យ៉ាងណា បើតាមការផ្សាយរបស់ Bernama នៅថ្ងៃព្រហស្បតិ៍ ទី៩ ខែកក្កដា ឆ្នាំ២០២៦, ក្នុងចំណោមរបៀបវារៈទាំងអស់ គេឃើញថា បញ្ហាបើកច្រកព្រំដែន សុំឲ្យម៉ាឡេស៊ី ព្រមទទួ​លយកបង្គាថៃវិញ គឺជាប្រធានបទដ៏ក្តៅគគុក ទាំងដែលលោកអានុទីន ក៏កំពុងត្រូវប្រជនជនខ្លួន ​ជេរប្រទេចព្រោះតែការចាត់វិធានការ ចង់លេងជាមួយម៉ាឡេស៊ី ទាំងមិនចេះគិត មើលមុខមើលក្រោយ។

ទីបំផុត ក្នុងជំនួបទ្វេភាគី អានុទីន មិនបាននិយាយខ្លាំងដូចពេលនៅថៃឡើយ ដោយបញ្ចុះបញ្ចូលលោក អាន់វ៉ា ឲ្យបើកច្រកព្រំដែនវិញ ហើយម៉ាឡេស៊ី ក៏ព្រមចរចាដែរ ប៉ុន្តែមិនទាន់មានការកំណត់ក្របខ័ណ្ឌ និងពេលវេលាច្បាស់លាស់ នៃការនាំចូលបង្គថៃ វិញនោះទេ។

ទោះបែបនេះ កាលពីថ្ងៃចន្ទ នាយកដ្ឋានជលផលម៉ាឡេស៊ី លោក Adnan Hussain បញ្ជាក់ថា មិនទាន់មានការឯកភាព ទទួលយកការនាំចូលបង្គាថៃវិញទេ ពោលគឺក្រុមការងារបច្ចេកទេសម៉ាឡេស៊ី នឹងប្រើពេល ៣០ថ្ងៃសិន ដើម្បីវាយតម្លៃ និងផ្ទៀងផ្ទាត់ឯកសារសុវត្ថិភាពចំណីអាហារ ដែលថៃបានដាក់ជូន ហើយម៉ាឡេស៊ីនឹង បន្តបម្រាមនាំចូលឥតកំណត់ រហូតទាល់តែ ប្រព័ន្ធជីវសុវត្ថិភាពរបស់ថៃ ត្រូវបានបញ្ជាក់ថា មានសុវត្ថិភាពពិតប្រាកដ។

សូមជម្រាបជាថ្មី ជម្លោះពាណិជ្ជកម្ម រវាងថៃនិងម៉ាឡេស៊ីនេះ គឺផ្តើមចេញពីថៃមុន ដែលហាមឃាត់ការនាំចូលត្រីឆ្ពង់ ពីម៉ាឡេស៊ី ដោយអះអាងថា រកឃើញសារធាតុគីមីក្នុងត្រីនោះ ទើប ម៉ាឡេស៊ី សងសឹកវិញ ដោយហាមឃាត់ ការនាំចូលបង្គាថៃ ចំនួន ៥ប្រភេទ ចាប់អនុវត្តនៅថ្ងៃទី១ ខែមិថុនា កន្លងទៅ។

ដោយសារតែយូរទៅៗ នាយករដ្ឋមន្រ្តីថៃ អានុទីន នៅតែដោះស្រាយបញ្ហានេះមិនចេញ, កសិករថៃ ក៏អស់ការអត់ធ្មត់ ហើយពួកគេ ទុកពេលត្រឹម ៧ថ្ងៃ ឲ្យរដ្ឋាភិបាល ធ្វើរឿងនេះឲ្យចេញ បើមិនដូច្នោះ ពួកគេនឹងលើកគ្នាធ្វើបាតុកម្ម និងដើរក្បួនតវ៉ា ទៅកាន់ទីក្រុងបាងកក ហើយ។

រឿងនេះកើតឡើង ស្របពេលតម្លៃបង្គា នៅតែបន្តធ្លាក់ថ្លៃខ្លាំង ពោលគឺដាំក្បាលចុះពី ២២០ បាតក្នុងមួយគីឡូក្រាម មកត្រឹម ១៣០ បាត ក្នុងមួយគីឡូក្រាម។

