តាមការផ្សាយរបស់ Manchester Evening News នៅថ្ងៃចន្ទ ទី២០ ខែកក្កដា ឆ្នាំ២០២៦, មនុស្សរាប់ម៉ឺននាក់ បានប្រមូលផ្តុំគ្នា មើលការប្រកួតវគ្គផ្តាច់ព្រ័ត្រ ក្នុងរដ្ឋធានីរបស់ប្រទេសអាហ្សង់ទីន ដោយក្តីរីករាយ ​និងរំភើបរីករាយ។

យ៉ាងណា ស្ថានភាពប្រែផ្លាស់ប្តូរភ្លាមៗនៅពេល អាហ្សង់ទីនប្រកួតចាញ់ ដោយអ្នកគាំទ្រមួយចំនួន ​ចាប់ផ្តើមមួម៉ៅ និងកំហឹងពុះពោរ ចេញសកម្មភាពហិង្សា គប់កៅអី ដបទឹកនិងវត្ថុនានា ហើយពេលប៉ូលិសចូលអន្តរាគមន៍ ដើម្បីធានាសន្តិសុខ ពួកគេក៏ប៉ះទង្គិចជាមួយប៉ូលិស តែម្តង។

មានអ្នកខ្លះ ថែមទាំងកម្ទេចរបាំងសន្តិសុខ ដែលដាក់នៅជុំវិញវិមានជាតិ Obelisk ផងដែរ ធ្វើឲ្យប៉ូលិស ត្រូវបង្ខំចិត្ត ចាត់វិធានការក្តៅ បាញ់ឧស្ម័នបង្ហូរទឹកភ្នែក និងគប់គ្រាប់បែកផ្សែង បង្កឲ្យមានអ្នករបួស និងឈានដល់ការចាប់ខ្លួនមនុស្សជាង ១០នាក់ទៀតផង។

សូមជម្រាបថា អាហ្សង់ទីន ទទួល​បាន​ចំណាត់​ថ្នាក់​លេខ ២ ក្នុង​ព្រឹត្តិការណ៍​បាល់ទាត់​ពិភព​លោក FIFA World Cup ឆ្នាំ ២០២៦ បន្ទាប់​ពីចាញ់​ អេស្ប៉ាញ ដោយ​លទ្ធផល ១-០ សម្រាប់​ការ​ប្រកួត​វគ្គ​ផ្តាច់​ព្រ័ត្រ​រយៈ​ពេល ១២០ នាទី។

នេះគឺជាការគ្រងជើងឯក World Cup លើកទី២ ក្នុងប្រវត្តិសាស្រ្តរបស់អេស្ប៉ាញ បន្ទាប់ពីការឈ្នះលើកដំបូងនៅឆ្នាំ២០១០ ដែលកាលនោះ ប្រទេសអាហ្វ្រិកខាងត្បូង ធ្វើជាម្ចាស់ផ្ទះ។

ការឈ្នះពាន ២ សម័យកាលនេះ មានន័យថា អេស្ប៉ាញ បានតាមស្មើកំណត់ត្រារបស់ក្រុមមាន់បារាំង និងអ៊ុយរូហ្គាយហើយ ក្នុងនាមជាក្រុមឈ្នះពាន  ២លើកដូចគ្នា៕

អត្ថបទ៖ សុវណ្ណ

The post អ្នកគាំទ្រអាហ្សង់ទីន ផ្ទុះកំហឹង ឈានដល់ប្រើហិង្សា និងប៉ះទង្គិចជាមួយប៉ូលិស ក្រោយចាញ់អេស្ប៉ាញ appeared first on Kampuchea Thmey Daily.

