Barbie ក្លាយជាភាពយន្តរកចំណូលបានច្រើនជាងគេក្នុងក្រុមហ៊ុន Warner Bros អាមេរិក

រឿង Barbie ដែលរកចំណូលបាន ១ ២០២ ៥០៧ ៣៨២ ដុល្លារទូទាំងពិភពលោក ក្លាយជាភាពយន្ដរកចំណូលបានច្រើនបំផុតក្នុងសហរដ្ឋអាមេរិករបស់ក្រុមហ៊ុន Warner Bros ។

ប្រាក់ចំណូលតែនៅក្នុងសហរដ្ឋអាមេរិក Barbie រកបាន ៥៤១ ៩០៧ ៣៨២ ដុល្លារ ខណៈចំណូលអន្តរជាតិរកបាន ៦៦០ ៦០០ ០០០ ដុល្លារ ។

មានន័យថា Barbie បានយកឈ្នះភាពយន្ដមនុស្សប្រជៀវ The Dark Knight ២០០៩ ដែលរកចំណូលបានសរុប ១ ០០៦ ២៣៤ ១៦៧ ដុល្លារ និងចំណូលតែនៅសហរដ្ឋអាមេរិក ៥៣៤ ៩៨៧ ០៧៦ ដុល្លារ ។

ស្របនឹងនោះ Greta Gerwig បានក្លាយជាអ្នកដឹកនាំរឿងស្ត្រីដំបូងបង្អស់ដែលទទួលបានជោគជ័យ យ៉ាងណាប្រាក់ចំណូលនាងពី Barbie នៅតែរក្សាជាការសម្ងាត់ដដែល ។

ចំណែកឯតួអង្គ Barbie ឈ្មោះ Margot Robbie វិញ នាងទទួលបានចំណូលដល់ទៅ ៥០ លានដុល្លារ ។

សូមបញ្ជាក់ដែលថា ទិន្នន័យទឹកប្រាក់ខាងលើគិតត្រឹមថ្ងៃទី ១៨ ខែសីហា ឆ្នាំ ២០២៣ ប៉ុណ្ណោះ ៕

ប្រែសម្រួល៖ វារី

ប្រភព៖ Dailymail

ចុចអាន៖ ត្រឹម ១៧ ថ្ងៃ Barbie រកចំណូលបានដល់ទៅ ១ ពាន់លានដុល្លារក្នុង Box office ពិភពលោក