កីឡា

លទ្ធផល ៤ គូ ថ្ងៃនេះ ខុសគ្នាស្រឡះពី ៤ គូម្សិលមិញក្នុងព្រឹត្តិការណ៍ World Cup

បានផុស

២ នាទី មុន

នៅ

ថ្ងៃពុធ ១៧ មិថុនា ២០២៦

ដោយ

លទ្ធផលការប្រកួត ៤ គូ នៅវគ្គសន្សំពិន្ទុក្នុងពូលនៃព្រឹត្តិការណ៍បាល់ទាត់ពិភពលោក ថ្ងៃទី១៦ ឈាបចូល ថ្ងៃទី១៧ ខែមិថុនា ឆ្នាំ ២០២៦ ខុសស្រឡះពីការប្រកួត ៤ គូ កាលពីម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវេលាម៉ោង ៣ យប់អាធ្រាត្រ ឈានចូលថ្ងៃទី១៧ ខែមិថុនា ក្រុមមាន់គក បារាំង បានយកឈ្នះ ក្រុម សេណេហ្គាល់ ដោយលទ្ធផល ៣-១។ ៣ គ្រាប់របស់បារាំង រកបានដោយខ្សែប្រយុទ្ធ Kylian Mbappé ២ គ្រាប់គឺនៅនាទី៦៦ និង ៩០+៦ និង១គ្រាប់ទៀតដោយកីឡាករ Bradley Barcola នៅទី៨២ ខណៈ ១ គ្រាប់របស់ សេណេហ្គាល់ដោយកីឡាករ Ibrahim Mbaye នៅនាទី៩០+៥។

ចំណែកការប្រកួតនៅវេលាម៉ោង ៥ ព្រឹក ថ្ងៃទី១៧ ខែមិថុនា ក្រុមជម្រើសជាតិ ន័រវែស បានយកឈ្នះ ក្រុមជម្រើសជាតិ អ៊ីរ៉ាក់ ដោយលទ្ធផល ៤-១។ ៤ គ្រាប់របស់ ន័រវែស រកបានដោយខ្សែប្រយុទ្ធរបស់ Manchester City គឺកីឡាករ Erling Haalnd ២ គ្រាប់ នៅនាទី២៩ និង ៤៣ ខណៈ ២ គ្រាប់ទៀតរកបានដោយកីឡាករ Leo Ostigard នៅនាទី៧៦ និងគ្រាប់បាល់ចូលទីខ្លួនឯងនៅនាទី ៩០+៦ របស់កីឡាករ Aymen Hussein ដែលជាអ្នករកបាន ១ គ្រាប់ឲ្យ អ៊ីរ៉ាក់ នៅនាទី៣៩។ អ៊ីរ៉ាក់ បានក្លាយជាក្រុមអាស៊ីទី១ ចាញ់ក្នុងព្រឹត្តិការណ៍ World Cup ឆ្នាំនេះ។

ចំពោះការប្រកួតនៅវេលាម៉ោង ៨ ព្រឹក ថ្ងៃដដែលនេះ ក្រុមជម្រើសជាតិ អាហ្សង់ទីន បានយកឈ្នះ អាល់ហ្សេរី ដោយលទ្ធផលតដៃមិនរួចគឺ ៣-០។ ៣ គ្រាប់របស់ អាហ្សង់ទីន សុទ្ធតែរកបានដោយប្រធានក្រុម Lionel Messi ដែលជាគ្រាប់បាល់ល្អពោរពេញដោយបច្ចេកទេសនៅនាទី ១៧ ៦០ និង ៧៦។

ពេលនេះ Messi រកបាន ១៦ គ្រាប់ស្ថិតនៅចំណាត់ថ្នាក់លេខ ១ ស្មើលោក Miroslav Klose ដែលរកបាន ១៦ គ្រាប់ដែរ នៅក្នុងប្រវត្តិសាស្ត្រកីឡាកររកបានគ្រាប់បាល់ច្រើនជាងគេបំផុតគ្រប់សម័យកាល World Cup ហើយប្រធានក្រុមអាហ្សង់ទីននៅមានឱកាសច្រើនក្នុងការបំបែកកំណត់ត្រាក្លាយជាកីឡាកររកបានគ្រាប់បាល់ច្រើនជាងគេបំផុត។

សម្រាប់ការប្រកួតវេលាម៉ោង ១១ ព្រឹកថ្ងៃដដែលនេះ ក្រុម អូទ្រីស បានយកឈ្នះក្រុម ហ្សកដានី ដោយលទ្ធផល ៣-១។

លទ្ធផលទាំង ៤ គូនេះដាច់ស្រឡះពីការប្រកួត ៤ គូកាលពីយប់ថ្ងៃទី១៤ ឈានចូលថ្ងៃទី១៥ ខែមិថុនា ដែលស្មើគ្នាទាំង ៤គូគឺ បារាំង ស្មើ កាប់វែរ ០-០, បែលហ្ស៊ិក ស្មើ អេហ្ស៊ិប ១-១, អារ៉ាប៊ីសាអ៊ូឌីត ស្មើ អ៊ុយរូហ្គាយ ១-១ និង អ៊ីរ៉ង់ ស្មើ នូវែលហ្សេឡង់ ២-២។

ស្ថិតិសង្ខេបគិតត្រឹមវេលាម៉ោង ១២ ថ្ងៃត្រង់ ថ្ងៃទី១៧ ខែមិថុនានេះ ការប្រកួតបានដំណើរការចំនួន ២០ ប្រកួត ដែលកើតមានគ្រាប់បាល់ចំនួន និងមានអ្នកទស្សនាផ្ទាល់ចំនួន៕