តាមការផ្សាយរបស់ NDTV កាលពីថ្ងៃអង្គារ ទី៩ ខែមិថុនា ឆ្នាំ២០២៦, របាយការណ៍នេះ ត្រូវបានទម្លាយដោយ វិទ្យាស្ថានស្រាវជ្រាវសន្តិភាពអន្តរជាតិស្តុកខុល (SIPRI) នៃប្រទេសស៊ុយអែត។

យោងតាម SIPRI, នេះគឺជាការផ្លាស់ប្តូរជំហរយោធា ៣៦០ដឺក្រេ របស់ទីក្រុងញូវដែលី ដោយអស់រយៈពេលជាយូរមកហើយ ប្រទេសឥណ្ឌា តែងរក្សាទុកក្បាលគ្រាប់នុយក្លេអ៊ែររបស់ខ្លួន ដាច់ដោយឡែកពីឧបករណ៍បាញ់បង្ហោះ ក្នុងកំឡុងពេលមានសន្តិភាព ប៉ុន្តែពេលនេះ ឥណ្ឌា បានបំពាក់ក្បាលគ្រាប់ ទៅនឹងអាវុធរួចរាល់ហើយ។

វិទ្យាស្ថាន SIPRI កត់សម្គាល់ថា អាវុធទាំងនេះ ត្រូវបានចាត់ចែងទៅក្នុងប្រព័ន្ធត្រីភាគីនុយក្លេអ៊ែរ ដ៏ទំនើប រួមមានយន្តហោះចម្បាំង មីស៊ីលបាញ់ពីលើដី និងនាវាមុជទឹកដើរដោយថាមពលនុយក្លេអ៊ែរ។

ក្រុមអ្នកវិភាគមើលឃើញថា នេះមិនមែនជារឿងធម្មតាឡើយ ដែលឥណ្ឌា សុខចិត្តបង្កើតប្រវត្តិសាស្រ្តថ្មី ជាមួយក្បាលគ្រាប់បែបនេះ ហើយជាពិសេសស្របពេល ខ្លួនក៏កំពុងមានជម្លោះជាមួយ ប៉ាគីស្ថាន ផងនោះ។

ទោះបីជាយ៉ាងណាក៏ដោយ ឥណ្ឌាធ្លាប់បញ្ជាក់ហើយថា ស្ថានការណ៍ភូមិសាស្រ្តនយោបាយសកល មានភាពប្រែប្រួល ដូច្នេះគ្រប់យ៉ាង ត្រូវតែត្រៀមលក្ខណៈ។

សូមជម្រាបថា បើយោងតាម SIPRI, ឥណ្ឌា ត្រូវគេប៉ាន់ស្មានថា មានក្បាលគ្រាប់នុយក្លេអ៊ែរ ចន្លោះ ១៧០ ដល់ ១៨០ គ្រាប់ ពោលគឺចំនួននេះ ប្រហាក់ប្រហែលនឹងប៉ាគីស្ថាន ដែរ ដែលមានប្រហែល ១៧០ គ្រាប់៕

អត្ថបទ៖ សុខ សុវណ្ណ

The post ឥណ្ឌា បំពាក់​ក្បាល​គ្រាប់​នុយក្លេអ៊ែរ​ ១២​គ្រាប់​ ទៅ​នឹង​អាវុធ ​ជាលើកដំបូង ក្នុង​ប្រវត្តិសាស្រ្ត  appeared first on Kampuchea Thmey Daily.

តាមការផ្សាយរបស់ Al Jazeera នៅថ្ងៃព្រហស្បតិ៍ ទី៤ ខែមិថុនា ឆ្នាំ២០២៦ ជនបរទេសទាំង ១៨នាក់ ដែលអស់ជីវិតក្នុងគ្រោះអគ្គិភ័យនេះ គឺមានសញ្ជាតិបង់ក្លាដែស នីហ្សេរីយ៉ា ម៉ូសំប៊ិក និងលីបេរីយ៉ា ទោះគ្មានការបញ្ជាក់ថា ជនជាតិណាប៉ុន្មាននាក់ ជនជាតិណាប៉ុន្មាននាក់ ក៏ដោយ។

ទន្ទឹមនោះ សារព័ត៌មានក្នុងស្រុកឥណ្ឌា អះអាងថា ក្នុងចំណោមជនបរទេសទាំងអស់នេះ គឺមានខ្លះ មកទីក្រុងញូវដែលី ដើម្បីព្យាបាលជំងឺ ប៉ុន្តែសម្រេចស្នាក់នៅក្នុងសណ្ឋាគារ នេះជំនួសវិញ។

សូមជម្រាបថា អគ្គិភ័យកើតឡើង នាវេលាម៉ោង ៩ព្រឹក ថ្ងៃពុធ ទី៣ ខែមិថុនា ឆ្នាំ២០២៦ ដែលផ្តើមចេញពីភោជនីយដ្ឋានមួយ នៅជាន់ផ្ទាល់ដី រួចក៏រាលដាលទៅជាន់ ខាងលើ។

ភ្លាមៗ កងពន្លត់អគ្គិភ័យ ត្រូវបានបញ្ជូនទៅ ដើម្បីប្រយុទ្ធជាមួយអណ្តាតភ្លើង ហើយក្រុមសង្គ្រោះ ជួយបានមនុស្សប្រមាណ ៤០នាក់ ខណៈអ្នកខ្លះ បង្ខំចិត្ត លោតចេញតាមបង្អួច រួចក៏របួស ត្រូវបញ្ជូនទៅកាន់ មន្ទីរពេទ្យ។

ទោះបីជាយ៉ាងណាក៏ដោយ មកទល់ពេលនេះ គេមិនទាន់ដឹងឡើយថាតើ អគ្គិភ័យនេះ កើតឡើងដោយសារអ្វី។

ក្នុងប្រវត្តិសាស្រ្តឥណ្ឌា គ្រោះអគ្គិភ័យ ឆេះសណ្ឋាគារ ដែលសម្លាប់មនុស្សច្រើនបំផុត គឺករណីឆេះសណ្ឋាគារ Siddharth Continental ក្នុងទីក្រុង ញូវដែលី នៅឆ្នាំ ១៩៨៦ ដែលកាលនោះ បានបណ្តាលឲ្យមនុស្សរហូតដល់ទៅ ៣៨នាក់ បាត់បង់ជីវិត៕

អត្ថបទ៖ សុខ សុវណ្ណ

The post ជនបរទេស ១៨នាក់ ស្ថិតក្នុងចំណោម មនុស្ស ២១នាក់ ដែលស្លាប់ ក្នុងគ្រោះអគ្គិភ័យ ឆេះសណ្ឋាគារឥណ្ឌា appeared first on Kampuchea Thmey Daily.

តាមការផ្សាយរបស់ China Daily នៅថ្ងៃសុក្រ ទី២៩ ខែឧសភា ឆ្នាំ២០២៦, រលកកម្តៅ បានវាយប្រហារប្រទេសឥណ្ឌា ចាប់តាំងពីពាក់កណ្តាលខែនេះមក ហើយអ្វីដែលធ្ងន់ធ្ងរបំផុត គឺរដ្ឋធានី ញូវដែលី ដែលកាលពីពេលថ្មីៗនេះ សីតុណ្ហភាព ត្រូវបានកត់ត្រាថា ឈានដល់ ៤៩.៩ អង្សាសេឯណោះ។

ព្រោះតែកម្តៅដ៏អាក្រក់បែបនេះ ឥណ្ឌា ក៏ប្រកាសអាសន្ន ហើយទាញសញ្ញាព្រមាន ខណៈមានមនុស្សស្លាប់ជាបន្តបន្ទាប់ហើយ ដោយសារគាំងបេះដូង ពាក់ព័ន្ធនឹងរលកកម្តៅ។

ជាវិធានការការពារ នាយកដ្ឋានឧតុនិយមឥណ្ឌា បានចេញសេចក្តីណែនាំ មិនឲ្យប្រជាជនដើរចេញក្រៅផ្ទះក្រោមពន្លឺថ្ងៃឡើយ។ យ៉ាងណា ចំណាត់ការនេះ ហាក់មិនអាចរារាំងប្រជាជនឥណ្ឌា បានឡើយ ព្រោះពួកគេ ត្រូវតែចេញប្រកបរបររកស៊ី ដើម្បីក្រពះ។

