យ៉ាងណា នេះជាពេលវេលាដ៏កម្រមួយសម្រាប់តារាសម្តែងក្នុងការលើកឡើងជាសាធារណៈ អំពីស្ថានភាពសុខភាពផ្ទាល់ខ្លួនរបស់គាត់ ដោយទទួលស្គាល់ពីការលំបាកក្នុងការរក្សាការផ្តោតអារម្មណ៍ បណ្តាលមកពីរោគសញ្ញាពិបាកផ្ចង់អារម្មណ៍អភិវឌ្ឍន៍សរសៃប្រសាទនេះ។

ការបង្ហាញអំពីជំងឺរបស់ស្តេចគុងហ្វូ ភ្លាមៗបានទាក់ទាញចំណាប់អារម្មណ៍យ៉ាងខ្លាំងពីមតិសាធារណៈចិន។ អ្នកទស្សនាជាច្រើនជឿថា ការពិតដែលថាតារាលំដាប់ពិភពលោកបើកចំហអំពី ADHD មានអត្ថន័យវិជ្ជមាន ដែលជួយសហគមន៍ឲ្យយល់ និងយល់ចិត្តកាន់តែច្រើនជាមួយមនុស្សដែលកំពុងជួបប្រទះឧបសគ្គផ្លូវចិត្តស្រដៀងគ្នា។

ADHD គឺជាជំងឺពិបាកទប់អារម្មណ៍ឲ្យហ្នឹងហ្នរ វាអភិវឌ្ឍន៍សរសៃប្រសាទរ៉ាំរ៉ៃ ដែលត្រូវបានកំណត់លក្ខណៈដោយការលំបាកក្នុងការរក្សាការផ្តោតអារម្មណ៍ សកម្មភាពហួសហេតុ និងអាកប្បកិរិយាមិនប្រុងប្រយ័ត្ន។ ទោះបីជាជាធម្មតាត្រូវបានគេធ្វើរោគវិនិច្ឆ័យចំពោះកុមារក៏ដោយ រោគសញ្ញាទាំងនេះអាចមានរយៈពេលរហូតដល់ពេញវ័យ ដោយរំខានដល់ការសិក្សា ការងារ និងទំនាក់ទំនងសង្គម។ ចំពោះមនុស្សពេញវ័យ ADHD ជារឿយៗបង្ហាញជាជំនាញគ្រប់គ្រងពេលវេលាមិនល្អ ភ្លេចភ្លាំង ពិបាកគ្រប់គ្រងអារម្មណ៍ ឬការថប់បារម្ភ។

មិនមានវិធីព្យាបាលជំងឺ ADHD ទេ ប៉ុន្តែការព្យាបាលអាចជួយគ្រប់គ្រងរោគសញ្ញាបាន។ ទម្លាប់អន្តរាគមន៍ស្តង់ដារជាធម្មតារួមបញ្ចូលគ្នានូវថ្នាំ ការព្យាបាលដោយអាកប្បកិរិយា ការប្រឹក្សាផ្លូវចិត្ត និងការផ្លាស់ប្តូររបៀបរស់នៅ។ យោងតាមស្ថិតិពីសហព័ន្ធ ADHD ពិភពលោក អត្រាកើតជំងឺនេះត្រូវបានប៉ាន់ប្រមាណថាមានចំនួន ៥.៩% ចំពោះក្មេងជំទង់ និង ២.៥% ចំពោះមនុស្សពេញវ័យ (ស្មើនឹងមនុស្សរាប់រយលាននាក់)។

ទោះបីជាគាត់បានលះបង់ពេលវេលាជាង ៦០ ឆ្នាំចំពោះភាពយន្ត ហើយត្រូវបានចាត់ទុកថាជា ជាតួអង្គអង់អាចដ៏អស្ចារ្យនៃឧស្សាហកម្មកម្សាន្តក៏ដោយ ក៏ Jackie ទទួលស្គាល់ថាគាត់គ្រាន់តែជាអ្នកចំណូលថ្មីនៅលើបណ្តាញសង្គមប៉ុណ្ណោះ។ វីដេអូដែលចេញផ្សាយរយៈពេលពីរបីនាទីបានរួមបញ្ចូលពេលវេលាប្រចាំថ្ងៃដ៏ស្រស់បំព្រងរបស់គាត់ យ៉ាងប៉ិនប្រសប់ ដូចជាការថែរក្សាដើមឈើ ការអនុវត្តការហាត់ប្រាណ ច្រៀង និងធ្វើដំណើរ។

ខុសពីរូបភាពដ៏គួរឲ្យចាប់អារម្មណ៍នៅក្នុងខ្សែភាពយន្តសកម្មភាព ឈិនឡុងបង្ហាញពីផ្នែកកំប្លែង និងជិតស្និទ្ធតាមរយៈសកម្មភាពជាមួយអ្នកគាំទ្រ។ គាត់បានស្នើសុំសហគមន៍អនឡាញសម្រាប់ដំបូន្មានអំពីកន្លែងញ៉ាំអាហារឆ្ងាញ់ៗ ឬគន្លឹះថតរូបដើម្បីធ្វើឲ្យមុខរបស់គាត់មើលទៅស្លីមជាងមុន។ ភាពវៃឆ្លាតរបស់តារាសម្តែង បានជួយគណនីនេះទាក់ទាញអ្នកតាមដានជាង ១០០,០០០ នាក់បន្ទាប់ពីបើកដំណើរការបានត្រឹមតែប៉ុន្មានម៉ោងប៉ុណ្ណោះ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

The post ឈិនឡុង ទម្លាយជាសាធារណៈថា ខ្លួនមានជំងឺពិបាកផ្ចង់អារម្មណ៍ខ្លាំង appeared first on Kampuchea Thmey Daily.