តាមការផ្សាយរបស់ USA Today នៅថ្ងៃចន្ទ ទី២០ ខែកក្កដា ឆ្នាំ២០២៦, លោក ត្រាំ មិនព្រមដើរចេញពីឆាក ដើម្បីទុកឱកាសឲ្យក្រុមកីឡាករអេស្ប៉ាញ អបអរសាទរនោះទេ ដោយលោកបានបន្តឈរនៅចំកណ្ដាលក្រុម និងនៅជិតពានរង្វាន់ ទោះប្រធានសហព័ន្ធ FIFA លោក Gianni Infantino ហាក់ដូចជាខំតឿនយ៉ាងណាក៏ដោយ។

មិនត្រឹមប៉ុណ្ណឹង លោក ត្រាំ បានឈរនៅកៀនក្រុមកីឡាករអេស្ប៉ាញ ដើម្បីឲ្យមុខរបស់លោកជាប់ក្នុងរូបថតប្រវត្តិសាស្ត្រនៃការលើកពាន។

ដោយមើលឃើញសកម្មភាពទាំងនេះ មន្ត្រីរៀបចំកម្មវិធី បានខំជំរុញ និងថែមទាំងធ្វើសញ្ញាទៀតផងដើម្បីឲ្យលោកដើរចេញ ហើយសូម្បីតែលោក Infantino ក៏បានព្យាយាមសម្របសម្រួលដែរ។

សូមជម្រាបថា អេស្ប៉ាញ បានក្លាយជាម្ចាស់ជើងឯក ពានរង្វាន់បាល់ទាត់ពិភពលោក ឆ្នាំ២០២៦ ​ក្រោយយកឈ្នះអាហ្សង់ទីន ១-០ នៅម៉ោងបន្ថែម ១៥នាទីពីរដង ក្រោយស្មើគ្នា ០-០ ត្រឹម៩០នាទី។

នេះគឺជាការគ្រងជើងឯក World Cup លើកទី២ ក្នុងប្រវត្តិសាស្រ្តរបស់អេស្ប៉ាញ បន្ទាប់ពីការឈ្នះលើកដំបូងនៅឆ្នាំ២០១០ ដែលកាលនោះ ប្រទេសអាហ្វ្រិកខាងត្បូង ធ្វើជាម្ចាស់ផ្ទះ។

ការឈ្នះពាន ២ សម័យកាលនេះ មានន័យថា អេស្ប៉ាញ បានតាមស្មើកំណត់ត្រារបស់ក្រុមមាន់បារាំង និងអ៊ុយរូហ្គាយហើយ ក្នុងនាមជាក្រុមឈ្នះពាន  ២លើកដូចគ្នា៕

អត្ថបទ៖ សុវណ្ណ

The post លោក ត្រាំ ព្យាយាមយកមុខ មិនព្រមដើរចេញពីឆាក ពេលអេស្ប៉ាញ លើកពាន World Cup appeared first on Kampuchea Thmey Daily.

ថ្លែងក្នុងសន្និសីទកាសែត ជាមួយប្រមុខអង្គការណាតូ ម៉ាក រូតេ នៅទីក្រុងអង់ការ៉ា ប្រទេសតួកគី, លោកត្រាំ ហៅអេស្ប៉ាញថា ជា «ដៃគូដ៏អាក្រក់បំផុត» នៅក្នុងសម្ព័ន្ធភាពយោធា ដឹកនាំដោយអាមេរិក មួយនេះ។

លោកត្រូវបានដកស្រង់សម្តី ដោយទីភ្នាក់ងារព័ត៌មាន Reuters នៅថ្ងៃពុធ ទី៨ ខែកក្កដា ឆ្នាំ២០២៦ ថា៖ «អេស្ប៉ាញ គឺជាដៃគូដ៏អាក្រក់បំផុត នៅក្នុងអង្គការណាតូ។ ពួកគេមិនចូលរួម ហើយពួកគេ ក៏មិនព្រមបង់ប្រាក់ដែរ។ ខ្ញុំមិនចង់ ពាក់ព័ន្ធអ្វីទាំងអស់ ជាមួយអេស្ប៉ាញ ហើយត្រូវកាត់ផ្តាច់រាល់ការធ្វើពាណិជ្ជកម្ម ជាមួយអេស្ប៉ាញ រួមទាំងការធ្វើទស្សនកិច្ចផងដែរ។ កុំសូម្បីតែនិយាយជាមួយពួកគេ។ ពួកគេ គឺជាមនុស្សដែលគ្មានសង្ឃឹម និងមិនមែនជាមនុស្សល្អឡើយ»។

