យោងតាមការបង្ហោះសារនៅលើ Stories នៃបណ្តាញសង្គម Instagram របស់តារាសម្ដែង និងបង្ហាញម៉ូដ Sam Asghari បានបញ្ជាក់ថា លោកកំពុងដាក់ពាក្យលែងលះពីកំពូលតារាប៉ុប Britney Spears ក្រោយរួមរស់ជាស្វាមីភរិយាបានរយៈពេល ១៤ខែ។

Sam បានសរសេរថា “បន្ទាប់ពីស្រឡាញ់គ្នាអស់រយៈពេល ៦ឆ្នាំ និងប្តេជ្ញាចិត្តរស់នៅជាមួយគ្នាតាមរយៈចំណងអាពាហ៍ពិពាហ៍ ខ្ញុំ និងភរិយាបានសម្រេចចិត្តបញ្ចប់ការធ្វើដំណើររបស់យើងជាមួយគ្នាហើយ។”

នៅក្នុង​ឯកសារ​លែងលះ​ ​គេ​បានដឹងថា ​ប្ដីប្រពន្ធមួយគូនេះ​បាន​បែក​គ្នា​តាំងពី​ថ្ងៃ​ទី២៨ ខែ​កក្កដា មកម្ល៉េះ ដែលកាលណោះលេចឮព័ត៌មានចចាមអារ៉ាមយ៉ាងច្រើន ប៉ុន្តែភាគីស្វាមីតែងតែចេញមុខបដិសេធ។

ចំពោះមូលហេតុនៃការលែងលះ ត្រូវបានភាគីខាងស្វាមីលើកឡើងថា បណ្ដាលមកពីពួកគេរស់នៅមិនចុះសម្រុងគ្នា។ ជាមួយគ្នានោះ Sam នឹងទទួលបានចំណែកទ្រព្យសម្បត្តិចំនួន ១០លានដុល្លារ ដែលទឹកប្រាក់នេះ Britney Spears ត្រូវផ្ដល់ឱ្យ Sam ក្នុងរយៈពេល ១៥ឆ្នាំ។ នេះបើតាមប្រភពពី US Weekly បានបញ្ជាក់៕

ប្រែសម្រួល៖ សន្យា

ចុចអាន៖ Barbie ក្លាយជាភាពយន្តរកចំណូលបានច្រើនជាងគេក្នុងក្រុមហ៊ុន Warner Bros អាមេរិក

ចុចអាន៖ Aff មានឋានៈអ្វីក្នុងបេះដូងលោក Pita ពេលនេះម្ចាស់ខ្លួនចេញមុខបញ្ជាក់ច្បាស់

The post ដាក់ពាក្យលែងលះរួច អតីតស្វាមី Britney Spears ទទួលបានទ្រព្យ ១០លានដុល្លារ appeared first on Kampuchea Thmey Daily.

ទោះយ៉ាងណាពេលនោះ តារាសម្ដែង Vincent Wong បានចេញមុខមកបង្ហោះសារនៅលើបណ្ដាញសង្គមផ្ទាល់ខ្លួន ដោយច្រានចោលពាក្យចចាមអារ៉ាមទាំងអស់។ ចំណែកតារាសម្ដែង Yoyo Chen ដែលជាភរិយាបានចេញមុខនិយាយថា នាងនឹងមិនឆ្លើយតបទៅនឹងព័ត៌មានមិនពិតនោះទេ។

ទើបតែថ្មីៗនេះ ពាក្យចចាមអារ៉ាមដដែលរវាងគូស្នេហ៍តារាជួរមុខហុងកុងទាំងពីររូប បានលេចឮម្ដងទៀត ធ្វើឱ្យអ្នកគាំទ្រ​ផ្ទុះការចាប់អារម្មណ៍យ៉ាងខ្លាំង។ ​ព័ត៌មាននៃការលែងលះបានផ្សព្វផ្សាយយ៉ាងផុសផុល ក្រោយពេលវីដេអូរបស់ Yoyo បានបង្ហោះនៅលើបណ្ដាញសង្គម Douyin ជាវីដេអូដែលនាង​បង្ហាញ​ពី​ទីតាំង​ផ្សេងៗ​ក្នុង​ទីក្រុង​ហុងកុង អំឡុងពេល​សម្ដែង​ក្នុង​រឿង​ភាគថ្មី។