ម៉ាឡេស៊ី គឺជាទីផ្សារបង្គាដ៏សំខាន់មួយរបស់ថៃ ដោយមួយឆ្នាំៗ ការនាំចេញបង្គាថៃទៅ ម៉ាឡេស៊ី មានបរិមាណចន្លោះពី ១៥ ០០០ ទៅ ២៥ ០០០ តោន បើគិតជាទឹកប្រាក់ គឺស្មើនឹងប្រហែលពី ៦០ ទៅ ៩០ លានដុល្លារអាមេរិក៕

អត្ថបទ៖ សុវណ្ណ

The post ទៅដល់ម៉ាឡេស៊ី, អានុទីន សុំលោកអាន់វ៉ា ឲ្យបើកព្រំដែន ទទួលយកបង្គាថៃ វិញ  appeared first on Kampuchea Thmey Daily.

តាមការផ្សាយរបស់ Amarin TV នៅថ្ងៃពុធ ទី៨ ខែកក្កដា ឆ្នាំ២០២៦ លោកអានុទីន នឹងសុំលោក អាន់វ៉ា បញ្ចប់ជម្លោះពាណិជ្ជកម្ម ទាំងដែលជម្លោះនោះ ថៃ ជាអ្នកបង្កមុន តាមរយៈការហាមឃាត់ ត្រីឆ្អង់ម៉ាឡេស៊ី ដោយអះអាងពីការរកឃើញសារធាតុគីមី។

ជាការសងសឹក ម៉ាឡេស៊ី ក៏ប្រកាសផ្អាកការនាំចូលបង្គាចំនួន ៥ ប្រភេទ ពីប្រទេសថៃវិញ ចាប់តាំងពីថ្ងៃទី១ ខែមិថុនាមក ធ្វើឲ្យថៃ ស្រឡាំងកាំង គិតស្មានថាម៉ាឡេស៊ី មិនហ៊ានជាមួយខ្លួន ដល់ថ្នាក់ ទៅសុំចរចាគ្នាវិញ និងអង្វរករឲ្យ រដ្ឋាភិបាលទីក្រុងគូឡាឡាំពួ បន្ទន់ឥរិយាបថ ហើយនិយាយគ្នាសិន។

មុននឹងទៅអង្វរម៉ាឡេស៊ី រដ្ឋាភិបាលទីក្រុងបាងកក ក៏ត្រូវពលរដ្ឋខ្លួន ជេរប្រទេចមិនស្ទើរដែរ ព្រោះបម្រាមនេះ ធ្វើឲ្យប៉ះពាល់យ៉ាងខ្លាំងដល់កសិករចិញ្ចឹមបង្គា និងអ្នកនេសាទថៃ ជាពិសេសនៅតំបន់ភាគខាងត្បូង ដោយបង្កជាភាពក្ដៅក្រហាយ ពេញទឹកពេញដី។

ចំណែក ពាក់ព័ន្ធបញ្ហាអំពើហិង្សា នៅភាគខាងត្បូងប្រទេសថៃវិញ លោកអានុទីន នឹងសុំឲ្យម៉ាឡេស៊ី ជួយរឹតបន្តឹងសន្តិសុខព្រំដែន និងទប់ស្កាត់សកម្មភាពក្រុមឧទ្ទាមឆ្លងដែន បន្ទាប់ពីការវាយប្រហារ ចេះតែខ្លាំងទៅៗ។

ជុំវិញរឿងនេះដែរ ទីក្រុងបាងកក ប្រកាសថា ខ្លួននឹងចរចាជាមួយក្រុមសកម្មប្រយុទ្ធភាគខាងត្បូង ​ហើយមន្ត្រីថៃ នឹងធ្វើដំណើរទៅកាន់ប្រទេសម៉ាឡេស៊ី នៅខែកញ្ញា ខាងមុខ ដើម្បីពិភាក្សាគ្នា រកដំណោះស្រាយ។