តួប្រុសក្នុងពិភពក្បាច់គុណបានពន្យល់ថា កាលពីមុន ទំនាក់ទំនងរបស់ពួកគេបានក្លាយសោះកក្រោះខ្លាំង រហូតដល់ចំណុចមូយគឺឪពុកកូននិយាយគ្នាតាមទូរស័ព្ទតែម្តងគត់ក្នុងមួយឆ្នាំ ភាគច្រើនសម្រាប់តែការជូនពរថ្ងៃកំណើតប៉ុណ្ណោះ។

ក្នុងពេលដែលលោកមានចេតនាល្អដល់កូនប្រុស នេះបានក្លាយជាប្រភពនៃសម្ពាធសម្រាប់កូន ព្រោះគាត់តែងតែត្រូវបានឪពុកស្តីបន្ទោស ឬរិះគន់ ដែលបណ្តាលឲ្យ Jaycee មានអារម្មណ៍ភ័យខ្លាច និងស្ទាក់ស្ទើរក្នុងការទាក់ទងគាត់។

តារាសម្តែងដ៏ល្បីល្បាញរូបនេះ បានទទួលស្គាល់ថា គាត់បានប្រើរបៀបចិញ្ចឹមកូនដ៏តឹងរ៉ឹងពេក ដោយមើលអ្វីៗគ្រប់យ៉ាងតាមរយៈកែវភ្នែករបស់គាត់ ហើយមិនអនុញ្ញាតឲ្យកូនប្រុសបញ្ចេញមតិ ឬរស់នៅដោយសេរី។ គាត់បាននិយាយថា «ខ្ញុំមិនបាននិយាយជាមួយគាត់ច្រើនទេ ខ្ញុំមិនបានសរសើរគាត់ច្រើនទេ ហើយគាត់ស្ទើរតែមិនដែលនិយាយអ្វីល្អៗតាមរយៈប្រព័ន្ធផ្សព្វផ្សាយ ឬកន្លែងផ្សេងទៀតទេ»។ លោកបាននិយាយ ដោយទទួលស្គាល់ថាវាជាកំហុសដែលខ្លួនសោកស្តាយនៅថ្ងៃនេះ។

ឈិន ឡុង ក៏បានបង្ហាញផងដែរថា មានពេលមួយ បន្ទាប់ពីគាត់បានស្តីបន្ទោសកូនប្រុសយ៉ាងខ្លាំង Jaycee ថែមទាំងបាននិយាយថា «កុំទូរស័ព្ទមកជូនពរខ្ញុំឲ្យរីករាយថ្ងៃកំណើត។ ប្រយោគនោះធ្វើឲ្យគាត់គិត និងដឹងថា ភាពតឹងរ៉ឹងរបស់គាត់បានបង្កើតគម្លាតរវាងឪពុក និងកូនប្រុសដោយមិនដឹងខ្លួន។

យ៉ាងណាមិញ បន្ទាប់ពីការចេញផ្សាយបទសម្ភាសន៍ភ្លាមៗនោះ មានប្រតិកម្មយ៉ាងទូលំទូលាយតាមអ៊ីនធឺណិត។ អ្នកលេងអ៊ីនធឺណិតជាច្រើនបានសម្តែងការអាណិតអាសូរ និងមើលឃើញពីភាពក្លាហានរបស់ឈិនឡុង ក្នុងការទទួលស្គាល់កំហុសរបស់គាត់ដោយបើកចំហថាជាសញ្ញានៃការរីកចម្រើន និងការរៀនសូត្រក្នុងតួនាទីជាឪពុក មិនមែនគ្រាន់តែជាតារាល្បីនោះទេ។

បច្ចុប្បន្ននេះ ទំនាក់ទំនងរវាងឪពុកកូន ត្រូវបានគេមើលឃើញថាមានភាពប្រសើរឡើងជាបណ្តើរៗ។ ទោះបីជាពួកគេមិនបានបង្ហាញខ្លួនជាមួយគ្នាញឹកញាប់ក៏ដោយ ក៏ពួកគេបានធ្វើការជាមួយគ្នានៅក្នុងខ្សែភាពយន្ត «Railroad Tigers» ហើយត្រូវបានគេរាយការណ៍ថាបានជួបគ្នាក្នុងឱកាសឯកជន ដូចជាពិធីមង្គលការរបស់មិត្តភក្តិកាលពីដើមឆ្នាំនេះ ដែលបានក្លាយជាប្រធានបទនៃការពិភាក្សានៅក្នុងឧស្សាហកម្មកម្សាន្ត៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

តុលាការ ថៃ សម្រេចកាត់ទោស អតីតម្ចាស់ MU ជាប់គុក ២ ឆ្នាំ ទោះកំពុងរត់គេចខ្លួនក្ដី

The post ឈិនឡុង ទទួលស្គាល់កំហុស ដែលចិញ្ចឹមកូនតឹងតែងពេក appeared first on Kampuchea Thmey Daily.

ទោះជាយ៉ាងណាក៏ដោយ អ្នកទស្សនាជាច្រើនបានបដិសេធវា ដោយបញ្ជាក់ថា ទាំំងនេះជាព័ត៌មានក្លែងក្លាយ។ ពាក្យចចាមអារ៉ាមក៏បានបញ្ចប់យ៉ាងឆាប់រហ័សផងដែរ នៅពេលដែលគណនី Weibo របស់តួចិនបានធ្វើបច្ចុប្បន្នភាពនៃការបង្ហោះ ព្រមទាំងប្រកាសពីកាលបរិច្ឆេទចេញផ្សាយខ្សែភាពយន្តថ្មីរបស់គាត់ផងដែរ។

នៅក្នុងព្រឹត្តិការណ៍ថ្មីៗនេះ តួចិនជើងចាសបាននិយាយទៀតថា សុខភាពរបស់គាត់បានធ្លាក់ចុះពិតមែន ដោយជារឿយៗមានការឈឺចាប់នៅជង្គង់ កជើង និងស្មានៅពេលអង្គុយយូរ។ តែគាត់បានបញ្ជាក់ថា គាត់នៅតែខិតខំប្រឹងប្រែងចំពោះការងារ ដោយនិយាយលេងសើចថា រាល់ពេលដែលអ្នកដឹកនាំរឿងហៅថាតួ Action ការឈឺចាប់ទាំងអស់ត្រូវបានបំភ្លេចចោលទាំងស្រុង។