នៅពីក្រោមវីដេអូ មានអ្នកគាំទ្រម្នាក់បានចូលទៅខមមិនសួរថា “​តើនាង​នៅ​លីវ​ហើយ​ឬ​នៅ?” ភ្លាមៗគណនីរបស់ Yoyo បានឆ្លើយតបថា ​នាង​និង Vincent បាន​លែង​លះ​គ្នាហើយ។ ចម្លើយនេះបានធ្វើឱ្យអ្នកគាំទ្រនាំគ្នាយកទៅជជែកវែកញែកព្រោងព្រាត អ្នកខ្លះគិតថាមែនទែន ចំណែកខ្លះទៀតកំពុងស្ថិតក្នុងភាពមន្ទិលនៅឡើយ មិនដឹងថា វាជាការនិយាយលេងសើច ឬជាការពិតនោះទេ៕

ប្រែសម្រួល៖ សន្យា

ចុចអាន៖ មកស្គាល់កាន់តែច្បាស់ពីសាវតា Vincent Wong ឬតួមេធាវីខ្វាក់ តារាប្រុសឈ្នះពានច្រើនបំផុត

ចុចអាន៖ ក្រោយមានពាក្យចចាមអារ៉ាមលែងលះប្តីប្រពន្ធ Hyun Bin ព្រមានចាត់វិធានការតាមផ្លូវច្បាប់

The post ធ្លាយពាក្យចចាមអារ៉ាមជាថ្មីថា តួមេធាវីខ្វាក់ និងភរិយា លែងលះគ្នា appeared first on Kampuchea Thmey Daily.

ហេតុការណ៍នេះ បានកើតឡើងនៅវេលាម៉ោង ១៨៖២០ នាទី ថ្ងៃទី ១៩ ខែមិថុនា នៅចំណុចភូមិ២ សង្កាត់៤ ក្រុង-ខេត្តព្រះសីហនុ។ បុរសជនសង្ស័យឈ្មោះ ជា សុវណ្ណរ៉ា អាយុ៣៣ឆ្នាំ មុខរបរមិនពិតប្រាកដ មានទីលំនៅភូមិ២ សង្កាត់៤ ក្រុង-ខេត្តព្រះសីហនុ បានរត់គេខ្លួនបាត់ស្រមោលក្រោយធ្វើសកម្មភាព។

សមត្ថកិច្ចបានឱ្យដឹងថា ជនសង្ស័យ បានធ្វើសកម្មភាព ដោយយកអាវុធខ្លី ចំនួន១ដើម មិនស្គាល់ម៉ាក មកបាញ់ជនរងគ្រោះឈ្មោះ ផង់ សុភាព មុខរបរអាជីវករ ដោយសារជនរងគ្រោះនិងជនសង្ស័យ មានទំនាស់និងគ្នា ខណៈដែលភាគីទាំងពីរនាក់ទើបតែលែងលះគ្នា ហើយមូលហេតុជនសង្ស័យជាអ្នកញៀនថ្នាំ ចេះតែរករឿងប្រពន្ធរាល់ថ្ងៃ  ទើបប្រពន្ធសម្រេចចិត្តលែងលះ តែមុននិងលែងលះ ជនសង្ស័យបានគំរាមជនរងគ្រោះថា បើហ៊ានតែលែង លុះត្រាតែខ្លួនស្លាប់​សិន បើមិនដូច្នោះទេ ខ្លួននឹងតាមសម្លាប់វិញ។

