ចរាចរណ៍

បើករ៉ឺម៉កជ្រុលបុករថយន្តដឹកដីចតកៀនផ្លូវ ស្លាប់-របួសធ្ងន់ ០២ នាក់

បានផុស

១ year មុន

នៅ

ថ្ងៃព្រហស្បតិ៍ ៨ ឧសភា ២០២៥

ដោយ

យុវជន ០២ នាក់ សង្ស័យបើកម៉ូតូរ៉ឺម៉កដឹកទំនិញលឿនពេក រេចង្កូតបុករថយន្តដឹកដីដែលចតនៅកៀនផ្លូវ បណ្ដាលឲ្យស្លាប់ម្នាក់ កៀបជាប់រថយន្ត និង ម្នាក់ទៀតរងរបួសធ្ងន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ០២ រសៀល ថ្ងៃទី ០៨ ខែឧសភា ឆ្នាំ ២០២៥ នៅតាមបណ្ដោយផ្លូវបេតុង ស្ថិតក្នុងសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានពីប្រជាពលរដ្ឋបានឲ្យដឹងថា មុនកើតហេតុ យុវជន ០២ នាក់ បានបើកម៉ូតូរ៉ឺម៉កដឹកទំនិញ ពាក់ស្លាកលេខ 1FS-6683 តាមបណ្ដោយផ្លូវបេតុង ក្នុងល្បឿនលឿន ខណៈដឹកទំនិញមានទម្ងន់រាងគួរសម ក៏រេចង្កូតជ្រុលទៅបុករថយន្តដឹកដី ០១ គ្រឿង មិនមានស្លាកលេខ ដែលចតនៅកៀនផ្លូវ បណ្ដាលឲ្យយុវជនជាអ្នកបើកម៉ូតូរ៉ឺម៉កកៀបជាប់ពីក្រោយរថយន្តដឹកដីស្លាប់បាត់បង់ជីវិតភ្លាមៗ។ ចំណែកឯយុវជនម្នាក់ទៀតជាអ្នករួមដំណើរ រងរបួសធ្ងន់ ត្រូវបានបញ្ជូនទៅកាន់មន្ទីរពេទ្យ។

ក្រោយកើតហេតុ សមត្ថកិច្ចមូលដ្ឋាន ចុះមកដល់ រួចបន្តរាយការណ៍ជូនការិយាល័យចរាចរណ៍ផ្លូវគោក យករថយន្ត និងម៉ូតូរ៉ឺម៉កខាងលើ ទៅរក្សាទុក រង់ចាំដោះស្រាយពេលក្រោយ។ ចំណែកឯសព ត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ ៖ រដ្ឋា