យោងតាមទិន្នន័យ ពីភ្នាក់ងារតាមដានសន្ទស្សន៍គុណភាពខ្យល់ (AQI), ក្នុងអំឡុងពេល មុនរលកកម្តៅនេះមកដល់ ទីក្រុងនានារបស់ឥណ្ឌា បានគ្រងតំណែងចន្លោះពី ៩៥ ដល់ ៩៨ ក្នុងចំណោមតំណែងកំពូលទាំង ១០០ នៃបញ្ជីទីក្រុង ដែលក្តៅជាងគេបំផុតនៅលើពិភពលោក។

ទីកន្លែងដែលក្តៅជាងគេបំផុតទាំង ៥០ នៅលើភពផែនដី គឺស្ថិតនៅក្នុងប្រទេសឥណ្ឌា ទាំងស្រុង ខណៈក្នុងនោះមានរហូតដល់ទៅ ២៦ ទីតាំង ស្ថិតនៅក្នុងរដ្ឋ Uttar Pradesh។

របាយការណ៍ ពីក្រសួងសុខាភិបាលឥណ្ឌា បង្ហាញថា មនុស្សចន្លោះពី ១០០ ទៅ ២០០ នាក់ បានស្លាប់ ដោយសារជំងឺដាច់សរសៃឈាមខួរក្បាលទាក់ទងនឹងកម្តៅ ក្នុងឆ្នាំ២០២៥៕

អត្ថបទ៖ សុខ សុវណ្ណ

The post ឥណ្ឌា ប្រកាសអាសន្ន ព្រោះក្តៅខ្លាំង! សីតុណ្ហភាពនៅ ញូវដែលី ហក់ឡើងដល់ ៤៩.៩ អង្សាសេ appeared first on Kampuchea Thmey Daily.

យោងតាមការផ្សាយរបស់ AFP នៅថ្ងៃសុក្រ ទី១៥ ខែឧសភា ឆ្នាំ២០២៦ ព្យុះកំណាចនេះ បានបោកសន្ធាប់លើប្រទេសឥណ្ឌា តាំងតែពីថ្ងៃពុធមកម្ល៉េះ ដោយបង្កទាំងជាបាតុភូត ផ្គររន្ទះផងដែរ។

វានាំមកជាមួយនូវ កម្លាំងខ្យល់បក់ខ្លាំង បោកបំប៉ើងដំបូលផ្ទះ បំបាក់ដើមឈើធំៗ និងផ្តួលរំលំបង្គោលភ្លើង បណ្តាលឲ្យដាច់ចរន្តអគ្គិសនី ចំពោះពលរដ្ឋរាប់ម៉ឺននាក់។

យោងតាមសេវាសង្គ្រោះឥណ្ឌា, តួលេខមនុស្សបាត់បង់ជីវិតក្នុងរដ្ឋ Uttar Pradesh គិតត្រឹមរសៀលថ្ងៃសុក្រ គឺមាន ១១១នាក់ ខណៈ ៧២នាក់ រងរបួស។

មិនត្រឹមប៉ុណ្ណឹង ព្យុះ បានបំផ្លាញផ្ទះជាង ២០០ខ្នង ព្រមទាំងបង្កការខូចខាតដល់សំណង់នានា រួមទាំងសាលារៀន ស្ពាន និងផ្លូវថ្នល់ផងដែរ។ 

សូមជម្រាបថា រដ្ឋ Uttar Pradesh មានប្រជាជនជាង ២៤០លាននាក់ ត្រូវរងការវាយប្រហារយ៉ាងញឹកញាប់ ដោយខ្យល់ព្យុះ ក្នុងអំឡុងរដូវក្តៅ មុនពេលមានភ្លៀងធ្លាក់ ក្នុងរដូវមូសុង។ ជារៀងរាល់ឆ្នាំ រដ្ឋនេះ តែងមានមនុស្សស្លាប់ ខ្ទង់រយនាក់ ដោយសារតែឥទ្ធិពលព្យុះ សាហាវៗ៕

អត្ថបទ៖ សុខ សុវណ្ណ

The post ត្រឹម មួយរដ្ឋនៅឥណ្ឌា មានមនុស្សស្លាប់ដល់ទៅ ១១១នាក់ ដោយសារ ខ្យល់ព្យុះ appeared first on Kampuchea Thmey Daily.

