សេដ្ឋកិច្ច

តម្លៃហាងឆេងមាសក្នុងស្រុកលក់ចេញ ៥០៣ ដុល្លារ មួយជី

បានផុស

១៩ វិនាទី មុន

នៅ

ថ្ងៃសៅរ៍ ២០ មិថុនា ២០២៦

ដោយ

តម្លៃតម្លៃហាងឆេងមាសក្នុងស្រុកលក់ចេញ ៥០៣ ដុល្លារ ក្នុងមួយជី គិតត្រឹមម៉ោង ៩ ព្រឹកថ្ងៃសៅរ៍នេះ ពោលគឺមានទំនោរធ្លាក់ចុះនៅក្នុងសប្ដាហ៍នេះ ដោយសារតែកម្លាំងនៃប្រាក់ដុល្លារ និងគោលនយោបាយគាំទ្ររបស់ធនាគារកណ្ដាលអាមេរិកជុំវិញកិច្ចព្រមព្រៀងសន្តិភាពរវាងទីក្រុងវ៉ាស៊ីនតោន-តេហេរ៉ង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧកញ៉ា ចិន សំណាង ថៅកែហាងពេជ្រ CSNJ យល់ឃើញថា៖ «ប្រៀបធៀបពីថ្ងៃទី ១៨ និងថ្ងៃ ១៩ តម្លៃហាងឆេងមាសបានធ្លាក់ចុះ ៣៧០០ ក្នុងមួយគីឡូ ដោយសារតែគោលនយោបាយរបស់ធនាគារកណ្ដាលរបស់សហរដ្ឋអាមេរិក។

ឧកញ៉ា ចិន សំណាងបន្ថែមថា គោលនយោបាយរបស់លោក Kevin Warsh ខុសពីលោក Jerome Powellដែលគោលនយបាយរបស់គាត់គឺធ្វើឱ្យតម្លៃមាស ងាយស្រួលនឹងឡើង ចំណែកឯ លោក Kevin ដាក់គោលនយោបាយមក គាត់ចង់ឱ្យអតិផរណាចុះនៅត្រឹម ២% ខណៈបច្ចុប្បន្ននៅ ៤% ហើយពេលដែលអតិផរណាចុះដល់ ២% គាត់នឹងដំឡើងអត្រាការប្រាក់។

លោកបន្ថែមថា កត្តាទាំងនេះធ្វើឱ្យប្រាក់ដុល្លារកើនឡើង រុញច្រានឱ្យតម្លៃមាសធ្លាក់ចុះ ហើយថា ប្រសិនបើធនាគារកណ្ដាលដំឡើងអត្រាការប្រាក់ តម្លៃមាសនឹងបន្តតធ្លាក់ចុះទៀត។

លោក ឡុង សំណាង នាយកអភិវឌ្ឍអាជីវកម្មនៃក្រុមហ៊ុន PP Link securities មានប្រសាសន៍ថា តម្លៃហាងឆេងមាសបន្តធ្លាក់ចុះ បន្ទាប់ពីមានព័ត៌មានពាក់ព័ន្ធនឹងអត្រាការប្រាក់របស់ធនាគារកណ្ដាលអាមេរិក ខណៈអាមេរិកបន្តរក្សាការប្រាក់ ៣.៧៥% ដដែល។

លោក ឡុង សំណាង បន្ថែមថា៖ «ការដែលអាមេរិករក្សាអត្រាការប្រាក់ដដែល ដោយសារតែអត្រាការប្រាក់ខ្ពស់ហើយ មិនចាំបាច់ដំឡើងក៏បាន ដុល្លារល្អហើយ មិនបាច់ចាំដំឡើងក៏បានដែរ ស្ថិតក្នុងកាលៈទេសៈនេះ ចំណុចដែករក្សាអត្រការប្រាក់នៅដដែល គឺដុល្លារល្អបាត់ហើយ ខណៈសន្ទុះប្រាក់ដុល្លារខ្លាំង រុញច្រានឱ្យមាសថមថយ»៕

អត្ថបទ៖ ឡេង ដេត

Related Topics:ហាងឆេងមាស