ព័ត៌មានអន្ដរជាតិ
ប៉ូលិសថៃស្លៀកឈុតឆ្អឹងខ្មោចដើម្បីបន្លំខ្លួនចាប់ជនល្មើស
ប៉ូលិសថៃបានស្លៀកឈុតឆ្អឹងខ្មោច ដើម្បីបន្លំខ្លួនចាប់ខ្លួនបុរសម្នាក់មានឈ្មោះថា Wanchai Saeng-udom អាយុ ៣២ ឆ្នាំ បន្ទាប់ពីបានលួចរបស់របរផ្សេងៗដូចជា iPad ចំនួន ៥ គ្រឿង និងកុំព្យូទ័រយួរដៃមួយគ្រឿងពីភោជនីយដ្ឋានមួយកន្លែងក្នុងទីក្រុងបាងកក ។
![](https://www.kampucheathmey.com/wp-content/uploads/2023/11/image-149.png)
ជនសង្ស័យឈ្មោះ Wancha បានភៀសខ្លួនចេញពីកន្លែងកើតហេតុកាលពីយប់ថ្ងៃទី២០ ខែតុលា ហើយដីកាចាប់ខ្លួនបានចេញនៅថ្ងៃទី២៦ ខែតុលា ។ ក្រោយការស៊ើបអង្កេតមួយរយៈ ប៉ូលិសទទួលបានព័ត៌មានថា Wanchai និងមិត្តស្រីនាំគ្នាទៅមើលកុនរឿងរន្ធត់ Death Whispering: Tee Yod ថ្ងៃទី៣១ ខែតុលា ក្នុងឱកាសបុណ្យ Halloween ។
ដូច្នេះប៉ូលិសមានគំនិតស្លៀកពាក់ឈុតឆ្អឹងខ្មោច និងពាក់របាំងមុខ ដើម្បីបន្លំជាបុគ្គលិកចាំចាប់ Wanchai ។ ជាង ៣ ម៉ោងក្រោយ Wanchai និងមិត្តស្រីបានបង្ហាញខ្លួននៅរោងកុន ហើយប៉ូលិសនាំគ្នាធ្វើជាថតរូប រួចព័ទ្ធចាប់ជនល្មើសដោយជោគជ័យ ។
លុះចាប់បាន Wanchai ក៏បានសារភាពដែរថា រូបគេលាឈប់ពីភោជនីយដ្ឋានមួយនោះហើយ ហើយការលួចរបស់របរទាំងនោះ គឺដើម្បីបញ្ចេញកំហឹង ។ គាត់ព្យាយាមលក់របស់ដែលលួចបានដែរ ប៉ុន្តែត្រូវគេបោកប្រាស់អស់ពីខ្លួនរលីង ។
មែនទែនទៅ Wanchai មានប្រវត្តិបទល្មើសព្រហ្មទណ្ឌជាច្រើន រួមទាំងការជួញដូរគ្រឿងញៀន ល្បែងស៊ីសង និងចោរកម្ម ជាពិសេសទើបតែចេញពីគុកទៀត ៕
ប្រែសម្រួល៖ វារី
ចុចអាន៖ បុរស ២ នាក់ស្លៀកពាក់ជាគូស្នេហ៍ Taylor Swift ក្នុងឱកាសបុណ្យ Halloween
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