បើតាមសមត្ថកិច្ច ជនរងគ្រោះបានលែងលះគ្នាប្រហែល១ខែ តែក្នុងកំឡុងពេលលែងនេះ ជនសង្ស័យបានចងគំនុំជាមួយជនរងគ្រោះ ចេះតែមកអុកឡុក គំរាមកំហែងជនរងគ្រោះ លុះដល់ថ្ងៃកើតហេតុ ជនសង្ស័យក៏បានមករកកូន តែកូនមិនព្រមជួប ធ្វើឱ្យជនសង្ស័យខឹង ក៏ត្រឡប់ទៅវិញតែមុននឹងទៅ បានបោះពាក្យសម្ដីថា ថ្ងៃនឹងខ្លួននិងប្រដៅប្រពន្ធឱ្យស្គាល់​ខ្លួនម្ដង និងចង់ជួបមុខកូនជាលើកចុងក្រោយ ហើយក៏មានករណីបាញ់ប្រហារកើតឡើងនៅផ្ទះជនរងគ្រោះតែម្តង។

ពេលនេះក្រុមសមត្ថកិច្ចកំពុងជំនាញ ស្រាវជ្រាវនិងតាមស្វែងរកចាប់ខ្លួនជនសង្ស័យដើម្បីយកមកផ្តន្ទាទោសទៅតាមផ្លូវច្បាប់៕ អត្ថបទ៖ ស៊ុយ ចាន់ធា

The post លែងលះជិត១ខែ សុំជានាគ្នាវិញ ប្រពន្ធមិនព្រមបាញ់មួយគ្រាប់​រងរបួសធ្ងន់ appeared first on Kampuchea Thmey Daily.

ជនដៃដល់​ឈ្មោះ​ ហេង ចាន់​ឌី អាយុ​៤៣​ឆ្នាំ មុខរបរ​រត់​ម៉ូតូឌុប មាន​ទីលំនៅ​ភូមិ​ខាងលើ​ត្រូវ​ចាប់ខ្លួន​ពីបទ​ប៉ុនប៉ង​មនុស្សឃាត ចំណែក​ស្ត្រី​ជា​ប្រពន្ធ​និង​ជា​ជនរងគ្រោះ​ឈ្មោះ​លី រ៉ានី អាយុ​៥០​ឆ្នាំ មុខរបរ​សន្តិសុខ ស្នាក់នៅ​ផ្ទះជួល​ភូមិ​ត្រពាំង​ថ្លឹង​១ សង្កាត់​ចោមចៅ​ទី​១ ខណ្ឌ​ពោធិ៍​សែន​ជ័យ។​

រវាង​ជន​សង្ស័យ​និង​ស្ត្រី​រងគ្រោះ​បាន​យកគ្នា​ជា​ប្ដី​ប្រពន្ធ​ ពុំបាន​រៀបការ​ឬ​សែនព្រេន​នោះ​ឡើយ ក្រោយពី​រស់នៅ​ជា​មួយ​គ្នា​រយៈ​មក​ជនសង្ស័យ​បាន​បែកចិត្ត​ទៅ​មាន​ស្រី​ថ្មី​ម្នាក់ទៀត​ និង​បានរស់នៅ​ជាមួយ​ស្រី​ថ្មី​នោះ​អស់​រយៈពេល​៥​ឆ្នាំ​រហូតដល់​ឆ្នាំ​២០២០ ទើប​វិលត្រឡប់​ទៅរក​ជនរងគ្រោះ​វិញ​និង​សុំ​អង្វរ​ត្រូវរ៉ូវ​គ្នា​វិញ​។ ពេលនោះ​ជនរងគ្រោះ​មិន​ព្រម​ ដែល​ជា​ហេតុ​ធ្វើ​ឲ្យ​ជននេះ​ខឹង លុះដល់​ថ្ងៃទី​២៨ ខែ​មិនា ឆ្នាំ​២០២០ វេលា​ម៉ោង​២២​យប់ ខណៈ​ដែល​ជនរងគ្រោះ​កំពុង​ដើរ​ចេញពី​ធ្វើការ​ទៅ​ជិត​ដល់​ផ្ទះ​ជួល​ភូមិ​ត្រពាំង​ថ្លឹង​១ សង្កាត់​ចោមចៅ​ទី​១ ខណ្ឌ​ពោធិ៍​សែន​ជ័យ​។​ ជន​នេះ​ក៏បាន​យក​ទឹក​អា​ស៊ីដជះ​លើ​មុខ​បណ្ដាល​ឲ្យ​រង​របួស​ធ្ងន់ធ្ងរ ហើយ​ពេលនោះ​ជនរងគ្រោះ​បាន​ស្រែក​ឲ្យ​អ្នកជិតខាង​ជួយ​ដែរ ប៉ុន្តែ​ជនសង្ស័យ​បាន​ដណ្ដើមយក​ទូរសព្ទ​រួច​រត់គេចខ្លួន​បាត់ទៅ។

