Connect with us

KPT+

មកស្គាល់កាន់តែច្បាស់ពីសាវតា Vincent Wong ឬតួមេធាវីខ្វាក់ តារាប្រុសឈ្នះពានច្រើនបំផុត

បានផុស

នៅ

លោក Vincent Wong ឬតួអ្នកក្លាហានខ្វាក់ វិនស៊ិនសៀ ក្នុងរឿងភាគហុងកុង យុទ្ធសាស្ត្របំបែកក្ដី ជឿថាប្រិយមួយចំនួនប្រាកដជាស្គាល់ច្បាស់ និងមានអ្នកខ្លះក៏ជាហ្វេនរបស់តារាប្រុសរូបនេះផងដែរ។ លោកជាតារាសម្ដែង និងជាតារាចម្រៀងហុងកុងដ៏មានប្រជាប្រិយភាព ក៏ជាតួប្រុសប្រចាំ TVB ដែលស៊ីថ្លៃលំដាប់ទី៣ (ក្បែរ ៨០ម៉ឺនដុល្លារ ក្នុងមួយឆ្នាំ) ក្នុងប៉ុស្តិ៍ទូរទស្សន៍នេះ។ មិនតែប៉ុណ្ណោះលោកជាតារាសម្តែងឆ្នើមទទួលបានពានរង្វាន់ជាច្រើន ទាំងពានរង្វាន់ក្នុងស្រុក និងក្រៅស្រុកទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Vincent Wong ជាកូនអ្នកខេត្តសឺជាំង ប្រទេសចិន ដែលបានកើតនៅថ្ងៃទី ៧ ខែកក្កដា ឆ្នាំ១៩៨៣។ លោកមានឪពុក​ជា​ជនជាតិ​ភាគតិច ហាន និង​ម្តាយ​​ជា​ជនជាតិដើម ​អ៊ុយហ្គួរ។

តារាប្រុសរូបនេះ បានផ្លាស់ទីលំនៅទៅហុងកុងតាំងពីក្មេងៗ និងបានសិក្សាផ្នែករចនាក្រាហ្វិចនៅសាលាសិល្បៈហុងកុង HongKong Art High School ក៏ធ្លាប់បានទៅសិក្សានៅសាលា The Colorado Springs School នៅឯសហរដ្ឋអាមេរិកផងដែរ។

5 Interesting Facts About “The Man Who Kills Trouble” Actor Vincent Wong |  Hotpot TV | Watch Chinese, Taiwanese, and HK TV Shows for Free

មុនប្រឡូកចូលក្នុងវិស័យសម្ដែង នៅអំឡុងឆ្នាំ២០០៥ ​Vincent Wong បង្ហាញខ្លួនជាអ្នកចម្រៀងក្រោមផលិតកម្ម Neway Star ជាមួយនឹងបទចម្រៀងដំបូងដែលមានចំណងជើងថា “Signal” ។

នៅក្នុងឆ្នាំ ២០០៨ Vincent Wong បានប្រែខ្លួនមកជាតារាសម្តែងកុងត្រាជាមួយប៉ុស្តិ៍ទូរទស្សន៍ TVB ដោយកាលណោះ លោកបង្ហាញខ្លួនក្នុងរឿងភាគដំបូងមានចំណងជើងថា Wars of in law II ដែលរឿងនេះ ត្រឹមជាតួបន្ទាប់បន្សំ ប៉ុន្តែលោកត្រូវបានមហាជនចាប់អារម្មណ៍នឹងសមត្ថភាពរហូតធ្វើឱ្យលោកឈ្នះពានរង្វាន់ជាបន្តបន្ទាប់ ក៏ដូចជាអាចឆក់បានតំណែងជាតួឯកសម្រាប់រឿងភាគថ្មីជាច្រើន។

នៅឆ្នាំ ២០១៣ តារាវ័យ ៣៨ឆ្នាំរូបនេះ បានឈ្នះពានរង្វាន់ សិល្បករប្រុសឆ្នើម (Best Male Artist) ពីកម្មវិធី TVB Anniversary Award។ លុះមកដល់ឆ្នាំ ២០១៥ លោកក្ដោបបានតំណែងជាតួឯកលើកដំបូង នៅក្នុងរឿងបែបកំប្លែង Brick Slaves ហើយរឿងមួយនេះក៏បានធ្វើលោកជាប់តំណែងជាតារាសម្តែងប្រុសឆ្នើម (Best Actor) នៅឯកម្មវិធី TVB Anniversary Awards ក្នុងឆ្នាំដដែល។ មិនតែប៉ុណ្ណោះ Vincent Wong ថែមទាំងឈ្នះពានរង្វាន់ StarHub TVB សម្រាប់តួសម្តែងដែលពេញនិយមបំផុត ក្រោយដើរតួក្នុងរឿង Tomorrow Is Another Day។

