឈឺ ដេកពេទ្យ