ថ្លែងក្នុងពិធីជួបជុំមួយ នៅទីក្រុង Hyderabad កាលពីថ្ងៃ អាទិត្យ ទី ១០ ខែ ឧសភា ឆ្នាំ ២០២៦ លោក Narendra Modi និយាយថា ដោយសារវិបត្តិកាន់តែអាក្រក់ទៅ មនុស្សវណ្ណៈកណ្តាល ដែលចូលចិត្តទៅរៀបអាពាហ៍ពិពាហ៍ក្រៅប្រទេស និងការដើរកម្សាន្តនៅបរទេសនោះ គួរតែពន្យារពេលសិនទៅ យ៉ាងហោចណាស់ក៏មួយឆ្នាំដែរ។

ការទៅរៀបអាពាហ៍ពិពាហ៍នៅបរទេស ដែលគេហៅថា «Destination Wedding» កំពុងមានប្រជាប្រិយភាពខ្លាំងមែនទែន ក្នុងចំណោមគ្រួសារអ្នកមាន និងវណ្ណៈកណ្តាល របស់ប្រទេសឥណ្ឌា។

ហេតុផលនៅពីក្រោយរឿងនេះ គឺព្រោះតែ បើរៀបការក្នុងស្រុក គ្រួសារឥណ្ឌា អាចនឹងត្រូវហៅភ្ញៀវ រាប់ពាន់នាក់ ប៉ុន្តែបើរៀបការនៅបរទេស ពួកគេអាចសម្រិតសម្រាំង ហៅតែសាច់ញាតិ និងមិត្តភក្តិជិតស្និទ្ធ ប្រហែល ១០០ ទៅ ២០០ នាក់ប៉ុណ្ណោះ ដែលធ្វើឲ្យពិធី កាន់តែមានភាពស្និទ្ធស្នាល។

ងាកទៅមើលសេចក្តីប្រកាស របស់លោក Modi វិញ នាយករដ្ឋមន្ត្រីឥណ្ឌា ក៏អំពាវនាវឲ្យពលរដ្ឋ នាំគ្នាជិះរថភ្លើងវិញ ហើយបើចាំបាច់ត្រូវជិះរថយន្ត ក៏គួរតែព្យាយាមជិះរថយន្តរួមគ្នាទៅ ដើម្បីធូរថ្លៃសាំង។

ស្របពេលជាមួយគ្នានោះ លោកថែមទាំងជំរុញឲ្យប្រជាជនឥណ្ឌា កុំទិញគ្រឿងអលង្ការ ផងដែរ។

ឥណ្ឌា ជាប្រទេស ប្រើប្រាស់ថាមពល ធំជាងគេលំដាប់ទី ៣ របស់ពិភពលោក ដូច្នេះ វិបត្តិសង្គ្រាមនៅមជ្ឈិមបូព៌ា ពិតជាជះឥទ្ធិពល ដ៏អាក្រក់ដល់ប្រទេសនេះ។ 

ឥណ្ឌា នាំចូលប្រេងឆៅប្រហែល ៨៥% និងហ្គាសធម្មជាតិ (LNG) ប្រហែល ៥០% នៃតម្រូវការសរុប។ ក្នុងនោះ ប្រហែលពាក់កណ្តាលនៃប្រេងឆៅ និង ២ ភាគ ៣ នៃហ្គាស ត្រូវដឹកជញ្ជូនឆ្លងកាត់ តាមច្រកសមុទ្រ Hormuz ដែលកំពុងត្រូវបានបិទខ្ទប់៕

អត្ថបទ៖ សុខ សុវណ្ណ

The post វិបត្តិថាមពល ធ្ងន់ធ្ងរ ដល់ថ្នាក់លោក Modi សុំឲ្យពលរដ្ឋឥណ្ឌា ផ្អាកទៅរៀបការ នៅក្រៅប្រទេសសិន  appeared first on Kampuchea Thmey Daily.