លោក Jackie Chan បានបង្ហាញថា គាត់ត្រូវប្រើកៅអៀកបំបាត់ការឈឺចាប់ជារៀងរាល់យប់ ដើម្បីបំបាត់ការឈឺចាប់ ជួនកាលរហូតដល់រលាកស្បែក ប៉ុន្តែគាត់នៅតែរក្សាស្មារតីសុទិដ្ឋិនិយម។ គាត់ជឿជាក់ថា ការចាស់ទៅក៏ជាប្រភេទនៃសុភមង្គលមួយដែរ ហើយចង់បន្តពិសោធន៍ជាមួយតួនាទីថ្មីៗជាច្រើន ដើម្បីកុំឲ្យទស្សនិកជនមើលឃើញគាត់ត្រឹមតែជាតារាសម្តែងា Action នោះទេ។

ការចែករំលែកទាំងនេះបានទាក់ទាញចំណាប់អារម្មណ៍ ជាពិសេសបន្ទាប់ពីវីដេអូនៅពីក្រោយឆាកបានរីករាលដាលយ៉ាងខ្លាំង ដែលបង្ហាញពីគាត់កំពុងតែទ្រុឌទ្រោម ដែលធ្វើឲ្យអ្នកគាំទ្រព្រួយបារម្ភអំពីសុខភាព។ ពីមុនឈិនឡុង ក៏បាននិយាយពន្យល់អំពីរូបថតសក់ពណ៌និងពុកចង្ការពណ៌ស ដែលបានរីករាលដាលយ៉ាងខ្លាំងកាលពីឆ្នាំមុន ដោយនិយាយថា វាគ្រាន់តែជាការថតរូបសម្រាប់គម្រោងភាពយន្តថ្មីមួយប៉ុណ្ណោះ។

ក្នុងរយៈពេលប៉ុន្មានឆ្នាំចុងក្រោយនេះ ឈិនឡុង បានបង្ហាញពីបំណងប្រាថ្នាក្នុងការគេចចេញពីរូបភាពតួសម្ដែងក្បាច់គុនដែលទស្សនិកធ្លាប់ស្គាល់កន្លងមក ដើម្បីផ្លាស់ប្តូរទៅតួនាទីដែលដក់ជាប់ក្នុងជម្រៅអារម្មណ៍របស់ទស្សនិកជនជនកាន់តែច្រើន។ ទោះបីជាស្នាដៃថ្មីៗមួយចំនួន មិនទទួលបានមតិប្រតិកម្មវិជ្ជមានពីសាធារណជនក៏ដោយ ឥទ្ធិពលរបស់គាត់នៅតែធំធេង។ ភស្តុតាងគឺថា ព័ត៌មានអំពីខ្សែភាពយន្តថ្មីរបស់គាត់នៅតែឡើងដល់កំពូលនៃការស្វែងរកដ៏ក្តៅគគុកនៅលើ Weibo ដែលបង្ហាញថា តំណែងតារាប្រុសជើងចាស់គឺមិនបានថយចុះនោះទេ។

ដោយឡែក យោងតាមប្រព័ន្ធផ្សព្វផ្សាយចិនបានផ្សាយថា ជារឿយៗតារាសម្ដែងវ័យ៧១ឆ្នាំ តែងតែក្លាយជាគោលដៅនៃព័ត៌មានមិនពិតអស់រយៈពេលជាច្រើនឆ្នាំមកហើយ។ ចាប់តាំងពីឆ្នាំ ២០១៥ មក ពាក្យចចាមអារ៉ាមជាច្រើនអំពីជំងឺធ្ងន់ធ្ងរ សុខភាពមិនល្អ ឬការស្លាប់បានលេចឡើង រួមជាមួយនឹងការប្រើប្រាស់រូបភាពបំភាន់ ឥឡូវនេះត្រូវបានជំនួសដោយរូបភាព AI ដើម្បីបង្កើនភាពជឿជាក់កាន់តែទ្វេរដង៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

សេពគប់ជិត ១០ ឆ្នាំ Shin Mina និង Kim Woo-bin ប្រកាសចំណងអាពាហ៍ពិពាហ៍រួមគ្នា

The post ពាក្យ​ចចាមអារ៉ាម​ថា ឈិនឡុង ទទួលមរណភាព គឺមិនពិតឡើយ appeared first on Kampuchea Thmey Daily.

យ៉ាងណាក៏ដោយ គេដឹងថាទារកទើបនឹងកើត ជាធម្មតាមានទម្ងន់ត្រឹមតែ ៣-៤ គីឡូក្រាមប៉ុណ្ណោះ ដូច្នេះហើយ ពេលដែលកើតមកភ្លាម Jackie Chan បានក្លាយជាបាតុភូតមួយ ទទួលបានការចាប់អារម្មណ៍ខ្លាំងពីមហាជន។ គាត់ថែមទាំងត្រូវបានគេផ្តល់ងារជា ទារកទម្ងន់ធ្ងន់ថែមទៀតផង ។ រឿងរ៉ាវមួយនេះ បានធ្វើឲ្យអ្នកលេងអ៊ីនធឺណិតរំភើបចិត្តជាខ្លាំង និងចំអកថា Jackie Chan កើតមកមានកម្លាំងតាំងពីតូច មិនឆ្ងល់ទេថា គាត់អាចក្លាយជាស្តេចនៃពិភពកម្សាន្តនោះ។