លោក Wan Muhamad Noor Matha ជាទីប្រឹក្សានយោបាយនាយករដ្ឋមន្ត្រីថៃ បានបញ្ជាក់ពីវិមានរដ្ឋាភិបាល កាលពីថ្ងៃព្រហស្បតិ៍ ទី២ ខែកក្កដា ឆ្នាំ២០២៦ ថា ជំនួបសំខាន់មួយ នឹងរៀបចំឡើងតាមពេលវេលា ដែលបានកំណត់ ហើយបើការចរចាទទួលបានលទ្ធផលផ្លែផ្កា ថៃនិងម៉ាឡេស៊ី នឹងចុះហត្ថលេខាលើកិច្ចព្រមព្រៀងរួមគ្នាមួយ ហើយទម្លាយសេចក្តីថ្លែងការណ៍នោះ ជាសាធារណៈតែម្តង។

អំពើហិង្សានៅភាគខាងត្បូងប្រទេសថៃ ស្រាប់តែកក្រើកខ្លាំង គួរឲ្យកត់សម្គាល់ ក្នុងរយៈពេលថ្មីៗ ជាពិសេសក្នុងខែមិថុនាតែម្តង ដោយកើតការវាយប្រហារញឹកញាប់បំផុត ក្នុងអត្រាដែលមិននឹកស្មានដល់ ពោលគឺសឹងរាល់ថ្ងៃ។

រឿងនេះសបញ្ជាក់ថា ប្រទេសថៃ កំពុងធ្លាក់ចូលទៅក្នុងភាពវឹកវរ កាន់តែជ្រៅ ដោយគ្រប់ជ្រុងនៃព្រំដែន សុទ្ធតែមានបញ្ហា៕

អត្ថបទ៖ សុវណ្ណ

The post អានុទីន ទៅ ម៉ាឡេស៊ី ដើម្បីសុំឲ្យលោកអាន់វ៉ា បើកទីផ្សារបង្គាវិញ និងជួយដោះស្រាយបញ្ហា ភាគខាងត្បូង appeared first on Kampuchea Thmey Daily.

ក្រោយជួបពិភាក្សាជាមួយភាគីម៉ាឡេស៊ី រួចមក លោក Suriya បានបង្ហោះ Facebook ថា៖ «ដំណឹងល្អ សម្រាប់អ្នកនាំចេញបង្គា! បង្គាថៃ នឹងត្រូវនាំចេញទៅកាន់ប្រទេសម៉ាឡេស៊ីជាធម្មតាវិញ ក្នុងរយៈពេល ៣០ថ្ងៃខាងមុខ។

លោកនិយាយថា ប្រទេសទាំងពីរ បានព្រមព្រៀងគ្នា ជំរុញដំណើរការត្រួតពិនិត្យ លើការអនុលោមតាមវិធានការអនាម័យ និងភូតគាមអនាម័យ រួមទាំងការពិនិត្យរកសារធាតុគីមីបន្សល់ទុក និងការត្រួតពិនិត្យអនាម័យ ដែលចាំបាច់ដើម្បីស្តារសកម្មភាពពាណិជ្ជកម្មឡើងវិញ។

ទោះបីជាយ៉ាងណាក៏ដោយ បើតាមការផ្សាយរបស់ Bangkok Post នៅថ្ងៃចន្ទ ទី៦ ខែកក្កដា ឆ្នាំ២០២៦ ភាគីម៉ាឡេស៊ី បានចេញមុខបដិសេធ ហើយនិយាយផ្ទុយពីនេះ ដោយអគ្គនាយក នៃនាយកដ្ឋានជលផល លោក Adnan Hussain បញ្ជាក់ថា រយៈពេល ៣០ថ្ងៃនេះ គ្រាន់តែជាពេលវេលាអប្បបរមា សម្រាប់ក្រុមការងារបច្ចេកទេសម៉ាឡេស៊ី យកទៅវាយតម្លៃ និងផ្ទៀងផ្ទាត់ឯកសារសុវត្ថិភាពចំណីអាហារដែលថៃបានដាក់ជូនប៉ុណ្ណោះ។ ម៉ាឡេស៊ីនឹង បន្តបម្រាមនាំចូលឥតកំណត់ រហូតទាល់តែ ប្រព័ន្ធជីវសុវត្ថិភាពរបស់ថៃ ត្រូវបានបញ្ជាក់ថា មានសុវត្ថិភាពពិតប្រាកដ។

