ព័ត៌មានអន្ដរជាតិ
ថៃសម្លឹងមើលថ្ងៃទី២៩ខែមីនា សម្រាប់ការបោះឆ្នោតជាតិ និងធ្វើប្រជាមតិចំនួន២
មន្ត្រីរដ្ឋាភិបាលជាន់ខ្ពស់មួយរូបបានប្រាប់រ៉យទ័រនៅថ្ងៃសុក្រទី២៤ខែតុលានេះថា ប្រទេសថៃទំនងជានឹងរៀបចំការបោះឆ្នោតសកលបន្ទាប់របស់ខ្លួននៅថ្ងៃទី២៩ខែមីនា បន្ទាប់ពីមានការពិភាក្សារវាងនាយករដ្ឋមន្ត្រី Anutin Charnvirakul និងគណៈកម្មាធិការរៀបចំការបោះឆ្នោត។
លោក Paradorn Prissananantakul រដ្ឋមន្ត្រីនៅការិយាល័យនាយករដ្ឋមន្ត្រី បានថ្លែងថា រដ្ឋាភិបាល និងគណៈកម្មាធិការរៀបចំការបោះឆ្នោតបានព្រមព្រៀងគ្នាលើរយៈពេលបណ្តោះអាសន្នសម្រាប់ការបោះឆ្នោតជាតិ។
លោក Paradorn បានលើកឡើងថា «រដ្ឋាភិបាល និងគណៈកម្មាធិការរៀបចំការបោះឆ្នោតបានពិភាក្សាអំពីពេលវេលាសម្រាប់រៀបចំការបោះឆ្នោត។ កាលបរិច្ឆេទដែលទំនងបំផុតគឺថ្ងៃទី២៩ខែមីនា»។
នាយករដ្ឋមន្ត្រី Anutin មុននេះ បានបង្ហាញថា លោកនឹងរំលាយសភានៅចុងខែមករា ដើម្បីត្រួសត្រាយផ្លូវសម្រាប់ការបោះឆ្នោតសកលនៅខែមីនា ឬដើមខែមេសា។
យោងតាមលោក Paradorn ការបោះឆ្នោតប្រជាមតិជាតិចំនួនពីរ ក៏ត្រូវបានគេរំពឹងថានឹងធ្វើឡើងស្របគ្នានឹងការបោះឆ្នោតផងដែរ ពោលគឺមួយស្តីពី រដ្ឋធម្មនុញ្ញថ្មី និងមួយទៀតស្តីពីថាតើត្រូវលុបចោលកិច្ចព្រមព្រៀងបោះបង្គោលព្រំដែនពីរជាមួយប្រទេសកម្ពុជាដែរឬទេ។
ខណៈដែលមិនទាន់កំណត់កាលបរិច្ឆេទជាផ្លូវការនោះ ប្រធានគណៈកម្មាធិការរៀបចំការបោះឆ្នោតលោក Ittiporn Boonpracong បានបញ្ជាក់ថា ផែនការលម្អិតកំពុងត្រូវបានបញ្ចប់សម្រាប់ទាំងការបោះឆ្នោតសកល និងប្រជាមតិ។ លោកបាននិយាយថា ថវិកាប៉ាន់ស្មានសម្រាប់ព្រឹត្តិការណ៍នេះ នឹងមានចំនួនសរុប៩ពាន់លានបាត (ជាង២៧០លានដុល្លារ) ដោយប្រជាជនថៃប្រហែល៥៣លាននាក់មានសិទ្ធិបោះឆ្នោត។
លោក Anutin មេដឹកនាំគណបក្ស Bhumjaithai បានក្លាយជានាយករដ្ឋមន្ត្រីទីបីរបស់ប្រទេសថៃគិតចាប់តាំងពីខែសីហាឆ្នាំ២០២៣ បន្ទាប់ពីបានឈ្នះការបោះឆ្នោតសភាកាលពីដើមខែកញ្ញា។ ការឡើងតំណែងរបស់លោកបានធ្វើឡើងបន្ទាប់ពីការដកខ្លួនរបស់គណបក្សពីអតីតសម្ព័ន្ធកាន់អំណាចដែលដឹកនាំដោយគណបក្សភឿថៃ។
ដើម្បីទទួលបានការគាំទ្រពីសភា ជាពិសេសពីគណបក្សប្រឆាំងដែលកាន់កាប់អាសនៈច្រើនជាងគេ លោក Anutin បានយល់ព្រមលើលក្ខខណ្ឌសំខាន់ៗចំនួនពីរ ដូចជា ការរៀបចំការបោះឆ្នោតក្នុងរយៈពេល៤ខែបន្ទាប់ពីការចូលកាន់តំណែង និងការធ្វើប្រជាមតិលើរដ្ឋធម្មនុញ្ញថ្មី។
ប្រសិនបើត្រូវបានបញ្ជាក់ ការបោះឆ្នោតនៅថ្ងៃទី២៩ខែមីនា នឹងកត់សម្គាល់ការបោះឆ្នោតជាតិលើកដំបូងរបស់ប្រទេសថៃ ក្រោមការដឹកនាំរបស់លោក Anutin ហើយអាចផ្លាស់ប្តូរទិដ្ឋភាពនយោបាយរបស់ប្រទេស ចំពេលមានការជជែកដេញដោលគ្នាជាបន្តបន្ទាប់លើកំណែទម្រង់រដ្ឋធម្មនុញ្ញ និងគោលនយោបាយដែនដី៕
ដោយ៖ ឈាង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានអន្ដរជាតិ១ សប្តាហ៍ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
ព័ត៌មានជាតិ២ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៤ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ១៧ ម៉ោង agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៤ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៥ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានអន្ដរជាតិ៤ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS