កីឡា

មុនដល់វគ្គផ្ដាច់ព្រ័ត្រ លោក សាន់ សៅយ៉ាន់ សង្ឃឹមលើ ឃួន ឡាំងកូស៊ីន ប៉ុន្តែចុងក្រោយបានឡើងទាំងពីរ

បានផុស

២៤ ម៉ោង មុន

នៅ

ថ្ងៃព្រហស្បតិ៍ ១៣ វិច្ឆិកា ២០២៥

ដោយ

មុនឡើងដល់វគ្គផ្ដាច់ព្រ័ត្រទាំងពីរនាក់លោក សាន់ សៅយ៉ាន់ ធ្លាប់គិតថា និងសង្ឃឹមខ្ពស់លើកីឡាករ ឃួន ឡាំងកូស៊ីន ធ្វើបានល្អ ឬអាចឈានដល់វគ្គផ្ដាច់ព្រ័ត្រខ្សែក្រវាត់នៅសង្វៀនថោនលើកនេះជាង សៅយ៉ាន់ វិសាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាន់ សៅយ៉ាន់

ថ្លែងក្នុងកិច្ចសម្ភាសលោក សាន់ សៅយ៉ាន់ បានលើកឡើងថា រវាង ឃួន ឡាំងកូស៊ីន និង សៅយ៉ាន់ វិសាល លោកធ្លាប់គិតថា ឡាំងកូស៊ីន ធ្វើបានល្អជាងគេហើយអាចឈានដល់វគ្គផ្ដាច់ព្រ័ត្របាន។ កូនសិស្សម្នាក់នេះបើទោះជាធ្លាក់ចុះសមត្ថភាពបន្តិចមែន ប៉ុន្តែជាកីឡាករជើងចាស់មួយរូប និងដាក់ចិត្តខំប្រឹងហ្វឹកហាត់គឺល្អឡើងវិញហើយ ដូច្នេះទើបលោកមានទំនុកចិត្តខ្ពស់តាំងពីប្រកួតដំបូងនៃការលេងខ្សែក្រវាត់ទម្ងន់ ៥៧គីឡូក្រាមនៅថោននេះម្ល៉េះ។

យ៉ាងណាចំពោះ សៅយ៉ាន់ វិសាល វិញការចូលលេងខ្សែក្រវាត់ទម្ងន់ ៥៤គីឡូក្រាមនេះមិនសូវជាសង្ឃឹមប៉ុន្មានទេដោយសារតែនៅក្មេងខ្ចីជាងគេក្នុងចំណោមបេក្ខភាពទាំងអស់។ ប៉ុន្តែដល់ពេលប្រកួតជាក់ស្ដែងគឺកូនប្រុសរបស់លោកធ្វើបានល្អ និងអាចប្រកួតឈ្នះរហូតបានឡើងដល់វគ្គផ្ដាច់ព្រ័ត្រនេះ។

កូនស៊ីន កាលឈ្នះមេដាយស៊ីហ្គេម

បញ្ជាក់ដែរថា សិស្សគុនលោក សាន់ យៅយ៉ាន់ និងលោកគ្រូ នាគា គឺកីឡាករ ឃួន ឡាំងកូស៊ីន នឹងត្រូវប្រកួតដណ្ដើមខ្សែក្រវាត់ទម្ងន់ ៥៧គីឡូក្រាមវគ្គផ្ដាច់ព្រ័ត្រជាមួយកីឡាករ ប៉ែនកាក់ អេរ៉ាវ៉ាន់ នៅថ្ងៃទី១៥ ខែវិច្ឆិកា ចំណែកកីឡាករ សៅយ៉ាន់ វិសាល ត្រូវប្រកួតវគ្គផ្ដាច់ព្រ័ត្រខ្សែក្រវាត់ទម្ងន់ ៥៤គីឡូក្រាមផងដែរដោយប៉ះកីឡាករ ធន់ បុរី ថ្ងៃទី១៦ ខែវិច្ឆិកា ឆ្នាំ២០២៥ នៅសង្វៀនថោន៕