ចរាចរណ៍
ជនជាតិថៃម្នាក់ បើករថយន្តលឿន ស្របពេលយប់ស្ងាត់ បុករះរថយន្ត និង បង្គោលភ្លើង ក្រឡាប់ផ្ងារជើង
ជនជាតិថៃម្នាក់ បើករថយន្ត ១ គ្រឿង ក្នុងល្បឿនលឿន បុករះរថយន្ត ១ គ្រឿងទៀត រួចបន្តទៅបុកបង្គោលភ្លើង ក្រឡាប់ផ្ងារជើង រងការខូចខាតរថយន្តស្ទើរទាំងស្រុង។
ហេតុការណ៍នេះបានកើតឡើងកាលពីវេលាម៉ោង ១០ និង ៣៥ នាទីយប់ ថ្ងៃទី ៥ ខែសីហា ឆ្នាំ ២០២៥ ស្ថិតនៅតាមបណ្ដោយផ្លូវជាតិលេខ ៦A សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
តាមប្រភពព័ត៌មានបានឲ្យដឹងថា មុនកើតហេតុ មានបុរសម្នាក់ជាជនជាតិថៃ បានបើករថយន្ត Mazda ពាក់ស្លាកលេខ 66B 016.09 ធ្វើដំណើរតាមបណ្ដោយផ្លូវជាតិលេខ ៦ ទិសដៅពីជើងទៅត្បូង ក្នុងល្បឿនលឿន ខណៈមកដល់ចំណុចកើតហេតុ ស្រាប់តែជ្រុលចង្កូតទៅបុករះរថយន្ត Mitsubishi ពាក់ស្លាកលេខ ភ្នំពេញ 2S-4422 ដែលធ្វើដំណើរស្របទិសគ្នា ពីក្រោយពេញទំហឹង ហើយបន្តទៅបុកបង្គោលភ្លើងបណ្ដាលឲ្យរថយន្ត Mitsubishi ក្រឡាប់ផ្ងារជើង សំណាងល្អមិនបង្កឲ្យមនុស្សណាម្នាក់រងរបួស។ ចំណែករថយន្តបង្កបានរងការខូចខាតស្ទើរទាំងស្រុង។ ភ្លាមៗ សមត្ថកិច្ចបានឃាត់ខ្លួនជនជាតិថៃខាងលើ យកទៅវាស់ជាតិអាល់កុល។ ស្របពេលសមត្ថកិច្ចឃាត់នោះជនជាតិថៃខាងលើបានព្យាយាមឈ្លោះប្រកែកជាមួយពលរដ្ឋថែមទៀត។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយករថយន្តទៅរក្សាទុកដើម្បីរង់ចាំដោះស្រាយនៅពេលក្រោយ៕
អត្ថបទ ៖ រដ្ឋា
-
ព័ត៌មានអន្ដរជាតិ៤ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា១ សប្តាហ៍ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៧ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម៣ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៤ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានអន្ដរជាតិ២ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សេដ្ឋកិច្ច៣ ថ្ងៃ agoកម្ពុជា មានក្រុមហ៊ុននាំចូលសាច់បង្កកចំនួន ៥៧