សូមជម្រាបថា លោកត្រាំ មិនសប្បាយចិត្ត នឹងប្រទេសអេស្ប៉ាញទេ ដោយទីក្រុងវ៉ាស៊ីនតោន និងម៉ាឌ្រីដ មើលមុខគ្នាមិនចំឡើយ ព្រោះតែជម្លោះដ៏ក្តៅគគុក ជាបន្តបន្ទាប់។

ដំបូងឡើយ រដ្ឋាភិបាលទីក្រុងម៉ាឌ្រីដ ដឹកនាំដោយនាយករដ្ឋមន្ត្រី Pedro Sánchez បានសម្រេច បិទមិនឲ្យយោធាអាមេរិក ប្រើប្រាស់មូលដ្ឋានទ័ពអាកាស និងជើងទឹករបស់ខ្លួន ដូចជាមូលដ្ឋានទ័ព Rota និង Morón នៅភាគខាងត្បូងប្រទេស សម្រាប់ប្រតិបត្តិការវាយប្រហារលើអ៊ីរ៉ង់ ឡើយ។

អេស្ប៉ាញប្រកាសថា ខ្លួនអនុញ្ញាតឲ្យអាមេរិក ប្រើប្រាស់មូលដ្ឋានទ័ពទាំងនោះ តែចំពោះសកម្មភាពណា ដែលស្របតាមច្បាប់អន្តរជាតិ និងធម្មនុញ្ញអង្គការសហប្រជាជាតិប៉ុណ្ណោះ ខណៈខ្លួនយល់ថា ការវាយប្រហាររបស់អាមេរិកលើអ៊ីរ៉ង់ គឺជាទង្វើខុសច្បាប់។

មិនត្រឹមប៉ុណ្ណឹង លោក ត្រាំ បានរិះគន់អេស្ប៉ាញយ៉ាងចាស់ដៃថា ពួកគេ ចង់បានការការពារហ្វ្រីៗ ប៉ុន្តែមិនព្រមចំណាយលុយ សោះ។ ប្រធានាធិបតីអាមេរិក ខឹងខ្លាំងណាស់ ព្រោះអេស្ប៉ាញ ជាប្រទេសតែមួយគត់ក្នុងចំណោមសមាជិក ណាតូ ដែលមិនព្រមដំឡើងកញ្ចប់ថវិកាការពារជាតិ ឲ្យដល់ ៥% នៃផលិតផលក្នុងស្រុកសរុប (GDP)៕

អត្ថបទ៖ សុវណ្ណ

The post ត្រាំ ប្រកាសកាត់ផ្តាច់ រាល់ទំនាក់ទំនងពាណិជ្ជកម្មជាមួយ អេស្ប៉ាញ  appeared first on Kampuchea Thmey Daily.

ប្រភពពីខាងរដ្ឋាភិបាលអេស្ប៉ាញ បានឱ្យដឹងថា លោកនាយករដ្ឋមន្ត្រី Pedro Sanchez នឹងយកជំនួបកំពូល​លើក​នេះ ដើម្បីបញ្ជាក់ពីជំហរដាច់ខាតរបស់អេស្ប៉ាញ តបទៅនឹងការទាមទាររបស់អគ្គលេខាធិការណាតូ លោក Mark Rutte និងប្រធានាធិបតីអាមេរិក លោក ដូណាល់ ត្រាំ។

អេស្ប៉ាញបានពន្យល់ថា ការបង្ខំឱ្យចំណាយប្រាក់ដល់ទៅ ៥% លើវិស័យយោធា គឺមិនអាចទៅរួចឡើយ ព្រោះវាអាចនឹងធ្វើឱ្យប៉ះពាល់ដល់ប្រព័ន្ធសុខុមាលភាពសង្គមរបស់ប្រជាពលរដ្ឋ និងស្ថិរភាពហិរញ្ញវត្ថុជាតិ។ រដ្ឋាភិបាលអេស្ប៉ាញយល់ថា អង្គការណាតូគួរតែផ្តោតលើការប្រុងប្រយ័ត្នខាងសន្តិសុខ ដើរទន្ទឹមគ្នាជាមួយនឹងការគិតគូរពីសេដ្ឋកិច្ច និងជីវភាពរស់នៅរបស់ប្រជាជន។ ម៉្យាងវិញទៀត អេស្ប៉ាញបានកើនថវិកាយោធាបីដងរួចមកហើយ តាំងពីឆ្នាំ២០១៨ រហូតឈានដល់កម្រិត ២% តាមគោលការណ៍ចាស់របស់ណាតូ។