ការថ្លែង​បែបនេះ​​របស់​​នាយករដ្ឋមន្ត្រី​ឥណ្ឌា​ កើតឡើង​​​ក្នុង​ខួបមួយឆ្នាំ ចាប់តាំងពីការបើកប្រតិបត្តិការដែលឥណ្ឌាប្រសិទ្ធនាមថា «ប្រតិបត្តិការ Sindoor» ព្រមទាំងរំលឹកខួបមួយឆ្នាំនៃជម្លោះដ៏សាហាវ ជាមួយ​​បងប្អូនសត្រូវ​ ប៉ាគីស្ថាន។

យោងតាមការចេញផ្សាយពីទីភ្នាក់ងារសារព័ត៌មាន AFP ទំនាក់ទំនងរវាងប្រទេសជិតខាងដែលមានអាវុធនុយក្លេអ៊ែរទាំងពីរនេះ បានធ្លាក់ចុះ​យ៉ាង​ដុនដាប​កាលពីឆ្នាំមុន បន្ទាប់ពីការវាយប្រហារកាលពីថ្ងៃទី ២២ ខែមេសា នៅតំបន់ Pahalgam ក្នុងដែនដី Kashmir គ្រប់គ្រងដោយឥណ្ឌា ដោយបណ្តាលឲ្យមនុស្ស ២៦ នាក់បាត់បង់ជីវិត ដែលភាគច្រើនជាអ្នកទេសចរហិណ្ឌូ ហើយវាបាននាំឲ្យមានជម្លោះដ៏អាក្រក់បំផុតមិនធ្លាប់មានក្នុងរយៈពេលជាច្រើនទសវត្សរ៍មកនេះ។

ឥណ្ឌាបានចោទប្រកាន់ប៉ាគីស្ថានថា បានគាំទ្រការវាយប្រហារនេះ ប៉ុន្តែទីក្រុង Islamabad បានបដិសេធការចោទប្រកាន់នេះ ដែលបង្កឲ្យមានវិធានការការទូតសងសឹកគ្នាទៅវិញទៅមក និងការកើនឡើងនូវភាពតានតឹងយោធាយ៉ាងខ្លាំងក្លា។ ជម្លោះបានឈានដល់ការកើនឡើងកម្ដៅកាន់តែខ្លាំង បន្ទាប់ពីឥណ្ឌាបានបើកការវាយប្រហារកាលពីថ្ងៃទី ៧ ខែឧសភា ឆ្នាំ ២០២៥ ទៅលើអ្វីដែលខ្លួនបានពណ៌នាថាជា «ជំរំភេរវករ» នៅក្នុងប្រទេសប៉ាគីស្ថាន។

ហេតុការណ៍នោះបានជំរុញឲ្យមានការឆ្លើយតបភ្លាមៗពីទីក្រុង Islamabad ដែលនាំឲ្យមានការវាយប្រហារតាមអាកាស ការប្រើប្រាស់ហ្វូងដ្រូន និងការបាញ់ផ្លោងកាំភ្លើងធំធុនធ្ងន់ដាក់គ្នាទៅវិញទៅមក រវាងប្រទេសជិតខាងដែលមានអាវុធនុយក្លេអ៊ែរទាំងពីរនេះ។

យ៉ាងណាមិញ នៅថ្ងៃព្រហស្បតិ៍ដដែលនោះ ប្រទេសប៉ាគីស្ថានបានថ្លែងក្នុងសេចក្តីថ្លែងការណ៍មួយ ដើម្បីរំលឹកខួបនៃជម្លោះដែលទីក្រុង Islamabad ហៅថា «Marka-e-Haq» ឬ «សមរភូមិនៃការពិត» ថា ពួកគេនឹងការពារខ្លួនយ៉ាងរឹងមាំបំផុតប្រឆាំងនឹងការវាយប្រហារណាមួយ។ ជាពិសេស រាល់ការគំរាមកំហែងណាមួយមកលើមាតុភូមិរបស់យើង នឹងត្រូវតបតវិញដោយសាមគ្គីភាពជាតិ ឆន្ទៈដ៏រឹងមាំ និងកម្លាំងតាមរយៈគ្រប់មធ្យោបាយដែលអាចធ្វើទៅបាន៕

អត្ថបទ៖ សាង ស្រីល័ក្ខ

The post ឥណ្ឌា​ មិនបោះបង់​ជំហរ​​​បំផ្លាញ​បណ្ដាញភេរវកម្ម ពេលរំឭកខួប​១ឆ្នាំ​ក្នុងជម្លោះ​ជាមួយប៉ាគីស្ថាន​ appeared first on Kampuchea Thmey Daily.

