ព័ត៌មានជាតិ

បណ្ឌិត យង់ ពៅ ថាថៃកាន់តែបង្ហាញចរិតកាចសាហាវបស់ខ្លួនទៅកាន់អ្នកអង្កេតការណ៍

បានផុស

៨ ខែ មុន

នៅ

ថ្ងៃអាទិត្យ ១២ តុលា ២០២៥

ដោយ

អគ្គលេខាធិការរាជបណ្ឌិត្យសភាកម្ពុជាលោកបណ្ឌិត យង់ ពៅ បានលើកឡើងថាការចាក់សំឡេងបំពុលរបស់ថៃបង្ហាញអង្កេតការណ៍បីចំនូនពីសកម្មភាពពាលរបស់ប្រទេសនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសថៃបានចាក់សំឡេងខ្មោចព្រាយ ឆ្កែលូ ២យប់ជាប់គ្នានៅភូមិព្រៃចាន់ដើម្បីបង្កការរំខានដល់ពលរដ្ឋខ្មែរដែលរស់នៅទីនោះ។ តាមរយៈបទសម្ភាសន៍ជាមួយអ្នកសារព័ត៌មានមេគំនិតនៃការចាក់សំឡេងរំខាននេះ កាន់ ចមផ្លាំង ថាការធ្វើបែបនេះគឺដើម្បីដេញពលរដ្ឋខ្មែរដែលកំពុងរស់នៅខុសច្បាប់លើដីថៃ ហើយក៏ត្រូវបានរដ្ឋបាលខេត្តស្រះកែវ និងភូមិភាគ១របស់ថៃអនុញ្ញាតផងដែរ។

សសេរលើបណ្ដាញសង្គមរបស់លោកនៅព្រឹកថ្ងៃទី១២ ខែតុលា ឆ្នាំ២០២៥នេះ លោកបណ្ឌិត យង់ ពៅ បានលើកឡើងថាការបញ្ជាឱ្យ ចមផ្លាំង ធ្វើដូច្នេះគឺថៃចង់បង្ហាញពីភាពគ្មានសីលធម៌របស់ប្រទេសខ្លួន ហើយការដែលថាខ្លួនជាជនរងគ្រោះពីកម្ពុជានោះគឺជាទ្រឹស្ដីដែលស្មោគគ្រោកប៉ុណ្ណោះ។

លោកសរសេរថា៖ «ចាក់ធុងបាស់បំពងបំពុលសំឡេងពេលយប់ដល់អ្នកភូមិព្រៃចាន់កម្ពុជានោះ គឺពាលថៃខ្លួនឯង ចង់ប្រាប់ក្រុមអ្នកសង្កេតការណ៍អន្តរកាលអាស៊ាន (IOT) ថា ត្រូវតែធ្វើរបាយការណ៍ច្បាស់ៗឱ្យពាលថៃទី១- ថៃ ជារដ្ឋពាល ទី២បើជារដ្ឋពាលធ្វើសកម្មភាពពាល ទី៣- ពាលថៃ និយាយថាជនរងគ្រោះនោះ ជាទ្រឹស្ដីលាមកទេ ដូចក្រុម IOTបានឃើញ និងឮជាក់ស្ដែង»។

កាលពីយប់ថ្ងៃទី១១ ខែតុលា អ្នកសង្កេតការណ៍អន្តរកាល IOT បានចុះទៅដល់ភូមិព្រៃចាន់ ឃុំអូរបីជាន់ ស្រុកអូរជ្រៅទាំងយប់បន្ទាប់ពីថៃនៅតែបន្តចាក់សំឡេងរំខានដល់ការសម្រាករបស់ពលរដ្ឋខ្មែរនៅពេលយប់។ គណៈកម្មាធិការសិទ្ធិមនុស្សកម្ពុជាបានចាត់ទុកការចាក់សំឡេងរំខាន់នេះគឺជាទម្រង់នៃការបំភិតបំភ័យនិងយាយីផ្លូវចិត្តមកលើពលរដ្ឋកម្ពុជា និងបានដាក់បណ្ដឹងទៅកាន់ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សពាក់ព័ន្ធនឹងការប្រើប្រាស់សំឡេងរំខាននេះផងដែរ៕

អត្ថបទដោយ ហ៊ុន សិរីវឌ្ឍន៍

Related Topics:ជម្លោះព្រំដែនកម្ពុជា-ថៃ