សូមជម្រាបជាថ្មី ជម្លោះពាណិជ្ជកម្ម រវាងថៃនិងម៉ាឡេស៊ីនេះ គឺផ្តើមចេញពីថៃមុន ដែលហាមឃាត់ការនាំចូលត្រីឆ្ពង់ ពីម៉ាឡេស៊ី ដោយអះអាងថា រកឃើញសារធាតុគីមីក្នុងត្រីនោះ ទើប ម៉ាឡេស៊ី សងសឹកវិញ ដោយហាមឃាត់ ការនាំចូលបង្គាថៃ ចំនួន ៥ប្រភេទ ចាប់អនុវត្តនៅថ្ងៃទី១ ខែមិថុនា កន្លងទៅ។

ដោយសារតែយូរទៅៗ នាយករដ្ឋមន្រ្តីថៃ អានុទីន នៅតែដោះស្រាយបញ្ហានេះមិនចេញ, កសិករថៃ ក៏អស់ការអត់ធ្មត់ ហើយពួកគេ ទុកពេលត្រឹម ៧ថ្ងៃ ឲ្យរដ្ឋាភិបាល ធ្វើរឿងនេះឲ្យចេញ បើមិនដូច្នោះ ពួកគេនឹងលើកគ្នាធ្វើបាតុកម្ម និងដើរក្បួនតវ៉ា ទៅកាន់ទីក្រុងបាងកក ហើយ។

រឿងនេះកើតឡើង ស្របពេលតម្លៃបង្គា នៅតែបន្តធ្លាក់ថ្លៃខ្លាំង ពោលគឺដាំក្បាលចុះពី ២២០ បាតក្នុងមួយគីឡូក្រាម មកត្រឹម ១៣០ បាត ក្នុងមួយគីឡូក្រាម។

ម៉ាឡេស៊ី គឺជាទីផ្សារបង្គាដ៏សំខាន់មួយរបស់ថៃ ដោយមួយឆ្នាំៗ ការនាំចេញបង្គាថៃទៅ ម៉ាឡេស៊ី មានបរិមាណចន្លោះពី ១៥ ០០០ ទៅ ២៥ ០០០ តោន បើគិតជាទឹកប្រាក់ គឺស្មើនឹងប្រហែលពី ៦០ ទៅ ៩០ លានដុល្លារអាមេរិក៕

អត្ថបទ៖ សុវណ្ណ

The post ថៃ បោកពលរដ្ឋខ្លួនថា ម៉ាឡេស៊ី ព្រមបើកទីផ្សារបង្គាវិញ ក្នុងរយៈពេល ៣០ថ្ងៃ, ម៉ាឡេស៊ី ថា អត់ទេ! appeared first on Kampuchea Thmey Daily.

កាសែត Bangkok Post បានដកស្រង់សម្តីលោក Wan Muhamad Noor Matha ជាទីប្រឹក្សានយោបាយនាយករដ្ឋមន្ត្រីថៃ ដែលបញ្ជាក់ពីវិមានរដ្ឋាភិបាល នៅថ្ងៃព្រហស្បតិ៍ ទី២ ខែកក្កដា ឆ្នាំ២០២៦ ថា ជំនួបសំខាន់មួយ នឹងរៀបចំឡើងតាមពេលវេលា ដែលបានកំណត់ ហើយបើការចរចាទទួលបានលទ្ធផលផ្លែផ្កា ថៃនិងម៉ាឡេស៊ី នឹងចុះហត្ថលេខាលើកិច្ចព្រមព្រៀងរួមគ្នាមួយ ហើយទម្លាយសេចក្តីថ្លែងការណ៍នោះ ជាសាធារណៈតែម្តង។

ទោះបីជាយ៉ាងណាក៏ដោយ លោកមិនទាន់ប្រាប់ ថ្ងៃណាឲ្យប្រាកដនោះទេ ហើយក៏មិនទម្លាយដែរថាតើ មន្ត្រីរូបណាខ្លះ ដែលនឹងទៅចូលរួមក្នុងជំនួបនេះ។

ការអះអាងរបស់លោក កើតឡើងមួយថ្ងៃ បន្ទាប់ពី ថៃ ក៏បានដាក់ចេញវិធីសាស្រ្តថ្មីផងដែរ ដោយបង្កើតក្រុមចរចាមួយ ហើយឲ្យមានការចូលរួមពីពលរដ្ឋមូលដ្ឋានជាពិសេសយុវជន ដើម្បីទៅសម្រុះសសម្រួលជាមួយក្រុមផ្តាច់ខ្លួនមូស្លីម BRN។