ការអត្ថាធិប្បាយទាំងនេះបានកើតឡើង នៅមុនដំណើរទស្សនកិច្ចដែលបានគ្រោងទុកនៅខែក្រោយទៅកាន់ប្រទេស​ឥណ្ឌា ដោយរដ្ឋមន្ត្រីការបរទេសអាមេរិក លោក Marco Rubio ដែល​លោកនឹងស្វែងរកវិធីសាស្រ្តដើម្បីបញ្ចប់ភាពតានតឹងនាពេលថ្មីៗនេះ រវាងមហាអំណាចទាំងពីរដែលជាធម្មតាគឺជាមិត្តភក្តិនឹងគ្នា។

​ប្រធានាធិបតី ត្រាំ នៅយប់ថ្ងៃពុធទី២២មេសា បានបង្ហោះនៅលើប្រព័ន្ធផ្សព្វផ្សាយសង្គម​​​ដោយ​រិះគន់​យ៉ាងចាស់ដៃ ដោយក្នុងនោះមានខ្លឹមសារថ្កោលទោសចំពោះសិទ្ធិទទួលបានសញ្ជាតិអាមេរិកតាមរយៈការ​ផ្តល់​កំណើត (សិទ្ធិតាមរដ្ឋធម្មនុញ្ញអាមេរិក សម្រាប់រាល់អ្នកដែលកើតលើទឹកដីអាមេរិក)។ ការបង្ហោះនេះបានចោទប្រកាន់ជនអន្តោប្រវេសន៍ឥណ្ឌានៅក្នុងឧស្សាហកម្មបច្ចេកវិទ្យាថា មិនបានជួយជនជាតិអាមេរិកដើមកំណើតស្បែកស ព្រម​ទាំង​បានចោទប្រកាន់​ថា ជនអន្តោប្រវេសន៍ឥណ្ឌាខ្វះជំនាញភាសាអង់គ្លេស។

ការបង្ហោះនេះបានលើកឡើងថា «ទារកម្នាក់កើតនៅទីនេះក្លាយជាពលរដ្ឋអាមេរិកភ្លាមៗ ហើយបន្ទាប់មកពួកគេនាំក្រុមគ្រួសារទាំងមូលមកពីប្រទេសចិន ឬឥណ្ឌា ឬក៏មកពី «រន្ធនរក» ផ្សេងទៀតនៅលើភពផែនដីនេះ»។

អ្នកនាំពាក្យក្រសួងការបរទេសឥណ្ឌា លោក Randhir Jaiswal បានឆ្លើយតបថា ការអត្ថាធិប្បាយទាំងនោះ«ច្បាស់ណាស់ថាជាការខ្វះព័ត៌មាន មិនសមរម្យ និងជារឿងដែលគ្មានសុជីវធម៌ទាល់តែសោះ។ ពួកគេពិតជាមិនឆ្លុះបញ្ចាំងពីការពិតនៃទំនាក់ទំនងរវាងឥណ្ឌា និងអាមេរិក ដែលផ្អែកលើការគោរពគ្នាទៅវិញទៅមក និងផលប្រយោជន៍រួមជាយូរមកហើយ​នោះទេ​​»។

ដោយឡែក​ លោក​ Ami Bera ដែលជាសមាជិកសភាមកពីគណបក្សប្រជាធិបតេយ្យ​នៃ​សហរដ្ឋអាមេរិក​ និងជាកូនរបស់ជនអន្តោប្រវេសន៍ឥណ្ឌា បានហៅការបង្ហោះរបស់លោកត្រាំ ថា «ជាការប្រមាថ ល្ងង់ខ្លៅ និងស្ថិតនៅក្រោមសេចក្តីថ្លៃថ្នូរនៃតំណែងដែល​កំពុង​កាន់​កាប់​»។ លោកបាននិយាយថា លោក ត្រាំ ចាប់កំណើតក្នុងគ្រួសារមានទ្រព្យសម្បត្តិ និងឯកសិទ្ធិ មិនដែលធ្លាប់បានឆ្លងកាត់ការតស៊ូលំបាកលំបិន ដូចដែលគ្រួសារជនអន្តោប្រវេសន៍ជាច្រើនបានជួបប្រទះនោះឡើយ»។

