Connect with us

ចរាចរណ៍

កម្មករកម្មការរិនីរោងចក្រ២៦នាក់ រងរបួសធ្ងន់ស្រាលក្នុងហេតុការណ៍គ្រោះថ្នាក់ចរាចរណ៍

បានផុស

នៅ

កម្មករកម្មការរិនីរោងចក្រចំនួន២៦នាក់បានរងរបួសធ្ងន់ស្រាល ក្នុងហេតុការណ៍គ្រោះថ្នាក់ចរាចរណ៍ត្រូវបានបញ្ជូនទៅសង្គ្រោះនៅមន្ទីរពេទ្យ។ ករណីនេះបានកើតឡើងកាលពីវេលាម៉ោង៨និង៥៥នាទីយប់ ថ្ងៃទី៨ ខែកក្កដា ឆ្នាំ២​០​២៤ នៅលើផ្លូវជាតិលេខ៤១ ចន្លោះបង្គោលគីឡូម៉ែត្រលេខ៤១-៤២ ភូមិបឹងស្ដុក ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់ស្នងការដ្ឋាននគរបាលខេត្តកំពង់ស្ពឺបានឲ្យដឹងថា ក្នុងហេតុការណ៍នេះមានកម្មករកម្មការរិនីចំនួន៦នាក់រងរបួសធ្ងន់ និង២០នាក់រងរបួសស្រាល។

របាយការាណ៍បញ្ជាក់ថា មុនកើតហេតុ រថយន្ដដឹកកម្មកររោងចក្រម៉ាក Hyundai Mi​ghty ពណ៌​ស ផ្លាកលេខភ្នំពេញ 3E-1302 បាន​បើកបរដឹកកម្មករពីទិស​ខាង​ជើង ឆ្ពោះទៅទិសខាងត្បូង លុះមកដល់ចំណុចកើតហេតុបានទៅបុកជា​មួ​យ រថយន្ត១គ្រឿងម៉ាក SSONG YONG ACT​YON ពណ៌ស សេរីឆ្នាំ២​០​១៧ ផ្លាក​លេខ 2BH​-8660 បណ្ដាលឲ្យខូចខាត​ រថយន្ត​ស្ទើទាំងស្រុង​ និងរងរបួសធ្ងន់ស្រាល២៦នាក់។ បើតាមការឲ្យដឹងពីកម្មករកម្មការរិនីដែលជិះនៅលើរថយន្ដបានបញ្ជាក់ថា មុនកើតហេតុគឺរថយន្ត S​SO​NG YONG ACTYON បើករេចុះ​ រេឡើង រួច​មកបុករថយន្តដឹកកម្មករតែម្តង។

ក្រោយពីកើតហេតុ ​កម្មករ​កម្មការិនី​ ដែលរងរបួសត្រូវបានសមត្ថកិច្ច​អាជ្ញាធរ​បញ្ជូនទៅ​សង្រ្គោះ​បន្ទាន់​នៅមន្ទីរពេទ្យ​រដ្ឋ និងគ្លីនិកឯកជន​ដែលជាដៃគូរ​របស់ ប ស ស​​ ៕

អត្ថបទ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម