ជីវិតកម្សាន្ដ

ទើបផ្ទុះល្បីថា ឈិន ឡុង មានកូនម្នាក់ទៀតជាមួយប្រពន្ធមុន ប៉ុន្តែរក្សាអាថ៌កំបាំងនេះអស់៣០ឆ្នាំ

បានផុស

១ year មុន

នៅ

ថ្ងៃពុធ ៣០ មេសា ២០២៥

ដោយ

តារាសម្តែងប្រកបដោយទេពកោសល្យហុងកុង លោក Jackie Chan ឬទស្សនិកជនស្គាល់ថា «ឈិនឡុង» កំពុងប្រឈមនឹងពាក្យចចាមអារ៉ាមថ្មីមួយទៀត ដែលថា លោកបានលួចលាក់មានកូនប្រុសម្នាក់ទៀតជាមួយតារាសម្តែងតៃវ៉ាន់ នាង Lu Hsiu Ling ដែលជាអតីតភរិយា។ ប៉ុន្តែបានរក្សាទុកជាអាថ៌កំបាំងអស់រយៈពេលជាង៣០ឆ្នាំ មុនពេលទៅរៀបការជាមួយភរិយាថ្មីម្នាក់ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការជជែកដេញដោលបានលេចឡើងនៅលើបណ្តាញសង្គម «Weibo» របស់ចិន កាលពីរសៀលថ្ងៃចន្ទ ដោយក្លាយជាប្រធានបទមួយក្នុងចំណោមប្រធានបទដែលបានពិភាក្សាច្រើនបំផុតរបស់ថ្នាលបច្ចេកវិទ្យានេះ ដោយមានអ្នកចូលមើលជាង៣លានដង និងមានការបញ្ចេញមតិរាប់សែនឯណោះ។

ពាក្យចចាមអារ៉ាមនោះ បានចុះផ្សាយថា ជាច្រើនឆ្នាំមុន Lu Hsiu Ling និង Jackie Chan មានកូនប្រុសម្នាក់ជាមួយគ្នា។ ប៉ុន្តែ តារាប្រុសរូបនោះបានរៀបការជាមួយតារាសម្ដែងតៃវ៉ាន់គឺនាង Joan Lin នៅពេលនោះ ទើបអ្នកទាំងពីរលួចរក្សាទំនាក់ទំនង និងកូនរបស់ពួកគេជាអាថ៌កំបាំងអស់រយៈពេលជាង ៣០ឆ្នាំ។ ទោះបីជាបែបណា អតីតគូស្នេហ៍នេះ រក្សាភាពស្ងប់ស្ងាត់មិនបានធ្វើអត្ថាធិប្បាយជាសាធារណៈ ជុំវិញការចោទប្រកាន់ដែលកំពុងតែលេចឡើងនោះទេ។

តារាភាពយន្ត «ឈិនឡុង» បានរៀបការជាមួយ Joan Lin ក្នុងឆ្នាំ ១៩៨២ ហើយប្តីប្រពន្ធនេះមានកូនប្រុសតែម្នាក់គត់ឈ្មោះ Jaycee Chan ។ លោកក៏មានកូនស្រីមិនផ្លូវការ ជាមួយនឹងតារាសម្ដែងហុងកុង Elaine Ng ដែលបានគ្រងមកុដបវរកញ្ញាអាស៊ីឆ្នាំ ១៩៩០។ ប៉ុន្តែកូនស្រីក្រៅខោនោះ លោកពុំទទួលស្គាល់នាងឡើយ និងបានកាត់កាលចោលដោយពុំដែលអើពើ ឬបន្សល់ទុកមរតកឲ្យនាងសូម្បីតែបន្តិចណា។

ឈិនឡុង គឺជាតារាសម្ដែងជើងចាស់ដែលបច្ចប្បន្ននេះឈានចូលវ័យ៧១ឆ្នាំហើយ លោកត្រូវបានគេចាត់ទុកថា ជាតារាក្បាច់គុនដ៏ល្បីម្នាក់ក្នុងប្រវត្តិសាស្ត្រភាពយន្តហុងកុង-ចិន។

ក្នុងអាជីពជាងប្រាំមួយទសវត្សរ៍មកនេះ តួកុនរូបនេះបានបង្ហាញខ្លួនក្នុងភាពយន្តក្នុងនិងក្រៅប្រទេសជាង ១៥០។ មិនតែប៉ុណ្ណោះ លោកក៏ទទួលបានការទទួលស្គាល់យ៉ាងទូលំទូលាយ ជាមួយនឹងតួនាទីឈានមុខគេ នៅក្នុងរឿងកំប្លែងបែបកំប្លែងកុងហ្វូ «Snake in the Eagle’s Shadow» នាឆ្នាំ ១៩៧៨ អមដោយខ្សែភាពយន្តសកម្មភាពស្រដៀងគ្នានោះ បានពង្រឹងកិត្តិនាមរបស់តារាប្រុសកាន់តែឈានទៅមុខមួយកម្រិតថែមទៀត។ ក្រោយមក ឈិនឡុងទទួលបានភាពល្បីល្បាញជាអន្តរជាតិ សម្រាការសម្ដែងនៅក្នុងរឿង «Rush Hour« ដែលជាខ្សែភាពយន្តបែបកំប្លែងអាមេរិក៕