មនុស្សជាច្រើនជឿថា ដោយសារតែរូបរាងកាយដ៏រឹងមាំរបស់គាត់តាំងពីកើតមក ទើបអាចបង្កើតកេរ្តិ៍ឈ្មោះខ្លួនឯងក្នុងវិស័យភាពយន្តបែប Action មិនត្រឹមតែល្បីក្នុងប្រទេសដែលមានមនុស្សរាប់កោដិនាក់ប៉ុណ្ណោះទេ ថែមទាំងបានកក្រើកទីផ្សារអន្តរជាតិទៀតផង។

តារាសម្ដែងវ័យ៧១ឆ្នាំរូបនេះ គឺជាតារាក្បាច់គុនដ៏ល្បីលើពិភពលោក។ គាត់បានបន្សល់ទុកនូវស្នាដៃរបស់គាត់តាមរយៈខ្សែភាពយន្តល្បីៗជាច្រើនដូចជា 12 Zodiacs, Dragon Horse Spirit, Drunken Master, Escape Spectacular។ បន្ទាប់ពីអាជីពជាច្រើនឆ្នាំមក Jackie Chan តែងតែរក្សាតំណែងរបស់គាត់ជាតារាជួរមុខនៅក្នុងឧស្សាហកម្មកម្សាន្តចិន ដែលធ្វើឲ្យមនុស្សជាច្រើនកោតសរសើរគាត់។

ជាការពិតណាស់ ដើម្បីសម្រេចបាននូវភាពជោគជ័យដែលលោកមានសព្វថ្ងៃនេះ លោកត្រូវឆ្លងកាត់ការលំបាករាប់មិនអស់ ដោយប្រថុយជីវិតដើម្បីសម្តែងឈុតឆាកដ៏លំបាករហូតដល់ត្រូវបានក្រុមហ៊ុនធានារ៉ាប់រងដាក់ក្នុងបញ្ជីខ្មៅ។

ទោះជាយ៉ាងណាក៏ដោយ ជីវិតផ្ទាល់ខ្លួនរបស់ តួចិនរូបនេះបានបង្កភាពចម្រូងចម្រាសជាច្រើនជាមួយនឹងអតីតកាលរបស់គាត់ដែលចំណាយច្រើនហួសហេតុ និងជានារីដែលពិបាកនឹងស្រលាញ់។ រឿងអាស្រូវដ៏ធំបំផុតក្នុងជីវិតរបស់ Jackie Chan គឺការមានទំនាក់ទំនងស្នេហានៅពីក្រោយខ្នងរបស់ភរិយា Joan Lin បន្ទាប់មកបានបោះបង់គូស្នេហ៍ Elaine Ng Yi-Lei ខណៈពេលដែលនាងមានផ្ទៃពោះ ហើយបដិសេធមិនទទួលយកកូនស្រីរបស់ពួកគេឈ្មោះEtta Ng Chok Lam ដែលបណ្តាលឲ្យនាងរស់នៅយ៉ាងអនាធិបតេយ្យក្នុងស្ថានភាពលំបាក។

មិនត្រឹមតែប៉ុណ្ណោះ រូបភាពរបស់ស្ដេចកុងហ្វូរបស់ពិភពកម្សាន្ត ក៏កាន់តែយ៉ាប់យ៉ឺនក្នុងក្រសែភ្នែកទស្សនិកជន នៅពេលដែលលោកជាប់ពាក់ព័ន្ធរឿងអាស្រូវសប្បុរសធម៌មិនច្បាស់លាស់ ភាពចម្រូងចម្រាសលើជីវិត ការផ្សាយពាណិជ្ជកម្មផលិតផលគ្មានគុណភាព និងរឿងអាស្រូវខ្មៅដ៏គួរឲ្យរំខានជាច្រើនទៀត៕

អត្ថបទ៖ សាង ស្រីល័ក្ខ

ចុចអាន៖ស្រ្តីចិនជាម្ដាយស្រែកយំ ក្រោយកូនមានមុខអាក្រក់ តែធំឡើងបែក្លាយជាប្រុសសង្ហាទៅវិញ

The post ឈិនឡុង ធ្លាប់បំបែកកំណត់ត្រា ជាទារកមានទម្ងន់ ៦គីឡូក្រាម appeared first on Kampuchea Thmey Daily.

សារព័ត៌មានចិន QQ កាលពីថ្ងៃទី ៣០ខែមេសា បានចុះ​ផ្សាយ​ថា រឿងរ៉ាវទាំងនេះបានកើតឡើង បន្ទាប់ពីស្រ្តីវ័យ២៤ ឆ្នាំបានចុះឈ្មោះជនគ្មានផ្ទះសម្បែងនៅប្រទេសកាណាដា និងរស់នៅទីនោះអស់រយៈពេលជាង ៤០០ថ្ងៃ ។ ​ទោះ​ជាបែប​ណា នាង​ត្រូវគេចំណាំបានថាជាកូនស្រី​របស់​តារាក្បាច់គុនចិន នៅពេលដែលបានដករបាំងមុខកំឡុងពេលផ្ទៀងផ្ទាត់អត្តសញ្ញាណជនសម្រាប់ជនគ្មានទីជម្រក។

នាង Etta ត្រូវបានគេរាយការណ៍ថា បានផ្លាស់ទៅប្រទេសកាណាដា ក្រោមកម្មវិធីសិទ្ធិជ្រកកោនសម្រាប់បុគ្គល LGBTQ+​ (មនុស្សស្រលាញ់ភេទដូចគ្នា)។ នាងមិនមានការងារមានស្ថិរភាពទេ ម្តងម្កាលធ្វើការក្រៅម៉ោងនៅភោជនីយដ្ឋាន ហើយមានទំនាក់ទំនងសង្គមមានកម្រិតបំផុត។ ជាពិសេស កូនស្រីឈិនឡុងក៏លេចឮនូវព័ត៌មានថា បាន​បញ្ចប់​ទំនាក់ទំនង​ជាមួយ​ដៃគូស្រលាញ់ភេទដូចគ្នាគឺនាង Andy ហើយក៏កាត់​កាលជាមួយ​ម្តាយបង្កើតនាង ដោយ​គ្មាន​គម្រោង​​ត្រឡប់​ទៅ​ហុងកុង​វិញ​​ទេ​​។

