ចរាចរណ៍

បើករថយន្ដក្នុងល្បឿនលឿន បុករះចូលស្ថានីយលក់ប្រេង បង្កឲ្យមនុស្ស៥នាក់របួសធ្ងន់ស្រាល

បានផុស

៧ ខែ មុន

នៅ

ថ្ងៃអង្គារ ១៧ ធ្នូ ២០២៤

ដោយ

បុរសម្នាក់បើករថយន្ដមួយគ្រឿងទំនងគេចពីអ្នកអូសរទេះអេតចាយជ្រុលបុករះចូលស្ថានីយលក់ប្រេងឥន្ទនៈមួយកន្លែងបណ្តាលឲ្យរងការខូចខាតយ៉ាងធ្ងន់ធ្ងរ និងមានមនុស្សរងរបួសធ្ងន់ស្រាល៥នាក់។ បង្កអោយមានការភ្ញាក់ផ្អើលកាលពីវេលាម៉ោង១២និង១០នាទីរំលងអាធ្រាត្រឈានចូលថ្ងៃទី១៧ខែ ធ្នូឆ្នាំ២០២៤ នៅចំណុចស្ថានីយប្រេងឥន្ទនៈយីហោ ប៊ុនលី ដែលស្ថិតនៅតាមបណ្ដោយផ្លូវ២០១១ សង្កាត់គោកឃ្លៀង ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបាននិយាយប្រាប់ថា នៅមុនកេីតពេលកេីតហេតុគេឃើញ រថយន្តម៉ាកមែកស៊ឺដែសពណ៌ខ្មៅ ពាក់ស្លាកលេខភ្នំពេញ2BA-8899 បេីកបរដោយបុរសវ័យចំណាស់ម្នាក់ និងអ្នករួមដំណើរមានគ្នា៤នាក់ទៀតរួមកូនស្រីតូចម្នាក់ក្នុងនោះរងរបួសធ្ងន់ស្រ្តី២នាក់។

ប្រភពព័ត៍មានពីកន្លែងកើតហេតុបានបន្តទៀតថា ខណៈពេលធ្វើដំណើរតាមបណ្ដោយផ្លូវ២០១១ក្នុងទិសដៅពីជេីងទៅត្បូង ក្នុងល្បឿនយ៉ាងលឿនលុះបេីកមកដល់ចំណុចកេីតហេតុក៏ស្រាប់តែឃេីញអ្នកអូសរទេះអេតចាយអូសឆ្លងកាត់ពីមុខរថយន្ត ភ្លាមស្រាប់តែឃេីញរថយន្ដបង្កខាងលើបានរ៉េចង្កូតទៅផ្នែកខាងឆ្វេងក៏ជ្រុលទៅបុករះរបងដែកដែលឃាំងជំវិញស្ថានីយលក់ប្រេង ហេីយជ្រុលទៅបុកបង្គោល និងទូរម៉ាស៊ីនសំរាប់ចាក់សាំង ខ្ទាតជាច្រេីនម៉ែត្រ តែសំណាងល្អមិនបង្កជាអគ្គិភ័យ គ្រាន់តែរងការខូចខាត បង្គោលសសរ និងរថយន្តរងការខូចខាតយ៉ាងធ្ងន់ធ្ងរផ្នែកខាងមុខ។

ប្រភពបានបន្តទៀតថា ជនរងគ្រោះស្រ្តី២នាក់ដែលជិះក្នុងរថយន្ត ត្រូវបានរថយន្តសង្គ្រោះរបស់មន្ទីរពេទ្របង្អែកខណ្ឌសែនសុខ ដឹកយកទៅសង្រ្គោះបន្ទាន់នៅមន្ទីរពេទ្យកម្ពុជាចិន ព្រះកុសមៈ រីឯបុរសជាអ្នកបេីបរត្រូវបានសមត្ថកិច្ចនគរបាលមូលដ្ឋានឃាត់យកទៅប៉ុស្តិ៍ដើម្បីសួរនាំ។

ក្រោយពេលកេីតហេតុ សមត្ថកិច្ចមូលដ្ឋានបានទាក់ទងទៅសមត្ថកិច្ចជំនាញចរាចរណ៍ខណ្ឌសែនសុខ ហេីយបានទាក់ទងទៅសមត្ថកិច្ចជំនាញនៃការរិយាល័យចរាចរណ៍ផ្លូវគោករាជធានីភ្នំពេញដេីម្បីធ្វើការវាស់វែង និងស្ទូចរថយន្តបង្កយកទៅរក្សាទុកដេីម្បីរង់ចាំការដោះស្រាយថ្ងៃក្រោយ៕

អត្ថបទ៖ សំណាង