ថ្វីដ្បិត​មិនចង់ចំណាយលុយដល់ ៥% ក៏ដោយ ក៏អេស្ប៉ាញបានអះអាងថា ខ្លួនមិនបានខ្ជិលច្រអូសក្នុងការជួយណាតូនោះទេ។ ជាក់ស្តែង អេស្ប៉ាញជាប់ចំណាត់ថ្នាក់ទី៧ ក្នុងចំណោមសមាជិកទាំង ៣២ ដែលមានសមត្ថភាពយោធាខ្លាំងជាងគេ ជាប់លេខ៣ ក្នុងការបញ្ជូនទ័ពទៅជួយបេសកកម្មរក្សាសន្តិភាព និងជាប់លេខ១ ក្នុងការបញ្ជូនកងទ័ពទៅការពារតំបន់ប៉ែកខាងកើតរបស់ណាតូ។ ចំពោះជំនួយទៅអ៊ុយក្រែនវិញ អេស្ប៉ាញបានជួយជាទឹកប្រាក់រហូតដល់ ៣,៧ពាន់​អឺរ៉ូ (ប្រហែល ៤,២ពាន់​លាន​ដុល្លារ) និងបានជួយហ្វឹកហ្វឺនទាហានអ៊ុយក្រែនជាង ៩ ០០០នាក់រួចដែរហើយ។

គិតត្រឹមខែមិថុនា ឆ្នាំ២០២៦ នេះ អេស្ប៉ាញ គឺជាប្រទេសមួយក្នុងចំណោមប្រទេសតិចតួច ដែលកំពុងដឹកនាំបេសកកម្មយោធាធំៗរបស់ណាតូ រួមទាំងការបញ្ជូនកងទ័ពទៅក្រៅប្រទេសច្រើនជាងគេនៅតំបន់ខាងកើត និងដឹកនាំកងកម្លាំងជើងទឹករួមគ្នានៅប្រទេសស្លូវ៉ាគី។ រដ្ឋាភិបាលអេស្ប៉ាញថែមទាំងបានចោទសួរដេញដោលថា តើប្រទេសដែលសន្យាថានឹងចំណាយ ៥% ទាំងនោះ អាចធ្វើតាមសម្តីខ្លួនឯងបានពិតប្រាកដដែរឬទេ។

ទោះបីជាអេស្ប៉ាញចាត់ទុកសកម្មភាពរបស់រុស្ស៊ីថា ជាការគំរាមកំហែងរយៈពេលវែងក៏ដោយ ក៏​អេស្ប៉ាញចង់ឃើញអឺរ៉ុបពង្រឹងសមត្ថភាពការពារជាតិខ្លួនឯងឱ្យបានខ្លាំង ដោយកាត់បន្ថយការពឹងផ្អែកលើសហរដ្ឋអាមេរិក តាមរយៈការវិនិយោគរួមគ្នា និងការបង្កើតកងទ័ពអឺរ៉ុបនាពេលអនាគត។ ការជជែកដេញដោលរឿងលុយកាក់ការពារជាតិនេះ នឹងក្លាយជាប្រធានបទក្តៅគគុកបំផុត នៅក្នុងកិច្ចប្រជុំកំពូលរបស់មេដឹកនាំណាតូ នៅថ្ងៃទី៧-៨ ខែកក្កដា ឆ្នាំ២០២៦ នេះ នៅក្នុង​ប្រទេសតួកគី៕

ប្រែសម្រួល៖ ឈាង

The post អេស្ប៉ាញ ប្រកែក​មិន​ព្រម​ដំឡើងកញ្ចប់ថវិកាយោធាដល់ ៥% តាមការទាមទាររបស់ ត្រាំ និង ណាតូ appeared first on Kampuchea Thmey Daily.