លុះដល់​ថ្ងៃទី​២ ខែ​មិថុនា ឆ្នាំ​២០២១ ទើប​លេច​មុខ​ជនសង្ស័យ​ខាងលើ​កំពុង​ធ្វើ​ច​ត្តា​ឡី​ស័ក​នៅ​ភូមិ​២ ឃុំ​កំពង់ទ្រាស ស្រុក​ក្រូចឆ្មា ខេត្ត​ត្បូងឃ្មុំ ក៏បាន​រាយការណ៍​ជូន​កម្លាំង​នគរបាល​ខណ្ឌ​ពោធិ៍​សែន​ជ័យ ឲ្យ​ចុះទៅ​សហ​ការណ៍​ជាមួយ​កម្លាំង​នគរបាល​ស្រុក​ក្រូចឆ្មារ​ចាប់ខ្លួន​ជន​កំណាច​នេះ​បញ្ជូនមក​តុលាការ​កាលពី​ព្រឹក​ថ្ងៃទី​០៨ ខែ​មិថុនា ឆ្នាំ​២០២១៕

អត្ថបទ៖ មករា​

សូមចុចអាន៖ រ៉ឺម៉ក​ម៉ូតូ ត្រូវប៉ាន់​បន្ទាប់ពី​អាជ្ញាធរ​ផ្អាក​ការលក់ដូរ​តាម​ចិញ្ចើមផ្លូវ​ និង​ផ្សារ​មិន​រៀបរយ​

The post បែក​គ្នា៥​ឆ្នាំ សុំប្រពន្ធ​ត្រូវ​គ្នាវិញ​មិនបាន ជះ​ទឹក​អាស៊ីដដាក់ ពេល​នេះត្រូវ​សមត្ថកិច្ច​ឃាត់ខ្លួន ក្រោយ​រត់គេចខ្លួន​ appeared first on Kampuchea Thmey Daily.

​ឯកឧត្តម​នាយ​ឧ​ត្ត​ម​សេនីយ៍ សៅ សុខា បានបញ្ជាក់​នាពេល​កន្លងមក​ថា បុគ្គល​ដែល​ប្រព្រឹត្ត​ខុសច្បាប់ គឺ​មិនអាច​អត់ឱន​ឱ្យ​បាន​នោះ​ទេ ពោល​ត្រូវតែ​ស្រាវជ្រាវ​ចាប់ខ្លួន ដើម្បី​យក​មក​ផ្ដ​ទ្ទា​ទោស​តាមផ្លូវ​ច្បាប់​។

​គួររំលឹកថា កាលពី​ថ្ងៃទី ២៣ ខែឧសភា ២០២១ ជនដៃ​ដល់​ដែល​បង្ក​ហិង្សា គឺជា​អតីត​ប្តី មាន ឈ្មោះ ស្រ៊ុន ពេជ្រ​រស្មី មាន​អាយុ​៣៦​ឆ្នាំ មុខរបរ​ជាម​ន្ត្រី​កងរាជអាវុធហត្ថ​ខេត្តកំពង់ធំ ដែល​បាន​លេង​លះ​គ្នា កាលពី​ថ្មីៗ​កន្លង​មក​នេះ​។

