ប៉ូលិសរៀបរាប់លម្អិត ករណីតារាថៃល្បួងជនរងគ្រោះឲ្យវិនិយោគលើប្រាក់កម្ចីខុសច្បាប់

នាថ្ងៃ៣ធ្នូ ឆ្នាំ២០២៥ លោកវរសេនីយ៍ឯក Krit Woratat ដែលជាភ្នាក់ងារបង្ក្រាបបទល្មើសបច្ចេកវិទ្យា បានដឹកនាំកម្លាំងមួយក្រុមចាប់ខ្លួនតារាសម្តែង Rybena Intachai និងជាឌីជេល្បីឈ្មោះមួយរូប ផ្អែកតាមដីកាចាប់ខ្លួនពីបទក្លែងបន្លំ និងក្រឹត្យបន្ទាន់ស្តីពីប្រាក់កម្ចីខុសច្បាប់ដល់សាធារណជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសារព័ត៌មាន thethaiger បានចេញរបាយការណ៍ថា បន្ទាប់ពីឆ្មក់ចូលផ្ទះតារាថៃភ្លាមៗ ការិយាល័យស៊ើបអង្កេតកណ្តាល (CIB) បានធ្វើការផ្សាយផ្ទាល់នៅក្នុងថ្ងៃនេះតែម្ដង ដោយបង្ហាញព័ត៌មានលម្អិតបន្ថែមថា មានជនរងគ្រោះចំនួន ១៧ នាក់បានដាក់ពាក្យបណ្តឹងទៅបង្ក្រាបបទល្មើសបច្ចេកវិទ្យា ដែលសរុបជាសំណងចំនួន ១៩០ លានបាត (៤ម៉ឺន ៧ពាន់ដុល្លារ)។

ក្នុងករណីនេះបានបង្ហាញថា ជនរងគ្រោះប្រមាណ ១៧ នាក់បានដាក់ពាក្យបណ្តឹងដោយបង្ហាញភត្តុតាងថា ក្នុងឆ្នាំ ២០២២ តារាសម្តែងរូបនេះបានបញ្ចុះបញ្ចូលពួកគេឲ្យវិនិយោគលើអាជីវកម្មផ្សេងៗ។ ការវិនិយោគសំខាន់ៗចំនួនបួនប្រភេទគឺ៖

១. អាជីវកម្មប្រាក់កម្ចីផ្ទាល់ខ្លួន ដែលផ្តល់ផលចំណេញខ្ពស់ពី ៤-៧% ក្នុងមួយខែ។

២. ការជួញដូរភាគហ៊ុនជាមួយតារាល្បីៗ។

៣. ការវិនិយោគលើអាជីវកម្មកីឡា និងភោជនីយដ្ឋាន។

៤. ការវិនិយោគលើមូលនិធិអាជីវកម្មគ្រួសារធំៗ ដែលនាងបានបញ្ចុះបញ្ចូលមិត្តភក្តិជិតស្និទ្ធ អ្នកស្គាល់គ្នា និងឪពុកម្តាយសិស្សសាលាឲ្យវិនិយោគ។

មូលហេតុចម្បងនៃសកម្មភាពរបស់នាង ពោលគឺពឹងផ្អែកលើទំនុកចិត្ត និងភាពជឿជាក់របស់តារាសម្តែង រួមទាំងការធ្វើត្រាប់តាមបុគ្គលមួយចំនួននៅក្នុងអាជីវកម្ម។ ដែលទាំងនោះ បានធ្វើឲ្យជនរងគ្រោះជាច្រើនសម្រេចចិត្តវិនិយោគ ព្រមទាំងឈានដល់ការប្រើប្រាស់មូលនិធិសម្រាប់សកម្មភាពផ្សេងៗ។

នៅទីបំផុត ការស៊ើបអង្កេតរបស់ប៉ូលិសបានបង្ហាញពីភាពក្លែងបន្លំ ដែលនាំឲ្យមានការចេញដីកាចាប់ខ្លួនរូបនាងភ្លាមៗ។ តុលាការបានចេញដីកាចាប់ខ្លួនកាលថ្ងៃទី ២ ខែធ្នូ ឆ្នាំ ២០២៥ ពីបទក្លែងបន្លំ និងរំលោភលើក្រឹត្យបន្ទាន់ស្តីពីប្រាក់កម្ចីសម្រាប់កន្លែងហាត់ប្រាណ ដែលបោកប្រាស់សាធារណជនជាច្រើន៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ឆ្មក់ចូលផ្ទះតារា ថៃ ម្នាក់ ក្រោមបទចោទប្រកាន់ ក្លែងបន្លំ និងផ្ដល់ប្រាក់កម្ចីខុសច្បាប់