នាងត្រូវបានចិញ្ចឹមបីបាច់ដោយម្ដាយជាបវរកញ្ញា បន្ទាប់ពីគាត់បានកាត់ផ្ដាច់ចំណង​ទំនាក់​ទំនង​​ជាមួយឈិនឡុង ហើយចិញ្ចឹមបីបាច់កូនឲ្យមានភាពរឹងប៉ឹង និងឯកោបំផុត។ លើសពីនេះ ម្ដាយនាង​តែងតែបានអនុវត្តវិន័យយ៉ាងតឹងរ៉ឹង រួមទាំងការ​បង្ខំឲ្យកូនស្រីលុតជង្គង់ និងការដាក់ទណ្ឌកម្មរាងកាយដោយគ្មានហេតុផលច្បាស់លាស់ថែមទៀត។

ចំណែកឯកូនស្រី នាង Etta ក៏ប្រឈមមុខនឹងការបៀតបៀននៅសាលា និងការមាក់ងាយ​ពី​សង្គម ដោយសារមានឈ្មោះ​ថា ជាកូនក្រៅខោ។ ក្នុងវ័យជំទង់ នាងបានចាប់ផ្តើមបះបោរ និងចោទប្រកាន់ម្តាយពីបទបំពានរាងកាយ ដោយបានទាក់ទងអាជ្ញាធរសុំប្ដឹង២ឬ៣ដង។ នៅពេលមួយ នាងត្រូវបានគេរាយការណ៍ថា បានធ្វើបាបខ្លួនឯង ដោយអារកដៃខ្លួនឯងទៀត។

ទោះជាយ៉ាងណាក៏ដោយ ស្ថានភាពរបស់ Etta បានជំរុញឲ្យមានការពិភាក្សាយ៉ាងទូលំទូលាយនៅលើអ៊ីនធឺណិត។ មនុស្សជាច្រើនបានរិះគន់បវរកញ្ញា Elaine ដែល​ជាម្តាយ ចំពោះការមានកូនដែលនាងមិនទាន់ត្រៀមខ្លួនដើម្បីចិញ្ចឹម ខណៈដែលអ្នកផ្សេងទៀតបានថ្កោលទោសឈិនឡុង ចំពោះការបដិសេធមិនទទួលស្គាល់កូនស្រីបង្កើត។ ការ​ប្រតិកម្ម​នេះ​បាន​ពង្រីក​ហួស​ពី​ចិន​ដីគោក និង​ហុងកុង ដោយ​ទាញ​ការ​ពិនិត្យ​ពិច័យ​ពី​អន្តរជាតិ។

បវរកញ្ញា Elaine ទទួលបានភាពល្បីល្បាញបន្ទាប់ពីបានឈ្នះបវរកញ្ញាអាស៊ីក្នុងឆ្នាំ ១៩៩០ នៅអាយុ១៧ឆ្នាំ។ នាងបានបន្តសម្តែងក្នុងខ្សែភាពយន្តហុងកុងជាច្រើនរឿង រួមទាំងរឿង «King of Killers, Two Rooms One Wife» ជាដើម។ រាជិនីសម្រស់បានតស៊ូចិញ្ចឹមកូនស្រីក្នុងនាមជាម្តាយទោលមួយរូប ទោះបីជាប្រឈមមុខនឹងការតស៊ូផ្នែក​ហិរញ្ញវត្ថុ និងការត្រួតពិនិត្យជាសាធារណៈក៏ដោយ។ ឥឡូវនេះ នាងរស់នៅតែម្នាក់ឯងក្នុងទីក្រុងហុងកុង បន្ទាប់ពីការចាកចេញរបស់កូនស្រីទៅកាន់ទឹកដីកាណាដា៕

អត្ថបទ៖ សាង ស្រីល័ក្ខ

ចុចអាន៖​ទើបផ្ទុះ​ល្បីថា​ ឈិន ឡុង ​មានកូនម្នាក់ទៀតជាមួយប្រពន្ធ​មុន ប៉ុន្តែ​រក្សា​អាថ៌កំបាំង​នេះ​អស់៣០ឆ្នាំ

The post កូនស្រី​ក្រៅខោ ឈិនឡុង ​បង្ហាញ​ការឈឺចាប់ ដោយសារ​ម្ដាយ​ធ្វើ​បាប​ និង​បែកបាក់​ស្នេហា appeared first on Kampuchea Thmey Daily.

ការ​ជជែក​​​ដេញដោលបានលេចឡើងនៅលើបណ្តាញ​សង្គម​​​ «Weibo»​ របស់ចិន កាលពីរសៀលថ្ងៃចន្ទ ដោយក្លាយជាប្រធានបទមួយក្នុងចំណោមប្រធានបទដែលបានពិភាក្សាច្រើនបំផុតរបស់ថ្នាលបច្ចេកវិទ្យា​នេះ ដោយមានអ្នកចូលមើលជាង៣លានដង និងមាន​ការ​បញ្ចេញ​មតិរាប់សែន​ឯណោះ​។

ពាក្យចចាមអារ៉ាម​នោះ​ បានចុះផ្សាយថា ជាច្រើនឆ្នាំមុន Lu Hsiu Ling និង Jackie Chan មានកូនប្រុសម្នាក់ជាមួយគ្នា។ ប៉ុន្តែ តារាប្រុស​​រូប​នោះ​បានរៀបការជាមួយតារាសម្ដែងតៃវ៉ាន់គឺនាង Joan Lin នៅពេលនោះ ទើបអ្នកទាំងពីរ​លួច​រក្សាទំនាក់ទំនង និងកូនរបស់ពួកគេជាអាថ៌កំបាំងអស់រយៈពេលជាង ៣០ឆ្នាំ។ ​ទោះបី​ជា​បែប​ណា អតីតគូស្នេហ៍នេះ ​រក្សា​ភាព​​ស្ងប់​ស្ងាត់​មិនបានធ្វើអត្ថាធិប្បាយជាសាធារណៈ ជុំវិញការចោទប្រកាន់ដែលកំពុងតែលេចឡើងនោះទេ។