My TVB Artist: Vincent Wong "Most Improved Actor" - Daughter: "Daddy  Congrats", Wife Yoyo Chen Cries

ដោយឡែក ​កាលពីឆ្នាំ២០១៦ តួមេធាវីខ្វាក់រូបនេះ បានថតរឿង Over Run Over ហើយលោកបានឈ្នះពានរង្វាន់ភាពជាដៃគូលើអេក្រង់ដែលមានប្រជាប្រិយបំផុតជាមួយតារាស្រី Tracy Chu ក្នុងកម្មវិធី TVB Anniversary Awards ប្រចាំឆ្នាំ។ រឿងមួយនេះទទួលបានការពេញចិត្តពីទស្សនិកជនជាខ្លាំង ដែលវាជាស្ពាននាំឱ្យ Vincent Wong ត្រូវបានគេដាក់បញ្ចូលក្នុងបេក្ខភាពកំពូលទាំង ៥ សម្រាប់តារាសម្តែងឆ្នើម និងជាតួប្រុសដែលពេញនិយមបំផុត។

Tracy Chu, Vincent Wong celebrate TVB Awards victory

មកដល់ឆ្នាំ ២០១៧ បន្ទាប់ពីសម្ដែងជាមេធាវីពិការភ្នែក ឬ “Hope Man” នៅក្នុងរឿងយុទ្ធសាស្ត្របំបែកក្ដី (Legal Mavericks) លោកទទួលបានការគាំទ្រយ៉ាងខ្លាំង រហូតអាចដណ្ដើមពានរង្វាន់តារាសម្ដែងឆ្នើម (Best Actor) នៅកម្មវិធី TVB Anniversary Awards ។ ជាមួយនឹងតួនាទីដូចគ្នា នៅក្នុងរឿងភាគ យុទ្ធសាស្ត្របំបែកក្ដី វគ្គ២ លោក ឈ្នះពានរង្វាន់នេះម្តងទៀត នៅឯកម្មវិធីដដែល នាឆ្នាំ២០២០។

Vincent Wong doesn't think he has big chance for TV King

ចំពោះជីវិតគ្រួសារវិញ Vincent Wong បានរៀបការរួចហើយ កាលពីថ្ងៃទី ១១ ខែវិច្ឆិកាឆ្នាំ ២០១១ ជាមួយតារាសម្តែងក្នុងប៉ុស្តិ៍ទូរទស្សន៍ដូចគ្នាគឺ Yoyo Chen ហើយបច្ចុប្បន្នពួកគេមានកូនស្រីម្នាក់ឈ្មោះ Wong Ching-kiu ដែលបានកើតកាលពីឆ្នាំ ២០១២៕

Vincent Wong & Yoyo Chen's 8-Year-Old Daughter Posted A Vid Of Herself On  Her Mum's DouYin

ប្រែសម្រួល៖ សន្យា

ចុចអាន៖ ប្រវត្តិតួមេធាវី អ៊ីវ៉ា ក្នុងរឿង «យុទ្ធសាស្ត្របំបែកក្ដី» ដឹងហើយ ពិតជាស្ងើចសរសើរ

ចុចអាន៖ ទម្លាយអាថ៌កំបាំងទាំង ៧ របស់ Sislay Choi តួបងសាហាវ ក្នុងរឿង «យុទ្ធសាស្ត្របំបែកក្ដី»

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៧ នាទី មុន

អ្នកវាយតម្លៃសង្ឃឹមថា រសជាតិអ្នកមាន វគ្គបី នាំមកនូវការអប់រំសង្គមខ្ពស់

KPT+៣០ នាទី មុន

សកម្មភាព ៥ យ៉ាង អ្នកកំពុងតែបន្ទាបតម្លៃខ្លួនឯងហើយ

ព័ត៌មានអន្ដរជាតិ៣៧ នាទី មុន

កុមារីម្នាក់ រួចជីវិតពីការបាញ់ប្រហារនៅរដ្ឋតិចសាស់ ដោយប៉ាតឈាមលើខ្លួន ធ្វើពុតជាស្លាប់ 

ព័ត៌មានជាតិ១ ម៉ោង មុន

រដ្ឋមន្រ្តីក្រសួងយុត្តិធម៌ អញ្ជើញជាអធិបតីក្នុងពិធីប្រកាសផ្ទេរភារកិច្ច និងចូលកាន់មុខតំណែង ព្រះរាជអាជ្ញា នៃអយ្យការអមសាលាដំបូងខេត្តកែវ

ព័ត៌មានជាតិ១ ម៉ោង មុន

សម្តេច​តេជោ ហ៊ុន សែន ​ចែករំលែក​ ៥​ចំណុច ​​ពាក់ព័ន្ធនឹងតួនាទីរបស់ទ្វីបអាស៊ី នៅក្នុង​ពិភពលោក ដែល​បែកខ្ញែក​​

Sokha Hotels

ព័ត៌មានពេញនិយម