ថ្លែងប្រាប់ Bangkok Post កាលពីថ្ងៃពុធ លោក Thanut Suvarnananda ប្រធានអ្នកចរចាសន្តិភាពថ្មី របស់រដ្ឋាភិបាលថៃ និយាយថា ដើម្បីស្វែងរកសន្តិភាពយូរអង្វែង និងបញ្ចប់ជម្លោះដ៏រ៉ាំរ៉ៃ នៅតាមបណ្តាខេត្តព្រំដែនភាគខាងត្បូង គឺចាំបាច់ ត្រូវមានការចូលរួមពីសាធារណជន។

សម្រាប់វិធីសាស្ត្រថ្មីនេះ Thanut ប្រាប់ថា វាផ្តោតសំខាន់ការចូលរួមរបស់ពលរដ្ឋ រួមជាមួយសង្គមស៊ីវិល ទីភ្នាក់ងារអនុវត្តច្បាប់ ស្ថាប័នសម្ងាត់ និងសហគមន៍មូលដ្ឋាន។

បុរសម្នាក់នេះបញ្ជាក់ហើយថា ផែនការនេះ នឹងផ្អែកលើការពិគ្រោះយោបល់ជាមួយ ជនស៊ីវិលមន្ត្រីរដ្ឋ អ្នកវិស័យអប់រំ/និស្សិត តំណាងក្រុមបះបោរ BRN និងបុគ្គលដែលនៅបន្តបង្កហិង្សា។

ទន្ទឹមនោះ រដ្ឋាភិបាលថៃ គ្រោងអនុញ្ញាតឲ្យតំណាងសហគមន៍ និងយុវជន ទៅជួបពិភាក្សាជាមួយក្រុម BRN ដោយផ្ទាល់នៅម៉ាឡេស៊ី ព្រមទាំងបង្កើតបណ្តាញទំនាក់ទំនងមានតម្លាភាព ដើម្បីកាត់បន្ថយអំពើហិង្សា៕

អត្ថបទ៖ សុវណ្ណ

The post គ្រប់គ្រងស្ថានការណ៍លែងបាន! ថៃ សុំក្រុមផ្តាច់ខ្លួន ចរចាគ្នា ខណៈជំនួប នឹងរៀបចំនៅម៉ាឡេស៊ី ក្នុងខែកញ្ញា appeared first on Kampuchea Thmey Daily.

តាមការផ្សាយរបស់ Khaosod, គ្រាប់បែកបានវាយប្រហាររថយន្ត របស់អ្នកទេសចរ ពេលធ្វើដំណើរមកដល់ត្រង់ផ្លូវប្រសព្វ Sapom ក្នុងស្រុក Tak Bai នៃខេត្ត Narathiwat កាលពីថ្ងៃចន្ទ ទី២៩ ខែមិថុនា ឆ្នាំ២០២៦។

ក្រោយការវាយប្រហារនោះភ្លាម ភាគីម៉ាឡេស៊ី ចេញសេចក្តីប្រកាស ព្រមានដល់ពលរដ្ឋខ្លួន ត្រូវប្រយ័ត្នពេលទៅលេងប្រទេសថៃ ភាគខាងត្បូង ឬបើអាច ផ្អាកធ្វើដំណើរទៅទីនោះសិន ព្រោះថា ស្ថានការណ៍កំពុងចលាចល និងវឹកវរ គ្មានសុវត្ថិភាពសោះឡើយ។

យោងតាម South China Morning Post កាលពីថ្ងៃអង្គារ ទី៣០ ខែមិថុនា ឆ្នាំ២០២៦ ក្រសួងការបរទេសម៉ាឡេស៊ី បានចេញសេចក្តីថ្លែងការណ៍បន្ទាន់មួយ ដោយណែនាំដល់ប្រជាពលរដ្ឋខ្លួន ឲ្យពន្យារពេលរាល់ការធ្វើដំណើរដែលមិនចាំបាច់ ទៅកាន់តំបន់ភាគខាងត្បូងប្រទេសថៃ ហើយត្រូវបង្កើនការប្រុងប្រយ័ត្នឲ្យបានខ្ពស់បំផុត ប្រសិនបើពួកគេកំពុងស្ថិតនៅក្នុង តំបន់នោះស្រាប់។