​តារា​​​ភាពយន្ត​ «ឈិនឡុង»​ បានរៀបការជាមួយ Joan Lin ក្នុងឆ្នាំ ១៩៨២ ហើយប្តីប្រពន្ធនេះមានកូនប្រុសតែម្នាក់គត់ឈ្មោះ Jaycee Chan ។ លោក​ក៏​មាន​កូន​ស្រី​មិន​ផ្លូវការ ជាមួយ​នឹង​តារា​សម្ដែង​ហុងកុង Elaine Ng ដែល​បាន​គ្រង​មកុដ​បវរកញ្ញា​អាស៊ី​ឆ្នាំ ១៩៩០។ ប៉ុន្តែកូនស្រីក្រៅខោនោះ លោកពុំទទួលស្គាល់នាងឡើយ និងបានកាត់កាលចោលដោយ​ពុំដែលអើពើ ឬបន្សល់ទុកមរតកឲ្យនាងសូម្បីតែបន្តិចណា។

ឈិនឡុង គឺជាតារាសម្ដែងជើងចាស់ដែលបច្ចប្បន្ននេះឈានចូលវ័យ៧១ឆ្នាំហើយ លោកត្រូវបានគេចាត់ទុកថា ជាតារាក្បាច់គុនដ៏ល្បីម្នាក់ក្នុងប្រវត្តិសាស្ត្រភាពយន្តហុងកុង-ចិន។

ក្នុង​អាជីព​ជាង​ប្រាំមួយ​ទសវត្សរ៍​មកនេះ តួកុនរូបនេះបាន​បង្ហាញ​ខ្លួន​ក្នុង​ភាពយន្ត​ក្នុង​និង​ក្រៅ​ប្រទេស​ជាង ១៥០។ មិនតែប៉ុណ្ណោះ លោកក៏ទទួលបានការទទួលស្គាល់យ៉ាងទូលំទូលាយ ជាមួយនឹងតួនាទីឈានមុខគេ នៅក្នុងរឿងកំប្លែងបែបកំប្លែងកុងហ្វូ «Snake in the Eagle’s Shadow» នាឆ្នាំ ១៩៧៨ អមដោយខ្សែភាពយន្តសកម្មភាពស្រដៀងគ្នានោះ បានពង្រឹងកិត្តិនាមរបស់តារាប្រុសកាន់តែឈានទៅមុខមួយកម្រិតថែមទៀត។ ក្រោយមក ឈិនឡុងទទួលបានភាពល្បីល្បាញជាអន្តរជាតិ សម្រាការសម្ដែងនៅក្នុងរឿង «Rush Hour« ដែលជាខ្សែភាពយន្តបែបកំប្លែងអាមេរិក៕

អត្ថបទ៖ សាង ស្រីល័ក្ខ

ចុចអាន៖​អ្នក​គ្រូបង្រៀនចិនម្នាក់ ក្លាយជាបុគ្គលល្បីមិនដឹងខ្លួន ព្រោះ​មុខមាត់​ស្រដៀង​​ Liu Yifei ពេក​

The post ​ទើបផ្ទុះ​ល្បីថា​ ឈិន ឡុង ​មានកូនម្នាក់ទៀតជាមួយប្រពន្ធ​មុន ប៉ុន្តែ​រក្សា​អាថ៌កំបាំង​នេះ​អស់៣០ឆ្នាំ appeared first on Kampuchea Thmey Daily.

ស្ថិតនៅក្នុងចំណោម​ការ​ផ្សាយ​​ពាណិជ្ជកម្ម​ឲ្យ​​​​​ផលិត​ផល​​​​ទាំងនោះ ឧប្បត្តិហេតុ​មួយ​ដែលតារារូបនេះក្លាយជាតំណាងឲ្យយីហោ​​សាប៊ូកក់សក់ដែលលក់ផលិតផល​មានផ្ទុកសារជាតិបង្កមហារីក ត្រូវបានចាត់ទុកថា ជា​​ស្នាម​ប្រឡាក់​ ដែលមិនអាច​លាង​ជម្រះបានក្នុងអាជីពដ៏រុងរឿងរបស់តារា​​ស្តេច​ក្បាច់​គុន​កុងហ្វូ​រូប​នេះ​។​​

ត្រលប់ទៅកាន់នៅក្នុងឆ្នាំ ២០០៨ ​ លោក Jackie បានជួបបញ្ហានៅពេលដែលផលិតផលនំប៉ាវដែលគាត់តំណាងត្រូវបានគេរកឃើញថា មិនមានសុវត្ថិភាពសម្រាប់អនាម័យចំណីអាហារ។ តាមរយៈការធ្វើតេស្តដោយចៃដន្យ ផលិតផលរបស់ម៉ាកនេះ​រកឃើញថា មានផ្ទុកបាក់តេរី Staphylococcus aureus យ៉ាងច្រើន ដែលបង្ខំឲ្យអាជ្ញាធរសុខាភិបាលចេញការប្រមូលជាបន្ទាន់ទូទាំងប្រទេស។ មេរោគ Staphylococcus aureus គឺជាភ្នាក់ងារបង្ករោគ នៃការឆ្លងមេរោគ​​លើ​មនុស្ស ដូចជា រលាកសួត រលាកពោះវៀនធំ រលាកស្រោមបេះដូង ​និង​​ រលាកស្រោមខួរ ជាដើម។

ក្រោយមកក្នុងឆ្នាំ២០០៧ តារាចិន​​វ័យ៧១ឆ្នាំរូប​​នេះ​ បានយល់ព្រមធ្វើជាតំណាងឲ្យម៉ាកថែរក្សាសក់ Bawang នៃក្រុមហ៊ុន Royal Wind Group ​ដោយ​គាត់បានថតវីដេអូជាច្រើន​សម្រាប់​ផ្សាយពាណិជ្ជកម្ម និងថែមទាំងសរសេរអត្ថបទអំពី​ការប្រើប្រាស់ផលិតផលដើម្បីការពារការជ្រុះសក់ក្នុងវ័យកណ្តាលរបស់គាត់​ថែមទៀតផង។ ការចូលរួមដោយផ្ទាល់របស់តួលំដាប់​ពិភពលោក​នេះ នៅក្នុងយុទ្ធនាការផ្សាយពាណិជ្ជកម្មធំៗ និងតូច ក៏ដូចជាបទពិសោធន៍របស់គាត់ជាមួយផលិតផល បានធ្វើឲ្យអ្នកប្រើប្រាស់រាប់លាននាក់ជឿជាក់ និងទិញប្រើប្រាស់យ៉ាងគគ្រឹកគគ្រេង។

មិនយូរប៉ុន្មាន នៅក្នុងឆ្នាំ២០១០ ទស្សនាវដ្តី Next របស់ហុងកុង បានចេញផ្សាយលទ្ធផលតេស្តដែលបង្ហាញថាផលិត​ផលសាប៊ូកក់សក់ Bawang រួមទាំងប្រេងប្រឆាំងនឹងការជ្រុះសក់ និងផលិតផលថែរក្សាសក់មួយចំនួនផ្សេងទៀតរបស់ Royal Wind Group មានផ្ទុកសារធាតុឌីអុកស៊ីត១,៤ ដែលជាសមាសធាតុចាត់ថ្នាក់ដោយទីភ្នាក់ងារការពារបរិស្ថានសហរដ្ឋអាមេរិក (EPA) ជាសារធាតុបង្កមហារីកដល់មនុស្ស។ ព័ត៌មាន​នេះ​បាន​ធ្វើ​ឲ្យ​មនុស្ស​ភ្ញាក់​ផ្អើល​យ៉ាង​ឆាប់​រហ័ស និង​បង្កើន​ការ​ព្រួយ​បារម្ភ​អំពី​សុវត្ថិភាព​ផលិតផល។

ក្នុងនាមជាទូត (BA) នៃម៉ាកយីហោ Bawang តារាសម្ដែងចិនបានក្លាយជាចំណុចសំខាន់នៃការ​វាយ​ប្រហារ និង រិះគន់​ចំពោះភាពលោភលន់ ធ្វើបាបមនុស្ស ការផ្សាយពាណិជ្ជកម្មមិនពិត និងការមិនអើពើនឹងគុណភាពផលិតផលដើម្បីតែ​ទទួលបាន​កម្រៃ​និង​ប្រាក់​ចំណូល​​​ខ្ពស់។ បន្ទាប់ពីត្រូវបានមហាជនរិះគន់អស់រយៈពេលជាយូរមក លោកបានបដិសេធរាល់ការចោទប្រកាន់ ហើយនិយាយថា មាននរណាម្នាក់មានបំណងចង់ធ្វើបាបលោក និងផលិតផល Bawang​។ តារា​ប្រុសរូប​នេះ​ថែមទាំង​បញ្ជាក់​ថា លោក និង​សហការី​តែង​តែ​ប្រុង​ប្រយ័ត្ន​ក្នុង​ការ​ជ្រើសរើស​ផលិតផល​មក​ផ្សព្វផ្សាយ។

ទោះបីជាគាត់មិនប្តឹង ឬពិន័យក៏ដោយ ក៏រូបភាពរបស់ឈិនឡុងបានប៉ះពាល់យ៉ាងខ្លាំង ហើយកេរ្តិ៍ឈ្មោះក៏ស្រាប់តែធ្លាក់ចុះយ៉ាងធ្ងន់ធ្ងរ ដោយសារតែរឿងអាស្រូវ។  រហូតមកដល់ពេលនេះ ព្រឹត្តិការណ៍ផ្សាយពាណិជ្ជកម្មសាប៊ូកក់សក់ដែលមាន​សារធាតុបង្កមហារីក នៅតែជាកេរ្តិ៍ឈ្មោះមិនល្អនៅក្នុងអាជីពរបស់តារាជើងចាស់ដដែល។

ថ្វីដ្បិតតែនៅក្នុងវិស័យសិល្បៈរបស់ចិន លោក Jackie Chan ត្រូវគេសរសើរថាជាតារាប្រុសនាំមុខនូវប្រាក់ចំណូលយ៉ាង​ច្រើនដល់ស្នាដៃដែលគាត់បានសម្តែង។ យ៉ាង​ណា​មិញ សម្រាប់​ពិភព​ផ្សាយ​ពាណិជ្ជកម្ម តារា​សម្ដែង​​ត្រូវ​បាន​គេ​ចាត់​ទុក​ថា ​ជាគ្រោះមហន្តរាយទៅវិញ ដោយសារតែ ភាគច្រើននៃម៉ាកយីហោ ដែលតួក្បាច់​គុនតំណាង​ តែងតែមានបញ្ហាតាំងពីការគ្រប់គ្រងរហូតដល់គុណភាពផលិតផល។ ដូច្នេះបន្ទាប់ពីប្រតិបត្តិការរយៈពេលខ្លី ម៉ាកយីហោភាគច្រើនបាន​ជាប់ពាក់ព័ន្ធក្នុងរឿងអាស្រូវដ៏គួរឲ្យតក់ស្លុត ហើយខ្លះថែមទាំងត្រូវបានលុបចោលជាអចិន្ត្រៃយ៍ ឬក៏ប្រកាសក្ស័យធន៕

អត្ថបទ៖ សាង ស្រីល័ក្ខ

ចុចអាន៖​សញ្ជាតិអាមេរិក​របស់​តារា​​ស្រីចិន​ដ៏​ឆ្នើម​ Liu Yifei ក្លា​យ​ជាផ្ទាំង​ស៊ីប ​ក្នុង​ជម្លោះ​​ពន្ធ​អាមេរិកនិងចិន ​

The post កេរ្តិ៍ឈ្មោះ ឈិនឡុង ពិបាកស្រោចស្រង់មកវិញ ក្រោយ​ផ្សាយផលិតផលច្រើន​ប្រភេទប៉ះពាល់សុខភាព​មហាជន​ appeared first on Kampuchea Thmey Daily.

