កីឡា

Ishikawa លេខ ១ និង Nishida លេខ ៣ ជាអ្នករកបានពិន្ទុច្រើនបំផុតគ្រប់សម័យកាលក្នុងពាន VNL

បានផុស

៣៦ វិនាទី មុន

នៅ

ថ្ងៃសុក្រ ១០ កក្កដា ២០២៦

ដោយ

កីឡាករបាល់ទះជម្រើសជាតិជប៉ុន Yuki Ishikawa និង Yuji Nishida ស្ថិតក្នុងចំណោមកីឡាករលំដាប់កំពូលទាំង ៣ ដែលរកបានពិន្ទុច្រើនបំផុតគ្រប់សម័យកាលក្នុងព្រឹត្តិការណ៍បាល់ទះពិភពលោក Vollleyball Nations League ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍ប្រកួតកីឡាបាល់ទះពិភលោក Volleyball Nations League បានដំណើរការប្រកួតចំនួន ៨ លើកហើយរាប់ទាំងឆ្នាំ ២០២៦ បន្ទាប់ពីព្រឹត្តិការណ៍នេះបានចាប់ផ្តើមដំបូងនៅឆ្នាំ ២០១៨។ ចំពោះក្រុមបាល់ទះជម្រើសជាតិជប៉ុនតែងតែចូលរួមប្រកួតរហូត ហើយពួកគេធ្លាប់ទទួលបានមេដាយប្រាក់ ១ លើក និងមេដាយសំរិទ្ធ ១ លើក។

បើនិយាយពីកីឡាករវិញ តាមការផ្សាយផ្លូវការរបស Volleyballworld កាលពីថ្ងៃទី១៤ ខែមិថុនា ឆ្នាំ ២០២៦ មានកីឡាករតែ ៣ នាក់ប៉ុណ្ណោះនៅក្នុងពិភពលោកនេះដែលរកបានជាង ១ ពាន់ពិន្ទុពីការប្រកួតគ្រប់សម័យ។ ពិន្ទុទាំងនេះមានការកើនឡើងជាបន្តបន្ទាប់ទៀតដោយសារក្រុមនីមួយៗកំពុងចូលរួមប្រកួត Volleyball Nations League ឆ្នាំ ២០២៦ ដែលនឹងចាប់ផ្តើមសប្តាហ៍ចុងក្រោយនៅចុងខែកកក្កដានេះ។

កីឡាករលំដាប់កំពូលទាំង ៣ គឺ កីឡាករវាយផ្តាច់ស្លាបស្តាំបស់ជប៉ុន Yuki Ishikawa ឈរលំដាប់លេខ ១ ដែលរកបាន ១០៧៣ ពិន្ទុ ហើយកីឡាករហូឡង់ Nimir Abdel-Aziz ស្ថិតនៅលំដាប់លេខ ២ ដែលរកបាន ១,០១២ ពិន្ទុ។

ចំណែកមិត្តរួមជាតិរបស់ Yuki Ishikawa គឺកីឡាករវាយផ្តាច់ស្លាបឆ្វេង Yuji Nishida ស្ថិតនៅលំដាប់លេខ ៣ ដែលរកបាន ១,០១១ ពិន្ទុ។ អ្វីដែលគួរឲ្យចាប់អារម្មណ៍មួយទៀតនោះ Nishida បានបង្កើតស្ថិតិថ្មីមួយទៀតគឺ រកបាន ១០០ពិន្ទុតាមរយៈការវាយសេវាពីការប្រកួតគ្រប់សម័យកាលដែរ។

បច្ចុប្បន្ន ជប៉ុន កំពុងធ្វើបានល្អជាក្រុមមិនទាន់ចាញ់ និងកំពុងឈរលេខ ១ ពីការឈ្នះទាំង ៨ ក្នុងការប្រកួតសន្សំពិន្ទុពីរសប្តាហ៍កន្លងទៅបានកក់កៅអីឡើងវគ្គ ៨ ក្រុមចុងក្រោយ Volleyball Nations League ឆ្នាំ ២០២៦ នេះ។ ការប្រកួតសន្សំពិន្ទុ ៤ លើកចុងក្រោយ ជប៉ុន លេងនៅលើទឹកដីខ្លួន ប៉ះ អ៊ីតាលី ថ្ងៃទី១៥ កក្កដា, ប៉ះ កាណាដា ថ្ងៃទី១៦ កក្កដា, ប៉ះ បែលហ្ស៊ិក ថ្ងៃទី១៧ កក្កដា និងចុងក្រោយប៉ះ អាហ្សង់ទីន ថ្ងៃទី១៩ កក្កដា មុនពេលធ្វើដំណើរទៅប្រទេសចិនដើម្បីប្រកួតវគ្គ ៨ ក្រុមចុងក្រោយ។

កម្លាំងសំខាន់ទាំង ៣ របស់ជប៉ុន គឺ Ishikawa, Nishida និង Takahashi

សូមបញ្ជាក់ថា ការប្រកួតវគ្គ ៨ ក្រុមចុងក្រោយដែលជាវគ្គចាញ់ធ្លាក់ ឈ្នះឡើងគឺ ក្រុមលេខ ១ ប៉ះ ក្រុមលេខ ៨, ក្រុមលេខ ២ ប៉ះ ក្រុមលេខ ៧, ក្រុមលេខ ៣ ប៉ះ ក្រុមលេខ ៦ និង ក្រុមលេខ ៤ ប៉ះ ក្រុមលេខ ៥៕