ព័ត៌មានជាតិ

ក្រសួងអប់រំ និង NBC នឹងដាក់ឱ្យដំណើការ កម្មវិធីទូទាត់ បាគងយុវ័ន ដើម្បីបណ្តុះទម្លាប់សន្សំប្រាក់

បានផុស

៨ ខែ មុន

នៅ

ថ្ងៃសុក្រ ៣១ តុលា ២០២៥

ដោយ

ក្រសួងអប់រំ យុវជន និងកីឡា និង ធនាគារជាតិនៃកម្ពុជា (NBC) បានសហការគ្នាក្នុងការដាក់ឱ្យប្រើប្រាស់កម្មវិធីទូទាត់ បាគងយុវ័ន (Bakong Junior) ក្នុងដំណាក់កាលសាកល្បង ក្នុងការលើកម្ពស់ចំណេះដឹងហិរញ្ញវត្ថុ (Financial Literacy) និងបណ្តុះគំនិតសន្សំប្រាក់។

យោងតាមលិខិត ធ១៨.០២៥.១៥២២ ល.ស ចុះថ្ងៃទី០៩ ខែតុលា ឆ្នាំ២០២៥ របស់ធនាគារជាតិ នៃកម្ពុជា ក្រសួងអប់រំ យុវជន និងកីឡា លើកទឹកចិត្តដល់និស្សិតឱ្យចូលរួមប្រើប្រាស់កម្មវិធីទូទាត់ បាគងយុវ័ន (Bakong Junior) ក្នុងដំណាក់កាលសាកល្បងរបស់ធនាគារជាតិ ដើម្បីបណ្តុះទម្លាប់ការសន្សំប្រាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសេចក្តីជូនដំណឹងរបស់ក្រសួងអប់រំ បានឱ្យដឹងថា ដើម្បីចូលរួមបណ្តុះ ទម្លាប់អំពី ការសន្សំប្រាក់ ការចាយវាយ និងការគ្រប់គ្រងហិរញ្ញវត្ថុប្រកបដោយប្រសិទ្ធភាព ក្រសួងអប់រំ លើកទឹកចិត្តដល់និស្សិត ចូលរួមប្រើប្រាស់កម្មវិធីទូទាត់ បារកងយុវ័ន (Bakong Jurior) ដែលត្រូវបានអភិវឌ្ឍដោយធនាគារជាតិនៃកម្ពុជា។

បាគងយុវ័ន (Bakong Junior) គឺជាការភ្ជាប់នៃប្រព័ន្ធទូទាត់បាគង ដែលជាផ្លេតហ្វមអន្តរធនាគារ ដែលត្រូវបានអភិវឌ្ឍន៍ដោយ NBC ប្រើប្រាស់បច្ចេកវិទ្យាប្លុកខេន (blockchain) ។ ប្រព័ន្ធទូទាត់បាគង ត្រូវបានដាក់ឱ្យដំណើរការកាលពីឆ្នាំ ២០២០ ដែលបាគងបានអនុញ្ញាតឱ្យមានប្រតិបត្តិការទូទាត់ដោយរលូនរវាងធនាគារផ្សេងៗ ស្ថាប័នមីក្រូហិរញ្ញវត្ថុ និងអ្នកផ្តល់សេវាទូទាត់ និងបានជួយពង្រីកការចូលរួមប្រើប្រាស់សេវាហិរញ្ញវត្ថុកាន់តែទូលំទូលាយផងដែរ។

ដើម្បីជ្រាបកាន់តែលម្អិត សិស្សនិស្សិតអាចយកឯកសារផ្សព្វផ្សាយរបស់កម្មវិធីបាគងយុវ័ន តាមរយៈការស្កេនយ្យអរកួតខាងក្រោម ដើម្បីទទួលបានព័ត៌មានពាក់ព័ន្ធនឹងការចុះឈ្មោះប្រើប្រាស់ និងមុខងារសំខាន់ផ្សេងៗរបស់កម្មវិធីបាគងយុវ័ន៕