ភាពយន្តនេះដែរ បាននិយាយអំពីនិកាយធំៗពីរនៅក្នុងពិភពសិល្បៈក្បាច់គុនគឺ ពស់ និងក្រញ៉ាំឥន្ទ្រី ដោយបង្ហាញពីតួអង្គជាបុរសក្រីក្រម្នាក់ឈ្មោះថា Chien Fu (សម្តែងដោយ Jackie Chan) ដោយចៃដន្យបានជួយសង្គ្រោះមនុស្សរបស់និកាយពស់ នៅពេលគាត់រងរបួស ហើយត្រូវបានបង្រៀនក្បាច់គុនដោយគាត់ឲ្យចេះការពារខ្លួននៅពេលត្រូវគេសម្លុត។ និកាយពស់ត្រូវបានបង្កើតឡើងដោយផ្អែកលើលក្ខណៈរបស់សត្វពស់ ជាមួយនឹងបច្ចេកទេសវាយប្រហារ និងការគេចចេញយ៉ាងរហ័ស និងច្បាស់លាស់។

យោងទៅតាម HK01 បន្ទាប់ពីភាពយន្តនេះចេញផ្សាយ ​វាទទួលបានត្រូវបានការវាយតម្លៃដោយអ្នកជំនាញថា មានការរចនាបែបប្រលោមលោក និងសកម្មភាពប្លែកៗ ដែលជាតួសម្តែងដែលបង្ហាញពីសិល្បៈក្បាច់គុនពិតប្រាកដ និងការជួយតិចតួចប៉ុណ្ណោះពីក្រុមការងារ។ ជាពិសេស​ ឈិន ឡុង បានរបួស​ដៃ និង​បាក់​​ធ្មេញដោយ​សារ​ឈុត​ក្បាច់​គុនមួយនេះ។

បន្ទាប់ពី «Snake in the Eagle’s Shadow»​ លោក Yuen Woo-ping និងក្រុមការងារ បានបន្តជាមួយនឹងរឿង Drunken Master ដែលជាជោគជ័យដ៏ធំធេងដែលនាំឈ្មោះរបស់របស់តួចិន ទៅកាន់សហគមន៍អន្តរជាតិ។ ក្រោយមក ភាពយន្តទាំង២នោះ បានបំផុសគំនិតសិល្បករជប៉ុន Akira Toriyama ឲ្យបង្កើតក្បាច់ Dragon Ball ឡើងមក ហើយអ្នកទាំងពីរបានកោតសរសើរចំពោះទេពកោសល្យរបស់គ្នាទៅវិញទៅមក។

យ៉ាងណាមិញ The Snake ត្រូវបានចាត់ទុកថាជាចំណុចរបត់មួយក្នុងអាជីពរបស់ Jackie Chan ដែលជួយឲ្យតារាសម្ដែងរូបនេះរួចផុតពីឈ្មោះហៅក្រៅថា Box office ។ បីឆ្នាំមុន ឈិន ឡុង ត្រូវបានផលិតករ Law Duy តំឡើងតំណែងដោយសម្តែងក្នុងភាពយន្តជិត ១០ ប៉ុន្តែម្តងៗមិនបានសម្រេចសូម្បីតែមួយ។ ក្នុងអំឡុងពេលនោះ តារាសម្តែងភាគច្រើនយកតម្រាប់តាមរចនាប័ទ្មប្រយុទ្ធរបស់លោក Bruce Lee ឬ លី ស៊ីវឡុង ដោយមិនអាចបង្កើតសញ្ញផ្ទាល់ខ្លួនឬភាពខ្លួជាខ្លួនឯងបានទេ។

Jackie Chan បានសិក្សាក្បាច់គុន និងសម្ដែងតាំងពីគាត់អាយុប្រាំពីរឆ្នាំ ហើយបានធ្វើការជាតួជំនួសតាំងតែពីវ័យក្មេង។ គាត់គឺជាតារាសម្តែងជនជាតិចិនដ៏កម្រម្នាក់ ដែលបានទទួលជោគជ័យក្នុងហូលីវូដ ដោយសារស្នាដៃភាពយន្តល្បីៗ ដូចជារឿង Rush Hour, The Bronx ភាពយន្តរបស់លោក ត្រូវបានអ្នកជំនាញវាយតម្លៃខ្ពស់ចំពោះធាតុផ្សំសកម្មភាព កំប្លែង ក្បាច់គុនជាក់ស្តែង ឈុតឆាករន្ធត់និងស្ដែងៗ។ ក្នុងឆ្នាំ ២០១៦ ​ឈិន ឡុង បានទទួលពានរង្វាន់ Oscar for Lifetime Achievement ៕

អត្ថបទ៖ សាង ស្រីល័ក្ខ

ចុចអាន៖Zhao Lusi ត្រូវគេរិះគន់ជាថ្មីថា ទាញចំណាប់អារម្មណ៍ពេក មិនគិតព្យាបាលជំងឺឲ្យជាសិន

The post ក្បាច់គុន «ឥន្ទ្រីពស់» ជាចំណុចរបត់មួយ នាំ ឈិនឡុង ឲ្យក្លាយជាតារាពិភពលោក appeared first on Kampuchea Thmey Daily.