KPT+
កុំរើសយកអាជីពដែលបំផ្លាញជីវិតអាពាហ៍ពិពាហ៍ដោយមិនដឹងខ្លួន
មនុស្សគ្រប់គ្នាអ្នកណាក៏ដូចអ្នកណា តែងមានមហិច្ឆតាចង់មានអាជីពជោគជ័យក្នុងការផ្គត់ផ្គង់គ្រួសារ។ ប៉ុន្តែជាទូទៅមនុស្សតែងចំណាយពេល ៤០ ទៅ ៦០ ម៉ោងក្នុងមួយសប្ដាហ៍ នៅកន្លែងធ្វើការនិងចំណាយពេលតិចជាមួយគ្រួសារ។
ទាំងនេះគឺជាសញ្ញាមួយចំនួនដែលការងារកំពុងតែបំផ្លាញជីវិតអាពាហ៍ពិពាហ៍របស់ពួកគេ ៖
១. មិនអាចរក្សាតុល្យភាពដៃគូបាន
ពេលខ្លះដៃគូស្នេហាបែរជាចាត់ទុកការងារដូចជាទារកទើបនឹងកើត ដែលត្រូវការពេលវេលា ២៤ ម៉ោងដើម្បីថែរក្សា។ ជារឿងល្អដែលយើងតែងបារម្ភពីការងារ ប៉ុន្តែនៅពេលដែលយើងខំប្រឹងបង្កើតតុល្យភាពជីវិតការងារឲ្យមានសុខភាពល្អជាងដៃគូ នោះអាចនឹងមានបញ្ហា។
ពេលដែលយើងចំណាយលើការងារកាន់តែច្រើន យើងក៏គ្មានពេលវេលាឲ្យគ្នាដែរ។ នេះអាចធ្វើឲ្យប្ដីប្រពន្ធមានអារម្មណ៍ព្រងើយកន្តើយ ឬអាក់អន់ចិត្តជាដើម។ ផ្ដល់អាទិភាពដល់ប្ដីប្រពន្ធ ហើយឲ្យពួកគេដឹងថាយើងទុកគេសំខាន់ជាងអ្វីដែលកំពុងកើតឡើងនៅកន្លែងធ្វើការ។
២. ការសន្ទនាទាក់ទងតែរឿងការងារ
ប្ដីប្រពន្ធមិនមែនជាអ្នកព្យាបាលអាជីពការងារទេ។ ប្រសិនបើយើងមិនមានអ្វីផ្សេងដើម្បីនិយាយជាមួយគ្នាក្រៅពីការងារទេ នោះស្នេហារបស់អ្នកទាំងពីរអាចនឹងឈានទៅរកភាពសោះអង្គើយ។
ជារឿយៗគ្រប់គ្នាមិនបានដឹងថាខ្លួនឯងនិយាយច្រើនប៉ុណ្ណាអំពីការងារទេ ប៉ុន្តែវាអាចជាទម្លាប់ប្រចាំខ្លួនរហូតទៅជាសោះកក្រោះ គ្មានអីនិយាយគ្នាក្រៅពីការងារ។
៣. នាំយកភាពស្ត្រេសពីការងារមកបង្កជម្លោះក្នុងគ្រួសារ
ប្រសិនបើយើងស្ត្រេសពីការងារ ហើយនាំយកមកផ្ទះ នេះអាចធ្វើឲ្យជីវិតអាពាហ៍ពិពាហ៍កាន់តែលែងផ្អែមល្ហែម។ ដូច្នេះបើអាចដកបញ្ហាទាំងនេះបាន គួរដកចេញ កុំបន្ថែមភ្លើងនៅខាងក្រៅចូលមកផ្ទះនាំតែក្ដៅក្រហាយនៃជីវិតគូរបស់អ្នកទាំងពីរតែប៉ុណ្ណោះ។
៤. កាលវិភាគមានតែរឿងការងារ
កាលវិភាគការងារច្រើនជាងគ្រួសារនឹងធ្វើឲ្យយើងឃ្លាតឆ្ងាយពីផ្ទះ និងផ្ដាច់មនោសញ្ចេតនាទំនាក់ទំនងពីប្ដីឬប្រពន្ធ ឥតដឹងខ្លួន។ ចុងសប្ដាហ៍ក៏ការងារ កុំសង្ឃឹមថាមានស្នេហាគង់វង្សនឹងគេឲ្យសោះ។
ភាគីទាំងសងខាងត្រូវតែមានឆន្ទៈក្នុងការបត់បែនតាមកាលវិភាគរៀងខ្លួន ដើម្បីជីវិតគូរលូនទៅមុខ។
៥. ចាប់ផ្ដើមភ្លេចព្រឹត្តិការណ៍សំខាន់ៗក្នុងជីវិតគូ
នៅពេលដែលយើងចាប់ផ្ដើមភ្លេចអំពីកាលបរិច្ឆេទ រឿងសំខាន់ៗដូចជាថ្ងៃកំណើត ការជួបជុំ ក្រុមគ្រួសារ និងថ្ងៃរំលឹកខួបអាពាហ៍ពិពាហ៍ជាដើម។
ការដែលយើងវក់នឹងការងារមិនចេះបែងចែកពេលវេលាឲ្យគ្រួសារខ្លះ នោះអាចបង្កបញ្ហាធ្ងន់ធ្ងរដល់អាពាហ៍ពិពាហ៍ រហូតឈានទៅរកការលែងលះឬផិតក្បត់គ្នា៕
ប្រែសម្រួល៖ សាង ស្រីល័ក្ខ
ប្រភព៖familytoday
ចុចអាន៖តិចនិកបន្ថែមរសជាតិស្នេហា ឲ្យកាន់តែមានន័យទ្វេដងក្នុងគម្លាតឌីជីថល
ចុចអាន៖អ្វីដែលភរិយាគ្រប់គ្នាតែងត្រូវការ តែស្វាមីភ្លេចពីភាពសំខាន់ទាំងនោះ
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៧ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម