ចរាចរណ៍
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
រថយន្តលុចស៊ីស បុកជាមួយរថយន្តក្រុង បណ្ដាលឲ្យរបួសធ្ងន់ស្រាលជាង១០នាក់។ ហេតុការណ៍បានកើតឡើងវេលាម៉ោង១០និង០៥នាទី ថ្ងៃទី១៧ ខែមេសា ឆ្នាំ២០២៤ នៅលើផ្លូវជាតិលេខ៦ ត្រង់ចន្លោះគីឡូម៉ែតលេខ ៣៥៤-៣៥៥ ស្ថិតនៅភូមិល្ហុង ឃុំស្រណាល ស្រុកក្រឡាញ់ ខេត្តសៀមរាប។
មន្ត្រីនគរបាលចរាចរណ៍ខេត្តសៀមរាប បានឲ្យដឹងថា ករណីគ្រោះថ្នាក់ចរាចរណ៍រវាងរថយន្តលុចស៊ីស និងរថយន្តក្រុង ដោយរថយន្តម៉ាក Lexus Rx300 ពណ៌ទឹកមាស ពាក់ផ្លាកលេខពោធិ៍សាត់ 2A-9163 បើកបរដោយឈ្មោះ ង៉ែត មិថុនា ភេទប្រុស អាយុ២៧ឆ្នាំ បច្ចុប្បន្នរស់នៅភូមិស្វាយជ្រុំ ឃុំកំពង់ល្ពៅ ស្រុកសំឡូត ខេត្តបាត់ដំបង មានអ្នករួមដំណើរ ចំនួន១០នាក់ ១.ឈ្មោះ ម៉ម ភាព ភេទស្រី អាយុ៨៦ ឆ្នាំ។ ២.ឈ្មោះ រីវ រ័ត្ន ភេទស្រី អាយុ៤៨ ឆ្នាំ។ ៣.ឈ្មោះ ឃឹម រី ភេទស្រី អាយុ៥២ឆ្នាំ។ ៤.ឈ្មោះ អ៉ី សុភា ភេទប្រុស អាយុ៣០ឆ្នាំ។ ៥.ឈ្មោះ ធី សាន់យ៉ា ភេទស្រី អាយុ២៩ ឆ្នាំ។ ៦.ឈ្មោះ ធី សានិត ភេទស្រីអាយុ២៥ឆ្នាំ។ ៧.ឈ្មោះ សេត វិសាល ភេទប្រុស អាយុ០៥ឆ្នាំ។ ៨.ឈ្មោះ សុភា ឈីអ៉ិញ ភេទស្រី អាយុ០៥ ឆ្នាំ។ ៩.ឈ្មោះ ថុនា ជិញ ភេទស្រីអាយុ២ឆ្នាំ។ ១០.ឈ្មោះ សុភា យូអ៉ី ភេទស្រី អាយុ០៨ខែ អ្នករួមដំណើររស់នៅភូមិឃុំជាមួយអ្នកបើកបរ។
គ្រោះថ្នាក់ចរាចរណ៍នេះកើតឡើងដោយសារ រថយន្ត Lexus Rx300 បើកវ៉ាជែង និងប៉ះរថយន្តម៉ាក HYUNDAI (ប្រភេទឡានក្រុង) ពណ៌ស.បៃតង.ប្រផេះ ពាក់ផ្លាកលេខភ្នំពេញ 3E-6255 ដែលបើកស្របទិសគ្នាបណ្ដាលឱ្យក្រឡាប់តែម្ដង។ ចំណែកបើកបររថយន្តក្រុងបានចុះពីលើរថយន្តរត់គេចខ្លួនបាត់។
សមត្ថកិច្ចបានបន្តថា ក្នុងហេតុការណ៍នេះ បណ្តាលឲ្យរងរបួសធ្ងន់១នាក់ ឈ្មោះ ម៉ម ភាព ភេទស្រី អាយុ៨៦ឆ្នាំ បាក់ជើងស្ដាំ។ រងរបួសស្រាល១០ នាក់ ស្រី០៨ នាក់។ ខូចខាតរថយន្ត០២ គ្រឿង ធ្ងន់០១ គ្រឿង ស្រាល០១គ្រឿង។
សមត្ថកិច្ចបានបញ្ជាក់ថា គ្រោះថ្នាក់ចរាចរណ៍នេះ មូលហេតុបណ្តាលមកពីអ្នកបើកបររថយន្តម៉ាកម៉ាក Lexus rx300 ឡើងជែង(វ៉ា) ក្នុងស្ថានភាពគ្រោះថ្នាក់ខ្វះការប្រុងប្រយ័ត្ន។ កម្លាំងនគរបាលជំនាញបានចុះយកជនរងគ្រោះ ទៅមន្ទីពេទ្យ និងយកវត្ថុតាងមករក្សាទុកនៅអធិការដ្ឋាននគរបាលស្រុកក្រឡាញ់។ ដោយឡែកនៅក្នុងពិធីបុណ្យចូលឆ្នាំប្រពៃណីជាតិខ្មែរ នៅខេត្តសៀមរាប មានករណីគ្រោះថ្នាក់ចរាចរណ៍ចំនួនពីរលើក ស្លាប់ចំនួនពីរនាក់ និងរបួសធ្ងន់ពីរនាក់៕
អត្ថបទ៖ ជុន កសល
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម
-
ព័ត៌មានជាតិ៥ ថ្ងៃ ago
ចុងខែមិថុនា កម្ពុជានឹងមានភូមិខ្មែរលើដីជប៉ុន ហើយមានការដាក់បង្ហាញការដាំដំណាំខ្មែរ