តាមសេចក្តីរាយការណ៍ កាលពីថ្ងៃសុក្រ ទី២៤ ខែមេសា ឆ្នាំ២០២៦ មន្ទីរបញ្ចកោណ បានបង្ហើបពីវិធានការដាក់ទណ្ឌកម្មប្រទេសទាំយឡាយណា ដែលមិនគាំទ្រខ្លួនសម្រាប់សង្គ្រាមមជ្ឈិមបូព៌ា ដោយក្នុងនោះ អេស្ប៉ាញ គឺជាមុខសញ្ញាធំជាងគេ។

អ៊ីម៉ែលបែកធ្លាយនោះបង្ហាញថា ក្នុងចំណោមវិធានការក្តៅរួមមាន ការព្យួរតំណែងប្រទេសដែលពិបាកនិយាយគ្នា ពីតួនាទីសំខាន់ៗនៅក្នុងប្លុកណាតូ ក៏ដូចជាការដកសមាជិកភាពរបស់អេស្ប៉ាញ ជាបណ្តោះអាសន្នផងដែរ។

ពេលអាមេរិកនិងអ៊ីរ៉ង់ផ្ទុះសង្គ្រាមខ្លាំង មានប្រទេសអឺរ៉ុបមួយចំនួន បានបដិសេធឲ្យលោក ដូណាល់ ត្រាំ ប្រើទឹកដីរបស់ពួកគេ ធ្វើជាមូលដ្ឋានសម្រាប់វាយប្រហារទីក្រុងតេហេរ៉ង់ ខណៈប្រទេសដែលចេញមុខជំទាស់ខ្លាំងជាងគេ គឺអេស្ប៉ាញនេះតែម្តង។

ឆ្លើយតបទៅការគំរាមនេះ នាយករដ្ឋមន្ត្រីអេស្ប៉ាញ Pedro Sánchez អះអាងថា៖ «អេស្ប៉ាញគឺជាដៃគូដ៏ស្មោះត្រង់របស់ណាតូ ប៉ុន្តែរាល់សកម្មភាពយោធា ត្រូវតែធ្វើឡើងនៅក្នុង ក្របខ័ណ្ឌច្បាប់អន្តរជាតិ។ រដ្ឋាភិបាលទីក្រុងម៉ាឌ្រីដ ធ្វើការផ្អែកលើឯកសារផ្លូវការ មិនមែនផ្អែកលើសារអ៊ីមែលដែលលេចធ្លាយនោះទេ»។

ជុំវិញរឿងនេះដែរ អ្នកជំនាញផ្នែកច្បាប់ កត់សម្គាល់ថា សន្ធិសញ្ញាបង្កើតអង្គការណាតូ មិនមានយន្តការ សម្រាប់ការព្យួរ ឬការបណ្ដេញសមាជិកចេញនោះទេ។ ដូច្នេះ ការគំរាមកំហែងរបស់អាមេរិក អាចគ្រាន់តែជាសម្ពាធផ្នែកនយោបាយ ដើម្បីបង្ខំឲ្យអេស្ប៉ាញ និងប្រទេសផ្សេងទៀត ផ្លាស់ប្តូរជំហរប៉ុណ្ណោះ៕

អត្ថបទ៖ សុខ សុវណ្ណ

The post ក្នុងអ៊ីម៉ែលបែកធ្លាយ! អាមេរិក ចង់ដកអេស្ប៉ាញ ចេញពីណាតូ ដោយសារ «ពិបាកនិយាយគ្នាពេក» appeared first on Kampuchea Thmey Daily.