ស្ត្រី​រងគ្រោះ​​ឈ្មោះ កួច មួយ​ហៀក អាយុ​៣០​ឆ្នាំ បាន​រៀបរាប់​មុន​ពេល​កើតហេតុថា ​គឺ​ជន​ដៃ​ដល់​ឈ្មោះ ស្រ៊ុន ពេជ្រ​រស្មី បាន​ជិះ​ម៉ូតូ​មក​ឈប់​មុខ​តូប ហើយ​បាន​ស្រែក​សួរ​ថា​ កូន នៅឯណា​? នៅ​ជាមួយ​អ្នកណា​? នាង​បាន​ប្រាប់​ថា ​កូន​នៅ​គេង​ក្នុង​ផ្ទះ​មិនទាន់​ក្រោក​ទេ នៅ​ជាមួយ​ម៉ាក់​(​ម្តាយ​ជនរងគ្រោះ​) ភ្លាម​នោះ​ជន​ដៃដល់​បាន​ទាញ​កាំបិត សម្រុក​មក​កាប់​នាង ធ្វើ​ឲ្យ​រងរបួស​យ៉ាង​ធ្ងន់ ដោយ​ចេតនា​តែ​ម្តង​។ តាម​ប្រភព​ព័ត៌មាន​ច្បាស់ការ​ បាន​បញ្ជាក់​ថា ប្ដី​ប្រពន្ធ​មួយ​គូ​នេះ​មាន រឿង​រកាំរកូស​គ្នា​ជា​យូរ​មក​ហើយ ដោយ​រស់នៅ​មិន​ចុះសម្រុង​គ្នា​ឡើយ ដោយសារ​ស្រ៊ុន ពេ​ជ្យ​រស្មី អាង​ខ្លួន​ជា​មន្ត្រី​កងរាជអាវុធហត្ថ​ខេត្ត​កំពង់ធំ តែងតែ​ប្រើ​អំពើ​ហិង្សា​ជាញឹកញាប់ ច្រើនលើកច្រើនសា រហូត​មានការ​លែង​លះ​គ្នា​៕​

អត្ថបទ៖ ប៊ុនរដ្ឋា

សូមចុចអាន៖ មន្ត្រី​កងរាជអាវុធហត្ថ​ខេត្តកំពង់ធំមា្នក់ កាប់​អតីត​ប្រពន្ធ​៥​កាំបិត ​ក្រោយ​សុំ​លែង​

The post ឃាត់ខ្លួនមន្ដ្រីកងរាជអាវុធហត្ថ​ខេត្តកំពង់ធំ កាប់អតីតប្រពន្ធក្រោយសុំលែង appeared first on Kampuchea Thmey Daily.

ការ​កោះហៅ​របស់​តុលាការ​សាលាដំបូង​រាជធានី​ភ្នំពេញ​នេះ​គឺ​ធ្វើ​ឡើង​ក្នុង​គោលបំណង​ដើម្បី​បំភ្លឺ​ជុំ វិញ​បណ្តឹង​របស់​ស្វាមី​គឺ​លោក​ឧកញ៉ា ឌួង ងៀប ប្តឹ ង​សុំ​លែងលះ​ជាមួយ​ភរិយា​គឺ​លោកជំទាវ​ខុង លី​ស៊ី​អា ណា​។​ ប៉ុន្តែ​បើតាម​ប្រភពព័ត៌មាន​បាន​លើក​ឡើង​ថា ​មិនបាន​សម្រេច​ឡើយ​ដោយ​លោកជំទាវ ខុង លី​ស៊ី​អាណា មិន​យល់ព្រម​លែងលះ​។