ជាការពិត ហេតុការណ៍ផ្ទុះគ្រាប់បែក បូករួមទាំងការព្រមាននេះទៀតនោះ នឹងធ្វើ ឲ្យវិស័យទេសចរណ៍ថៃ នៅភាគខាងត្បូង ជួបបញ្ហាធំ និងរួមចំណែកធ្វើឲ្យប៉ះពាល់ដល់សេដ្ឋកិច្ចប្រទេស ដែលកំពុងដុនដាបស្រាប់ទៅហើយ។

ដំណើរកម្សាន្តរបស់ទេសចរម៉ាឡេស៊ី នៅភាគខាងត្បូងប្រទេសថៃ គឺជាជម្រើសដ៏ពេញនិយមបំផុត ដោយសារតែតំបន់ទាំងពីរ មានព្រំប្រទល់ជាប់គ្នា ផ្តល់ភាពងាយស្រួលក្នុងការធ្វើដំណើរតាមផ្លូវគោក ផ្លូវរថភ្លើង និងផ្លូវអាកាស។

កាលពីឆ្នាំមុន ជនជាតិម៉ាឡេស៊ីសរុប ៤.៤ លាននាក់ បានធ្វើដំណើរឆ្លងកាត់ព្រំដែនចូលថៃ ធ្វើឲ្យម៉ាឡេស៊ី ក្លាយជាទីផ្សារទេសចរណ៍បរទេសធំបំផុតរបស់ ថៃ។

ដូច្នេះ ការវាយប្រហារនេះ អាចធ្វើឲ្យលំហូរភ្ញៀវទេសចរតាមព្រំដែន ធ្លាក់ចុះយ៉ាងគំហុក ហើយក៏បាត់បង់ចំណូលយ៉ាងក្រាស់ក្រែល ផងដែរ៕

អត្ថបទ៖ សុវណ្ណ

The post វិស័យ​ទេសចរណ៍ថៃ​ ប្រឈម​ហានិភ័យ ​ក្រោយ​ការផ្ទុះ​គ្រាប់​បែក​នៅ​ភាគ​ខាងត្បូង ​របួសជនជាតិម៉ាឡេស៊ី​ ២នាក់​ appeared first on Kampuchea Thmey Daily.

តាមការផ្សាយរបស់ Thai PBS នៅថ្ងៃចន្ទ ទី២៩ ខែមិថុនា ឆ្នាំ២០២៦, រដ្ឋមន្ត្រីកសិកម្មថៃ Suriya Juangroongruangkit នឹងហោះទៅគូឡាឡាំពួ គ្រាន់តែទទួលដំណឹងភ្លាមថា ម៉ាឡេស៊ី ព្រមចរចាហើយ។

កាលពីដំបូង ថៃ អួតខ្លួនថា អត់ខ្វល់ទេ ចំពោះចំណាត់ការរបស់ម៉ាឡេស៊ី ហើយនាយករដ្ឋមន្ត្រី អានុទីន ថែមបោះសម្តីទៀតថា មិនជាបញ្ហាអ្វីឡើយទោះម៉ាឡេស៊ី ហាមនាំចូលបង្គា ព្រោះថៃ នៅមានទីផ្សារចិន។

កាលនោះ អានុទីន ប្រាប់ទៅអ្នកកាសែតថា ថា៖ «ទោះការចរចាជាមួយម៉ាឡេស៊ី បរាជ័យ ក៏ថៃ នៅមានទីផ្សារចិន ដែរ ដូច្នេះគ្មានអ្វី​ ត្រូវព្រួយបារម្ភឡើយ»។

យ៉ាងណា ឥឡូវ រដ្ឋាភិបាលរបស់អានុទីន អត់ធ្វើបានដូចមាត់ទេ ដោយសុខចិត្តធ្វើដំណើរ ទៅម៉ាឡេស៊ី ដើម្បីចរចាវិញ ដើម្បីបិទបញ្ចប់ជម្លោះពាណិជ្ជកម្ម រវាងប្រទេសទាំងពីរ។

