ព័ត៌មានជាតិ

ប្រធានសាខាគយ និងរដ្ឋាករខេត្តតាកែវ នាំយកអំណោយជូនរដ្ឋបាលខេត្តទុកចែកជូនពលរដ្ឋមានជីវភាពខ្វះខាត

បានផុស

៤ years មុន

នៅ

ថ្ងៃព្រហស្បតិ៍ ២២ មេសា ២០២១

ដោយ

នារសៀលថ្ងៃទី២២ ខែមេសា ឆ្នាំ២០២១នេះ លោក កែវ វ៉ាន្នី ប្រធានសាខាគយ និងរដ្ឋាករខេត្តតាកែវ បាននាំយកអំណោយមួយចំនួនជូនលោក អ៊ូច ភា អភិបាលនៃគណៈអភិបាលខេត្តតាកែវ ដើម្បីចូលរួមជាមួយរដ្ឋបាលខេត្ត ទុកសម្រាប់ចែកជូនពលរដ្ឋកំពុងមានជីវភាពខ្វះខាត ក៏ដូចជាពលរដ្ឋកំពុងធ្វើចត្តាឡីស័កតាមលំនៅដ្ឋាន គ្រប់បណ្ដាក្រុងស្រុក ក្នុងអំឡុងពេលជំងឺកូវីដ-១៩ កំពុងរាតត្បាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ លោក អ៊ូច ភា អភិបាលខេត្ត ក៏បានថ្លែងអំណរគុណយ៉ាងជ្រាលជ្រៅចំពោះ លោកប្រធានសាខាគយនិងមន្ត្រីក្រោមឱវាទទាំងអស់ ដែលបានផ្តល់ជូនអំណោយជាគ្រឿងឧបភោគ បរិភោគទាំងនេះមករដ្ឋបាលខេត្ត ក្នុងស្ថានភាពដែលប្រទេសកម្ពុជាយើងកំពុងតែ ប្រយុទ្ធប្រឆាំង និងការពារទប់ស្កាត់ជំងឺកូវីដ១៩នេះ។

ក្នុងនាមតំណាងឱ្យរដ្ឋបាលខេត្ត និងខ្លួនលោកផ្ទាល់ សូមប្រសិទ្ធពរជ័យ បវរសួរស្តី ជួបតែសុខសុភមង្គល ទទួលបានជោគជ័យគ្រប់ភារកិច្ច និងមានសុខភាពល្អ សូមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។

សូមបញ្ជាក់ថា សម្ភារៈដែលបានប្រគល់ជូនរដ្ឋបាលខេត្តនាឱកាសនោះរួមមាន ៖ ទឹកបរិសុទ្ធ Cambodia ១០០កេស ទឹកក្រូច៨០កេស និងម៉ាស់០២កេសធំ ស្មើរ៥០០០ម៉ាស់ ដើម្បីរួមចំណែក ជាមួយរដ្ឋបាលខេត្តតាកែវ ៕

អត្ថបទ ៖ វីរៈ

Related Topics:រដ្ឋបាលខេត្តតាកែវ