បើ​យោង​តាម​ការ​បញ្ជាក់​ពី​លោកជំទាវ ខុង លី​ស៊ី​អាណា បាន​ប្រាប់​សារព័ត៌មាន​ឲ្យ​ដឹង​ថា ​”​ស្វាមី​លោក​គឺ​ឧកញ៉ា ឌួង ងៀប បាន​ទាមទារ​លែងលះ​ខ្ញុំ​តែ​ខ្ញុំ​មិន​ព្រម​លែងលះ​ជាដាច់ខាត​ព្រោះ​ការលើកឡើង​ដើម្បី​ការ​លែងលះ​របស់​គាត់​វា​មិន​សម​ហេតុ​សម ផល​ដែល​ខ្ញុំ​ត្រូវ​លែងលះ​ជាមួយ​គាត់​ឡើយ​ដោយ​គាត់​ថា​ មកពី​ខ្ញុំ​រករឿង​គាត់ គាត់​មិនមាន​សិទ្ធ​ឯកភាព​ផ្សេងៗ​តែ​ការពិត​គ្រប់យ៉ាង​គឺ​ដោយសារ​គាត់​មាន​ស្រី​ទើប​ធ្វើ​ឲ្យ​គ្រួសារ​របស់ខ្ញុំ​បែកបាក់​គ្នា​”។

លោកជំទាវ ខុង លី​ស៊ី​អាណា បាន​បន្ត​ថា​ តើ​សាក​សម​ដែល​ទេ​ដែល​ប្តី​លួចលាក់​មាន​សា​ហាយ​នៅ​ខា ង​ក្រៅ​រហូត​មានកូន​មក​ឲ្យ​ប្រពន្ធ​កូន​នៅផ្ទះ​ទ​ទួ ល​ស្គាល់​ពេញមុខ​ពេញសិទ្ធិ​បែបនេះ​?

​ទោះបី​យ៉ាងណាមិញ​ជុំវិញ​បណ្តឹង​នៃ​ការ​លែងលះ​រវាង​លោកជំទាវ ខុង លី​ស៊ី​អាណា និង​លោក​ឧក ញ៉ា ឌួ ង ងៀប ដែល​បាន​ប្រព្រឹត្តទៅ​នៅ​ព្រឹក​ថ្ងៃទី ១៩​ខែ ឧសភា​ឆ្នាំ​២០២១​នេះ​គឺ​មិនទាន់​ដាច់ស្រេច​គ្នា​នៅ ឡើយ​ទេ​ពោលគឺ​ដោយសារ​លោកជំទាវ ខុង លី​ស៊ី​អាណា មិន​យល់ព្រម​លែងលះ​និង​អះអាងថា​ការលើកឡើង​របស់​ឧកញ៉ា ឌួង ងៀប ដើម្បី​លែង លះ​ជាមួយ​ខ្លួន​មិន​សម​ហេតុផល ។​នេះ​បើតាម​ការលើកឡើង​រប​ស់លោក​ជំទាវ ខុង លី​ស៊ី​អាណា។

ដោយឡែក​សម្រាប់​លោក​ឧកញ៉ា ឌួង ងៀប រហូត​មក​ទល់​ពេលនេះ​គឺ​លោក​ឧកញ៉ា​មិនទាន់​មាន​ការបញ្ជាក់​ឬ​បកស្រាយ​អ្វី​ឡើង​ជុំវិញ​រឿងរ៉ាវ​នេះ​។​ គួរ​រំម្លឹក​ថា ​កាលពី​ថ្មីៗ​នេះ​មានការ​ចាប់អារម្មណ៍​ច្រើន​ជុំ​វិញ​រឿងរ៉ាវ​វិវាទ​របស់​គ្រួសារ​អភិជន​រវាង​លោក​ឧកញ៉ា ឌួង ងៀប​និង​ភរិយា​គឺ​លោកជំទាវ ខុង លី​ស៊ី​អាណា ដែល​បាន​បើក​កកាយ​រឿង​លែងលះ​និង​បញ្ហា​គ្រួសារ​ជាច្រើន​ដែល​ធ្វើឡើង​ពី​សំណាក់​លោក ជំទាវ ខុង លី​ស៊ី​អាណា តាម​រយៈ​សន្និសីទ​សារព័ត៌ មាន​កាលពី​ថ្ងៃទី​១៤​ខែឧសភា​កន្លងទៅនេះ​៕

ដោយ ៖ ចាន់​រ៉ា

The post លោកជំទាវ ខុង លី​ស៊ី​អាណា ចូល​បំភ្លឺ​នៅ​តុលាការ​តែ​មិន​ព្រម​លែងលះ​លោក​ឧកញ៉ា ឌួង ងៀប​ appeared first on Kampuchea Thmey Daily.