សូមជម្រាបជាថ្មី ជម្លោះអំពីរឿងនេះ គឺផ្តើមចេញពីថៃមុន ដែលហាមឃាត់ការនាំចូលត្រីឆ្ពង់ ពីម៉ាឡេស៊ី ដោយអះអាងថា រកឃើញសារធាតុគីមីក្នុងត្រីនោះ ទើប ម៉ាឡេស៊ី សងសឹកវិញ ដោយហាមឃាត់ ការនាំចូលបង្គាថៃ ចំនួន ៥ប្រភេទ ចាប់អនុវត្តនៅថ្ងៃទី១ ខែមិថុនា កន្លងទៅ។

ម៉ាឡេស៊ី គឺជាទីផ្សារបង្គាដ៏សំខាន់មួយរបស់ថៃ ដោយមួយឆ្នាំៗ ការនាំចេញបង្គាថៃទៅ ម៉ាឡេស៊ី មានបរិមាណចន្លោះពី ១៥ ០០០ ទៅ ២៥ ០០០ តោន បើគិតជាទឹកប្រាក់ គឺស្មើនឹងប្រហែលពី ៦០ ទៅ ៩០ លានដុល្លារអាមេរិក៕

អត្ថបទ៖ សុវណ្ណ

The post ទីបំផុត ថៃលេបសម្តី ដោយសុខចិត្តទៅម៉ាឡេស៊ី ដើម្បីចរចា សុំឲ្យនាំចូលបង្គា វិញ appeared first on Kampuchea Thmey Daily.

ផ្ទុយទៅវិញ អានុទីន បែរជានិយាយថា ខ្លួនមិនខ្វល់ឡើយចំពោះការដែលម៉ាឡេស៊ី ហាមនាំចូលបង្គាថៃ ព្រោះថៃ នៅមានទីផ្សារចិន។

ថ្លែងប្រាប់អ្នកសារព័ត៌មាន កាលពីថ្ងៃអាទិត្យ ទី៧ ខែមិថុនា ឆ្នាំ២០២៦ អានុទីន និយាយថា៖ «ទោះការចរចាជាមួយម៉ាឡេស៊ី បរាជ័យ ក៏ថៃ នៅមានទីផ្សារចិន ដែរ ដូច្នេះគ្មានអ្វី​ ត្រូវព្រួយបារម្ភឡើយ»។

នាយករដ្ឋមន្ត្រីរូបនេះអះអាងថា ថៃ នឹងខំផ្សព្វផ្សាយបង្គាថៃទៅទីផ្សារចិន រួមមាននៅ ទីក្រុង Kunming, Xiamen, Dalian និង Lanzhou។

ទោះបីជាយ៉ាងណាក៏ដោយ ជុំវិញបញ្ហានេះដែរ បើតាមការផ្សាយរបស់ The Nation កាលពីថ្ងៃអាទិត្យ, ឧបនាយករដ្ឋមន្ត្រី និងជារដ្ឋមន្ត្រីក្រសួងពាណិជ្ជកម្មថៃ លោកស្រី Suphajee Suthumpun បានបញ្ជាក់រួចហើយថា ថៃ នឹងប្តឹងម៉ាឡេស៊ី ទៅកាន់អង្គការពាណិជ្ជកម្មពិភពលោក (WTO) ចំពោះការផ្អាកនាំចូលបង្គា និងរុញបញ្ហានេះ ទៅអាស៊ាន។

ទន្ទឹមនឹងការប្តឹងនេះផងដែរ ក្រសួងអះអាងពីការដាក់ចេញវិធានការបន្ទាន់ ១៣ចំណុច ដើម្បីដោះស្រាយជាមួយនឹង ផលប៉ះពាល់ដល់សេដ្ឋកិច្ច ដែលបណ្តាលមកពីម៉ាឡេស៊ី ផ្អាកនាំចូលបង្គាថៃ។

សូមជម្រាបជាថ្មីថា ជម្លោះអំពីរឿងនេះ គឺផ្តើមចេញពីថៃមុន ដែលហាមឃាត់ការនាំចូលត្រីឆ្ពុង ពីម៉ាឡេស៊ី ដោយអះអាងថា រកឃើញសារធាតុគីមីក្នុងត្រីនោះ ទើប ម៉ាឡេស៊ី សងសឹកវិញ ដោយហាមឃាត់ ការនាំចូលបង្គាថៃ ចំនួន ៥ប្រភេទ ចាប់អនុវត្តនៅថ្ងៃទី១ ខែមិថុនា កន្លងទៅ។

