កីឡា
កីឡាករកំពុងល្អនៅលីគកម្ពុជា Maksym ឈ្នះពានកីឡាករល្អប្រចាំខែលើកទី២ក្នុងអាជីព
កីឡាករ Maksym Pryadun សញ្ជាតិអ៊ុយក្រែនកំពុងទទួលបានការចាប់អារម្មណ៍នៅលីគបាល់ទាត់កំពូលកម្ពុជា បន្ទាប់ពីរូបគេរួមចំណែកដ៏សំខាន់ជួយឲ្យភ្នំពេញក្រោនមិនទាន់ស្គាល់បរាជ័យសោះ។
កីឡាករ Maksym Pryadun បានចូលរួមជាមួយក្លិបភ្នំពេញក្រោន កាលពីដើមរដូវកាលនេះដោយបង្ហាញខ្លូនជាផ្លូវការចំនួន ៧ ប្រកួតហើយ។ ការប្រកួតទី១ រូបគេបានបង្ហាញខ្លួនក្នុងពានបើករដូវកាលថ្មី ដោយភ្នំពេញក្រោន បានចាញ់ ព្រះខ័នរាជស្វាយរៀង តាមរយៈការទាត់កាត់សេចក្តី១១ម៉ែត្រ ៣-៥ បន្ទាប់ពីស្មើគ្នា ២-២។
ចំពោះការប្រកួត ៦ លើកដំបូងក្នុងលីគ កីឡាករ Maksym Pryadun ស៊ុតចូល ៥ គ្រាប់ និងបញ្ជូនបាល់ឲ្យមិត្តរួមក្រុម ៤ លើក ដើម្បីស្ថិតនៅលេខ ៣ ក្នុងចំណោមកីឡាកររកបានគ្រាប់បាល់ច្រើនជាងគេបំផុត។ រូបគេស៊ុតចូល ក្រុមកងយោធពលខមេរភូមិន្ទ ១ គ្រាប់, ស៊ុតចូល ឡាយហ្វ ខេត្តព្រះសីហនុ ៣ គ្រាប់ និង ស៊ុតចូល គិរីវង់សុខសែនជ័យ ១ គ្រាប់។
ការរួមចំណែកដ៏សំខាន់ដល់ក្រុមនេះហើយបានផ្តល់ឲ្យរូបគេបានក្លាយជាកីឡាករល្អប្រចាំការប្រកួត ២ លើកគឺនៅពេល ភ្នំពេញក្រោន ឈ្នះ ឡាយហ្វ ខេត្តព្រះសីហនុ ៤-៣ និងនៅពេលឈ្នះ គិរីវង់សុខសែនជ័យ ៤-១ ហើយក៏បានឈ្នះពានរង្វាន់កីឡាករល្អបំផុតប្រចាំខែសីហា។
នេះជាលើកទី ២ ក្នុងអាជីពបាល់ទាត់របស់ខ្លួនដែលកីឡាករ Maksym Pryadun បានឈ្នះពានរង្វាន់កីឡាករល្អប្រចាំខែ បន្ទាប់ពីលើកទី១ រូបគេបានឈ្នះពាននៅលីគបាល់ទាត់កំពូលអ៊ុយក្រែន។ ពេលនោះ រូបគេបានចូលរួមជាមួយក្លិប FC Zirka នាពាក់កណ្តាលរដូវកាល នៅខែឧសភា ឆ្នាំ ២០១៧ ហើយបានឈ្នះពានរង្វាន់កីឡាករល្អប្រចាំខែសីហា។
រហូតដល់ពេលនេះ កីឡាករ Maksym បានឆ្លងកាត់ក្លិបជាច្រើនគិតចាប់តាំងពីឆ្នាំ ២០១៤ រហូតដល់ ឆ្នាំ ២០២៥ ហើយក្លិប ភ្នំពេញក្រោន អាចចាត់ទុកជាផ្ទះដ៏ជោគជ័យមួយសម្រាប់ខ្លួនដោយទើបលេងបាន ៦ ប្រកួត រកបាន ៥ គ្រាប់ និងឈ្នះពានកីឡាករល្អប្រចាំខែ១លើក៕
អត្ថបទ៖ វីរបុត្រ
-
ព័ត៌មានអន្ដរជាតិ៤ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា១ សប្តាហ៍ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៧ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម៣ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៤ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានអន្ដរជាតិ២ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សេដ្ឋកិច្ច៣ ថ្ងៃ agoកម្ពុជា មានក្រុមហ៊ុននាំចូលសាច់បង្កកចំនួន ៥៧