យោងតាម សារព័ត៌មាន france24 ដំណើរទស្សនកិច្ចនេះគឺជាដំណើរទស្សនកិច្ចលើកទីបួនរបស់លោក Sanchez ទៅកាន់ទីក្រុងប៉េកាំងក្នុងរយៈពេលបួនឆ្នាំ ខណៈដែលលោកស្វែងរកការដាក់អេស្ប៉ាញជាស្ពានសំខាន់មួយរវាងប្រទេសចិន និងសហភាពអឺរ៉ុបដែលមានសមាជិកចំនួន២៧ ប្រទេស។

យ៉ាងណា ដំណើរទស្សនកិច្ចនេះកើតឡើងចំពេលមានទំនាក់ទំនងតានតឹងជាមួយទីក្រុងវ៉ាស៊ីនតោន ក្រោមការដឹកនាំរបស់ប្រធានាធិបតី ដូណាល់ ត្រាំ ដែលពន្ធគយ និងគោលនយោបាយការបរទេសដែលមិនអាចទាយទុកជាមុនបានរបស់លោក បានបង្កើនការព្រួយបារម្ភក្នុងចំណោមសម្ព័ន្ធមិត្តអឺរ៉ុប។

លោកត្រាំ បានគំរាមកាលពីខែមុនថា នឹងកាត់បន្ថយពាណិជ្ជកម្មជាមួយអេស្ប៉ាញ បន្ទាប់ពីប្រទេសនេះបានបដិសេធការប្រើប្រាស់មូលដ្ឋានយោធារបស់ខ្លួនសម្រាប់ការវាយប្រហាររបស់អាមេរិកប្រឆាំងនឹងអ៊ីរ៉ង់ ដែលជាដៃគូសេដ្ឋកិច្ចសំខាន់របស់ទីក្រុងប៉េកាំង។

ប្រភពពីរដ្ឋាភិបាលអេស្ប៉ាញបាននិយាយថា គោលដៅចម្បងនៃដំណើរទស្សនកិច្ចនេះគឺដើម្បីធានាការចូលទីផ្សារកាន់តែច្រើន ជាពិសេសសម្រាប់ទំនិញកសិកម្ម និងឧស្សាហកម្ម និងដើម្បីស្វែងយល់ពីការបណ្តាក់ទុនរួមគ្នាក្នុងវិស័យបច្ចេកវិទ្យា។ ចំណែក លោក Sanchez ក៏ត្រូវបានគេរំពឹងថានឹងប្រើប្រាស់ដំណើរទស្សនកិច្ចនេះដើម្បីទាក់ទាញវិនិយោគិនថ្មីៗសម្រាប់សេដ្ឋកិច្ចធំជាងគេទីបួនរបស់តំបន់ប្រើប្រាស់ប្រាក់អឺរ៉ូ និងដើម្បីទទួលបានលទ្ធភាពទទួលបានវត្ថុធាតុដើមសំខាន់ៗរបស់ប្រទេសចិន។

លោក Claudio Feijoo អ្នកជំនាញចិននៅសាកលវិទ្យាល័យបច្ចេកទេសម៉ាឌ្រីដ ប្រាប់ AFP ថា «ចិនយល់ឃើញថាអេស្ប៉ាញមានភាពរួសរាយរាក់ទាក់ មិនសូវប្រឈមមុខដាក់ចិនជាងប្រទេសដទៃទៀត និងទំនងជាឯករាជ្យជាងពីទីក្រុងវ៉ាស៊ីនតោន។ នេះអនុញ្ញាតឲ្យមានការសម្រេចចិត្តដោយស្វ័យភាពកាន់តែច្រើន។ អេស្ប៉ាញក៏ត្រូវបានគេមើលឃើញថាជាច្រកទ្វារទៅកាន់អឺរ៉ុប អាមេរិកឡាទីន និងអាហ្វ្រិកខាងជើងផងដែរ។ វាអាចដំណើរការជាមជ្ឈមណ្ឌលមួយ ជាកន្លែងដែលទីផ្សារច្រើនអាចចូលដំណើរការបានក្នុងពេលតែមួយ»។

ដោយឡែក អ្នកនាំពាក្យក្រសួងការបរទេសចិន លោកស្រី Mao Ning កាលពីថ្ងៃពុធបានហៅអេស្ប៉ាញថា «ដៃគូសំខាន់របស់ចិននៅក្នុងសហភាពអឺរ៉ុប ហើយដំណើរទស្សនកិច្ចរបស់លោក Sanchez ផ្តល់ឱកាសដើម្បីលើកកម្ពស់ទំនាក់ទំនងទ្វេភាគីដល់កម្រិតខ្ពស់ជាងនេះ៕

អត្ថបទ៖ សាង ស្រីល័ក្ខ

The post អេស្ប៉ាញ ងាកទៅចាប់​​ចិន ក្នុង​វិបត្តិ​ទំនាក់​ទំនង​ជាមួយអាមេរិក​និង​អ៊ីស្រាអែល​ appeared first on Kampuchea Thmey Daily.