ម៉ាឡេស៊ី គឺជាទីផ្សារបង្គាដ៏សំខាន់មួយរបស់ថៃ ដោយមួយឆ្នាំៗ ការនាំចេញបង្គាថៃទៅ ម៉ាឡេស៊ី មានបរិមាណចន្លោះពី ១៥ ០០០ ទៅ ២៥ ០០០ តោន បើគិតជាទឹកប្រាក់ គឺស្មើនឹងប្រហែលពី ៦០ ទៅ ៩០ លានដុល្លារអាមេរិក៕

អត្ថបទ៖ សុខ សុវណ្ណ

The post អានុទីន ថា អត់ខ្វល់ រឿងម៉ាឡេស៊ី ហាមនាំចូលបង្គា តែក្រសួងពាណិជ្ជកម្មថៃ ថា នឹងប្តឹងទៅ WTO ហើយរុញបញ្ហានេះ ទៅអាស៊ាន appeared first on Kampuchea Thmey Daily.

ជម្លោះផ្តើមចេញពីថៃមុន ដែលហាមឃាត់ការនាំចូលត្រីឆ្ពុង ពីម៉ាឡេស៊ី ដោយអះអាងថា រកឃើញសារធាតុគីមីក្នុងត្រីនោះ ទើប ម៉ាឡេស៊ី សងសឹកវិញ ដោយហាមឃាត់ ការនាំចូលបង្គាថៃ ចំនួន ៤ប្រភេទ។

ចំណាត់ការរបស់រដ្ឋាភិបាលទីក្រុងបាងកក ធ្វើឲ្យពលរដ្ឋនៅភាគខាងត្បូងប្រទេសថៃ ក្តៅចិត្តមិនស្ទើរឡើយ ដោយពួកគេត្អូញត្អែរអំពីទុក្ខលំបាក និងជំរុញឲ្យ អានុទីន ពិភាក្សាជាមួយម៉ាឡេស៊ី ជាបន្ទាន់។

តាមការផ្សាយរបស់ Bangkok Post នៅថ្ងៃចន្ទ ទី១ ខែមិថុនា ឆ្នាំ២០២៦ លោក ព្រីឆា សុខកាសេម អនុប្រធានសមាគមបង្គាថៃ និយាយថា ចំណាត់ការរបស់ម៉ាឡេស៊ី ពិតជាជះឥទ្ធិពលដល់កសិករ នៅតាមបណ្តាខេត្តភាគខាងត្បូង ដែលនាំចេញបង្គា ទៅកាន់ប្រទេសម៉ាឡេស៊ី និងសិង្ហបុរី។

ទន្ទឹមនោះ សមាជិកសភាខេត្ត Songkhla លោក Chaiyong Maneerungsakul បាននិយាយចំៗថា នាយករដ្ឋមន្ត្រី, ក្រសួងពាណិជ្ជកម្ម និងក្រសួងកសិកម្ម ត្រូវតែធ្វើការជាមួយគ្នា ដើម្បីដោះស្រាយបញ្ហានេះ ជាបន្ទាន់។

សូមជម្រាបថា ម៉ាឡេស៊ី គឺជាទីផ្សារបង្គាដ៏សំខាន់មួយរបស់ថៃ ដោយមួយឆ្នាំៗ ការនាំចេញបង្គាថៃទៅ ម៉ាឡេស៊ី មានបរិមាណចន្លោះពី ១៥ ០០០ ទៅ ២៥ ០០០ តោន បើគិតជាទឹកប្រាក់ គឺស្មើនឹងប្រហែលពី ៦០ ទៅ ៩០ លានដុល្លារអាមេរិក។

យ៉ាងណា ទិន្នន័យនេះអាចមានការប្រែប្រួលតិចតួចទៅតាមឆ្នាំ និងកត្តាទីផ្សារ៕

អត្ថបទ៖ សុខ សុវណ្ណ

The post ពលរដ្ឋថៃ ក្តៅចិត្តនឹង អានុទីន ក្រោយ ម៉ាឡេស៊ី ​សងសឹក​ ដោយហាមនាំចូល បង្គា ថៃ appeared first on Kampuchea Thmey Daily.