ចរាចរណ៍

បុរសម្នាក់ស្លាប់ ខណៈរថយន្តបែកកង់ ធ្លាក់ចូលប្រឡាយផ្ទុះធុងហ្គាស

បានផុស

៣ years មុន

នៅ

ថ្ងៃចន្ទ ២៨ មិថុនា ២០២១

ដោយ

បុរសអ្នកបើកបររថយន្តម្នាក់បានស្លាប់ ខណៈពេលដែលរថយន្តកាមរីគូទស្វិតមួយគ្រឿង បានផ្ទុះកង់មុខហើយរ៉េចង្កូតធ្លាក់ផ្លូវចូលប្រឡាយ បណ្ដាលឲ្យផ្ទុះធុងហ្គាសឆេះរថយន្ត។ ហេតុការណ៍នេះ បានកើតឡើងនៅវេលាម៉ោង ៨ និង ៥០ នាទីយប់ថ្ងៃទី២៧ ខែមិថុនា ឆ្នាំ២០២១ នៅចំណុចផ្សារ ឃុំផ្សារ ស្រុកបរិបូណ៌ ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមអធិការដ្ឋាននគរបាលស្រុកបរិបូណ៌ បានឲ្យដឹងថា ជនរងគ្រោះជាអ្នកបើកបររថយន្តខាងលើនេះ មានឈ្មោះ ជា វ៉ាន់ ដេត អាយុ២៩ឆ្នាំ មានទីលំនៅភូមិស្ទឹងថ្មី ឃុំអញ្ចាញរូង ស្រុកបរិបូណ៌ ខេត្តកំពង់ឆ្នាំង។ ដោយមុនពេលកើតហេតុ ជនរងគ្រោះបានបើករថយន្តម៉ាកកាមរីគូទស្វិត ពណ៌ស ពាក់ស្លាកលេខ ភ្នំពេញ2B. 9148 ក្នុងទិសដៅពីលិចទៅកើត លុះមកដល់ចំណុចកើតហេតុក៏បានបែកកង់មុខ រេចង្កូតធ្លាក់ប្រឡាយបណ្ដាលឲ្យផ្ទុះធុងហ្គាសឆេះស្លាប់នៅក្នុងរថយន្ដតែម្ដង។

នៅក្នុងហេតុការណ៍គ្រោះថ្នាក់ខាង លើសមត្ថកិច្ចបានយករថយន្តពន្លត់អគ្គិភ័យមកជួយបាញ់ទឹកពន្លត់ និងបានស្ទូចយករថយន្តយកទៅរក្សាទុក។ ចំណែកសពជនរងគ្រោះ សមត្ថកិច្ចប្រគល់ទៅក្រុមគ្រួសារយកទៅធ្វើបុណ្យតាមប្រពៃណី នៅក្នុងលំនៅឋាន៕

អត្ថបទ៖ ឈៀងថារិទ្ធ