នេះគឺជាការបញ្ជាក់ច្បាស់ៗពីសំណាក់រដ្ឋមន្ត្រីការពារជាតិ លោកស្រី Margarita Robles កាលពីថ្ងៃចន្ទទី៣០ខែមីនាឆ្នាំ២០២៦ និងត្រូវបានផ្សាយដោយទីភ្នាក់ងារព័ត៌មាន Reuters។ 

ថ្លែងប្រាប់ក្រុមអ្នកកាសែតក្នុងទីក្រុងម៉ាឌ្រីដ លោកស្រី Robles និយាយថា៖ «រឿងនេះត្រូវបានបញ្ជាក់យ៉ាងច្បាស់ជូនដល់កងទ័ពនិងកម្លាំងសហរដ្ឋអាមេរិក តាំងពីដំបូងមកម៉្លេះ។ ហេតុដូច្នេះហើយ ទាំងមូលដ្ឋានទ័ពក៏មិនត្រូវបានអនុញ្ញាត ហើយសូម្បីតែការប្រើប្រាស់លំហអាកាសរបស់ប្រទេសអេស្ប៉ាញ ក៏មិនត្រូវបានអនុញ្ញាតសម្រាប់សកម្មភាពណាមួយដែលពាក់ព័ន្ធនឹងសង្គ្រាមនៅអ៊ីរ៉ង់នោះដែរ។ ខ្ញុំគិតថាគ្រប់គ្នាបានដឹងពីជំហររបស់អេស្ប៉ាញរួចហើយ»។

ស្របពេលជាមួយគ្នានោះដែរ លោកស្រី Robles បានហៅសង្គ្រាមលើអ៊ីរ៉ង់ថា ជាអំពើខុសច្បាប់យ៉ាងធ្ងន់ធ្ងរ និងអយុត្តិធម៌ខ្លាំងណាស់។

តាំងពីផ្ទុះសង្គ្រាមមជ្ឈិមបូព៌ាដំបូងមកម្ល៉េះ អេស្ប៉ាញបានបង្ហាញដោយចំហថា ខ្លួនប្រឆាំងនឹងលោក ត្រាំ ដោយមិនព្រមអនុញ្ញាតឲ្យអាមេរិក ប្រើមូលដ្ឋានទ័ពរបស់ខ្លួនឡើយ។

នាយករដ្ឋមន្ត្រីអេស្ប៉ាញ Pedro Sanchez ថ្លែងថា ប្រទេសលោកនឹងមិន រួមគំនិតក្នុងរឿងដែលអាក្រក់សម្រាប់ពិភពលោក ជុំវិញសំណើរបស់អាមេរិក ប្រើមូលដ្ឋានទ័ពដើម្បីវាយប្រហារអ៊ីរ៉ង់។

រឿងនេះធ្វើឲ្យលោកត្រាំក្តៅស្លឹកត្រចៀក ឈានដល់ការគំរាមផ្តាច់រាល់ទំនាក់ទំនងពាណិជ្ជកម្មជាមួយទីក្រុងម៉ាឌ្រីដ ទាំងដែលទំនាក់ទំនងរវាងប្រទេសទាំងពីរកំពុងមានភាពតានតឹងស្រាប់ទៅហើយ ជាពិសេសបន្ទាប់ពីអេស្ប៉ាញ ជំទាស់ទៅនឹងលោក ត្រាំ ដែលទាមទារឲ្យសម្ព័ន្ធមិត្តណាតូ បង្កើនថ្លៃចំណាយលើវិស័យការពារជាតិ៕

អត្ថបទ៖ សុខ សុវណ្ណ

The post អេស្ប៉ាញ បិទដែនអាកាស មិនឲ្យលោក ត្រាំ យកប្រើដើម្បីវាយអ៊ីរ៉ង់ ឡើយ appeared first on Kampuchea Thmey Daily.