ទោះជាយ៉ាងណា ការប៉ះទង្គិចពាក្យសម្តីរបស់លោកត្រាំ ជាមួយឥណ្ឌា បានបង្ហាញពីភាពផ្ទុយគ្នាយ៉ាងខ្លាំង ទៅនឹងកិច្ចខិតខំប្រឹងប្រែងអស់រយៈពេលជាច្រើនទសវត្សរ៍មកហើយ របស់ប្រធានាធិបតីអាមេរិកជាបន្តបន្ទាប់ ដែលតែងតែព្យាយាមចៀសវាងនូវភាពរកាំរកូស និងខិតខំកសាងទំនាក់ទំនងជាមួយប្រទេសប្រជាធិបតេយ្យធំបំផុតលើពិភពលោកមួយនេះ ខណៈដែលបណ្តាអ្នករៀបចំគោលនយោបាយអាមេរិក ចាត់ទុកឥណ្ឌាថា ជាកម្លាំងតុល្យភាពដ៏សំខាន់ ដើម្បីទប់ទល់នឹងគូប្រជែងចិន៕

អត្ថបទ៖ សាង ស្រីល័ក្ខ

The post ឥណ្ឌាវាយបក ​លោក ត្រំា ដែលមាក់ងាយ​ឥណ្ឌា ថា ជា «រន្ធនរក» appeared first on Kampuchea Thmey Daily.

ការវាយប្រហារនេះបានកើតឡើង បន្ទាប់ពីទីក្រុងតេហេរ៉ង់ប្រកាសថា ខ្លួនកំពុងដាក់កម្រិតឡើងវិញលើការដឹកជញ្ជូននៅក្នុងច្រកសមុទ្រ ដោយបដិសេធការប្រកាសរបស់ខ្លួនអំពីការបើកពេញលេញដល់នាវាពាណិជ្ជកម្មកាលពីថ្ងៃទី១៧ ខែមេសា។

យោងតាមសេចក្តីថ្លែងការណ៍ពីក្រសួង ឥណ្ឌាបានកោះហៅឯកអគ្គរដ្ឋទូតទីក្រុងតេហេរ៉ង់ប្រចាំទីក្រុងញូវដេលី គឺលោក Mohammad Fathali ដើម្បីជួបជាមួយរដ្ឋមន្ត្រីការបរទេស Vikram Misri។ នៅក្នុងកិច្ចប្រជុំនេះ លោក Misri បានសម្តែងការព្រួយបារម្ភយ៉ាងខ្លាំង អំពីការបាញ់នាវាពីរគ្រឿងនៅក្នុងច្រកសមុទ្រ។

ទីក្រុងញូវដេលីក៏បានអំពាវនាវឲ្យភាគីអ៊ីរ៉ង់ បន្តដំណើរការនៃការសម្របសម្រួលការឆ្លងកាត់របស់នាវាដែលមានគោលដៅឥណ្ឌាឆ្លងកាត់ច្រកសមុទ្រឲ្យបានឆាប់តាមដែលអាចធ្វើទៅបាន។ សេចក្តីថ្លែងការណ៍មួយពីក្រសួងការបរទេសឥណ្ឌាបាននិយាយថា ឯកអគ្គរដ្ឋទូត Fathali នឹងបញ្ជូនការព្រួយបារម្ភរបស់ឥណ្ឌា ទៅកាន់មន្ត្រីនៅទីក្រុងតេហេរ៉ង់។

ដោយឡែក យោងតាមគេហទំព័រស៊ើបការណ៍សម្ងាត់ដែនសមុទ្រ TankerTrackers.com បាននិយាយនៅក្នុងសារមួយលើបណ្ដាញសង្គម X ថា «នាវាឥណ្ឌាពីរគ្រឿងត្រូវបានបង្ខំដោយកងទ័ពជើងទឹកនៃកងឆ្មាំបដិវត្តន៍អ៊ីស្លាមអ៊ីរ៉ង់ (IRGC) ឲ្យត្រឡប់ទៅទិសខាងលិចវិញ ចេញពីច្រកសមុទ្រ Hormuz។ នាវាមួយក្នុងចំណោមនាវាទាំងនោះគឺជា នាវាដឹកប្រេង VLCC មានទង់ជាតិឥណ្ឌាដែលដឹកប្រេងអ៊ីរ៉ាក់ចំនួន ២ លានបារ៉ែលឯណោះ»៕

អត្ថបទ៖ សាង ស្រីល័ក្ខ

The post ឥណ្ឌាកោះហៅទូតអ៊ីរ៉ង់ ជុំវិញការវាយប្រហារកប៉ាល់ដឹកប្រេងឥណ្ឌា នៅច្រក Hormuz appeared first on Kampuchea Thmey Daily.