យោងតាមការចុះផ្សាយរបស់កាសែត South China Morning Post បានឲ្យដឹងថា Wang បានជួបប្តីរបស់នាងឈ្មោះ Chen កាលពីឆ្នាំ២០១០ ហើយអ្នកទាំងពីរបានរៀបការជាមួយគ្នានៅឆ្នាំ២០១៥។

ក្នុងឆ្នាំ២០១៨ ពួកគេបានចាប់ផ្តើមរស់នៅបែកគ្នា ដោយកូនប្រុសរបស់ពួកគេរស់នៅជាមួយ Wang។ កាលពីឆ្នាំមុន លោក Chen បានដាក់ពាក្យប្តឹងលែងលះគ្នានៅឯតុលាការមួយក្នុងទីក្រុងប៉េកាំង។

Wang បានចោទប្រកាន់ Chen ថាមានទំនាក់ទំនងស្នេហាជាមួយស្រីផ្សេង ហើយបានយល់ព្រមលែងលះនិងស្នើសុំចែកទ្រព្យសម្បត្តិ ព្រមទាំងសំណងផ្នែកហិរញ្ញវត្ថុ។ នាងនិយាយថា Chen មិនបានជួយបំពេញភារកិច្ចក្នុងផ្ទះនិងមើលថែកូនទេ។

តុលាការបានអនុញ្ញាតឲ្យលែងលះនិងផ្តល់សិទ្ធិដល់ Wang មើលថែកូន ។ លោក Chen ត្រូវបានបញ្ជាឲ្យបង់ប្រាក់ក្រោយលែងលះចំនួន២,០០០យ័ន (៣០៩ដុល្លារ) ក្នុងមួយខែ និងសំណងសម្រាប់ការងារផ្ទះដែលប្រពន្ធបានធ្វើកន្លងមក។

សាលក្រមនេះបានបង្កឲ្យមានការជជែកវែកញែកយ៉ាងក្តៅគគុក លើប្រព័ន្ធផ្សព្វផ្សាយសង្គមចិន ដោយអ្នកខ្លះនិយាយថា សំណងគឺទាបពេកប៉ុន្តែអ្នកខ្លះទៀតលើកហេតុផលថា ការងារមិនគួរប្រៀបធៀបទៅនឹងការងារផ្ទះឡើយ។

ទោះបីជាយ៉ាងណាក៏ដោយ លោក Zhong Wen មេធាវីការលែងលះ បាននិយាយថា សេចក្តីសម្រេចរបស់តុលាការគឺផ្អែកលើច្បាប់អាពាហ៍ពិពាហ៍ថ្មីរបស់ប្រទេសចិន ដែលបានចូលជាធរមានកាលពីថ្ងៃទី១ខែមករា៕

ប្រែសម្រួលដោយ៖ Vann Vann

ប្រភព៖ BBC

The post ប្តីត្រូវបង់លុយជាង៧ពាន់ដុល្លារ ឲ្យប្រពន្ធសម្រាប់ការងារដែលនាងធ្វើក្រោយរៀបការ appeared first on Kampuchea Thmey Daily.