ប្រាប់ទៅសារព័ត៌មាន Politico កាលពីថ្ងៃអង្គារទី១០ខែមីនាឆ្នាំ២០២៦ ឧបនាយករដ្ឋមន្ត្រីអេស្ប៉ាញលោកស្រី Yolanda Diaz និយាយថា៖ អាល្លឺម៉ង់ បានក្លាយទៅជាខ្ញុំកញ្ជះរបស់អាមេរិកទៅហើយ ក្រោមការដឹកនាំរបស់អធិការបតី Friedrich Merz។ សកម្មភាពរបស់ Merz បង្ហាញថា លោកគឺជាមេដឹកនាំម្នាក់ក្នុងចំណោមមេដឹកនាំសហភាពអឺរ៉ុបដទៃទៀត ដែលគ្មានគំនិតថាតើត្រូវគ្រប់គ្រងពេលវេលានៃប្រវត្តិសាស្ត្រដែលយើងកំពុងរស់នៅនេះដោយរបៀបណានោះទេ។

លោកស្រីបន្តថា៖ «អ្វីដែលអឺរ៉ុបត្រូវការនៅថ្ងៃនេះ គឺភាពជាអ្នកដឹកនាំ មិនមែនខ្ញុំកញ្ជះដែលចាំតែគោរពប្រតិបត្តិលោកត្រាំ នោះឡើយ។ មេដឹកនាំ EU ណាក៏ដោយ គួរតែចេញមុខនិយាយឲ្យច្បាស់ដើម្បីការពារច្បាប់អន្តរជាតិ។ សកម្មភាពរបស់លោកអធិការបតីរូបនេះ បង្ហាញឲ្យឃើញតែម្យ៉ាងគត់ថា អាល្លឺម៉ង់កំពុងស្ថិតក្នុង ស្ថានភាពទន់ខ្សោយបំផុតផ្នែកសេដ្ឋកិច្ច»។

ការរិះគន់នេះកើតឡើងបន្ទាប់ពីលោក Merz មិនមាត់មិនក រឿងដែលលោក ត្រាំ គំរាមកាត់ផ្តាច់រាល់ការធ្វើពាណិជ្ជកម្មជាមួយអេស្ប៉ាញ ក្នុងអំឡុងពេលជំនួបនៅសេតវិមាន។

ទំនាក់ទំនងរវាងអេស្ប៉ាញជាមួយអាល្លឺម៉ង់ កំពុងស្ថិតក្នុងភាពតានខ្លាំងបំផុត ក្រោយនាយករដ្ឋមន្ត្រីអេស្ប៉ាញ Pedro Sanchez ថ្លែងថា ប្រទេសលោកនឹងមិន រួមគំនិតក្នុងរឿងដែលអាក្រក់សម្រាប់ពិភពលោក ជុំវិញសំណើរបស់អាមេរិក ប្រើមូលដ្ឋានទ័ពដើម្បីវាយប្រហារអ៊ីរ៉ង់។

រឿងនេះហើយ ធ្វើឲ្យលោក Merz ក្តៅស្លឹកត្រចៀក និងវាយបកថា វាមិនមែនជាពេលត្រូវមកអង្គុយប្រដៅមិត្តភក្តិ និងសម្ព័ន្ធមិត្តអាមេរិក នោះទេ ហើយបែរជាទម្លាក់កំហុសទៅលើអ៊ីរ៉ង់ ចំពោះជម្លោះដែលកើតឡើងនៅមជ្ឈិមបូព៌ា៕

អត្ថបទ៖ សុខ សុវណ្ណ

The post អេស្ប៉ាញ រិះគន់កប់ៗមាត់ថា «អាល្លឺម៉ង់គឺជាខ្ញុំកញ្ជះរបស់អាមេរិក»   appeared first on Kampuchea Thmey Daily.