​ប៉ុន្តែ​បើ​ទោះ​បី​ជា ​ត្រូវ​បាន​អ្នកស្រី ដេ​ត ម៉ាលី​ណា បញ្ចេញ​សារ​លែងលះ​និង​ត្រូវ​បាន​ចែករំលែក​ជាច្រើន​នៅ​លើ​បណ្តាញ​សង្គម​ហ្វេ​ស​ប៊ុ​ករ​ហូត​មាន​សារព័ត៌មាន​ ក្នុងស្រុក​មួយ​ចំនួន​បាន​យក​ទៅ​ចុះផ្សាយ​យ៉ាង​ណា​ក្តី​តែ​សម្រាប់​លោក​ឧកញ៉ា ឌួង ឆាយ ហាក់​មិន​មាន​ប្រតិកម្ម​តបត​ឬ​បកស្រាយ​ជាក់លាក់​ណាមួយ ​ឲ្យ​មហាជន​បាន​ដឹង​ច្បាស់​នៃ​ការពិត​ចំពោះ​បញ្ហា​ចែក​ផ្លូវ​គ្នា​នេះ​ នៅឡើយ​ទេ​។

​ដោយឡែក​បើ​ងាក​មក​ចាប់អារម្មណ៍​ នៅ​លើ​ផេ​ក​ហ្វេ​ស​ប៊ុ​ក​ផ្លូវការ​របស់​លោក​ឧកញ៉ា ឌួង ឆាយ មុន​នេះ​បន្តិច​ គេ​បាន​ឃើញ​លោក​ឧកញ៉ា ​បាន​បង្ហោះ​សារ​ជូន​ពរ​ថ្ងៃ​ខួប​កំ​ណើត​ខ្លួនឯង​ថា ​រីករាយ​ថ្ងៃ​ខួបកំណើត​របស់ខ្ញុំ ពូ​មីង​បងប្អូន​មាន​ពាក្យ​ជូនពរ​ខ្ញុំ​ទេ​បាទ​? សូម​អរគុណ​ពូ​មីង​បងប្អូន​ទាំងអស់​គ្នា​ ចំពោះ​ការ​ស្រលាញ់​រាប់អាន​កន្លង​រហូត​មក​ណា​។ ជាមួយគ្នា​នៃ​ការ​ថ្លែង​សារ​ជួន​ពរ​ថ្ងៃ​ខួបកំណើត​សម្រាប់​ខ្លួនឯង​នេះ​ដែរ​ លោក​ឧកញ៉ា ឌួង ឆាយ ក៏បាន​បង្ហាញ​សារ​ខ្លី​មួយទៀត​អម​ដោយ​អត្ថន័យ​ដ៏​ចាប់អារម្មណ៍​ ដែល​លើក​ឡើង​ថា​ ពេលវេលា​នឹង​បកស្រាយ​អ្វីៗ​គ្រប់យ៉ាង ភាព​អំណត់​អត់ធ្មត់​ស្ងប់ស្ងាត់ ​គឺ​ល្អ​បំផុត​។​ តាមរយៈ​អត្ថន័យ​ខ្លី​ខាងក្រោម​នេះ​ ត្រូវ​បាន​អ្នកគាំទ្រ​មួយ​ចំនួន​យល់​ឃើញ​ថា​ នេះ​អាច​ជា​ចេតនា​ ដែល​ត្រូវ​បាន​លោក​ឧកញ៉ា​និយាយ​ចង់​សំដៅ​ទៅលើ​រឿងរ៉ាវ​នៃ​ការ​បែកបាក់​ភរិយា​ ផង​ដែរ​៕

អត្ថបទ៖ ចាន់​រ៉ា

សូមចុចអាន៖ មហាជន​ទន្ទឹង​រង់ចាំ​មើល​ការ​ បក​ស្រាយ​ពី​ឧកញ៉ា ឌួង ឆាយ ក្រោយ​ភរិយា​ប្រកាស​ចែក​ផ្លូវ​គ្នា​

​

The post លោក​ឧកញ៉ា ឌួង ឆាយ ៖ ពេលវេលា​នឹង​បកស្រាយ​អ្វីៗ​គ្រប់យ៉ាង! appeared first on Kampuchea Thmey Daily.